19 may important update. ~ Bodoinfo.com

आसामाव आरोबाव गोदान सा 11 मानसि नि देहायाव करना मोनदों। सानै काचार नि, सानै गलाघात नि आरो सा 7 गुवाहाति नि। गासैबो कुवारेन्टाइन आव दंमोन। गुवाहातिआव मोननायफोरनि सासे जि एम सि एस आव थैबाय, थैनायनि उनाव सो मिथिदों, सा 3 बेरामि सरुसजाइ कुवारेन्टाइन केम्पनि आरो सा 3 राजकमल हतेल नि आलु गुदाम जों सोमोनदो दंमोन। आसामाव सानसेयावनो सा 15 मानसि नि देहायाव करना मोदों केस , बेनिनो सा 11 मानसि आ आसामनि बाहेरनिफ्राय फैनाय। आसामनि सावस्रि बिफााननि मन्थ्रिआ बुंदों मानसिफोरा ज’ ज’ फैयोब्ला कुवारेन्टाइन केम्प आ आबुं जागोन, आरो आबुं जायोब्ला गोबां गिथावना जानो हागौ, बेखायनो सोरबाफोर खामानि मावो मोनदोंब्ला साननैसो उनाव फैयोब्ला मोजां जायो।

आमेरिका नि भेकसिन : मदार्ना मुंनि मोनसे कम्पानि आ दिहुननाय mRNA-1273 भेकसिन नि गिबि नायबिजिरनाया जाबाय, मोजां फिथाय मोनदों होनना बुंदों। गासै 45 बेरामि नि देहायाव सोना नायदोंमोन। नैथि आरो थामथि नायबिजिरनाय जाबावगोन, बे खननाेै य़ाव गोबां मानसि नि देहायाव सोना नायगोन दंबावो।

आसामनि आबाद बिफाननि मन्थ्रि अतुल बराया बुंदों, पि एम किसाननि रांखौ जायफोरा मोनदों बिसोरखौ फैसा सोना होनायनि सिगां खनसे नायफिननाय जागोन, जाहाथे रावबो नंखाय मानसिया आबादारि नि रांखौ खावना जानो हाया। बेनि थाखाय सोरखारि खामानि मावग्राफोरखौ नायनो थाखाय खावलायखाबाय।

गोबां मानसियानो सोङो आसामनि बाहेराव थानायफोरनो माब्ला रेल होगोन ? बेनि फिननायखौ आसाम सोरकार आरो नों दा थानाय हादरसा नि सोरखारा सो मिथिगोन। हायोब्ला नों खनसे गाव थानाय जायगानि खाथिनि पुलिस थानायाव थांनानै खबर लाहैथां। सासे मानसिया खाथिनि पुलिस थानायाव थांनानै इ पास लानानायनि गेजेरजों रेल मोननो हादों होनना बुंदों। बिथाङा बुंनाय बायदिब्ला इ पास लायोब्ला उनाव बिसोर फन खालामनानै लिंहरो। बास जों रेल स्तेसन सिम लाना थाङो आरो बेयावनो तिकेतखौ होयो, तिकेत नि बेसेन लाया।