बर फोरनि गेजेराव आरो मोनसे आफाद
जोनोम। आफाद नि मुङा ईन्दिजेनिआस बद युथस अरगेनायजेशन। बर हारि नि सोलोंथाय,
रांखान्थि जों लोगोसे गुबुन गुबुन जेंना फोरनि सायाव गसंथानो थाखाय बे आफादखौ
जोनोम होदों होनना बुंदों बिथांमोना। बे आफादनि हेदकुवारतार आ कक्राझार आव जागोन
होनना बुंदों, नाथाय बेनि अनगायैबो गासै आसाम, भारत नि बर फोरनि जौगानायनि थाखाय
खामानि मावगोन होनना रोखा खालामना होदों। मैया 27 फेब्रुवारिखालि बेखौ दानाय जाबाय
होनना खौरांमेल नि गेजेरजों बुंदों। बे आफादनि आफादगिरि नि मुङा कर्नेलियास
बसुमतारि, लेङाय आफादगिरि आ गेवलां बसुमतारि, गाहाय नेहाथारि आ मिजिं मसाहारि
होनना फोसावना होदों।
शनितपुर आरो बिस्वनाथ नि जेंना फोरखौ
फोजोबस्रांनो थाखाय सोरखार जों खनले खनले सावरायलायगासिनो दं, खम सम नि गेजेरावनो
जेंनाफोरा बोस्रांजानायनि मिजिं। आगोलनि चेयारमेन नि जिउ गोमानाय आरो लोगोसे कभिद
नि थाखाय नो खामानि फोरा ईसे लासै लासै जादों, नाथाय मार्च नि गिबि सप्ता निफ्राय
नो आगोलनि बायदि खामानि जागोन होनना बिटिआर नि गाहाय प्रमद बर बिथाङा बुंदों।
रायजोफोरा गोनो गोथो जानो गोनां जेबो गैया होनना बो रोखा खालामना होदों। मुंख्लं
नि नखरफोरा थाबैनो अन्सुंथायखौ मोनगोन। जोंनि मुंख्लं आ गोबां रोजा रोजा जाबाय,
बेखायनो रां आ बो गोबां नांगोन, बेखायनो खोलोब बायदियै मुंख्लं नि अनसुंथायखौ
होगोन होनना बो बुंबावो। देग्लाय माखासे मानसि नो होनो हागोन होनना बिटिआर नि
गाहाय बिथाङा बुङो।
दावहा नि खौरां। दिनै 5 थि सान आव
हाबबाय दावहा या। किव खौ दखल खालामनो थाखाय गाग्लोबनायखौ बारा निफ्राय बारा
खालामदों रासिया या। ईउक्रैईन नि खहा जानायजों लोगोसे रासिया नि बो गोबां खहा
जादों। 3,50000 सो ईउक्रैईन नि फरायसाफोरनि शोलोंथाय आव गोहोम गोग्लैदों। ईउक्रैईन
नि सावस्रि बिफान नि बिबानगिरि आ बुंनाय बादिब्ला रुस नि 4300 सो आरमिफोरखौ
बुथारनो हादों, 200 नि बारा खौ खादों, नाथाय रुस आ बेखौ नंखाय होनना बुंदों।
ईउक्रैईन आ रासिया जों सावरायलायनो थियारि जाबाय, बेलारुस नि पिपरियात आव जेबो
शर्ट गैयालासै नो जागोन होनना मिथिना मोनदों। UNSC नि 15
सोद्रोमा नि 11 आ ईउक्रैईन खौ मदद होदों। भारत, चिन आरो ईउएई आ भत होनायनिफ्राय
गोजानाव थादों। भारत आ गंनैबो हादरनि सावरायलायनायनि गेजेरजों जेंना खौ सुस्रांनो
खावलायदों। ईंगेलन्द आ रासिया नि बेरेखा गेलेनो गोनां गासैबो फुतबल गेलेनायखौ बेन
खालामो। रासिया नि हादरगिरि आ निउक्लियार बोलो खौ थियारि खालामनायनि बिथोन होदों।
बे बिथोन खौ गोबां हादर आ नो निन्दा खालामदों। जामारगोन नामा 3 थि बुहुम दावहा।
नैथि बुहुम दावहा याव जेसेबां खहा जादोंमोन, बेनि गोबां गुन खहा जागोन जुदि
जामारोब्ला। आसा खालामो बेबायदि जाया।
बनसु आफाद जोनोम जानाय आ मोजां जादों,
हारि नि अलखद नि समाव खामानि मावनो थाखाय फैनाय आ जोबोद मोदां। बयहाबो मोनथाय दं,
जोंनि माखासे संगथनफोर सोरखारनि थाखाय हारि नि थाखाय नांनो हाया जादों, बे समाव
गोरबो जों दुखु मोननानै हारि नि खामानि मावनो सो बेखौ दादों जानो हागौ होनना बारग
मन्थ्रि प्रमिला रानि ब्रह्म बिथाङा बुंदों। बरफोरनि गेजेराव आरो बेबायदि आफाद
जोनोम जानांगौ होनना बो बुंबावो खौरांगिरिनि सिगाङाव। जोंनो आरो गोहो गोरा संगथन
नांगौ, लोगोसे बनसु जोनोम जानाय आव बेखौ फोजोबस्रांनो नागिरोब्ला बेसोर हारि नि
थार साननो रोङा होनना आ बुंगोन होनना बो बुंबावो।
सनितपुर
जिल्ला एबसुनि 49थि थान्दै
जखन्थाइ लोगोसे आगु सनाथि मायथाइ फोर्बो फालिथाइखौ हुग्राजुलि दख'रानि
बेन्दोंङाव थानाय खावब्ला गेलेग्रा फोथाराव सान्नैनि मेहेरगोनां हाबाफारिजों खुंनाया दिनै जोबनानै
थाङो। सनितपुर
जिल्ला एबसुनि आफादगिरि राजेस बसुमतारीआ मासि लानानै दैदेननाय गेवलां मेलखौ
बेखेवनानै होयो बोखावजायै सनितपुर जिल्ला एबसुनि बारग' आफादगिरि
बिबेकानन्द ब्रह्मआ ।
सनितपुर
जिल्ला एबसुनि 49थि थान्दै
जखन्थाय लोगोसे आगु सनाथि मायथाइ फोर्बो फालिथाइनि गेवलां मेलाव गाहाइ आलासि महरै
बाहागो लायो मिरु एबसुनि आफादगिरि मानावगेदेद मुस्रि दिपेन बर'आ । गाहाइ
आलासि महरै बाहागो लानानै बिथाङा सनितपुर आरो बिस्वनात जिल्लाया बिटिआरआव
हाबथारगोना 100% रोखा होननानै राइजोफोरनो
खोथा होयो । मानोना सिमाखौ
बारायनानै बिएचि आरो बिटिचि मोननैबो गोरोबथायाव सोसननो हायै सनितपुर आरो बिस्वनात
जिल्लाखौ बिटिआरआव सोसननांगौनि सार्थआवसो एबसुआ सागान होदों होननानै हारिखौ
खौसेयाव लाखिनानै बुहुमनि खना खनलायाव थानाय बर'फोरखौ
रोखोमसेयै सिनायथि होनायाबो एबसुनि गुबै थांखि होननानै गावनि बेसेनगोनां बिबुंथिनि
गेजेरजों फोरमायथिबावो । गेवलां मेलाव
जरखा आलासि महरै बाहागो लायो बिटिआरनि गाहाइ मावफुं सोद्रोमा मुस्रि प्रमद बर' आरो आसामनि
मिनिस्थार अशक सिंहालआ ।
गुवाहाति नि दैजि बसुमतारि आ ईउक्रैईन
निफ्राय आसाम आव मोनफैबाय। आरो बेबायदि नो गोबां बर फोरा ईउक्रैईन आव थानो हागौ,
फैफिननो हायाखैबो जानो हागौ। आसाम सोरखार आ हेल्पलाईन नम्बर होदों, सोरबाफोर
सिनायनाय दंब्ला बेखौ हरोब्ला नो जाबाय।
वेस्तईन्दिज खौ ह्वाईत वास खालामनायनि
उनाव दायो श्रिलंका खौ बो खआलामबाय भारत नि कृकेत नि दोलो आ। मैया जोबथा टि-20 खौ
बो देरहायो भारत आ। 6 विकेत जों फेजेनो। दासिम भारत आ गासै 12 चे मेस खौ देरहादों
खनसेबो जेना लासै, 3-0 जों देरहाबाय सिरिज खौ। गिबि आव बेतिं खआलामग्रोनानै
श्रिलंका या 20 अभार आव 146 रान बुदोंमोन। बेनि फिननाय आव भारत आ 16.5 अभार आव नो
148 रान बुना देरहायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon