आसाम पुलिस नि साख्रि नि थाखाय 4 लाख रां नांमारगौ नामा, दासिम 60% मासि आ बुक जाखाबाय नामा, दालाल आ उलुबारि नि पुलिस बिफान आव खामानि मावमारो नामा। मोनसे अदिअ तेप भाइरेल जादों, जेराव सासे दालाल आ si नि साख्रि नि थाखाय 4 लाख रां नांगोन होनना बुंदों, si नि आनजाद आ 20 सेप्तेम्बर आव जागोन। गिबियाव 20-30 रोजा रां होग्रोनांगोन, आरो थाबावनाय रांखौ थिसननाय लायजाम मोननाय समाव होनांगोन होनना बुंदों, तारैनो बेबायदि सोलिमारो नामा, ना बेयो नंखाय, नंखाय नङाब्ला गोबां खस्त खालामनाय सेंग्राफोरनि सिमाङा फेलें जागोन। दायनिगिरि खौ हमनांगौ। पुलिसनि गासैखौबो बेनि थाखाय दाय होनो हाया।
आसु नि लेङाय आफादगिरि सित्तरन्जन बसुमतारि या गावनि बिबान खौ एंगारो, राजखान्थि याव हाबनो थाखायनो लेङाय आफादगिरि नि बिबानखौ एंगारदों होनना बुंदों। आसु आ बे साननैसोनि गेजेरावनो राजखान्थि दोलो मोनसे दागोन। बिथाङा 20 बोसोर धेमाजि जिला जों लोगोसे रायजो नि आसुजों थादोंमोन।
सनितपुरनि नामेरि नेशनेल पार्क निफ्राय सासे सुरां सिकारिखौ हमदों, मुङा दया खाख्लारि(28)। बे मानसिया दिमापुर नि जालि ओनसोल नि। बे मानसिनिफ्राय गंनै हाथियार मोनदों। नामेरि हाग्रा बिफाननि नागिरनायाव बे मानसिखौ हमना मोनदों।
रिया चक्रबर्ति हमजानायनि उनाव गोबां बलिउदनि फाव खालामग्राफोराबो द्रागस जों सोमोन्दो दं होनना बुंदोंमोन, एन सि बि आ बो 20-25 सो फाव खालामग्राफोरखौ सोंनो हागौ होनना बुंदों, रिया या बुंनायबादिब्ला सारा आलि खान आ बो सुसान्त आरो रियी जों लोगोसे द्रागस लायोमोन। लोगोसे राकुलप्रित सिंह नि बो नाम लायो, बेफोरनि अनगायैबो रहिनि आयार, सिमन खाम्बाता, मुकेस चाब्रा नि बो मुं लायो। गोबां बलिउदनि फावगिरि फोरा हमजानो हागौ। रिया या बुंनाय बादिब्ला बलिउद आव खामानि मावनाय 80 जौखोन्दो आ नो द्रागस लायो होनना बुंदों।
नव सरनिया या बुंदों, बि टि सि बिसायखथि माने कौटि-कौटि रां नि लेनदेन, भत आरो दैदेनगिरिखौ बायनाय जायो. बि पि एफ आ स्ल पइजनिं, इउ पि पि एल आ फास्त पइजनिं होनना बो बुंदों, माने बि पि एफ जों जाय थाङो लासै लासै थैगोन आरो इउ पि पि एल जों जाय थाङो लोगो लोगो गाव हारसिंनो थैगोन। लोगोसे बुंबावदों, बिटिसि बिसायखथियाव जेनोब्ला राजखान्थि निफ्राय सन्यास लागोन होननानै।
जसिना बसुमतारि मुंनि सासे 25 बोसोर बैसो नि आयजो गोमाना दं, कक्राझार जिल्ला नि बिसमुरि आतपस्त नि सिंनि औवाबारि गामि नि। फिसायजों नांलायना 10 सेप्तेम्बर खालि नो ननिफ्राय ओंखारलांदोमोन। सासे 7 बोसोरनि आरो सासे 3 बोसोर जानाय गथ दं। फिसायनि मुंङा सोमखोर बसुमतारि।
सोमोनांथाव, मोसौ बोरमा(फिसिनाय जिब जुनार) नि थाखाय बो आधार कार्द होगोन सोरखारा। 1.5 बोसोरनि गेजेराव 50 कौटि नि बांसिन जिब जुनारनो होगोन आधार कार्द, खोमायाव 8 ग्राम नि गोमो गाब नि तेग लागायना होगोन, बेयाव 12 नम्बर नि आधार नम्बर थागोन. बेनि गेजेरजों बायनाय फाननाय, टिका बायदि या गोरलै जागोन होनना मिरु नि मन्थ्रि या बुंदों।
सा 5 अरुनासलनि
सुबुंफोरखौ हगारना होयो चिन आ। भारत चिन सिमा याव भारतनो गथायना होयो। 2
सेप्तेम्बरनिफ्राय गोमाना दंमोन सा 5 अरुनासल नि थागिबिफोर। बिसोर दोलो आवसा 7 दंमोन, बेनिनो सानै या खारखुमाना फैनो हायो,
नखरनि मानसिफोरनो बे सानै या बुंफायनायखायसो मिथियो। दायो हगारना होनाय सा 5 या 14 सान नि कुवारेन्टाइन आव थानो
नांगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon