दिनै 30 जुलाइ 2025 बुधबार साननि दासिमनि मोननैसो गोनां खौरांफोरजों दिनैनि सानखौ नोंथांमोना जागायदो।
फरायसालिफोरनि
गोलोम बोथोरनि बन्द'आ 31 जुलाइआव जोबगोन। फरायसालिफोरा 1
आगस्तनिफ्राय थाखोखौ जागायफिनगोन। कामरुप नोगोरमानि सोरखारि, सोरखारि नङि गासैबो फरायसालिफोरा
1 आगस्तनिफ्राय फुंनि 7.30 रिंगायाव गासैबो थाखोनि थाखाय फोरोंनाय जागायगोन। बोथोरखौ
नोजोर होनानै 1 आगस्तनिफ्राय गुवाहाटीनि सोलोंथाइ फसंथानफोराव बे बिथोनआ बाहाय जागोन।
बबेखानि सुटिनि
बेलायाव थाखो बायदियै फारागथि थागोन। 1 आगस्तनिफ्राय गुदि फरायसालिफोराव थाखोफोरा
फुंनि 7.30 रिंगानिफ्राय 11.30 रिंगासिम, गेजेर इंराजि फरायसालिफोराव फोरोंनाया फुंनि 7.30
रिंगानिफ्राय सानजौफुनि 12 रिंगासिम आरो गोजौसिन गेजेर फरायसालिफोरा फुंनि 7.30
रिंगानिफ्राय बेलासिनि 1 रिंगासिम जागोन।
2. मोनसे मोजां खौरां, गोबां सान नेनायनि उनाव पिएम किसाननि रांखौ मोनसिगोन। खौरां मोननाय बादिब्ला पिएम किसाननि 20 थि इन्सतलमेन्तनि रांखौ फैगो 2 आगस्त सनिबाराव मोनगोन। अफिसियेल पिएम किसान सनमान निधि नि एक्स एकाउन्त आव बेखौ होदों होनना मिथिना मोनदों। भारतनि गाहाय मन्थ्रि नरेन्द्र मोदि बिथाङा उत्तरप्रदेसनि भारानसि आव मोनसे हाबाफारिनि गेजेरजों बेखौ बेखेवना होगोन। गासै 9.7 कौति आबादारिफोरा 2 रोजा रांखौ मोनगोन। मखजाथावदि पिएम किसान सनमान निधिनि गेजेरजों बोसोराव आबादारिफोरनो 6 रोजा रां होयो मोन 3 किस्ति आव। 4 दान 4 दान नि उनाव 2 रोजा 2 रोजा रां सोना होयो आधार लिंक थानाय एकाउन्त आव, बे बोसोरनि नैथि किस्तिखौ जुन दानावनो मोननो गोनांमोन, नाथाय जुन आरो जुलाइ आव बो होआखैमोन, दा खौरां मोननाय बादिब्ला 2 आगस्त आव होसिगोन।
3. सासे असमिया फावखुंग्रि नन्दिनी कश्यपा जेंनायाव गोग्लैबाय। गावनि गारिखौ गोसा सालायनानै सासे सुबुंखौ सौग्रावनायनि उनाव बे सुबुंनि जिउ गोमायो होनना खौरां मोनदों। गोब्राबै जोखोम जानाय शामिउल हकआ मंगलबारनि सानजौफुआव सोहोरनि गंसे सोरखारि नङि देहा फाहामसालियाव जोबथा हां बोयो। बे बाथ्राखौ देहा फाहामसालिनि बिबानगिरि आरो शामिउलनि बिमा-बिफाया रोखा खालामदोंमोन। 25 जुलाइनि हर गेजेराव काहिलीपारायाव नन्दिनीनि गारिजों सौग्रावजानायनि उनाव सेंग्राया गोब्राबै जोखोम जादोंमोन।
जाब्रबथायनि
उनाव गोब्राबै जोखोम जानाय शामिउलखौ थाबैनो गौहाटी मेडिकेल कलेजआव लांनाय जादोंमोन
। उनाव सेंग्राखौ साबसिन फाहामथायनि थाखाय समबाराव नोगोरमानि गंसे सोरखारि नङि
देहा फाहामसालियाव थिसननाय जादोंमोन । शमीउलनि नखरनि सोद्रोमाफोरा बुंदोंमोन दि
जाब्रबथायाव सेंग्राया खर' आरो बिखायाव दुखु मोन्दोंमोन आरो बिथांनि मोन्नैबो आथिंआ
बायदोंमोन ।
अजद बादियैब्ला, सोहोरनि
काहिलिपारानि दखिनगामियाव घन्टासेआव 100-120 किल'मिटार गोख्रैथिजों सालायनाय गावनि
गारिजों 21 बोसोर बैसोनि शामिउल हक मुंनि सासे सुबुंखौ सौग्रावदोंमोन। नाथाय बियो
गारिखौ लाखियालासै बिदिनो सालायलाङो, उनाव बेखौ नुनायफोरा होसो होसो हमदोंमोन
बिखौ। बे समावनो, दिस्पुर पुलिसा मैया नन्दिनी कश्यपनि बलेर'
गारिखौ जब्द' खालामदोंमोन लोगोसेनो फावखुंग्रिखौबो पुलिसफोरा हमो होनना मिथिना
मोनो। नन्दिनीखौ पुलिसा शराइघाट दालांनि साखाथियाव हमदोंमोन। फावखुंग्रिया साननैसो
सिगां रिलिज जानाय रुद्र मुंनि सावथुनाव फाव खालामदोंमोन, लोगोसे दा राजधानि
थियेतारजोंबो 2 बोसोरनि सुक्ति खालामदोंमोन। नाथाय मिथिना मोननाय बादिब्ला दा राजधानी थिएटरआ नन्दिनी काश्यपजों रादायखौ बोखारबाय।
2,000 नि बांसिन
आसाम पुलिस जवानफोर आरो सा 500 सो फरेस्ट गार्डफोरा उरियामघाटआव थांदोंमोन। 100 नि
बांसिन एस्केभेतरफोरखौ थियारि खालामनाय जादोंमोन।
बेखौ मिथिनो
मोननाय जादों दि खुंथायनि बुलदजारफोरा आसाम-नागालेन्ड सिमायाव थानाय रेंगमा हाग्रा
ओनसोलाव सनदेह' गोनां नोगोरारिफोरजों गायसनजानाय गं 12 गामिफोरनि गं
2,648 न'फोराव
बाहायजागोन।
मैया
मंगलबारखालि गलाघाट जिल्लानि रेंगमा रिजार्भ फरेस्ट ओनसोलनि सिङाव थानाय
उरियामघाटनि बिद्यापुर हाथाइयाव मोनसे गिदिर होखारनाय हाबाफारि लानाय जादोंमोन ।
बे खामानिखौ आसामनि हाग्रा बिफाननि दैदेन्नायाव आरो नागालेन्ड सोरखार आरो
नागालेन्ड पुलिसनि खाथि गोरोबलायनायाव गलाघाट जिल्ला खुंथाइ आरो गलाघाट पुलिसनि
गोख्रों मददजों जाफुंसार महरै खालामनाय जादोंमोन ।
फ्राय 4.2
हेक्टेयर हाग्र ओनसोलाव गोसारनाय फ्राय 120 आयेन बेरेखा फालांगियारि फसंथानफोरखौ
सिफायनाय जादोंमोन । बे आगानआ दखल खालामजानाय थिखानाय हाग्रा हाखौ मोनफिन्नो आरो
आबहावा रैखाथिनि फारसे सोरखारनि बिबानखौ गोख्रों खालामनो मोनसे खौसेयै नाजानायनि
बाहागोमोन ।
बे फोसावनायाव
गोबां अनजिमानि जुन्थियारि, हाग्रा मावफारियाफोर आरो खुंथायारि मावख'गिरिफोरखौ थिसननाय
जादोंमोन। बे अपारेसनखौ जर'खा गाहाय
नेहाथारि एम के यादबनि दैदेन्नायाव आरो आसामनि गाहाय हाग्रामा संरैखागिरि, गलाघाटनि
जिल्ला कमिसनार, गलाघाटनि गागि पुलिस सामलायगिरि आरो उफ्रा जिल्ला मावख'गिरि आरो
मावफुं मेजिस्ट्रेटजों लोगोसे गुबुन गागि
मावख'गिरिफोरनि हेफाजाबाव खालामनाय जादोंमोन।
खुंथाया
अपारेसनखौ गोजोनै मावफुंनो थाखाय पुलिस आरो सीआरपीएफ जवानफोरखौ थिसनदोंमोन ।
रायखांनो गोनां
दि उरियामघाटनि सिमायाव 11,000 फ्राम बिघा हायाव होखारनाय
हाबाफारिया मंगलबारनिफ्राय जागायबाय।
5. मुलुगनि नैथि बयनिख्रुइबो देरसिन रांखान्थि हादोर चीनआव जोनोम हारआ जाफेरै गाहायाव फैदों। बेनि फिथाय महरै, चीननि लाइमोन सुबुं सम्फदफोरा जोबलांनो हमदों। बेनिखायनो चीनआ दा बै जराफोरनि थाखाय रांखान्थियारि मदद फोसावदों जायफोरा साथाम गथ'फोर जोनोम होयो।
चीन सोरखारा
फोसावदोंमोन दि साथाम गथ' जोनोम होग्रा जराफोरनो साफ्रोम गथ'फोरनि थाखाय 500
डलारनि बोसोरारि अनसुंथाइ होगोन। बे अनसुंथाइखौ साथाम गथ'फोरनि थाखाय $1500 सिम
लानो हायो।
चीनआव जोनोम
हारनि बांनायनि फारसे नोजोर होनानै समबाराव बे खान्थिखौ फोसावनाय जादोंमोन।
रायजोआरि खौरां बिजोंनि बायदिब्ला, चीननि खान्थिया फ्राय 20 मिलियन नखरफोरखौ
गथ'फोरखौ फेदेरनायाव मदद होगोन।
चीनआ जोनोमनि
हार बांनायनि जाहोनाव फ्राय जि बोसोर सिगां सासेल गथ' जोनोम होनायनि खान्थिखौ
फोजोबदोंमोन। बिनि उनावबो जोनोमनि हारआ गाहायाव फैबाय थादों।
6. झारखन्डआव मोनसे गिख्रंथाव लामा जाब्रबथायाव सा जिदाइन बल ब'म दावबायारिफोर (कानवारिया) थैदों। बे सुबुंफोरा शावन दाननि फालिथायाव झारखन्डनि बाबा बैद्यनाथ धामाव सोलिबाय थानाय कानवड़ यात्रायाव बाहागो लादोंमोन।
मिथिनो मोननाय
बायदिब्ला रायजोनि देवघर-बसुकीनाथ गाहाय लामायाव जमुनिया चौकनि खाथियाव
कानवारियाजों आबुं गंसे बास आरो गंसे ट्राकनि गेजेराव सौग्रावलायो। जायनि जाउनाव
बे दुखुनांथाव जाथाया जादोंमोन।
बे जाब्रबथायाव
खमैबो सा 18 सिबियारिफोरा जिउ गोमादोंमोन आरो गोबां सिबियारिफोरा जोखोम जादोंमोन।
माखासे खौरां एजेन्सिफोरनि बायदिब्ला, जोखोम जानायफोरनि अनजिमाया सा 30 सो जागोन।
एम.पि.
निशिकान्त दुबेआ एक्सनि गेजेरजों जानाय जाथायनि सायाव दुखु फोरमायो।
खौरां
बायदिब्ला, जाब्रबथाय जानाय लोगो लोगो जायगानि खुंथाइ, पुलिस आरो एम्बुलेन्सनि हानजाफोरा जाथाय
जायगायाव सौहैयो। गासैबो जोखोम जानायफोरखौ देवघरनि गुबुन गुबुन देहा फाहामसालि आरो
गुदि सावस्रि मिरुफोराव थिसननाय जादों, जेराव बिथांमोनहा
फाहामथाय लागासिनो दं। जिल्ला खुंथाया मदद आरो रैखाथि हाबाफारिफोरखौ सोलिहोगासिनो
दं।
7. हादोरनि उदांस्रि साननि थाखाय सप्तामोननैल' दंबावो। गोबां सि-जोमनि दारिमिनफोरा हादोरनि उदांस्रि सान फालिनो थाखाय साखा-फारा जागासिनो दं। गुबैयै गुजरातनि सुरतनि मोनसे गिदिर सि-जोम दारिमिनाव उदांस्रि सानखौ फालिनो थाग-थियारि खालामनाय जादों।
दारिमिनारि
सोहोरनि फालांगियारिफोरा 100 कौटि रांनि थाम कौटिनि बांसिन हायुंआरि फिरफिला बानायनो बिथोन मोनदों।
बिथोननि बयनिख्रुइबो देरसिन बाहागोखौ सुरतनि सासे मुंदांखा सि-जोम फालांगियारि
प्रवीन गुप्ताया मोननो हादोंमोन। बिथाङा हारसिङैनो से कौटिनि बांसिन गुबुन गुबुन
महरनि हायुंआरि फिरफिलाफोर दिहुन्नो बिथोन मोन्दोंमोन।
प्रवीनहा मोनसे
सि दारिमिन दं, जाय गुबैयै गेदेर बिबांनि फिरफिला
बानायनायाव आखा-फाखानि थाखाय मिथिजायो। बे दारिमिनाव दिहुनजानाय फिरफिलाफोरखौ
बुहुम काप आरो टी-20 बुहुमनां काप बायदि हादोर गेजेरारि हाबाफारिफोराव बाहायनाय
जायो।
गाहाय मन्थ्रि
नरेन्द्र मदिनि हर घर तिरंगा फोसावनायखौ मुंख'नानै सुरतनि फालांगियारिआ बुंदोंमोन, "सिगाङाव हायुंआरि फिरफिलाखौ गुबैयै
चीननिफ्राय लाबोनाय जायोमोन आरो दिनैबो बेनिफ्राय माखासे फिरफिलाफोर फैयो। नाथाय
आथिखालाव बिसोरनि बांसिनानो सुरतआव
'मेड इन इन्डिया' खौ फोथांफिन्नानै हादोरारि जि-जोमनिफ्राय फिरफिला बानायगासिनो दं, जाय मोनसे आत्मनिर्भर भारतनि खौरांखौ आरोबाव गोख्रों खालामदों।
प्रवीन गुप्ताया गुजरात, उत्तराखन्ड
आरो उत्तर प्रदेश
सोरखारनिफ्राय गोबां बिथोन मोन्दोंमोन
। बेनि अनगायैबो हादोर नाङैनो पाइकारि फालांगिरिफोराबो गोबां अर्डार होदों।
8. आसाम पुलिसा फिन सा 20 आयेन बेरेखा हाबफैग्राफोरखौ खायो आरो बिसोरखौ होखारहरदों। आसामनि गिबि मन्थ्रि हिमंत बिस्वा सरमा बिथाङा सोशल मीडिया नि गेजेरजों बेखौ मिथिहोदों। बिथांनि बायदिब्ला, बे आयेन बेरेखा बांग्लादेसिफोरखौ पुलिसा श्रीभुमि जिल्लानिफ्राय हमनानै होखारहरदोंमोन। हाबफैग्राफोरनि गेजेराव गथ'फोर आरो आइजोफोरबो दं।
आसाम पुलिसा फिन
खेबसेबाव श्रीभुमिनिफ्राय सा 20 आयेन बेरेखा हाबफैग्राफोरखौ बांग्लादेशआव दैथाय
हरदोंमोन। जेराव बिसोरहा गावसोरनि गुबै न'फोर दं। "जों आयेन बेरेखा
हाबफैग्राफोरखौ सहायनो हानाय नङा। "गिबि मन्थ्रिया बेखौनो बुङो।
बेखौ नोजोर होनो
गोनां दि बांग्लादेशी हाबफैग्राफोरनि गोबाव समनिफ्राय सोलिबोनाय
आयदाया हादोरसायाव राजखान्थियारि, समाजारि आरो रैखाथि सावरायनायाव गोहोम खोख्लैगासिनो दं।
हाबफैग्राफोरनि बेरेखायै आसाम पुलिसा बावैसो लानाय खामानिया सिमा नायदिंनाय आरो
नायबिजिरनाय हाबाफारिनि बाहागो।
9. श्रीलंकानि नेभिआ थांनाय 24 घन्टायाव धनुषक'रीजों नांजाबनाय लैथोआरि सिमा खाथिनि तामिलनाडुनिफ्राय सा 14 भारतारि ना हमग्राफोरखौ खादों।
जायगानि सुलुङा
बुंदोंमोन दि रामेश्वरमनि सा 350 सो ना हमग्राफोरा समबारनि फुङाव लैथोआव
हाबदोंमोन। श्रीलंकानि नेभिआ धनुषक'री आरो तलाईमन्नारनि गेजेरनि दैयाव ना हमनाय
समाव गोबां ना हमग्रा नावफोरखौ होबथादोंमोन आरो बिसोरखौ होसोहरदोंमोन। गोबां
नावफोरा जेखौ बोखारनो हायो आरो रैखाथियै बोरियाव फैफिनो। बबेखानि, थांगाचिमादामनि
51 बोसोर बैसोनि ना हमग्रा जस्टिननि गंसे नावखौ बेंखननाय जादोंमोन आरो जब्द'
खालामनाय जादोंमोन।
नेभिआ नावआव
थानाय गासै साबा सुबुंफोर - जस्टिन, डेनिसन (39), मबिन (24), साइमन (55) आरो सेकर (55) खौ
हमदोंमोन आरो बिसोरनि नावखौ जब्द खालामदोंमोन। उनाव बिथांमोनखौ मन्नारआव
श्रीलंकानि दै सान्थ्रि बिथायाव लांनाय जादोंमोन।
मंगलबारनि फुंआव
गुबुन मोनसे जाथायाव डेभिड मुंनि सासे ना हमग्राखौ बेबादि थासारियाव नावजों लोगोसे
गुबुन सा 9 ना हमग्राफोरजों लोगोसे खानाय जादोंमोन। बेजों लोगोसे, 24 घन्टानि
गेजेराव हमजानाय भारतारि ना हमग्राफोरनि अनजिमाया सा 14 जाबाय, जायनि जाहोनाव तामिलनाडुआव बोरिमायारि ना
हमग्रा हारिनि गेजेराव गोबां दावराव-दावसि सोमजिदों।
ओनसोलनि ना
हमग्राफोरा गले-गले हमजानायनि सायाव गोथौ दुखु मोननाय फोरमायदों आरो बुंदों दि
बिसोरनि जिउ राहाया खैफोदआव दं। श्रीलंकानि दै सान्थ्रि हानजाया भारतारि ना
हमग्राफोरखौ लैथोआरि सिमा बारनायनि बिसोरजों लोगोसे बिसोरनि बेसेनगोसा नावफोरखौ
जब्द' खालामदों, जायजों गोहोम गोग्लैनाय नखरफोरनि रांखान्थियारि थासारिया गाज्रि
जालांदों होनना मिथिना मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon