Bodo news today 1 march 2022 ~ Bodoinfo.com

तामुलपुर जिला नि गोरेस्वर आव स्तेतबेंक नि एतिएम निफ्राय रां दिहुननो फैना मोब्लिब शक नांनाय आव जोखोम जायो सासे सुबुं। अजद नि बादिब्ला गोरेस्वर नि थागगिबि अजय मुंनि सेंग्रा या 27 फेब्रुवारि नि मोनाबिलि नि समाव रां दिहुननो थांदोंमोन, रां ओंखारनाय समाव रां खौ मेसिन निफ्राय बखनो नागिरनाय आव नो मोब्लिब शक नाङो, मा जाहोननि थाखाय बेबायदि जाखो मिथिना मोननाय जायाखै, बेनि सोमोन्दै बेंक नि बिबानगिरि नो खौरां हरनाय आव लोगो लोगो एटिएम खौ बन्ध खालामना होयो, मिथिना मोननाय बादिब्ला साननैसो सिगाङावबो गुबुन सासे सुबुंनिआव बेबायदि जादोंमोन होनना मिथिना मोनदों। जायगा नि सुबुंफोरा मोजां खालामनानै बाहायजाथाव खालामनो खावलायदों।

रासिया नि ईउक्रेईन गाग्लोबनाय. मैया शांति नि सावरायलायनायनि गिबि खोलोब आ जोबनानै थांबाय, नैथि राउन्द आ जानो हागौ, मिथिना मोननाय बादिब्ला मैया नि सावरायलायनाय आ बारा मोजाङै जायासै, जोबथा थिरांथा लानो हायासै मोननैबो हादर आ नो, नाथि सावरायलायनायखौ पोलेन्द बेलारुस नि सिमना याव जागोन होनना मिथिना मोनगोन। सांति सुक्टि जायाब्ला थासारि आ गाज्रिसिन जागोन, मानोना खौरां मोननाय बादिब्ला ईउरोपियान ईउनियन आव ईउक्रेईन आ हाबगोन, मैया बेयाव हाबनो आरजलाय होदों। बेयाव हाबोब्ला रासिया नि टेनशन आ आरो बारासिन जागोन, ईउरोपियान ईउनियन आव हाबोब्ला ईयुन आव नाटो आव बो हाबनायनि सम्भावना दं। दावहा या नाटो नि थाखाय नो बांसिन जादों। मैया रासिया नि हादरगिरि पुटिन आ रोखा खालामना होदों जेंना नि सुस्रांनाय अब्लासो जागोन जेब्ला जोंनि रैखाति नि फारसे साननाय जागोन होनना। मा जाहोननि थाखाय बे दावहा या जादों बेनि सायाव मोनसे भिदिअ बानायना होखाबाय आं, मैया मोनाबिलि नि भिदिअ खौ नायोब्ला नो जाबाय। गोदान रिपर्त नि बादिब्ला ईउरोपियन ईउनियन आ रासिया खौ आरो गोबाङावनो बेन खालामगोन आमेरिका या बुंनाय बादिब्ला रासिया नि गाग्लोबनायनि थाखाय ईउक्रेईन निफ्राय 5 लाख सो सुबुंफोरा खारखुमाबाय जायगा निफ्राय। ईउक्रेईन नो हाथियार होगोन फिन्लेन्द आ, 2500 एशोल्त रायफल, 150000 गुलि, 1500 एंटि टेंक हाथियार फोर होगोन होनना मिथिना मोनदों। फैगो समाव बेबायदि नो थायोब्ला रासिया या गाग्लोबनायखौ हांसिन गोसा खालामनो हागौ, 50 जौखोन्दो जायगा खौ बेंखनना लाबाय रासिया या दासिम। दासिमबो थाबथानायनि महर आव गैया रासिया या, 36 टा हादर नि एयारलाईन्स आव होबथानाय खालामबाय रासिया या।

गायखेरनि बेसेन आ बारा जाबाय। दिनै 1 मार्च निफ्राय मोनफ्रोमबो लिटार आव 2 रां यै बारा, आमुल कम्पानि आ आमुल बरेन्द नि गायखेर नि बेसेन खौ बारायनायनि थिरांथा लादों। गासै हादर आव नो बेनि बेसेना बारा जागोन, दानिया आमुल गोल्द नि वसे लिटार नि बेसेन आ 30 रां, आमुल ताजा नि आ 24, आमुल शक्टि नि आ 27 रां जागोन होनना मिथिना मोनदों। बेनि सिगां 2021 नि जुलाई दान आव बरायदोंमोन।

फारसेथिं बुहुम दावहा नि सम्भावना, बेनि गेजेराव नो आईआईटि कानपुर नि बिगियानगिरिफोरनि सांग्रां खालामना होनाय- जुन दान आव फैनो हागौ कभिद नि 4 थि दोहौ आ। दायो गासै बुहुम आ नो दावहा खौ नोजोर होगासिनो दं, लोगोसे कभिद नि गोसारनाय आ बो गोबां गुन खम जाबाय। बेनि गेजेरावनो बे खौरां खौ होनाय आ साननो गोनां खालामदों। मोनसे आनजाद नि उनाव आईआईटि कानपुर नि बिगियानगिरिफोरा बुंदों, 4 थि दोहौ आ 4 दान फ्राम थानो हागौ होनना बुंदों। बिथांमोना बुंनाय बादिब्ला 4 थि दोहौ आ गिबि दाता लानायनि 936 सान उनाव फैगोन, गिबि दाता नि खालार आ 30 जानुवारि 2020 मोन, सम्भावना बादियै 22 जुन नि खाथि खाला जानो हागौ होनना बुंदों। बेनि गोहोम गोग्लैनाय आ बेसेबां जागोन बेखौ उनाव सो मिथिगोन, 3 थि दोहौ आ बारा जेबो खालामनो हायासै भारत आव।

साननैनि हाबाफारिजों खुंनाय कुमारिकाता दख'रा एबसुनि सनाथि मायथाइ फोर्बो फालिथाइ लोगोसे आफादनि खुंगा 48थि बोसोरसालिया जथुमानि गेवलां मेला दिनै छेसापानि बर'बाजारनि छेसापानि गेवलां गेलेग्रा फोथाराव मेहेरगोनांङै जोबनानै थाङो । दख'रा एबसुनि आफादगिरि एलपिसिं नार्जारिआ मासि लानानै दैदेननाय गेवलां मेलखौ बेखेवनानै होयो 58 नं तामुलपुर समस्टिनि एम.एल.ए मुस्रि जलेन दैमारीया । कुमारिकाता एबसुनि सनाथि मायथाइ फोर्बो फालिथाइ लोगोसे आफादनि खुंगा 48थि बोसोरसालिया जथुम्मानि गेवलां मेलाव गाहाइ आलासि महरै बाहागो लायो मिरु एबसुनि आफादगिरि मानावगेदेद मुस्रि दिपेन बर'आ । गाहाइ आलासि महरै बाहागो लानानै बिथाङा बर' हारियाव एबसुआ गोदोनिफ्राइ दिनैसिम होबोनाय बिहोमाफोरनि सायाव गुवारै फोरमायथिनानै एबसुखौ आबुङै बुजिनो मोनै सुबुंफ्रासो दिनै सोंखारिगासिनो होननानै हारिखौ आबुङै गेरेमसा महर होनोनो दिनैसिम एबसुआ हर सान खामानि मावगासिनो दङ होननानै गावनि बिबुंथियाव दाजाबदेरनानै बुंबावो ।

बिटिआर आव अन्थाय अखा। बेलासि नि 2 निफ्राय 3 बाजि सो नि गेजेराव चिरां नि बेंतल तुक्राझार ओनसोल आव हानाय बरफ अखा नि थाखाय गोबां सुबुंफोरनि खहा जादों होनना मिथिना मोनदों, जायगा जायगा बरफ नि थाखाय गुफुर जाजोबदों। गोबां सुबुंफोरनि टिन आ गब्लं जाजोबदों होनना मिथिना मोनदों। लोगोसे आबाद फोथार आव गोबां खहा जादों, टुक्राझार, बालाझार, 2 नं सालबारि, सान्तिपुर देउश्रि गामिफोराव बारहुंखा फैनाय जों लोगोसे बरफ अखा नि बिबां आ एरैबायदि बारा दि गोबां खहा जादों। गोबांनि नआव नो टिन गब्लं जानाय आव गोबां बेसेन गोसा मुवा बेसाद नि खहा बो जादों होनना मिथिना मोनदों।

जाथाय। फोरोंनाय आ सोलिबाय थानाय समाव नो मोनसे जाथाय जानाय आव स 10 फरायसाफोरा जोखोम जादों। बोकाखात नि बरपाक नगावलि गुदि फरायसालि आव जादों जाथाय आ। दंफां दानबाय थानाय समाव दंफां आ फरायसालि नि सायाव गोग्लैनाय आव सा 10 फरायसापोरा जोखोम जादों, सा 5 नि हालोद आ गाज्रिथार, गासैखौबो देहाफाहामसालि आव लाना थाङो। सासे सुबुं आ गावनि न नि दंफां खौ दानबाय थादोंमोन, बेनो फरायसालि आव गोग्लैयो। जाथाय आ 11 बाजि सो आव जादोंमोन होनना मिथिना मोनदों।