आबादारिफोरनि थाखाय मोजां खौरां- आसाम सोरखार आ आबादारिफोरनिफ्राय मायखौ
थोंजोङै बायगोन, बे बार आव आबादारिफोरनिफ्राय माय बायनो थाखाय सोरखार आ 1 कुविन्तल
आव 2040 रां थि खालामना होदों, गुवाहाति नि खानापारा गेलेग्राफोथार आव बुधबारखालि
जानाय आबाद बिफान नि मिलेत अभियान खौ बेखेवनानै होयो आसामनि गिबि मन्थ्रि आ।
बिथाङा बुंदों थांनाय बोसोर आव आबादारिफोरनिफ्राय रायजो सोरखार आ 1960 रां आव
बायदोंमोन, 6 लाख 60 रोजा मेत्रिकतन माय बायदोंमोन, बे बार आव बेखौ बारायनाय
जागोन, नांगौ जायोब्ला सोरखार आ 15 लाख मेत्रिकतन माय बायनो थाखायबो थियारि जाना दं,
लोगोसे बिथाङा बुङो रायजोनि 4 लाख 97 रोजा 291 आबादारिफोरा दायो फसल बिमा योजना नि
सुबिदा मोनदों, हाबाफारि आव गिबि मन्थ्रि
आ आबादारिफोरनो 12000 सलारजों सोलिनाय पाम्प, 5 रोजा 91 ता पावार तिलार आरो आबादनि
गोबां मुवा बेसादफोर होनायखौ बेखेवना होयो। लोगोसेनो बिथाङा मिथिहोयो दि रायजो आव
हा आनजाद नायनायनि मिरु खौ बारायनाय जागोन होनना, जाहाथे आबादारिफोरा गोरलैयैनो
हानि आनजाद नायनो हायो।
चिरां जिल्ला नि
पानबारि थाना नि सिंनि बैग्रिगुरि आव थांनाय 11 नबेम्बरखालि मोनाबिलि समाव सासे 60
बोसोर बैसो नि बर आयजो खौ गुलि गावनानै बुथारना गालादोंमोन, बे जाथायजों सोमोन्दो
थानाय दायनिगिरि एबा बुथारग्रा खौ पुलिस आ हमबाय। गुलि गावनाय आव अन्थर बर मुंनि
60 बोसोर बैसो नि आयजो नि जिउ गोमादोंमोन, आयजो खौ खोमसि नि सुबिदा लानानै गुलि
गावना थांदोंमोन, बेनि उनाव नो पानबारि पुलिस थाना याव मोनसे गसर थिसनना जादोंमोन,
सिरां पुलिस आ बेनि सायाव नाबिजिरनायखौ जागायो आरो 25 बोसोर बैसो नि गजेन दैमारि
मुंनि सेंग्रा खौ हमो, मैया जिरां जिल्ला एसपि नि मावखुलि आव मोनसे खौरांमेलनि
गेजेरजों एदिशनेल एसपि बिथाङा बै सानखालि गजेन दैमारि आ आयजो खौ दायनि नि सन्देह
आव बुथारना खारदोंमोन होनना फोरमायो होनना मिथिना मोनहोदों। दायो बिखौ हमनानै
सोंगासिनो दं।
बितिसि आव
राजखान्थियारि सोलायनाय जागोन नामा, सोर दैदेनगिरि आ मा खालामनो थांखि लादों, मैया
नि मोनसे भिदिअ आरो गोबां सावगारि फोरखौ लानानै गोबां सावरायलायनाय सोलिगासिनो दं
ससियेल मिदिया याव, बितिसि नि बारग गाहाय हाग्रामा महिलारि बिथाङा नागपुर आव
आरएसएस आरो बिजेपि नि दैदेनगिरि बिथांमोनखौ लोगो हमहैनायनि सावगारि भाइरेल जानाय
लोगो लोगो नो गोबां सावरायलायनाय आ सोलिगासिनो दं। मखजाथावदि थांनाय बिधानसभा बिसायखथि
आव बिपिएफ दोलो जों लोगो जायालासैनो बिजेपि आ बिसायखथि गेलेदोंमोन, जाय आगोलाव
बिजेपि नि लोगो मोन, बारग गिबि मन्थ्रि सर्बानन्द सोनोवाल नि समाव, नाथाय दानि
गिबि मन्थ्रि हिमन्त बिस्व शर्मा बिथांनि दैदेननाय सोरखार आव बिपिएफ नि बेरेखा
दोलो ईउपिपिएल आ सो लोगो जाना दं। भिदिअ आरो सावगारि भाइरेल जानायखौ लानानै सानैसो
आ गिदिरखौ मान होनानैसो बेबायदि खालामदों होननाबो बुंदों, मखजाथावदि बिथाङा आरएसएस
नि दैदेनगिरि ईन्द्रेस कुमार बिथांखौ लोगो हमदोंमोन, बेल नङा बिथाङा बिजेपि नि
बिएल सन्तोस बिथांखौबो लोगो हमदोंमोन होनना मिथिना मोनदों, थांनाय मे दान आव
हाग्रामा महिलारि बिथाङा दानि बितिसि नि गाहाय प्रमद बर बिथांनि बेरेखा गोबां
बाथ्राफोर बुंदोंमोन, रायजोफोरनि जेबो खामानि मावनो हायाखै, जौगालु बिथांखि नि
खामानि फोरखौ बन्ध खालामदों, 5 बोसोर सोरखार सालायनो हाया बायदि बायदि बाथ्राफोर
बुंदोंमोन। राजखान्थि दैदेनगिरिफोरा मा खालामनो नागिरदों बेखौ रावबो मोजाङै
मिथिया, बेखौ सम आ सो उनाव खोन्थासिगोन।
आसामनि गिबि मन्थ्रि नि दैदेननाय आव रायजो सोरखारनि सप्तायारि केबिनेतनि
जथुम आ जानानै थाङो, बेयावनो मोननैसो गोनांथार थिरांथाफोर लायो, केबिनेतनि जथुम आ
जोबनायनि उनाव खौरांमेलनि गेजेरजों केबिनेतनि जथुमनि थिरांथा लानायफोरखौ मन्थ्रि
जयन्तमल्ल बरुवा बिथाङा फोसावनानै होदों, आसामनि थानाफोरनि नोगोरारि थाखो नि
कमितिफोरखौ गोदानै बानायनाय जागोन, थाना कमितिफोरनि गाहाय सासे थागोन, बिखौ
सोरखारनिफ्राय थिसननाय जागोन, जायगायारि समाजारि सुबुंनिफ्राय बेखौ होनाय जागोन,
लोगोसेनो सोद्रोमा महरै थागोन थानानि अफिसार, सार्कल अफिसार, गुबुन बिफान नि
अफिसार थागोन, पन्सायत आरो गामि जौगाखां बिफान नि सायखजानाय दैदेनगिरि आ दानसेनि
दरमाहा खौ सम बादियै मोनगोन, आगोलाव नेम बादियै मोनामोन, दायो दानसेनि 10 खालार आव
मोनसिगोन होनना थिरांथा लायो, मैया केबिनेतनि जथुम आव आसाम सिभिल सार्भिस नि 72 ता
सिनियर ग्रेद वान नि थि नङि मासि दिहुननाय जागोन। लोगोसेनो लासित दिबस नि 400
बोसोरारि सान खौ खुंनायनि सायावबो सावरायलायनाय जायो, दिल्लि नि बिगियान भवन आव
फैगो 23, 24 आरो 25 नबेम्बर आव खुंनाय जागोन।
दिल्लि नि क्राइम ब्रान्स आ नंखाय केन्सार बेराम नि मुलि बानायग्रा जों
सोमोन्दो थानाय मोनसे दोलो खौ हमदों, सासे देहाफाहामगिरि, सानै ईन्जिनियार आरो
सासे एमबिए दिग्रि थानाय सुबुंखौ हमदों, बे जाथायजो सोमोन्दो थानाय सा 3 आ
खारखुमादों होनना मिथिना मोनदों, बिसोरनि बेरेखा नायबिजिरनाय आ सोलिगासिनो दं। अजद
नि बादिब्ला बे सुबुंफोरा केन्सार बेराम नि नंखाय मुलि बानायदोंमोन, पुलिसफोरा
हमनायनि उनाव नायबिजिरनानै हारियाना नि सनिपथ आव कारखाना आरो गाजियाबाद आव गुदाम
बो जब्द खालामदों होनना मिथिना मोनदों, पुलिसफोरा मोननाय नंखाय मुलि नि बेसेन आ 8
कौति रां नि आरो बिसोर बेबायदि फालांगि खौ थांनाय 3 बोसोरनिफ्राय
खालामबोगासिनोमोन।
आसाम आव सासे नि उनाव सासे बलिउद नि फावखुंगुर फावखुंग्रिफोरा फैगासिनो।
मिथिना मोननाय बादिब्ला आसाम आव शुतिं नि थाखाय फैदों सानैसो मुंदांखा फाव
खालामग्राफोरा, साननैसो सिगाङाव कंगना रानावत आ आसाम आव ईमारजेन्सि सावथुन नि
सुतिं नि थाखाय फैदोंमोन, बेनि शुतिं खौ जागायबाय, दायो आरो बलिउद नि मुंदांखा
फावखुंगुर रितिक रोशन आ बो फैदों, सानसे सिगाङाव बिथाङा फैदोंमोन आसाम आव, मैया
अनिल कापुर बिथाङा बो फैदों, लोगोसेनो दिपिका पादुकन आ बो फैदों होनना मिथिना
मोनदों, बिथांमोना आसाम आव फाइतार सावथुन नि सुतिं खालामगोन, मिथिना मोननाय
बादिब्ला सावथुन नि सुतिं खौ तेजपुर नि एयारफर्सबेस आव खालामगोन।
बर' थुनलाइ आफादनि
70थि गायसन्थाइ
सान आरो गान्धी हिन्दुस्तानी साहित्य सभाया बर' थुनलाइ आफादनि
25थि बोसोर
सानखौ रुफाथि मायथाइ फोर्बो महरै देग्लाइ फालिनो थाखाय थांखि लानाय बादिनो दिनै बर' थुनलाइ आफाद, एबसु, गान्धी
हिन्दुस्तानी साहित्य सभा आरो दिल्ली बड' एस'सियेसन जथायै गोदान दिल्लीनि राजघातआव थानाय
गान्धी हिन्दुस्तानी साहित्य सभानि मावख'आव सानसेनि मेहेरगोनां हाबाफारिजों फालियो । हाबाफारि
बादियै बर' थुनलाइ आफादनि
फिरफिलाखौ बिरहोयो बर' थुनलाइ आफादनि आफादगिरि मानगोनां मुस्रि तरेन बर'आ आरो
मुंख्लंफोरनो बिबार बाउजेनो मिरु एबसुनि आफादगिरि मानावगेदेद मुस्रि दिपेन बर'आ, बर' फरायसं मिरुखौ
बेखेवनानै होयो बिटिआरनि गाहाइ मावफुं सोद्रोमा मानगोनां मुस्रि प्रमद बर'आ । थिखानाय
हाबाफारि बादिनो बर' थुनलाइ आफादनि
गायसन्थाइ सानजों लोब्बा लाखिनानै खुंनाय गेवलां सावराय मेलखौ मासि लानानै दैदेनो
बर' थुनलाइ आफादनि
आफादगिरि मानगोनां मुस्रि तरेन बर'आ आरो गेवलां मेलखौ बेखेवनानै होयो बिटिआर
गाहाइ मावफुं सोद्रोमा मानगोनां मुस्रि प्रमद बर'आ आरो बराय
बिबुंथिखौ लाखियो गान्धी हिन्दुस्तानी साहित्य सभानि आफादगिरि प्र. रमेश
भारद्वाजया । बिसम्बिखौ
बेखेवनानै होयो आसामनि केबिनेट मिनिस्टार आरो साहित्य अकाडेमि बान्था मोनगिरि
मुस्रि उर्खाव गोरा ब्रह्मआ । हांख्रायजानाय
आलासि महरै बाहागो लायो भारत सोरकारनि हादोरसा मन्त्रि मानगोनां मुस्रि रामेस्वर
टिलिया आरो गाहाइ आलासि महरै बाहागो लायो साहित्य अकाडेमिनि नेहाथारि मानगोनां
प्र. के. स्त्रेनिभाषा राव-या । माननि आलासि
महरै बाहागो लाफैयो फारियै मुस्रि रोनगोरा नार्जारी( एम.पि, राज्य' सभा), गबिन्द चन्द्र
बसुमतारी(लोगो गाहाइ मावफुं सोद्रोमा,बिटिआर), रमिअ' पि. नार्जारी(लोगो गाहाइ मावफुं सोद्रोमा,बिकेडाब्लिउएचि), प्र. सोभा
सत्यनाथ(राव बिगियानगिरि,दिल्ली मुलुगसोलोंसालि), प्र. आबदुल आहमेद(आलिगड़ मुस्लिम
मुलुगसोलोंसालि), प्र. अनिल बर'(गुवाहाटी
मुलुगसोलोंसालि), प्र. टि
सत्यनाथ(बारग' बिबुंगोरा, दिल्ली
मुलुगसोलोंसालि), प्र. प्रमद
कुमार(डेन, इण्डियान
इनस्टिटिउट अफ मास कमानिकेसन), प्र. अखिल आहमद(डाइरेक्टर, नेसनेल
काउनचिल पर प्रमसन अफ उर्दु लेंगुवेज), आसाम बिधान सभानि एमएलएफोरजों लोगोसे बिटिआरनि
मावफुं सोद्रोमाफोरा । आरो साबायखरखौ
बाउओ दिल्ली बर' एससियेसननि
आफादगिरि मानगोनां मुस्रि मेनन कुमार ब्रह्म'आ । मख'जायोदि, मैयानि बे
सानावनो थांनाय 1998 इं मायथाइयाव
गिबि गिबि सुबुंथिनि थान्दै मुंख्लं बिनेस्वर ब्रह्मआनो बर' थुनलाइ आफादनि
गोथार गायसन्थाइ सानखौ भारतनि राजथावनि गोदान दिल्लीयाव गान्धी हिन्दुस्तानी
साहित्य सभाजों जथायै फालिजेनदोंमोन ।
2024 मायथाइ
आव आमेरिका नि हादरगिरि नि मासि नि थाखाय फिनखनसेबाव बिसायखथि गेलेगोन दनाल्द
त्राम्प आ, बेखौ बिथाङा गावनो फोसावनानै होदों, मखजाथावद 2024 मायथाइ आव बिसायखथि
आ जागोन, आगोलाव बिथाङा खनसे जाखाबायमोन, नाथाय बेनि उनाव 2020 आव दानि हादरगिरि ज
बाइदेन आ फेजेननो हादोंमोन, दायो फिनखनसेबाव बिसायखथि गेलेफिनगोन होनना मिथिना
मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon