नै गुन बारायसिगोन भारत नि बोलो आ। फ्रान्स निफ्राय फैगासिनो राफेल उरां जाहाज, आमबाला याव लाबोगोन। फैगासिनो 7 रोजा सो कि मि लामा बारनानै भारतसिम फैगासिनो गं 5 राफेल दावहा उरां जाहाज। भारतनि बार नि फायखि फोरनो, जोबोद गोहो गोरा खालामगोन बे उरां जाहाजा। बेफोर गासैखौबो आम्बाला नि एयारबेस आव लाखिनाय जागोन।
बे उरांजाहाजफोरखौ लाबोगोन नि थाखाय रैखाथि बिफानखौ आमबालायाव सांग्रां खालामनाय जादों। गोबां फायखिफोरखौ नोजोर होहोनो थाखाय लांदों। एयारबेसनिफ्राय 3 कि मि गोजानसिमनि ओनसोल खौ द्रन जन महरै फोसावनाय जादों, बे ओनसोलाव अख्रां लामायाव रावबो नोजोर होनो हानाय नङा। सोरबा बे नोमखौ मानियाब्ला गोख्रों राहा लानाय जागोन।
आमबाला नि आरमि केम्प नि दि एस पि राम कुमारा बुंदों, राफेलखौ खौ लाखिनो थाखाय आम्बाला एयारबेस खौ सायखनाया सनमान नि बाथ्रा। आम्बाला या चिन सिमा निफ्राय 300 कि मि ल गोजान। बे समाव चिन जों भारतनि सोेमोनदो मोजां नङा, बेखायनो मा समाव मा जागोन रावबो मिथिया, हरखाब दावहा जाना होनो बो हागौ। बेखायनो हरखाब हालोदा गाज्रि जायोब्ला जाहाथे भारतारि रौनियाफोरा गावनि बे उरांजाहाजखौ खामानियाव बाहायनो हायो।
2016 मायथायावनो भारता फ्रान्स जों गं 36 राफेल दावहा उरांजाहाज नि थाखाय सुक्ति जादोंमोन। 2020 आव भारतनि नारसिननायाव गं 5 हरग्रोयो, दायो फैगासिनो भारतनि राजथान्दै या बुंदों, थिखानाय सम नि गेजेराव फ्रान्स आ गं 10 राफेल होनो हादोंं। बेननो गं 5 खौ फ्रान्स आव नो सोलोंनायनि थाखाय लाखिना दिनदों आरो गं 5 खौ हरबाय। भारतारि रौनियानि पायलत, ग्राउन्द स्ताफ, मेइन्ततेनेन्स नि सोलोंनाया गासैबो फ्रान्स आव नो जागोन, जायनि थाखाय 1 दान नि थाखाय फ्रान्स आव थांगोन। 2021 नि गेजेराव भारताव सुक्ति जानाय गासैबो राफेल उरां जाहाजा मोनफैजोबगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon