दिनै 28 जुलाइ 2025 समबार साननि दासिमनि मोननैसो गोनां खौरांफोरजों दिनैनि सानखौ नोंथांमोना जागायदो।
1. Indo-Tibetan Border Police
Football Team (ITBP FT) या क'कराझारनि साइ स्टेडियामाव
गेलेजानाय 134थि इन्डियान अइल डुरान्ड कापनि हान्जा-D नि गिबि गेलेनायाव कार्बि आंलं
मर्निं स्टार एफसिखौ 2-1 जों फेजेनो।
लुनमिनलेन हाओकिपआ कार्बी आंलं
मर्निंग स्टार एफसीनि थाखाय गिबि गलखौ सोदोंमोन, नाथाय पुलुंग दैमारि आरो हेमराज
भुजेलनि गलफोरा पेरामिलिटारी हानजानि फारसे फिथाइखौ सोलायहोदोंमोन,
जायजों बिथांमोनहा गोनांथार 3 पइन्टस मोननो
हादोंमोन।
बिनि सिगाङाव बे गिदिर बेखेवनाय
हाबाफारियाव भारतनि जोलुर गेलेगिरि सुनिल छेत्री, बिटिआरनि सिइएम प्रमद बर', भुटाननि
बारग' गाहाय मन्थ्रि ड: लताइ त्सेरिं, केबिनेट मन्थ्रि उर्खाव गोरा ब्रह्म आरो एम.
पि. जयन्त बसुमतारी बिथांमोना बाहागो लादोंमोन।
बेखेवनाय हाबाफारियाव ओनसोलारि
थागिबि हान्जाफोरजों समायना हारिमुआरि दिन्थिफुंनाय आरो भारतारि रौनिया हानजानि जवानफोरनि
जर'खा दिन्थिफुंनायफोरखौ दिन्थिफुंनाय जादोंमोन।
क'कराझारा मोनद' ग्रुप डि नि मेसनि गेलेनाय बादायलायनायखौ खुंगोन, जेराव बड'लेन्ड एफसि, कार्बि आंलं मर्निं स्टार एफ.सि., पान्जाब एफ.सि. आरो आइ.टि.बि.पि.
एफ.टि. आ गोजौ मासिनि थाखाय बादायलायगोन।
मखजाथावदि सुनिल छेत्री बिथाङा ककराझाराव फुतबलनि फारसे गोसो गुदुं
सुबुंफोरखौ नुनानै गोजोननाय मोननायखौ फोरमायो
साइ स्टेडियाम, क'कराझार हादोरनि साबसिनफोरनि गेजेराव मोनसे बुंनानै
छेत्रीआ सानसे समाव बेवहाय फैनानै गेलेनो गोसो जानायखौ फोरमायो।
बिथाङा बे समायना गेलेमुनि फारसे
ओनसोलनि मोजां मोन्नायखौ बाख्नायनानै गोबां आरो गोसो गुदुं सुबुंफोरखौ नुनानै गावनि
गोजोननायखौ फोरमायदोंमोन।
2. महारास्त्र सोरखारा आइजोफोरनि थाखाय मोनसे बिथांखि बेखेवदोंमोन, बेखौ जागायजेन्नायनि बोसोरसेनि गेजेरावनो महाराष्ट्रनि लादलि-बहेना बिथांखियाव गोबाङैनो जाख्ल'नाय जादोंनि गिदिर अजद। बेखौ दाय होनाय जादों दि 14,000 नि बांसिन हौवाफोरा आयजोफोरनो होनाय अनसुंथाइखौ मोननो हादों होनना!
बेल' नङा, रोंग'थि गैयै जानायनि उनावबो खमैबो 26 लाखआ
दानफोरनि उनाव दान बान्था मोननो हादों। गासै एन.सि.पि. नि एम.पि. सुप्रिया सुलेआ
बे गिदिर अनागारिनि सायाव सि.बि.आइ. नायबिजिरनो दाबि खालामदों।
बिधानसभा
बिसायख'थिनि एसे सिगां महाजुति गोरोबथाया महाराष्ट्रआव 'माझी लादलि-बहेना बिथांखि
जागायदोंमोन। बेखौ फोसावनाय जादोंमोन दि 21 निफ्राय 65 बोसोर बैसोनि आइजोफोरनो
दानफ्रोमबो 1,500 रां होनाय जागोन। बे बिथांखिखौ थांनाय बोसोरनि जुनाव जागायनाय
जादोंमोन।
नाथाय बावैसो
आइजो आरो खुदिया अनसाइ बिफाननि मोनसे अडिटआव मोननाय जादों दि 14,298 हौवाफोरा लादलि-बहेना
बिथांखिनि रां मोनदोंमोन।
गासै 21.44 कौटि रां मोनदोंमोन।
बेखौ मिथिनो
मोननाय जादों दि बिसोरनि गेजेराव 14,000 नि बांसिनानो आरजलाइ पर्टेलाव आइजो
महरै रेबथुमदोंमोन। जेब्ला बे बाथ्राया सोराङाव फैयो, अब्ला महाराष्ट्रनि लेङाइ
गिबि मन्थ्रि अजित पवारआ बुङो, "बे बिथांखिखौ गोरिब आइजोफोरखौ हेफाजाब होनो थाखाय जागायनाय
जादों। हौवाफोरा जेबो मुलाम्फा मोननाय नङा।
बिसोरो गावसोर
मोन्नाय रांखौ हरफिन्नांगोन। "
हौवाफोरल' नङा, 26 लाख आरोबाव आइजोफोरा आयेन बेरेखायै लादलि-बहेना
बिथांखिनि मुलाम्फाफोरखौ लादों। बिसोरनि गेजेराव गोबाङानो बे बिथांखिनि थाखाय एखे
नख'रावनो थामथि आइजोफोर महरै आरजलाइ होदोंमोन। 65 बोसोरनि उनावबो बे
बिथांखिनिफ्राय मोनसे थाखोनि सुबुंफोरा रां मोनदों। बांसिन नख'रारि आय गोनां
आइजोफोराबो बे बिथांखिनि थाखाय रेबथुमदोंमोन होननाबो अजद।
3. सनिबाराव (जायगायारि सम बादियै) आमेरिकायाव थानाय डेनभार गेजेर हायुंआरि बिरखं गाथोनाव मोनसे जाब्रबथायनिफ्राय गंसे बिरखंआ बारग'दोंमोन। मियामीनि थाखाय आमेरिकान एयारलाइन्सनि गंसे बिरखंखौ बिरनायनि सिगां लेन्दिं गियार गोरोन्थिनि थाखाय सोलायनो गोनां जादोंमोन। बे समाव रानवेआव बिरखंनिफ्राय अर आरो गोसोम धुवा ओंखारनाय नुनो मोन्दोंमोन।
सा केर'लिनासिम
थांनाय बइंग 737 मैक्स 8 फ्लाइटआव थानाय 173 दावबायारिफोर आरो सा द' क्रु
मेम्बारफोरखौ गोख्रैनो रैखाथि गोनां जायगायाव लांनाय जादोंमोन।
मिथिनो मोननाय
बायदिब्ला बेयो 2.45 रिंगायाव सोआव जादोंमोन, पाइलटफोरा लेन्दिं गियाराव बे
जेंनाखौ नुदोंमोन जेब्ला बिरखंआ रानवेआव गोख्रैथिजों खारगासिनो दंमोन।
सि.एन.एन.आ
फोरमायदोंमोन दि दावबायनायनि सिगां टायारजों सोमोन्दोआव जेंनाया नुजादोंमोन।
जेब्ला बिरखंनिफ्राय धुवा ओंखारनो
हमदोंमोन अब्ला गिनाय सोमजिदोंमोन आरो हान्जानि सोद्रोमाफोरा बिरखंखौ हरखाब
जाब्रबथायाव दावबायारिफोरखौ रैखाथि गोनां जायगायाव लांनायनि राहा खालामदोंमोन।
गासैबो
जाथायनि भिडिअ'आ उनाव ससियेल मेडियायाव
गोसारदोंमोन। भिडिअ'आव नुनो मोननाय जादों दि बिरखंआ अर आरो गोसोम धुवाजों बेंखन
जानाय, मानोना दावबायारिफोरा इमारजेन्सि सुटनिफ्राय गाहायाव ओंखारगासिनो दंमोन।
डेनवर अर खोमोरग्रा हानजा आरो बिरखं गाथोननि रैखाथि हानजाफोरा जाथाय जायगायाव
सौहैदोंमोन।
बिरखं गाथोननि
बिबानगिरिफोरजों फोसावजानाय मोनसे बिबुंथिनि बायदिब्ला, बे जाथाया बै समाव जादोंमोन जेब्ला बिरखंआ
रानवेआव दंमोन ।
4. जायगाखौ खालि खालामनो थाखाय उरियामघाटखौ दखल खालामग्राफोरनिसिम माइकनि गेजेरजों जोबथा बिथोन । जोबनायाव बेयो फ्राय रोखा दि गोजौ आसामाव दखल खालामग्राफोरनि मिरु उरियामघाटखौ होखारनाया फ्राय रोखा। सरुपथार बियाबनि एमएलए बिस्वजित फुकननि मोनसे जर'खा फेसबुक पस्टआ सुक्रबारखालि रायजोनि गिबि मन्थ्रि ड० हिमन्त बिस्व शर्माया उरियामघाट सिमायाव दखल खालामजानाय हाखौ नायगिदिंनायनि उनावनो होखारनाय साननि इसारा होदोंमोन।
उरियामघाटनि दखल
खालामग्राफोरनो माइकनि गेजेरजों जायगाखौ खालि खालामनो जोबथा बिथोन होनाय जादोंमोन
। हाग्रा बिफाना उरियामघाटआव आबुं एक्सन मोडआव दं । हाग्रा बिफाना गामि-गामि
थांनानै माइकनि गेजेरजों दखल खालामग्राफोरखौ नोजोर होयो । गिबि मन्थ्रिनि हाबाफारि
थावनियाव दावबायनायनि उनाव 29 जुलाइआव होखारनाय जानो हागौ । खुंथाया सनिबारनि
मोनाबिलियाव उरियामघाटआव दखल खालामजानाय हायाव थाग्रा सुबुंफोरनो खौरां होनो
माइकनि गेजेरजों न'फोरखौ बोखारनो फोसावदोंमोन ।
बेदखल
खालामग्राफोरनो फोसाव बिलाय हरखाबाय । थाग्रा खुलिखौ खालि खालामनो आरो ओनसोलखौ
नागारनो थाखाय स्नि साननि सम थि खालामनाय जादोंमोन । नटिस मोननायनि उनावनो 70
जौखोन्दोसो सुबुंफोरा बे जायगाखौ नागारदोंमोन । बबेखानि गोबां सुबुंफोरा दासिमबो
दखल खालामजानाय हायाव दं ।
बेखौ नोजोर होनो
गोनां दि "29 जुलाइ, 2025 मायथाइया खरुपथारनि थाखाय मोनसे गोनांथार आरो
जारिमिनारि सान जानानै थागोन। मानगोनां गिबि मन्थ्रि बादिियाखौ साबायखर
बाउनानै" एम.एल.ए. बिस्वजित फुकनआ ससियेल मेडियायाव मोनसे पस्ट
खालामखाबायमोन। एम.एल.ए. आ गिबि मन्थ्रि उरियामघाटनिफ्राय ओंखारनायनि
उनावनो बेखौ होदोंमोन।
बिथांनि पस्टनिफ्रायनो सुबुंफोरा फ्राय
रोखा दि बिथांमोना 29 जुलाइआव
उरियामघाटनि रेंगमा हाग्रा ओनसोलाव होखार हरनाय हाबाफारि लानाय जागोन। गुबुन गुबुन दोलो आरो आफादफोराबो बे बिथिङाव
गाव-गावनि बिबुंथि फोरमायदों। दायो नेनाया 29 जुलाइखौल'।
5. हरिद्वारआव मा मनसा देवीनि थानसालियाव खारखाव खारसिनि जाथाय जादोंमोन। रबिबारखालि फुंनि 8.50 रिंगायाव जानाय जाथायनि समाव गोबां सिबियारिफोरा थानसालिनि सोरगिदिं दंमोन। नुगिरिफोरा बुंदोंमोन दि सावन दान सोलिबाय थानाय समाव गोबां सिबियारिफोरा थानसालिनि सोरगिदिं ज' जादोंमोन।
बे दुखुनांथाव
जाथायाव दासिम सा द' सुबुंनि जिउ खहा जानायनि खौरां मोननाय जादों जेराव गोबाङानो
जोखोम जादों । जोखोम जानायफोरखौ हरिद्वार जिल्ला देहा फाहामसालियाव थिसननाय जादों
। हरिद्वारनि डि.एम. मयूर दीक्षित आरो गोजौ थाखोनि पुलिस सामलायगिरि प्रमोद दबालआ
देहा फाहामसालियाव जोखोम जानायफोरखौ नायगिदिङो आरो थासारिनि खौरां लायो।
मख'नो गोनां दि सनिबार आरो रबिबारआ बन्द' जानायलाय सिबियारिफोरा थानसालियाव
थांदोंमोन। बेराफारसेथिं, कावर मेला जोबखांनायनि उनावबो गोबां
कांवरियाफोरा देवीखौ नायनो थानसालियाव सौहैदोंमोन। थानसालिनि गाहाय सिरिनि
साखाथियाव गोबां सुबुं थुबुर जानायनि जाहोनाव सिबियारिफोरनि गेजेराव
दावराव-दावसिबो जादोंमोन।
गुबुन फारसेथिं, कनवर मेला जोबखांनायनि उनावबो गोबां
कांवरियाफोरा देवीखौ नायनो थानसालियाव सौहैदोंमोन। बेखौ मिथिनो मोननाय जायो दि थानसालिनि गाहाय सिरिफोराव होंगो-दोंगो बांनायनि
जाहोनाव सिबियारिफोरनि गेजेराव दावराव-दावसि जादोंमोन। जायनि जाहोनाव गोबां
सिबियारिफोरा सिरियाव गोग्लैयो आरो सानथावै जाथायफोराबो जायो।
सिरिफोराव
होंगो-दोंगो जागायजेन्दोंमोन।
मोब्लिब
बोगथाबनायनि बांसावनायनि जाहोनाव खारखुमानाय जाथाय
गोजौ थाखोनि
पुलिस मावख'गिरि डबालआ बुंदों, "लामायाव मोब्लिबारि
खारथायनि खौरां मोन्नानै थानसालियाव थानाय सिबियारिफोरनि गेजेराव दावराव-दावसि जादोंमोन।
गासै सा 35 जोखोम जानायफोरखौ देहा फाहामसालियाव लाबोनाय जादोंमोन। बिसोरनि गेजेराव सा द'आ थैबाय आरो गुबुन सासेआ
फाहामथाय लागासिनो दं। ''
6. गिर्जानि सोरगिदिं जेरै-मेरै गुलि गावनायनि जाथाय जादोंमोन। बे जाथायाव खमैबो सा 43 सुबुंफोरा जिउ गोमाबाय। गाग्लोबनाया रबिबारनि बेलासिनि 1 रिंगासोआव सानजा कंग'आव जादोंमोन।
इस्लामिक
स्टेटजों मदद होजानाय मोनसे उदखारि हानजा ए.डी.एफ.खौ गाहायै बे गाग्लोबनायाव आखाइ
दं होनना बुंनाय जायो।
रबिबारखालि
बेलासिनि 1 रिंगासोआव कंग'नि कामान्डायाव मोनसे गिर्जानि सिङाव जेरै-मेरै गुलि
गावनाय जादोंमोन। गोबां न'फोरावबो अर सावनाय जादोंमोन। बे गाग्लोबनायाव सा 43
सुबुंफोरा जिउ गोमादोंमोन।
बे गाग्लोबनायाव
उदखारि हानजा दि एलाइड डेम'क्रेटिक फ्रन्ट (ए.डी.एफ.) नि आखाइ दं होनना बुंनाय
जायो। बेखौ गोसोआव लाखिनो गोनां दि 'ए.डी.एफ.'आ 'इस्लामिक स्टेट'जों जयै खामानि
मावो।
बे हान्जाया
युगांडा आरो कंग'नि सिमा ओनसोलफोराव सांग्रां। बे हान्जानि सायाव नेमबादियै
नोगोरारिफोरखौ गाग्लोबनायनि दाय होनाय जादों। कंग' सोरखारनि रौनिया हानजाया गोबाव
समनिफ्रायनो ए.डी.एफ.नि हेंथायै नांबोगासिनो दं।
जाथायनि उनाव,
जायगानि थागिरिफोरा रौनियाफोरखौ हेंथा होनो खावलायदोंमोन।
7. उनाव फ्रि जानाय नङा नामा ईउपिआइ त्रेन्जेक्सना। भारतीय रिजर्व बैंक नि गवर्नर संजय मल्होत्रा बिथाङा शुक्रवाराव डिजिटल पेमेंट्स खौ बाहायनायनि सायाव यूनिफाइड पेमेंट्स इंटरफेस गुसुङै यूपीपीआई नि जौगानायखौ बाख्नायनानै बुंदों, जुदिउबा बे दिजितेल लेन्देनखौ गोरलै खालामदों, बेनि सासतेइनिबिलितिखौ थि खालामनो थाखाय सार्भिस तेक्स होनाया गोनां होनना बुङो। मुम्बाइआव मोनसे जथुम्मायाव बिथाङा बुंदोंमोन दि गिदिर फालांगियारिफोरनि इउ.पि.आइ. ट्रेन्जेकसनफोराव जाथावना दायफोरनि बागै सानखांनायनि गोनांथि दं।
बेखौ गोसोआव
लाखिनो गोनां दि इउ.पि.आइ. ट्रेन्जेकसनफोरा आथिखालाव बेसेन नाङि, आरो बेंक आरो गुबुन बाहागोआरिफोरनि थाखाय बेनि
खरसाखौ मिरु सोरखारा होयो। मल्होत्राया बुङो दि सोरखारा बेसेनखौ सहायगासिनो
दंब्लाबो, मोनसे गोजोर
मडेलनि थाखाय सासेआ जयै एबा बाहायगिरिनि बिहोमानि गेजेरजों खरसाखौ होनांगोन।
इउ.पि.आइ.नि जाफुंसारनायखौ नोजोर होनानै बिथाङा बुंदोंमोन दि बेयो सोरखारनि मददनि
थाखाय मोजां फिथाय होदों, नाथाय बेनि सामलायनायनि थाखाय इयुननि राङारि मददनि
राहाफोरखौबो साननांगौ होनना बुंदोंमोन।
बे समावनो,
इउ.पि.आइ. ट्रेन्जेकसनफोराव 1% निफ्राय 3% मर्चेन्ट डिस्काउन्ट रेट
(एम.डी.आर.) खौ फिन जागायफिननाय जागोन
होनना सानखांनायनि गेजेराव, मिरु रांखान्थि मन्थ्रि बिफाना 11 जुनआव बेफोरबायदि
फोरमायथिफोरखौ आबुङै नंखाय, बिथा गैयै आरो नंखाय होनना
नेवसिगारदोंमोन। मन्थ्रि बिफाना इउ.पि.आइ.नि गेजेरजों डिजिटेल रां होनायखौ बांहोनो
गावनि रादाइखौ फिन खेबसे बुंफिनदोंमोन आरो बाहायगिरिफोरनि गेजेराव गोनो गोथो
सोमजिहोनो हागौ होनना दाबि खालामनायखौ नेवसिगारदोंमोन। मल्होत्राया खोथा होदोंमोन
दि आर.बि.आइ.आ हादोरनि थाखाय मोनसे रैखाथिगोनां, आखा-फाखा आरो गोख्रों रां होनाय खान्थि लाखिनो
थाखाय रादाय होनाय।
बेखौ
गोसोखांहोनो हायोदि जुलाई 2023 मायथाइयाव विशाखापत्तनमआव सासे नीट आनजाद
होगिरिनि गावखौ फोथैनायनि मोनसे जाथाय जादोंमोन। बेनि उनाव मोनसे केस रेजिस्टार
खालामनाय जादोंमोन। बिजिरगिरि बिक्रम नाथ आरो सन्दीप मेहतानि मोनसे बेन्सआ केसनि
खोनासंनाय समाव बे बिथोनखौ होदोंमोन। गोजौसिन बिजिरसालिया गासैबो रोखोमनि
सोलोंथायारि फसंथानफोर आरो ह'स्टेलफोरनि थांखिजों बोसोन खान्थिफोरखौ गोनांथार
खालामदों।
क.
साफ्रोम फरायसाफोरनि गोसोआरि सावस्रिनि काउन्सिलिंनि राहा मोनफ्रोमबो
सोलोंथायारि फसंथानफोराव खालामनांगोन। बेबायदिनो, फरायसानि मोनफ्रोमबो अजदखौ
सोलोंथाइ फसंथाननि बिबानगिरिफोरा गनायना लानांगौ आरो बेखौ सुस्रांनायनि राहा
खालामनांगौ।
ख.
सोलोंथायारि फसंथानफोरा फरायसाफोरनो गुबुन गुबुन बिथिंफोराव बोसोन होनो थाखाय
बोसोनगिरि थिसननांगोन। बिसोरो फरायसाफोरखौ आनजाद आरो फरायफारिजों सोमोन्दो गोनां
आयदाफोराव मदद होगोन।
ग.
बिजिरसालिया 100 नि बांसिन फरायसाफोर थानाय सोलोंथायारि फसंथानफोराव सासे
गोसोबिगियानारि आरो काउन्सिलर थिसननोबो बिथोन होदों।
घ.
बिजिरसालिया सोलोंथायारि फसंथानफोरनि मावफारियाफोरनि गोसोआरि आनजादखौबो नोजोर
होदोंमोन। बिथांमोनखौ बोसोराव खेबनै गोसोआरि सावस्रि आनजाद नायनो बिथोन होनाय
जादों।
ङ.
गोजौसिन बिजिरसालिया ह'स्टेलाव गावखौ फोथैनाय जाथायफोरखौ होबथानो थाखाय
हेल्पलाइन नम्बर लाबोनो बिथोन होदों। बे हेल्पलाइन नम्बरखौ ह'स्टेल,
थाखो खथा, सरासनस्रा जायगा आरो वेबसाइटफोराव मोनहोनो बिथोन होनाय जादों।
च.
गोजौसिन बिजिरसालिया ह'स्टेलाव टेम्पार-प्रुफ सीलिंग फेम फज'नो बिथोन होदों।
ह'स्टेलनि गोजौसिम सौहैनायखौ होबथानोबो बिथोन होनाय जादों।
छ.
गोजौसिन बिजिरसालिया बिथोन होदों दि गासैबो गोनां फोरमायथिफोरखौ वेबसाइटाव
मोनहोनांगौ।
ज.
बेनि अनगायैबो, फसंथानफोरा बेखौ थि खालामनांगोन दि मावफारियाफोरा लोरबां आरो गोग्लैसोनाय हारिनि
फरायसाफोरजों नासयजायै सोमोन्दो लाखियो।
झ. फसंथानफोरा आथोनारि गाग्लोबनाय, रेगिं आरो गुबुन अजदफोरजों सोमोन्दो थानाय अजदफोरखौ सामलायनो आरो फरायसाफोरनो गोसो-समाजारि हेफाजाब होनो थाखाय इसिङारि कमितिफोर एबा बिबानगिरिफोर दानांगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon