रायजो नि मानसावगारि आव आरो गंसे जिला सोदेरजाबाय। सुबुंखान्थि सान खालि निफ्राय जिला नि मर्यादा मोनो तामुलपुर आ। तामुलपुर आ रायजो नि 35 थि जिला जाबाय। जिला महरै मैया गिबि सुबुंखान्थि सान खौ फालियो, फिरफिला बिरहोयो मन्थ्रि उर्खावगोरा ब्रह्म बिथाङा। हाबाफारि खौ तामुलपुर जौसिन फरायसालि नि गेलेग्रा फोथार आव लानाय जादोंमोन। बे हाबाफारि आव जिला नि जिला बेंगिरि सिमान्त कुमार दास, एसपि पंकज यादब, तामुलपुर बिधानसभा नि एमएलए जलेन दैमारि जों लोगोसे बिटिआर नि ईएम, एमसिएलए बिथांमोना बाहागो लादोंमोन।
आरआरबि एनटिपिसि आनजाद नि बेले बेजे जानायनि अजद। फरायसाफोरनि रागा। हिंसायारि जाथाय जादों. बिहार नि गया याव। फरायसा फोरा रागा जोंनानै गया जांशन आव थांनानै दुंहाव थासारि सोमजिहोदों, अन्थाय खुबैदों, रेल नि दाबा खौ सावना बो होदों। उनाव पुलिस फोरा गाबनाय गेस बाहायो आरो होखारहरो। मखजाथावदि गोबाव सान निफ्राय नो आनजाद होग्रा फोरा अजद होदोंमोन बेले बेजे जानायनि सोमोन्दै। फरायसाफोरखौ गोसो होआखै, गोबां फरायसाफोरा नो गोबां खष्ट खालामदों, बेखायनो बेनि मोजां फिथाय खौ मोननो लुबैदों, नाथाय रेलवे बिफान आ गोसो होआखै, जायनि थाखाय फरायसाफोरा बेबायदि खालामनायखौ नुनो मोनदों।
मैया सुबुंखान्थि सान मोन। हादरनि गासैबो जायगायावनो बे सान खौ फालिदों, भारत नि फिरफिला खौ बिरहोदों। नाथाय गोबां जायगायावनो बायदिसिना जाथाय जानायखौ नुनो मोनदों। गसायगांव आव सासे सेंग्रा खौ हमदों, हादरनि बेरेखा खामानि मावनायनि दाय आव 19 बोसोर बैसो नि ताहेर आलि खौ हमदों, गसायगांवनि सिमुलटापु नि बे सेंग्रा या मोनसे भिदिअ आव मोसा मोसा भारत खौ अपमान खालामनाय नुनो मोनदों, भारत खौ उदखारि नि हादर होनना बुंदों आरो पाकिस्तान जिन्दाबाद बुंनायबो नुनो मोनदों, उनाव पुलिसफोरा थांनानै हमो बिखौ। भारत आव थानानै भारत नि नो दानानै बेबायदि खालामनाय आ सोमोनांथाव। रङिया याव आलफा नि फिरफिला बिरनाय सो नुनो मोनदों, गांथाम आलफा उदां नि फिरफिला बिरदों, मखजाथावदि आलफा या बे खनसे आव जेबो बन्ध होआखै, थेवब्लाबो तुलसिबारि बहुमुखि जौसिन फरायसालि नि गेट आव बिरहोनाय नुनो मोनदों
Please do not enter any spam link in the comment box. ConversionConversion EmoticonEmoticon