खौरांगिरिखौ
गाज्रि आखु दिन्थिनायनि दाय आव सासपेन्द खालामबाय सासे पुलिस अफिसारखौ, होजाइ आव
जादों जाथाय आ, होजाइ थाना नि भास्कर बरा मुंनि एसआइ खौ सासपेन्द खालामदों, एसपि बरुन
पुरकायास्थ नि बिथोन आव नो लोगो लोगो सासपेन्द खालामनाय जायो, मिथिना मोननाय
बादिब्ला शिवदयाल सिंह मुंनि सासे खौरांगिरिखौ गाज्रि आखु दिन्थिनायनि अजद, जिल्ला
खौरांगिरि आफाद लिरना होनाय अजद नि थाखायनो बेनि सायाव एक्सन लानाय जायो, आयेन
बेरेखायै थाना याव लांनानै अत्यासार खालामदोंमोननि अजद।
गोबांबार हाबा
खालामनानै जे आव गोग्लैबाय सासे बोराय आ, मोनसे मोननै नङा, गासै मोन 3 हाबा
खालामदों सासे बोराय आ, नाथाय बे बार आव जे आव गोग्लैबाय, जाय समाव गोबां
सेंग्राफोरा हाबा जानो थाखाय हिनजावसा मोननो थाङाखै बे समाव आबौ आ खालामबाय मोन 3
हाबा, आबौ नि मुङा हाजि हासेम आलि, न आ नगरबेरा नि खामेरि पलाहरतारि आव, रां रुफा
नि लोब दिन्थिनानै हिनजावसा खौ थगायनानै हाबा खालामनानै साननैसो लाखिनानै गारो,
गिबि बिसि नि फिसा नि बाथ्रा खौ बो लाया, लाम्पत आखु नि बोराय आ नगरबेरा नि
भखुरादिया गामि नि सासे हिनजावसा खौ गोबां लोब दिन्थिनानै हाबा नि थाखाय थियारि
खालामदोंमोन, बे खौरां खौ मोनो गामि नि लेंग्राफोरा, बेनि थाखाय नो मोनसे सोलोंथाय
होनाय बादियै हाबा याव हिनजावसा नि सोलाय हौवासा सासे खौ हिनजाव गोदान बादि
साजायो, उनाव हाबा खालामनानै लांनाय समाव खोमसि जायगा याव मोनसे फख्रि आव गोग्लैनानै
अबस्था या गाज्रि जायो बोरायनि, बोराय नि अजद नि बादिब्ला खैना गोदान आरो गोबां
सुबुंफोरा बिखौ दै आ नारसोमनानै हालोद खौ गाज्रि खालामदों, दायो जाथायसालि आव
पुलिसफोरा थांबाय आरो बोरायखौ हमना लाना थाङो होनना मिथिना मोनदों।
देग्लाइनि 19थि
उपेन्द्रनाथ ब्रह्म सुबुंथिनि फाइखि बान्था 2022 (19th UPENDRANATH BRAHMA SOLDIER OF HUMANITY
AWARD 2022) खौ गाबोन
बिटिआरनि क'क्राझार
चान्दामारियाव थानाय बड'फा कालसारेल कमफ्लेक्साव रेमण्ड मेकसेसे बान्था
मोनगिरि मुस्रि पालागुम्मि साइनातनो गथायगोन । आसामनि
केबिनेट मिनिस्टार मानगोनां मुस्रि उर्खाव गोरा ब्रह्मनि मासि लानानै दैदेननाय
हाबाफारियाव ड० समुद्र गुप्ता काष्याप( State Information Commissioner, Assam)या गाहाइ
आलासि महरै बाहागो लाफैगोन आरो हाबाफारिखौ बेखेवनानै होगोन बिटिआरनि गाहाइ मावफुं
सोद्रोमा मानगोनां मुस्रि प्रमद बर'आ । के'नटच एड्रेसखौ
होगोन मिरु एबसुनि आफादगिरि मानावगेदेद मुस्रि दिपेन बर'आ।
ससियेल मिदिया
याव भाइरेल मोनसे सोमोनांथाव भिदिअ, जेराव सासे सुबुं आ सोनाब बंग नि सासे अफिसार
नि सिगाङाव सैमा नि बायदि सोंनानै गावनि रागा जोंनायखौ दिन्थिदों, मानोना बे सुबुं
नि उपाधि एबा बिमुं दत्ता नि सोलाय 2022 मायथाइ नि रेशन कार्द आव कुत्ता होनना
गोरोन्थियै साफायजायो, बेनि भिदिअ खौ होदो जि निउज मुंनि मुंदांखा खौरां फोसावनाय
फसंथान आ, भिदिअ आव नुनो मोनदों एग्जिकिउतिभ मेजिसत्रेत नि गारि आ फैनाय लोगो लोगो
नो सुबुं आ सैमा नि बादि सोङो, श्रिकान्त दत्ता मुंनि सुबुं नि आव बेयो जादोंमोन,
उनाव बिबानगिरि बिथाङा सासे सुबुं नो कागज खौ होनानै सोलायनो बिथोन होयो।
दासिमबो अमा
नि बेराम आ जोबनो थाङाखै, बे खनसे आव बितिआर नि दाबसे जायगा याव गोबां अमा फोरखौ
बुथारदों होनना मिथिना मोनदों, सुबुंफोरनि गोबां खहा जानायखौ नुनो मोनदों, जाय
समाव अमा फिसिनानै आत्मनिर्भर जानायनि सिमां जों गोबां सुबुंफोरा नो अमा फिसिदों
बे समाव नो गोबां अमाफोर थैबाय थानाय जों लोगोसे अमा खौ बुथारनांगौ जानाय आ
गिखांनाय सोमजिहोदों, मिथिना मोननाय बादिब्ला उदालगुरि जिल्ला नि भेरगांव नि सिङाव
थानाय कशारिपारा याव 180 सो अमाफोरखौ बुथारनांगौ जादों, जदुराम राभा मुंनि सुबुं
नि मोन अमा फार्म आ, अमा फोरा बेराम आव गोग्लैनानै थैनो हमदोंमोन, जायनि थाखायनो
बेयाव भेतेरिनारि बिफान नि फाहामगिरिफोरा थांनानै नायबिजिरहैयो आरो सेम्पल खौ लांनानै
तेस्त खालामनाय आव आफ्रिकान स्वाइन फ्लु जानाय खौ मिथियो, बेखौ मिथिनायनि उनाव नो
गोबां अमा फोऱखौ बुथारो होनना मिथिना मोनदों, गोबां खस्त जों 2 बोसोर सिगाङाव बे
अमा फिसिनायखौ जागायदोंमोन, दायो बेबयादि बुथारनाय आ गोबां खहा खालामो, लोगोसे नो
गोबां अमा फिसिनानै आत्मनिर्भर जागोन नि सिमां नुनायफोरखौ साननो गोनां खालामदों।
नलबारि आव
बिजेपि नि एग्जेकिउतिभ मितिं आ मैया जानानै थाङो, बे हाबाफारि आव नो बाहागो लायो
बिजेपि नि आफादगिरि भबेश कलिता बिथाङा, उनाव खौरांगिरिफोरनि सिगाङाव हाग्रामा
महिलारि बिथांनि सोमोन्दै सोंनाय आव बिजेपि आव फैयो फैया बेखौ मिरु बिजेपि आ सो
मिथिगोन होनना बुङो होनना मिथिना मोनदों, रायजो बिजेपि आ बेनि सायाव जेबो बुंनो
गोनां गैया आरो लोगोसे राजखान्थि आव धोरोम सोलायनाय बायदि आ जानो नाङा होनना
बुंदों।
नगांव नि रहा
याव सासे सेंग्रा या गावनि मोजां मोननाय नो खाफाल आव सिन्दुर होनानै जोबथा बिदाय
होनाय आ ससियेल मिदिया याव गोबां सावरायजादों, गोबां सुबुंफोरा नो बेखौ नुनानै
दुखु मोननाय खौ फोरमायदों, खौरां मोननाय बादिब्ला बितुपन तामुलि आरो प्रार्थना बरा
मुंनि सानै सुबुं आ मोजां मोनलायोमोन, 8 बोसोर नि खाथि जाबायमोन मोजां मोनलायनाय
आ, नाथाय दुखुनांथावै साननै सिगाङाव हिनजावसा नि जिउ गोमायो, बिसोरहा गोबां सिमां
दंमोन, नाथाय गासैबो बायफ्लेलाङो, सिमांफोरनि गेजेराव मोजाङै रंजा खुसियै हाबा
जानाय आ बो मोनसे मोन, नाथाय गिदिर बेराम आव गोग्लैनानै हिनजावसा नि जिउ गोमायो,
नाथाय थैनायनि उनाव बो बितुपन आ प्रार्थना नि लुबैनाय खौ सुफुंनो नाजानायखौ नुनो
मोनदों, खाफाल आव सिन्दुर होदों, माला बो गानहोदों, गावनि बिसि खालामनानै बिदाय
होयो, बे नुथाय आ दायो गोबांखौनो दुखु मोनहोदों, सावथुन नि बादि ब्लाबो नाथाय बेयो
सैथो, थार मोजां मोननाय आ माब्लाबाबो थैया होनना बुंनाय आ सैथो मार ना।
जेल आव
नोगोरारि आ मोनो साजा आरो नेता एबा दैदेनगिरि आ लायो मजा, सोलिनाय बोसोर
नि मे दान निफ्राय दिल्लि नि तिहार जेल आव आम आदमि पार्ति नि दैदेनगिरि सत्येन्द्र
जैन नि बेरेखा मोजांयै जिउ खुंनायनि अजद बिजेपि नि, सनिबारखालि फुङाव गोबां बिजेपि
दोलो नि दैदेनगिरिफोरनि मोनसे भिदिअ सेयार नि उनाव नो जायो सावरायलायनाय आ, दिल्लि
नि मन्थ्रि खौ जेल नि सिङावनो आयथें मालिस खालामनायखौ नुनो मोनदों, सिसितिभि फुतेज
आव मन्थ्रि खौ बिनि बिसना याव उन्थुना थानानै बिजाब फरायनाय आव बिखौ सासे आ मालिस
खालामबाय थानाय नुनो मोनदों, मखजाथावदि बे सप्ता नि जागायनाय आव नो दिल्लि नि जेल
नि गाहाय खौ मन्थ्रि नो भिआइपि नि सुबिदा होनायनि थाखाय सासपेन्द खालामदोंमोन, बे
समावनो बे भिदिअ आ भाइरेल जायो, माब्ला नि भिदिअ बेखौ मिथिनाय जायाखै, नाथाय बे
बोसोर नि नो मे नि उननि जागोन मानोना बिथाङा जेल आव मे दान आव सो थांदोंमोन।
आम्बानि नि जुनारसालि आव आसामनि जुनारफोरखौ लांनाय
जादों नामा, मैया बेनि बेरेखा धर्ना होना लानानै हमजादों, मैया प्रदेश कंग्रेस,
तृनोमोल कंग्रेस, जुनारसालि रैखाथि आफाद नि सोद्रोमा फोरा धर्ना होदोंमोन, दायो
गोबां सावरायजादों आम्बानि नि गावनि जुनारसालि आव लांगोन होनना, नाथाय बेयो
बेसेबां सैथो बेखौ दासिमबो मिथिनाय जायाखै।
द्राग्स नि बेरेखा प्रसासन आ गोरा निफ्राय गोरा
जालांगासिनो दं, पुलिस नि नायबिजिरनाय आ सोलिगासिनो दं, रायजो नि गुबुन गुबुन
जायगाफोराव जब्द खालामदों गोबां कौति रां नि द्राग्स, सनिबारिखालि गुवाहाति रेलवे
पुलिस आ जब्द खालामनो हादों गोबां रां नि द्राग्स, राजधानि एक्सप्रेस जों लांनाय
समाव नो हमो 1 केजि सो हेरोइन जायनि बेसेन आ 5 कौति रां नि बारा होनना साननाय जादों,
द्राग्स जों लोगोसे सा 3 खौ हमदों होनना मिथिना मोनदों, पुलिसफोरा बेबायदि हमनो
हानाय आ मोनसे गिदिर देरहानाय, नाथाय बेनि गेजेरावनो गोबां नि गोबाङा गोबां सोंलु
सोंदोंबो, सा सानजा भारत खौ द्राग्स नि करिदर खालामनायनि गोबां अजद नि उनावबो मानो
बारा गोरा जायाखै सा सानजा सिमा रेलवे आ होनना सोंदों गोबाङानो, म्यानमार आरो
बांलादेश निफ्राय बेफोरखौ लाबोनाय जायो, द्रराग्स एदिकशननि फारिलाय आव मनिपुर आ 4
थि नम्बर आव दं होनना बो बुङो, दानि समाव बिरखं गाथोन नि बादि नो गोरा रेलवे बिफान
आ बो, नाथाय बेनि गेजेरावनो माबोरै बारगना थांनो हायो होनना सोंदों, गुबुनफारसे
रेलवे बिफान आ गोरा जानायखौ फोरमायो, दासिम गोबांखौनो हमनो हादोंबो।
दिनैनिफ्राय जागायगोन फिफा वर्ल्द काप आ, कातार आव
जानो गोनां गिबि गेलेनाय आव कातार आ ईकुवेदर नि बेरेखा गेलेगोन। मेसि, रोनाल्दो,
नेइमार नि गेलेनाय नायनो गोबां सुबुंफोरा नो नेगासिनो दं, नाथाय बिथांमोनखौ
नुगोनब्लाबो गोबां स्तार गेलेगिरिफोरखौ नुनाय जानाय नङा, बेनिनो सानैसो गेलेगिरि
नि मुङा, महम्मद सालाह, ईजिप्त नि गेलेगिरि बिथाङा, नाथाय बिथांनि हादोर आ
सायखजायासै, ईतालि नि दनारोमा नि बो गेलेनाय नुनो मोननाय नङा, जर्जिय सियेलिनि
ईतालिनि, देभिद आलाबा, रियाद मेहराज, आर्लिं हलान्द, पल पगबा मोननि गेलेनायखौ नुनो
मोननाय नङा होनना मिथिना मोनदों।
Please do not enter any spam link in the comment box. ConversionConversion EmoticonEmoticon