दिनै 25 जुन 2025 नि बुधबार साननि दासिमनि गोदान खौरांफोरनि blog आव गिबिआवनो नोंथांमोनखौ बरायग्रोबाय। दिनैनि दासिमनि मोननैसो खौरांफोरा जाबाय।
1. 1 जुलाई, 2025
निफ्राय भारतारि रेलवेआव थांलाय-फैलाय खालामनाया बेसेन गोसा जागोन। रेलवेआ ट्रेननि
भाराखौ बारायनो फोसावदों। रेलवेनि मावख'आरि
फुंखाफोरनिफ्राय मोन्नाय खौरांनि बायदिब्ला, नन एसि मेइल/एक्सप्रेस ट्रेनफोरनि
दावबायारि भाराखौ मोनफ्रोमबो किल'मिटाराव 1 फैसा बांहोनाय जागोन। बेजों
लोगोसे, एसि क्लासनि भाराखौ मोनफ्रोमबो किल'मिटाराव 2 फैसा बांहोनाय जागोन।
बेनि ओंथिया
बेनोदि बांनाय बेसेना गोलाव जानथाय आरो एसी ट्रेनफोरनि थाखाय जागोन। बबेखानि,
जायगायारि ट्रेनफोरनि भारायाव जेबो बारायनाय जायाखै। बे समावनो दानारि सिजन
टिकेटफोरा (एमएसटी) गोजाम बेसेनावल' मोननो हागोन। बेबादि थासारियाव माखासे
थाखोफोरा रेहाइ मोनगोन।
रेलवेनि गोदान खाजोनाया सरासनस्रा नैथि थाखोआव
दावबायनायनि भाराखौ 500 किल'मिटारसिम बांहोआखै। नाथाय दावबायनाया 500 किल'मिटारनि
बांसिनब्ला, मोनफ्रोमबो किल'मिटाराव खावसे फैसा उफ्रा होनांगोन।
बेखौ मुंख'नो
गोनां दि बावैसो भारतारि रेलवेआ मोनसे गोनांथार फोसावदों, 1 जुलाई, 2025
निफ्राय तत्काल ट्रेन टिकेट बुकिं खालामनो
थाखाय आधार फोरमानथिया गोनांथार जागोन। सुलुंनि बायदिब्ला, बे सोलायनायखौ भारतारि
रेलवेआ रेलवे दावबायारिफोरनि सायाव बाङायसिन गोहोम खोख्लैनानै सिबिथायफोरखौ साबसिन
खालामनायनि थांखिजों खालामदों।
साननैसो सिगां रेल मन्थ्रि अश्वनी वैष्णवआ बुंदोंमोन दि भारतारि रेलवेआव होनाय सुबिदाफोरनि सायाव बिथा खालामनानै गुबुन गुबुन ट्रेन/थाखोनि भाराखौ थि खालामनाय जायो।
भारतारि रेलवेआ गुबुन-गुबुन रोखोमनि दावबायारि खोन्दोफोरनि थाखाय
गुबुन-गुबुन रोखोमनि ट्रेनफोर सालायो।
रेल मन्थ्रि अश्विनी वैष्णवआ बुंदोंमोन दि वन्दे भारत रेलवेजों लोगोसे
दावबायारि भाराखौ बिजिरनाय आरो जुक्तिगोनां खालामनाया मोनसे सोलिबाय थानाय खान्थि।
2. बड'फानि Philosophy and Ideals खौ फोसावनो थाखाय गायसनजानाय उपेन्द्रनाथ ब्रह्म ट्रास्टआ
थुलुंगाफुरिनि कम्पाउन्दनि सिङाव जेबो राजखान्थियारि दान्थे-बिदान्थे गोनां
बिबुंथि होनायनिफ्राय जानगाराव थानो खावलायदों।
मैया फोसावनाय
मोनसे प्रेस रिलिजआव, ट्रास्टआ बुंदों दि उपेन्द्रनाथ ब्रह्म ट्रास्टआ गासैबो
थाखोनि सुबुंफोर, फरायसंगिरिफोर,
राजखान्थियारि दैदेनगिरिफोर, समाजारि मावथिफोर आरो नोगोरारिफोरनिसिम गोथौयै साबायखर बावदों, जाय बड'फानि
अराय जिरायग्रा थावनि थुलुंगाफुरिआव थांनानै गोसो गोर्बोजों मान बाउदों।
रायजो सोरखार
आरो सुबुंफोरनि जथाय नाजानायजों जौगाखांनाय, थुलुंगाफुरिया खालि मान बाउनायनि
थावनिल' नङा, नाथाय बड'फानि
गोजोन, खौसेथि आरो 'थां आरो थांनानै थानो हो' नि गोथौ खौरांनि नेरसोन महरै मोनसे
ईसोरारि आरो सानथौआरि मिरु महरैबो नुजाबोदों।
नाथाय ट्रास्टनि
नोजोराव बेयो फैदों दि बेफोरबायदि दावबायनाय समाव माब्लाबा-माब्लाबा राजखान्थियारि
बिबुंथिफोरखौबो थुलुंगाफुरिनि सोरगिदिं खुंजानाय मीडिया एड्रेस हाबाफारियाव
सोफानाय जायो। जों फोथायो दि बेयो जायगानि गोथारथि आरो महात्मा गान्धीनि जौथायजों
समान।
बिनिखायनो बे
बिथिङाव उपेन्द्रनाथ ब्रह्म ट्रास्टआ गुरैयै खावलायो दि गासैबो मानगोनां
दावबायारिफोरा थुलुंगाफुरि सोरबिथिंआव जेबो राजखान्थियारि एबा राजखान्थियारि
दान्थे-बिदान्थे गोनां बिबुंथि होनो नाङा।
खौरां बिजोंनि
बिदा-फंबायफोरखौ थुलुंगाफुरि दावबायनाय समाव जायखिजाया राजखान्थियारि सोमोन्दो
गोनां सोंलु सोंनायनिफ्राय जानगाराव थानो थाखायबो खावलायनाय जादों होनना मिथिना
मोनदों।
3. मोनसे मोजां
खौरां। जुनाव आसामनि रायजो बेंगिरिया नेमखान्थि बायदियै बिटिआरजों नांजाबनाय गं 81
गामिफोरनि सिमा थि खालामनो थाखाय जोबथा बिथोनखौ गनायथि होयो।
पन्चायत आरो
गामियारि जौगाखां बिफानजों फोसावजानाय बे बिथोनखौ बाहागोआरिफोरजों गुवारै
सावरायनाय आरो रायजो राजानि बिबुंथिखौ मोजाङै नायबिजिरनायनि उनाव फोसावनाय जादों।
बिटिआरआव गं 81
गामिफोरखौ सोफादेरनायखौ सिगाङाव बड'लेण्ड अनसाइ बिफाना बिथोनलाइनि गेजेरजों
फोसावदोंमोन:
मख'जाथावदि, 2004 मायथाइनि
बड'लेन्ड टेरिटरियेल काउनसिल (बिसायख'थि)
नेमनि नेम 3 (2) बायदियै, सोरखारा रायजो राजानि बिबुंथि, अजद आरो सुबुरुनफोरनि
थाखाय सिमा थि खालामनो थाखाय मोनसे ड्राफ्ट बिथोन फोसावदोंमोन।
उदालगुरि, तामुलपुर, बाक्सा, सनितपुर, नलबारि, दरं आरो
बिस्वनाथनि जिल्ला बेंगिरिफोरा सुबुरुन बुथुमनो आरो राजखान्थियारि दोलोफोर, नोगोरारि समाज आफादफोर
आरो गावारि बाहागोजों सोमोन्दो लाखिनो एबा जगाजग खालामनो मोन्थाय होनाय जायो।
समबारखालि आसाम
सोरखारनि पन्चायत आरो गामियारि जौगाखां बिफाननि उफ्रा गाहाय नेहाथारि आइएएस ड. बि
कल्यान चक्रबर्तीआ बिथोनलाइ फोसावदोंमोन।
4. "जेब्ला नक्सल एबा उदखारि गोहोम गोग्लैनाय ओनसोलनि सासे गथ'आ
आखाइयाव सिलाइनि जायगायाव पेन्सिल लायो, अब्ला
मोनसेल' ओनसोलनि नङा , गासै हादोरनि इयुना गोजों जायो। जेब्ला नक्सलबादनिफ्राय उदांस्रिनि
देरहानायनि सल'खौ लिरनाय जागोन, अब्ला
रैखाथि गोहोफोरनि गोब्राब नाजानाय, बावसोमनाय आरो मुंख्लं जानायनि सल'खौ जारिमिननि
बिलाइयाव सनानि हांखोआव लिरनाय जागोन। मिरु नखर मन्थ्रि अमित शाहया बुंदोंमोन दि जोंनि सोरखारा नक्सलबादखौ फोजोबग्रा ओनसोलफोराव जाग्रा आदार,
सावस्रि सुबिदा, सोलोंथाइ, न' आरो गोगो लोंग्रा दै
जगायनानै गोजा उदखारिफोरखौ आबुङै फोजोबस्रांगासिनो दं।
मिरु नखर
मन्थ्रि अमित शाहया छत्तीसगढ़आव नक्सलबादनि सोमोन्दै बेफोर गासैबो बाथ्राफोरखौ
फोरमायदों । शाहआ समबारखालि रायपुराव रैखाथि मावथिफोरखौ लोगो हमनानै बिथांमोनजों
रायज्लायनाय समाव बे बाथ्राखौ बुंदोंमोन ।
बे मेलाव गिबि
मन्थ्रि बिष्णुदेव साई, लेङाइ गिबि मन्थ्रि आरो नखर मन्थ्रि विजय शर्मा, मिरुनि नखर
नेहाथारि, ब्यूरो अफ इन्टेलिजेन्सनि डाइरेक्टर जेनेरेल, बि.एस.एफ. नि डाइरेक्टर जेनेरेल आरो गोबां गुबुन
गोजौ थाखोनि मावख'गिरिफोर दंमोन।
अमित शाहया
बुंदोंमोन, "दिनै जाय ओनसोलफोराव नक्सलबादनि जोबथायाव फैदों, बेयाव जोंनि
सोरखारा जाग्रा आदार,
सावस्रि सुबिदा, सोलोंथाइ, मोब्लिब, न', खिखरसालि आरो गोगो लोंग्रा दै जगायनानै
जौगानायनि गुबै लामाजों फोनांजाबगासिनो
दं। 31 मार्च, 2026 मायथाइयाव, गाहाय मन्थ्रि मदीनि दैदेन्नायाव जेब्ला
हादोरा नक्सलबादनिफ्राय उदां
जागोन, बै बुब्लिया उदांस्रिनि उनाव बयनिख्रुइबो
गोनांथारसिन बुब्लिफोरनि गेजेराव मोनसे जागोन। ''
मिरु नखर
मन्थ्रिआ छत्तीसगढ़नि नाभा रायपुराव आदिबासिफोरनि गिख्रंथाव बुथारग्लुंनाय आरो
नक्सलिफोरजों बस्तरखौ बासायनो नाजानायनि सायाव लिअ'र अयनाजों लिरजानाय गांसे
बिजाबखौबो फोसावदोंमोन।
5. इजराइल-ईरान दावहाया आसामनि अर्थदक्स साहायाव गोहोम खोख्लैदों। मानोना इरानआ आसामनि अर्थदक्स साहानि थाखाय बयनिख्रुइ देरसिन हाथाइफोरनि गेजेराव मोनसे। आसामआ इराननो रेकर्ड अनजिमानि साहा दैथायहरो। नाथाय बे अर्थदक्स साहाया दिनै हादोराव सोलिबाय थानाय दावहानि आबहावानि थाखाय गोहोम गोग्लैदों। जायनि जाउनाव आसामाव साहा दारिमिननि थाखाय मोनसे गिख्रंथाव खैफोद फैदों।
साहा ब'र्ड अफ
इन्डियानि बारग' मासिगिरि आरो मुंदांखा साहा दिहुनग्रा प्रभात बेजबरुआआ बे
सोमोन्दै गुवारै फोरमायथि होदोंमोन । बिथाङा बुंदोंमोन,
"जों आसामाव अर्थदक्स साहा
बानायो । जोंहा 85 मिलियन गुन गोनां अर्थोडक्स साहा बानायनाय जादों । बेफोरनि
बांसिनानो बागानफोरजों बानायजानाय । बथललिफ कारखानाफोरा जोबोद बाङाइ बानायो। बेनिखायनो बागाननि दिहुनथाया 350 मिलियन
किल'ग्रामसो । बागाननि दिहुन्थायनि 25 जौखोन्दोसोआ अर्थोडक्स । "
बेजबरुआ बुङो, "बै अर्थोडक्स
साहानि फ्राय 100 जौखोन्दोखौनो दैथायहरनाय जायो। बेनि गेजेराव 25 मिलियन
किल'ग्रामआ इरानाव थाङो। बेयो दा थांनाय नङा, 25 मिलियन किल'ग्रामनि हाथाइया गोमालांगोन। बेयो
जोंनि थाखाय जोबोद गिदिर हाथाय। आसामनिफ्राय जोंहा 140 मिलियन किल'ग्राम
दैथायहरनाय जायो,
जायनि गेजेराव जुदि 25 आ गोमायो, अब्ला 20 जौखोन्दो दैथायहरनाया गोहोम गोग्लैगोन। " होनना
बुङो।
6. सासे भारतारि
आइजोआ अख्रां दावबायनायनि थाखाय थियारि जागासिनो। जुदि गासैबो मोजाङै थायोब्ला,
अन्ध्र प्रदेशनि सोनाब ग'दावरी जिल्लानि पलाकल्लुनि दंगेटी जान्हवीआ 2029
मायथाइयाव अख्रांमायाव दावबायगोन।
जाह्नवी आ सिगांनिफ्रायनो नासानि गेजेर हायुंआरि
बार आरो अख्रांमा हाबाफारिखौ जाफुंसारै फोजोबखांबाय। बिथाङा बेबादि जाफुंसार जानो
हानाय गिबिसिन भारतारिबो जानो हादों।
इलेक्ट्रनिक्स
एन्ड कमिउनिकेसन इन्जिनियारिंनि ग्रेजुवेट जान्हवीखौ आमेरिकानि मावथांखि टाइटननि
अर्बिटेल पर्ट स्पेस स्टेशनखौ नायनो थाखाय सायख'नाय जादों, जायखौ 2029 मायथाइयाव
बेखेवनाय जागोन।
भारतारि आइजो
बिगियानगिरिनि जाफुंसारनाया बिथांनि बिमा-बिफा, खुरमा-बाहागि आरो मोनसे समनि सोलोंथायारि
फसंथानफोरखौ खुसि खालामदों। बिथांनि बिफा श्रीनिवास आरो बिमा पद्मश्रीआ खामानि नि
थाखाय कुवेतआव थागासिनो दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon