दिल्लि बिधानसभा बिसायखथि नि भत
साननाय आ दिनै जागोन। गासै 70 मासि नि भत साननाय आ दिनै फुंनि 8 बाजि निफ्राय
जागायगोन होनना मिथिना मोनदों। थांनाय 5 फेब्रुवारि आव भत होनाया जादोंमोन। एग्जित
पल नि बादिब्ला बिजेपि दोलो आ देरहागोन होनना बुंदों, नाथाय गुबुनफारसे एग्जित पल
नि रिजाल्त खौ आप दोलो आ गनायना लायाखै, आगोलावबो एग्जित पल नि रिजाल्त आ उल्था
जादोंमोन गुबुन रायजो नि आ। दिनै एग्जित पल नि रिजाल्त आ थार जायो ना गोरोन्थि
जायो बेखौ मिथिगोन। मखजाथावदि आप एबा आम आदमि पार्ति आ दिल्लि आव सोरखार
सालायदोंमोन।
बे बोसोरावनो
जानो गोनां काउनसिल बिसायख'थिनि सिगां बड'लेन्डनि राजखान्थियाव गोबां सोलायबाय थानायखौ
नुनो मोनदों। बिपिएफनि गाहाय हाग्रामा मोहिलारीनि मोनसे समनि लोगो खाम्फा बरगयारीआ
नांगोलखौ नागारनानै ट्रेक्टर सालायसिगोन। दोलोनि मोनसे समनि लेङाइ आफादगिरि आरो
बिटिसिनि बारग' लेङाइ गाहाय मावफुंगिरि खाम्फा बरगयारी, जाय 2 फेब्रुवारियाव
बिपिएफनिफ्राय बिबान एंगारदोंमोन, प्रमद बर' दैदेननाय इउपिपिएलआव हाबगोन दिनै।
खाम्फा बरगयारी
बिथाङा ककराझारआव मोनसे खौरां मेलनि गेजेरजों जइन जानायनि सोमोन्दै फोसावो।
बिपिएफनि गोजौ थाखोनि दैदेनगिरिफोरनि गेजेराव सासे खाम्फा बरगयारीआ 500
दैदेनगिरि-मावथिफोरजों दिनै 8 फेब्रुवारि आव चिरांआव इउपिपिएल दोलोआव हाबगोन। बे
जइनिं हाबाफारियाव बिटिसिनि गाहाय प्रमद बर'आ नुजाथिगोन।
इउपिपिएलनि
हाबनायनि बागै खाम्फा बरगयारीआ बुङो, "जेबो नारसिननाय
एबा गुबुन जाहोननि थाखाय नङा, आं गोसो जाना इउपिपिएल
दोलोआव हाबनो थिरांथा लादों। जों मोनसे
दिदोम राजखान्थियारि आबहावानि मोजांनि थाखाय खामानि मावनो आरो बड'लेन्डनि गासै
जौगाथायनि थाखाय मोनसे गोग्गो समाज दानो थाखाय इउपिपिएल दोलोआव हाबफैदों।
इउपिपिएलआव
हाबनायनि सिगां खाम्फा बरगयारीआ बेरफ्रुसार अजद होदोंमोन दि बिपिएफआ
सुबुंखान्थियारि बेसेननि आंखाल। गिबियाव खाम्फाया बुङो, "बिपिएफआव खौसेयारि बिबुंथिनि आंखाल दं। आं नुबाय बबे हानजाया सुबुं समाजनि
जौगाथायखौ दैदेनगोन। आं खाथिनिफ्राय नोजोर होदोंदि इउपिपिएल दोलोनि सिङाव
सुबुंखान्थियारि बेसेनफोर दं। बे दोलोआव सावरायनायनि गेजेरजों थिरांथा लानाय जायो।
आं आसा खालामो दि दिनै नङाब्ला गाबोन आं
इउपिपिएल दोलोनि गेजेरजों गासै बिटिआरखौ राजखान्थियारि महरै खौसे खालामनो हागोन।
बि जे पि नि
बड'लेन्ड दैदेनगिरि आरो बिधान सभानि बुंथिगिरि बिस्वजित दैमारि बिथाङा खाम्फा
बिथांनो साबायखर बावहरदों, जाय बि.जे.पि. नि लोगो इउपिपिएलआव थांनो लुबैदों आरो
बुंदों, "जाय थांखिजों बिथाङा गोदान राजखान्थियारि जिउ
राहा जुरिनो नाजादों बेयो जाफुंसारथों। आंनि गोसो गोर्बोनिफ्राय साबायखर जासिहरदों।
आं बि.जे.पि. आव हाबनायनि जेबो सावरायनायनि सोमोन्दै मिथिया। बिथाङा बै दोलोआव
हाबबाय जायनिफ्राय बिथाङा सानो दि बिथाङा सुबुंफोरखौ सिबिनो हागोन होनना बिथाङा
बुंदों।
बेखौ नोजोर होनो
गोनां दि बिथाङा गिबि खेब फाइनालाव हारियाना
बादायगिरिफोरजों मेचआव 5-5 जों समान-समान गेलेदोंमोन। उनाव बिथाङा हित आव जेनदोंमोन। बिनि सिगां र'डालीआ सेमि फाइनेलखौ 5-0
जों देरहादोंमोन। बेखौ नोजोर होनो गोनां दि र'डालीआ थांनाय गवा नेशनेल गेम्साव
सनानि मेडेल देरहादोंमोन। बै खेबाव बिथाङा गावनि रायजोनि सोलायै गवानि जानानैसो बादायलायदोंमोन।
बेखौ नोजोर होनो
गोनां दि मैयानि सानाव आसामआ हादोरारि गेम्सनिफ्राय माखासे मोजां खौरां मोनदों।
आसामआ बक्सिंआव मोननै सनानि मेडेलजों गासै दाइन मेडेलफोर देरहादोंमोन। लोगोसेनो
गुबुन गुबुन गेलेनायफोराव मेदेलखौबो रोखा खालामबाय।
आसामआ 2022
मायथाइनि गुजरात नेशनेल गेम्साव देरहानाय 28 मेडेलनि रेकर्डखौ दासिम 31 मेडेलफोर
मोननानै सिफायखाबाय।
आसामनि साब्रै
बक्सारफोरा सुक्रुबाराव हायुंआरि गेलेमुनि जारिमिनाव गिबि खेबनि थाखाय फाइनाल
गेलेदोंमोन। अलिम्पिक मेडेल देरहागिरि लाभलिना बरगहाइ आरो जुनियर मुलुग चेम्पियन
अंकुशिता बर'आ गाव-गावनि थाखोआव सनानि मेडेल देरहादोंमोन।
बिनि उल्थायै,
खेबनै अलिम्पिक गेलेगिरि शिव थापा आरो गोदानै जागायजेननाय अभिनव सैकियाया सनानि
मेडेल बादायलायनायाव जेननायनि उनाव रुपानि मेडेल देरहादोंमोन। बिसोर सानैबो
सार्विसेजनि बक्सारजों जेनदोंमोन।
बेबायदिनो बोरला
गावनायाव, सुक्रबारखालि आसामनि तुटुम'नि बर'आ इन्डिया
राउन्डनि हारसिं बाहागोआव ब्रन्ज मेडेल देरहादोंमोन आरो अरुण बर' आरो नम्रता
ब्रह्मआ मिक्सड थाखोआव ब्रन्ज मेडेल देरहादोंमोन। थामथि जायगा आवग्रिनो हानाय
बादायलायनायाव तुतुमानिआ झारखंडनि मनिषा कुमारीखौ 6-4 आरो अरुण-नम्रताया हारियानानिखौ 5-3 जों
फेजेनदोंमोन।
लनबलाव हौवाफोरनि
हारसिंआव पुतुल सन'वालजों लोगोसे नयनमणि सइकिया आरो बनगीता हाजरिकानि आयजो जावजा
जराया आरो बिट'पन राभा, अमल टेरन, बिमान नाथ आरो बिस्वनाथ खाउन्डनि हौवाफोरनि फर्सआव
सेमिफाइनेलाव सौहैनो हायो आरो मोन 3 मेदेल मोनबावगोना रोखा जायो
रांखान्थि
मन्थ्रि निर्मला सीतारमनआ 2025-26 मायथाइनि रांबावजायाव महामारिनि उनाव
रांखान्थिया गाहायसिन थाखोआव सौहैनायनि उनाव गेजेर थाखोनि सुबुंफोरनो रैखाथि होनो
थाखाय दासिम बयनिख्रुइबो देरसिन खाजोना रेहाय होनायनि सप्तासेनि गेजेराव सुदनि
हारआ गाहायाव फैदों।
पुलिसा बे
जाथायजों सोमोन्दो थानाय साथाम सेंग्राफोरखौबो खादों। बेखौ गोसोखांहोनो हायोदि
मजबात पुलिसा मोनसे आनदोनि फुंखाजों नायबिजिरनायनि उनाव लांखारनायाव लोब्बा थानाय
साथाम सेंग्राफोरखौ खानो हादों, लोगोसे सानै लांखारजानाय हिनजावसाफोरखौबो बासायनो होदोंमोन।
मिथिनो मोननाय
बायदिब्ला सानै हिनजावसाफोरा 5 फेब्रुवारिनि मोनाबिलियाव बाक्सा जिल्लानि गरेश्वर
पुलिस थाना ओनसोलनि गंसे गामिनिफ्राय गोमादोंमोन।
नखरनि सोद्रोमाफोरा हराव आरो बाहागिनि न'आव नागिरदोंमोन, नाथाय हर गेजेराव
बिसोरो जेबो सुलुं मोनाखैमोन आरो फुङाव गरेश्वर पुलिसनो जाथायनि बागै फोरमायनानै
एफआइआर होदोंमोन।
बेनि उनाव
गरेश्वर पुलिसआ मबाइल लकेसनखौ नायबिजिरनायनि उनाव थाबैनो माजबात पुलिसनो
खौरां हरो। हरखाबैनो, माजबात पुलिसआ जाथाय जायगायाव सौहैयो आरो सानै हिनजावसाफोरखौ
माजबात रेलवे स्टेशननि लांदां थाग्रा खुलिनिफ्राय रैखा खालामो।
सानै
लांखारजानाय हिनजावसाफोरजों लोगोसे साथाम लाइमोनफोरखौ स्टेशननिफ्राय हमनो हादोंमोन
नाथाय ब्रैथिया पुलिसनि मेगनाव हाद्रि सारनानै खारखोमालांनो हादोंमोन। लांखारनायाव
लोब्बा थानाय सानै सेंग्रा आरो मास्टार माइन्द आ बाबु बर' (22) होनना सिनायथि
होनाय जादों। माजबात पुलिसा सानै हिनजावसाफोरजों लोगोसे गासैखौबो गरेश्वर पुलिसनो
गथायना होदोंमोन।
2023 मायथाइयाव,
रायजो सोरखारा आसाम पाब्लिक सार्विस कमिसनाव साख्रि लानाय सा 21 मावख'गिरिफोरखौ
होखारथ'दोंमोन। उनाव बे सा 21 मावख'गिरिफोरा गावसोरनि दोनथ'नायखौ बोखारनो थाखाय
गुवाहाटी गोजौ बिजिरसालिसिम थांदोंमोन।
बिजिरसालिया
दोनथ'जानाय गेजेटेद मावख'गिरिफोरनि खावलायनायाव बे आयदानि सायाव आसाम
सोरखारनिफ्राय फिन्नाय बिदोंमोन। नाथाय थि समाव, आसाम सोरखारा बैफोर गेजेटेद
मावख'गिरिफोरखौ दोनथ'नायनि सायाव बिजिरसालिनो फिन्नाय होआखैमोन। रायजो सोरखारा बे
आयदाखौ नागारबाय।
बेबादि
थासारियाव, गुवाहाटी गोजौ बिजिरसालिया बै गेजेटेद मावख'गिरिफोरनि बिफानारि
नायबिजिरनायजों लोगोसे दोनथ'नायनि बिथोनखौ दोनथ'दोंमोन। बेबादि थासारियाव बे
एरख'जानाय मावख'गिरिफोरा गावसोरनि साख्रिखौ मोनफिन्नायनि खाबुआ दा गोबां।
बेखौ गोसोखांनो
गोनां दि गोबां सानखांनायनि उनाव, रायजो सोरखारा दिसेम्बर 2023
मायथाइनि गिबि सप्तायाव ए.पि.एस.सि. केलेंकारिआव सा 21 गेजेटेद मावख'गिरिफोरखौ
साख्रिनिफ्राय होखारथ'दोंमोन। बिजिरगिरि बिप्लब कुमार शर्मा कमिसनआ गावनि रिपर्टखौ
गथायनायनि बोसोरसे खावसेनि उनाव, सोरखारा साथाम मावख'गिरिफोरखौ खादोंमोन जाय
ए.पि.एस.सि.आव खेंख्रा लामायाव साख्रि लादोंमोन आरो सा 21 खौ सासपेन्द
खालामदोंमोन।
बे एरख'जानाय
मावख'गिरिफोरनि गेजेराव साब्रै ए.सी.एस. मावख'गिरि, सा 11 ए.पी.एस. मावख'गिरि आरो सा द' नांजाबनाय मावमिन मावख'गिरिफोर दंमोन।
X नि गेजेरजों गिबि
मन्थ्रिया हायार सेकेन्डारि (HS) आनजादाव
उथ्रिनाय फरायसाफोरनो गोबां नेनाय खौरां होयो।
जाय फरायसाफोरा
मेरिटनि सायाव कसिं खालामो, बिसोर आसाम सोरखारनि स्कुटीबो मोनगोन।
बबेखानि, गिबि
मन्थ्रिया फोसावदोंमोन दि फैगौ सोलोंथायारि बोसोरनिफ्राय रेगुलार फरायफारिफोराव
मुं थिसननाय फरायसाफोरखौल' प्रज्ञान भारती बिथांखिनि थाखाय आरजाथाव साननाय जागोन।
सिगाङाव रेगुलार
फरायसाफोराल' स्कुटि मोनोमोन। बे नेम खान्थियाव माखासे सोलायनाय लाबोनाय जागोन आरो
कचिं फरायसाफोरनो स्कुटीबो होनाय जागोन होनना फोसावनाया फरायसाफोरखौ गोसो
गुदुं खालामदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon