मैया आसामनि 126 बिधानसभा बियाब नि जोबथा भतारनि फारिलायखौ फोसावनानै होबाय, आसामनि गाहाय ईलेकतरेल अफिसार आ 2023 मायथाइ नि 1 जानुवारिसिमनि फारिलायखौ दिहुनना होयो, फोसावनाय फारिलाय बादियै आसाम आव 2,41,11,743 भतार दम आसाम आव। बेनि गेजेराव 1,21,28,543 आ हौवा, 1,19,82,804 आ आयजो आरो 396 सुबुंफोरा 3थि आथोन नि। मिथिना मोननाय बादिब्ला थांनाय 3 दान आव आसाम आव 2 खावसे लाखफ्राम भतारफोर बारा जादों।
बेनि गेजेरावनो बिसायखथि नि मोनसे खौरां मोनदों, भारत नि
बिसायखति आयोग आ मेघालय नि बिसायखथि नि खालारखौ आगोलाव 27 फेब्रुवारि आव जागोन
होनना फोसावदोंमोन, नाथाय दायो बेखौ 10 सान आवगायनानै 16 फेब्रुवारि खालामना
होबाय, बेबायदिनो त्रिपुरा नि बिसायखथि नि खालारखौ 16 फेब्रुवारि आव जागोन होनना
फोसावना होदोंमोन, नाथाय बेखौ फावसायनानै 27 फेब्रुवारि खालामना होबाय।
आसामनि गिबि मन्थ्रि आ बितिआर आव गासै 60 गामिफोरा हाबगोन होनना बुंनायनि उनावनो फारसेथिं गोबां रंजानाय नुनो मोनदों आरो बेबायदिनो गुबुनफारसेथिं बेनि बेरेखा जानायखौ नुनो मोनदों, गोबां जायगा याव नो अर जोंनायखौ नुनो मोनदों, गहपुर सिम बितिआर नि सिमा या बारा जागोनखौ गनायना लायाखै आसामनि गोबां दोलो संगथनफोरा। मैया आदिबासि फोरनि फरायसा आफाद आसा या धर्ना होदोंमोन, सान नि 12 बाजि आव धेकियाजुलि नि दिब्रुदरं सारियालि आव सनितपुर जिल्ला आरो धेकियाजुलि आन्सलिक कमिति आसा नि गोबां सोद्रोमाफोरा गिबि मन्थ्रिनि, मन्थ्रि अशोक सिंघाल आरो एमपि पल्लब लोशन दास नि मुसुखा बानायना सावना होयो, मैया आखाय आखाय प्लेकार्द लानानै बितिआर नि सिमा बारायनायखौ मानिना लानाय नङा होनना बो बुंनायखौ नुनो मोनो, बेबायदि थिरांथाखौ फिन खनसेबाव सानना नायनो बो होयो। मिथिना मोननाय बादिब्ला दिनै सनितपुर जिल्ला याव बे थिरांथा नि थाखाय 12 घन्ता नि बन्ध बो फोसावदों, आसा या बे बन्ध खौ गासैखौबो गोजोनै मानिनानै मदद होनो खावलायदों. सोरखार आ बितिआर नि सिमा बारायनायखौ फोसावनायनि सिगां धेकियाजुलि रङापारा नि गुबुन गुबुन हारि नि माहारियारि दोलोफोरजों सावरायलायनो नाग्रोगौमोन होनना बुङो, मोनसे ल हारि नि मतामत लानानै बे थिरांथा लानायखौ गनाया होनना बो बुङो बिसोर। मखजाथावदि आसामनि गिबि मन्थ्रि आ सानसे सिगां आव बितिआर नि सिङाव बितिआर नि बाहेर नि गं 43 रेभेनिउ भिलेज आरो गं 17 फरेस्त भिलेज आ हाबगोन होनना बुंदोंमोन। नाथाय 80 जौखोन्दो आरो बेनि बारा बर सुबुंफोर थानाय गामिखौ सो सोगोन होनना बुंदोंमोन गिबि मन्थ्रि आ, अब्ला आदिबासि सुबुंफोरा बे धर्ना खौ होनायनि मा मोनथाय दं। बितिआर आव हाबगोन सारिदुवार सार्कल अफिस नि मोननै हाग्रा गामि आ, बेनि थाखाय भालुपकुं पालिपारा दाजाबनाय लामा याव 1 घन्ता सो सम अबर सुबुंफोरा धर्ना होदोंमोन, सारिदुवार नि गोबां बर फोरा बितिआर आव हाबनायनि थाखाय रंजानायखौ नुनो मोनदोंमोन, रंजानाय थासारि आ फैदोंमोनब्लाबो नाथाय गुबुन हारि नि सुबुंफोरा बेलासि सम आव सार्कल अफिस आव थांनानै बेनि बेरेखा खालामदोंमोन होनना मिथिना मोनदों, जायगा नि एमएलए पद्म हाजरिका बिथाङा जायगा याव थांनानै बेनि सुबुंफोरखौ बुजायो, गासै सारिदुवार ओनसोल आ नो बितिआर आ व हाबाखै होनना फोरमायो, सारिदुवार नि मोननै आरो जयसिद्धि नि मोन 3 गामि आ ल सो सुक्ति बादियै हाबो होनना बो फोरमायो बिथाङा, बेखायनो रायजोफोरखौ जेबो साननो नाङा होनना बो बुङो।
सर्ब सिक्षा नि मोनसे नेम दंमोन, फरायसाफोरा सोरबा फरायनाय आव लोरबां ब्लाबो फेइल खालामनो हायि नि नेम, बेखायनो मेत्रिक आनजाद सिम रावबो फेइल जायामोन, नाथाय दानिया बे नेम खौ सोलायबाय, थाखो 5 आरो 8 आव पास जायाब्ला 2 दान नि गेजेराव गुबुन मोनसे आनजाद खौ होनो नांगोन, बे आनजाद आव बो जुदि पास जाया अब्ला बे थाको आव नो 1 बोसोर थिफिननो नांगोन होनना बुंदों, बेखौ आसामनि सोलोंथाय मन्थ्रि डाँ रनुज पेगु बिथाङा बुंदों।
2020 मायथाइ नि 27 जानुवारि आव बितिआर गोरोबथा या जादोंमोन, बितिआर नि मोन 4 जिल्लाफोराव मैया बितिआर गोरोबथा सान खौ गोबां हाबाफारि नि गेजेरजों खुंनाय जादोंमोन। बितिसि सेक्रेतारियेत नि मोखां आव बितिआर नि गाहाय आ बदफा नि मुसुखा याव बिबार बावनायजों लोगोसे 100 फुत गोजौ आव फिरफिला बिरहोयो आरो दंफां बो गायदों, लोगोसेनो बाइक रेलि बो खालामदोंमोन होनना मिथिना मोनदों। बितिआर नि गाहाय आ मुंख्लं नखर नि सिम मान बावनाय आरो एबसु, एनदिएफबि आरो ईउबिपिअ नि सिम साबायखर बावहरनानै आगोलाव मोननैसो जारिमिनारि गोरोन्थि जादोंमोन आरो गासैबो न्याय मोनाखैमोन, दायो गासैबो गोरोबलायनानै सान्ति खौ लाबोनो हादों होनना फोरमायो. मिथिना मोननाय बादिब्ला मैया मुंख्लं नखर नो 5 लाख रां नि चेक बो रानना होदों आरो लोगोसे सा 68 सुबुंफोरनो साख्रि थिसनलायबो होदों। बितिआर नि गाहाय आ फैबाय थानाय समाव बितिआर आव साख्रि फैगोन होनना फोरमायदों, आगोलनि सोरखार आ गोबां बेलेबेजे खालामनायनि थाखाय ईसे गोबाव जादों होनना बुंनानै गासैबो नेम बादियैनो जागोन होनना बुंदों बिथाङा।
भारत नि मुंदांखा तेनिस गेलेगिरि सानिया मिर्जा या गावनि जिउनि जोबथा तेनिस गेलेनायखौ गेलेयो, आस्त्रेलियान अपेन नि मिक्स दाबल्स नि फाइनेल आव रानार आप नि गेजेरजों गावनि केरियार खौ फोजोबो, बिथांनि भारत नि लोगो रोहन बापान्ना जों गेलेदोंमोन आरो फाइनेल सिम मोनहैदोंमोन, नाथाय फाइनेल आव 6-7 आरो 2-6 जों जेनो आरो रानार आप जायो, बिथाङा 2005 मायथाइ निफ्राय नो बेखौ गेलेदोंमोन, ईन्तारनेशनेल केरियार आव 6 ता ग्रेन्दस्लाम मोननो हादोंमोन, बेनिनो मोन 3 आयजो नि दाब्ल्स आरो मोन 3 आ मिक्स दाबल, बिथाङा मैया जोबथा गेलेयो होनना फोसावनानै होयो, गावनि केरियारखौ बिदाय होनायनि बेनिख्रुय मोजांसिन जायगा गैया होनना बो बुङो मानोना बेखौ जागायनाय आ बो बेयावनो जादोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon