आसामनि दानि दिजिपि भास्करज्योति महन्त बिथाङा बे बोसोर नि नो 31 जानुवारि आव आजिरा मोनगोन, बेखायनो बिथाङा आजिरा मोननायनि उनाव बिथांनि मासि एबा दिजिपि नि थाखाय आसामनि गिबि मन्थ्रि आ मुं खौ फोसावना होबाय। मैया गिबि मन्थ्रि आ आसामनि दानि एसदिजिपि जिपि सिंह बिथांखौ आसामनि दिजिपि जागोन होनना फोसावना होयो, बे बिबानखौ मोननायनि उनाव नो जिपि जिंह बिथाङा त्वितार नि गेजेरजों गोजोननाय मोननाय खौ फोरमायदों, मा कामाख्या नि बोर जों आसाम नि थागिबिफोरनि थाखाय खामानि मावनो मोननानै गोजोननाय मोननायखौ फोरमायदों, लोगोसे नो आसामनि गिबि मन्थ्रि खौ बो बिथांनि फारसे फोथायनाय थानायनि थाखाय साबायखर बावो।
आसाम सोरखारआ सनितपुर जिल्ला नि सिंनि 60 गामि आ बितिआर नि सिङाव हाबनायखौ फोसावनायनि उनावनो गोबां सुबुंफोरा नो बेखौ गोजोननाय मोनि खौ फोरमयादोंमोन, मैया 12 घन्ता नि सनितपुर बन्ध बो फोसावदोंमोन, बेनि गोहोम गोग्लैनायखौ सतिया बियाब नि जामुगुरिहात आव गोबां नुनो मोनदोंमोन, बितिआर आव गामि सोसननायखौ मानिया होनना रोखा खालामना होखादों, आरो बे गामि सोनो लानाय थिरांथा खौ बोखाराब्ला फैगो सम फोराव बितिआर नि बेरेखा जंगि आन्दोलन खालामगोन होनना बुंदों, मैया गोबां जायगा फोराव नो दखान फोरखौ बन्ध लाखिनायखौ नुनो मोनदों, बेल नङा गोबां जायगाफोराव गारि सालायनाय आ बो बन्ध जादों, फारसेथिं गामि सोनायखौ बरायदों, रंजादों, गुबुनफारसे बेनि बेरेखा बो जादों गोबाङानो।
आसामनि गोबां हाबा जानाय हौवाफोरा नो हमजागोन, बेखौ आसामनि गिबि मन्थ्रि आ बुंदों, हिनजावसा नि हाबा जानाय बैसो आ 18, नाथाय गोबां हिनजावसा फोरखौनो 18 बोसोर बैसो नि सिगां नो हाबा खालामदों, बेनि थाखायनो गोबां हौवा फोरा जेल जागोन होनना बुङो, लोगोसे नो 14 बोसोर बैसो नि सिंनि हिनजावसा जों देहायारि सोमोन्दो लाखिनाय आ बो मोनसे रोखोमनि दाय, हाबा खालामनानै एबा हौवा महरै बेखौ खालामदोंब्लाबो आयेन नि बेरेखा, बेखायनो फैगो 5-6 दान नि गेजेराव गोबां रोजा हौवा फोरनि बेरेखा नायबिजिरनानै जेल जाहोगोन होनना रोखा खालामना होदों। बिथाङा मैया हाबा जानायनि बैसो आरो लोगोसे सासे आयजो खौ बिमा जानायनि सम नि सोमोन्दै बुंदों, बिथांनि बादिब्ला सासे आयजो नि बिमा जानायनि मोजां सम आ 22 निफ्राय 30 बोसोर नि गेजेराव, बेखायनो जायफोरा हाबा जायाखै दासिमबो, हाबा जानो खावलायदों, ईसोर आ जोंनि देहा खौ एरैबायदि बानायदोंदि जों मोनफ्रोमबो खामानि नि थाखाय मोनसे बैसो थायो। मखजाथावदि मैया आसाम सोरखार आ गासै सा 1208 सुबुंफोरनो साख्रि नि थिसनलाय होयो, 1208 मासि नि गेजेराव 1136 आ सावस्रि बिफान नि आरो 72 मासि आ नखर बिफान नि, आसाम सोरखार नि 1 लाख नो साख्रि होनाय थांखि नि मोनसे बाहागो।
दायनिगिरिफोरखौ मदद खालामना लाना सासे असि आ सासपेन्द खालामजाबाय। जाथाय आ बितिआर नि चिरां नि, बेंतल पुलिस आउतपस्त नि असि खौ सासपेन्द खालामदों, अजद नि बादिब्ला बियो जिनाहारि खालामनाय दायनिगिरिफोरखौ मदद खालामदोंमोन, रिपर्त नि बादिब्ला सासे आयजो आ अजद होनो हैदोंमोन थाना याव जिनाहारि खालामजानायनि, नाथाय असि आ बे आयजो खौ लासिंसिं सो खालामो आरो बिखौसो दायनिगिरि नि नोजोरजों नायो, आफजाल हुसेइन मुंनि अफिसार आ बेबायदि सासपेन्द खालामजायो, चिरां नि एसपि प्रानजित बरा बिथाङा सासपेन्द नि बिथोन खौ होयो।
सासे उखिल खौ बिजिरसालि निफ्राय होखारहरबाय, जिन्स गाननानै बिजिरसालि आव थांनायनि थाखाय नो होखारहरदों होनना मिथिना मोनदों, उखिल नि मुङा बिजन महाजन, बिजिरगिरि आ पुलिस लागायनानै होखार हरो, बेनि सायाव बिजिरगिरि आ गाहाय बिजिरगिरिनो उनाव मिथिहोदों, उननि समाव गाहाय बिजिरगिरि आ माबाफोर बेबस्था लायो नामा बेखौ उनावसो मिथिसिगोन।
रङिया याव सोमोनांथांव जाथाय, जोनोमगिरि बिमा खौ नो फिसा या बुदों, गाज्रियै जोखोम जादों बिमा या, रङिया नि खाथि नि बाघबारि आव। प्रकास दत्त मुंनि सुबुं आ गोबाव सान सिगां निफ्रायनो देहायारि आरो मेलेमारि गाग्लोबबोगासिनोमोन, बेल नङा, बैसो जानाय बिफा खौ बो गाग्लोबोमोन होनना अजद, राहा गैयि आव बिमा बिफा या खन 3 पुलिसनि खाथि आव बो थांनो गोनां जादोंमोन, बेनि उनावबो जेबो न्याय मोनाखैमोन, थाना याव एजाहार होनायनि उनाव बो फिसा नि अत्यासार खालामनाय आ खम जायासै, बिमा या फिसा नो रां होयि नि थाखायनो फिसा या लावथि, बेल्त जों बुदों होनना गिदिर अजद, दायो देहाफाहामसालि आव फाहामथाय लागासिनो दं।
कक्राझार जिल्ला नि जिल्ला बेंगिरि नि बेरेखा सासे 4थि ग्रेद नि सोरखारि मावथि खौ बुनायनि अजद, बेलासि नि जानाय आदार नि तिफिन बक्स खौ केरि बेग आव सोनानै लाबोयि नि थाखायनो बुदों होनना गिदिर अजद होदों, आईएएस अफिसार बर्नालि देका बिथांनि बेरेखा बे अजद खौ होदों पियन दिपक दास, आरएनबि देहाफाहामसालि आव थांनानै फाहामथाय लानानै नो बे अजद खौ होदों, लोगोसे नखर नि सुबुंफोरा बो जाथायनि न्याय बिनानै गिबि मन्थ्रि नि सिम खावलायहरदों, बिसि आरो फिसाया बेबायदि खालामनो हानायनि मा मोनथाय दं होनना सोंदों। गुबुनफारसे जिल्ला बेंगिरि बिथाङा नाथाय बे अजद खौ नंखाय होनना बुंदों। नाथाय बेफोर बेसेबां सैथो बेखौ नायबिजिरनायनि उनावसो मिथिगोन।
Please do not enter any spam link in the comment box. ConversionConversion EmoticonEmoticon