मनोज तामुलि(एस आई नि साख्रि नि थाखाय 4 लाख रां बिनाय)खौ पुलिसफोरा हमनाय नि उनाव जिबि सइकिया मुंनि सासे हिनजावसा मानसिखौ हमदों, बे हिनजावसाया मनोजखौ मदद खालामोमोन। बेनि उनाव पुलिसफोरा तेजपुरनिफ्रायबो आरो सानै मानसिखौ हमदों, अमित शर्मा, अस्विन शर्मा मुंनि सानैयाबो बेबायदि गाज्रि खामानिजों सोमोन्दो दंमोन। 2017 आव बो बेबायदिनो सासे मानसि निफ्राय 40 रोजा रां लादोंमोन, तुसार प्रतिम सइकिया।
चिन आ थगायदों, गलवान आव सा 60 निख्रुय बांसिन चिन नि आरमि थैदोंमोन, बुंदों आमेरिका नि खौरां बिजों निउज विक आ. गावनि जेननायखौ दिन्थिनो लाजिनानै बेबायदि थगायदों होनना बुंदों। थांनाय 15 जुन आव लादाखनि गलवान आव बुलायनाय जादोंमोन जेराव भारत नि सा 20 आरमिफोरा मुंख्लं जादोंमोन। 45 बोसोर सो नि उनाव बेबायदि जाथाय आ गिबि जादोंमोन।
कक्राझार आव करना जानानै सानै बर सुबुं नि जिउ गोमायो, सासे नि मुङा निरुपम नारजारि(40)। बिथाङा बेंक आव खामानि मावोमोन। टेंगापारा नि 5 नं वार्द नि थागिबि। आरो सासे नि मुङा उमाचसन नार्जारि(66) बरपेता नि फखरुद्दिन आलि आहमेद मेदिकेल कलेज एन्द हसपितेल आव जिउ गोमायो, बेयाव करना जानायखाय फाहामथाय लागासिनो दंमोन। दासिम सा 20 जाबाय कक्राझार आव करना नि थाखाय थैनाया।
मास्क लानो होनायनि थाखायनो सासे पुलिस खौ बुदों, रतन मुक्तियार मुंनि पुलिसखौ बुदों, बे जाथाय आ नगांव मरिकलं नि, बाइक आव फैनाय सानै मानसिखौ बिथाङा मास्क लानो होदोंमोन, नाथाय बेखौ बुंनायनि रागा जोंनानै पुलिसखौ बुयो, गिबियावनो सासेया बुग्रोदोंमोन, बेनि उनाव सानैसोआ लोगो जानानै बुयो।
पाकिस्तान आ उदखारिफोरखौ भारतसिम थिनहरनो थाखाय तानेल(हा सिंनि लामा) बाहायो आरो हाथियार नि थाखाय द्रन बाहायो, बुंदों जम्मु कास्मिर नि दि जि पि या। जम्मु आव तानेल मोनदोंमोन साननैसो सिगां, लोगोसे द्रन बो मोनबाय थादों।
दि जि सि ए(दाइरेकतरेत जेनेरेल अफ चिभिल एभिएसन) आ बुंदों एयारपर्त आव आरो उरां जाहाज सिङाव बो फट, भिदिअ लानो हागोन, नाथाय बे लानाय समाव जेबो दावराव जानो मोननाय नङा, बेनि थाखाय जेबो जेंना नुजानो मोननाय नङा। 12 सेप्तेम्बर आव लानो हाया होनना बुंदोंमोन, नाथाय मैया गोबां गोनोगोथो जानायखौ सुस्राङो।
तेजपुर आव सासे मुन्नाभाई एम बि बि एस हमदों। हमजानाय नि मुङा माजाहारुल चुलतान, गावखौनो देहाफाहामगिरि बुंना लादोंमोन। नाथाय बेयो सासे नंखाय दक्तर सो मोन।
आसामाव गोदान सा 16 नि जिउ गोमादों करना जानानै। सा 1292 गोदान सुबुंफोरनि देहायाव करना मोनदों आरो 2251 खौ हगारना होदों।
Please do not enter any spam link in the comment box. ConversionConversion EmoticonEmoticon