Jee आनजाद नि केलेंकारि नि गुबै दायनिगिरिखौ हमबाय, निल नक्षत्र दास नि जानानै आनजादखौ होनाय सासे मानसि खौ हमबाय आसाम पुलिस आ, हमजानाय नि नाम आ प्रदिप कुमार, 34 बोसोर बैसो नि. बिनो आनजादखौ होदोंमोन, आनजादखौ होनो थाखाय सान 2-3 सिगाङावनो फैदोंमोन गुवाहातियाव। दिल्लि याव हमदों आसाम पुलिस आ। मैया आसामाव इन्दिग फ्लाइत जों लाबोयो। निल आ आनजादखौ होआलासै नो 99.8 जौखोन्दो नम्बर मोनदोंमोन। आनजाद आ सेप्तेम्बर दान आव जादोंमोन।
आफगानिस्तान नि दाबनै जायगायाव जानाय सुइसाइद बमबिं आव सा 34 नि जिउ गोमायो, गासैबो सिकिउरिति फर्स। घाजनि आरो जाबुल आव जादों। बमखौ गारियाव दोननानै मिलितारि केम्प नि खाथियाव लांनानै बेरफ्रुहोयो। घाजनि याव सा 31 नि जिउ गोमादों आरो जाबुल आव सा 3 नि जिउ गोमादों। तालिबान नि आखाय थानो हागौ होनना सन्देह खालामदों। नाथाय दासिम तालिबान आ गनायना लायाखै।
भारतआ मैया नैथि वान दे क्रिकेत गेलेनाय आव बो जेनो अस्त्रेलिया नि हेंथायै, सिदनि क्रिकेत ग्राउन्द आव जादोंमोन गेलेनाया। भारत आ बेतिं खालामबाय थादोंमोन, बे समाव नो भारत नि जार्सि जों सासे सेंग्राया अस्ट्रेलिया नि सासे सिख्लाखौ प्रपज खालामनाय नुनो मोनदों। हिनजावसायाबो प्रपसेल खौ नाजावो। अस्त्रेलिया या 51 रान आव देरहायो। बिसोर 50 अभार आव 389 बानायदोंमोन, भारत आ 338 ल सो बानायनो हायो। गिबि गेलेनायावबो भारत आ जेनदोंमोन, सिरिस देरहाबाय अस्त्रेलिया या।
सिलसर नि जेल निफ्राय सा 19 म्यानमारनि थागिबिफोरखौ हगारना होबाय, मनिपुरनि एन्तारनेशनेल बरदार आव बिसोरखौ बिसोरनि जायगायाव थिनहरबाय. थांनाय मे दान आव जिरात जानानै मनिपुर थांनाय समाव हमजादोंमोन। जेबो फोरमान बिलाय गैयालासैनो उत्तर प्रदेश आव खामानि मावदोंमोन बिसोर। खामानि मावनायनि उनाव मनिपुर जानानै गावनि जायगायाव थांफिननो नागिरदोंमोन बेयावनो हमजायो, उनाव आदालत आ 4 दान नि जेल नि साजा होयो। दायो जेल नि साजा या जोबनायखाय थिनहरो।
सेराम
इन्सतितिउत आ सासे 40 बोसोर बैसो नि चेन्नाई नि मानसिनि हेंथायै 100 कौटि नि केस
होदों. बे मानसिया भेकसिन लानायनि उनाव बेराम जादों होनना बुंदों(साइद एफेक्त), दज
खौ लाखांनायनि उनाव निउरलजिकेल ब्रेकदाउन आव गोलैदों होनना बुंदों, 3 थि ट्राइल नि
भलिनतियारमोन। नाथाय सेराम इन्सतितिउत आव बेखौ नंखाय होनना बुंदों आरो बेबायदि
मानहानि आरो कम्पानि खौ बदनाम खालामनायनि थाखाय 100 कौटि रां दाबि खालामदों।
आगोलाव बे मानसिया 5 कौटि दाबि खालामग्रोदोंमोन लिगेल नतिस नि गेजेरजों।
दिनै चन्द्र ग्रहन जागोन. बेलासि नि 12.59 निफ्राय 5.25 सिम थागोन होनना बुंदों, नाथाय भरताव बेखौ नुनाय नङा, बेलासि समाव सो जागोनखाय। मोनथाम रोखोमनि अखाफोर मननाय दं, दिनैनि जागोनखौ पेनुमब्रेल होनना बुङो। गुबुन मोननैया ततेल आरो पारसियेल।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon