थांनाय 26 जानुवारिखालि आसामनि गिबि मन्थ्रि आ बितिआर आव गोबां गामिफोरखौ सोनायनि थिरांथा नि सोमोन्दै फोसावनायनि उनावनो गोबां सावरायलायनाय जादोंमोन, बर फोरा बेखौ बरायदोंब्लाबो नाथाय बर नङिफोरा बेनि गोरा बेरेखा खालामदों, बेनि सायावनो मैया रबिबारखालि बरमा याव मोनसे खौरांमेल खुंदोंमोन अबर सुरक्सा मन्स आ, बितिआर आव गामि सोसननायखौ गोजोननाय मोनि खौ फोरमायदों, जायनि थाखाय आबर सुरक्सा मन्स नि दाबि खौ मानियाब्ला आन्दोलन खालामगोन होनना वार्निं होदों खौरांमेल नि गेजेरजों, खौरांमेल आव बुंदों बितिआर नि बर नङि गामिफोरखौ दानखनो खावलायनायनि उनावबो दानखनाय जायासै, एबसु नि बुंनाय आव जुदि बितिआर आव गामि सोसननाय जायो अब्ला 2003 मायथाइ आव बितिसि आव नंखाय खौरां जों गामि सोनाय जादोंमोन आरो जुदि गोदान गोमा सोनायनि सायावबो एखे खालामदोंब्ला बेनि फिथाय आ गिथावना जागोन होनना बो बुङो, फैगो 15 फेब्रुवारि नि गेजेराव गामि दानखनाय आयदा या सुस्रांजायाब्ला 20 फेब्रुवारि आव दिसपुर लास्तगेत आव बेनि बेरेखा खालामगोन होनना बो बुङो बिसोर, थिक बेबादिनो 27 फेब्रुवारि आव बितिआर बन्ध फोसावगोन होनना बो बुङो, जुदि रायजोआरि थाखो आव बेनि समाधान जाया अब्ला फैगो 6 मार्च आव दिल्लि नि जन्तर मन्तर आव धर्ना हाबाफारि लानाय जागोन होनना बो बुङो, लोगोसे नो एबसुजों लोगोसे ल नङा, बितिआर नि गासैबो संगथनजों सावरायलायना सो थिरांथा लानो नांगौ होनना बो बुङो बिसोर।
दुलाराय बर' फरायसा आफादनि खुंगा 55थि बोसोरसालिया जथुम्माखौ उदालगुरि जिलानि रौता बड'लेण्ड फोथाराव 27, 28 आरो 29 जानुवारि 2023 सान्थामनि बायदिसिना मेहेरगोनां हाबाफारिजों खुंफुंनाय जायो। अदेबानि दुलाराय बर' फरायसा आफादनि मानाव गेदेर आफादगिरि मुस्री दिपेन बर'नि मासि लाना दैदेन्नाय गेवलां मेलखौ बेखेवनानै होयो आसामनि बयजोंबो सिनाय जानाय मुंदांखा गिबि मनट्रि मुस्री हिमान्त बिश्व शर्मा बिथाङा। गाहाइ आलासि महरै गेवलां मेलाव बाहागो लाफैयो दुमकायाव थानाय चिड' कानहु मुरमु मुलुग सोलोंसालिनि मानगोनां लेङाय गिचिया प्रफेस्वर सोनाझारिया मिंज बिथांङा। गेवलां मेल बेखेव बिबुंथियाव गिबि मनट्रि बिथाङा 2020 मायथाइनि 27 जानुवारिआव जालांनाय BTR गोजोन गोरोबथायाव मख'नाय मोनफ्रोबो ड'फाखौ थाबैनो मावफुंनाय जागोन होनना बुंङो लोगोसे बिथाङा बुंबावो बेनिनो 3.1 ड'फानि माखासे खामानिया मावफुं जाबाय आरो आद्रा थानाय माखासे ड'फाखौबो थाबैनो मावफुंनाय जागोन होनना बुंङो। मख'जाथावदि गिबि मनट्रि बिथांङा बर'नि बिफा बड'फा उपेन्द्र नाथ ब्रह्म नि जोनोम सान 31 मार्च खौ दुलाराय आसामावनो फरायसा सान हिसाबै फालिनाय जागोन होननानै बुंलांङो।
मैया थामथि साननि जोबथा थान्दै मेलनि गेजेरजों गासै सा 3000 निबो बांसिन थान्दैफोरनि थांखि बादियै फैगौ 2023 - 2024 मावसमनि थाखाय मानावगेदेद आफादगिरि महरै मुस्रि दिपेन बर' आरो मानावगेदेद गाहाइ नेहाथारि महरै मुस्रि खनिन्द्र बसुमतारीखौ लानानै मिरु दुलाराय बर' फरायसा आफादखौ गोख्रोंङै आबुंङै दाफुंनाय जायो ।
आसामनि गिबि मन्थ्रि आ मैया बर गामि फोरा बितिआर आव हाबनाय आव बेनि बेरेखा जानायनि जेबो बाथ्रा या नो गैया, एबसु आ बर गामिफोरखौ सो सोनो खावलायदों होनना बुङो बिथाङा। लोगोसे बितिआर नि गासैबो हा हु नि मोनथायखौ मोनगोन होनना बितिआर नि गाहाय आ बुंदों होनना बो बिथाङा फोरमायदों
उरिस्या नि सावस्रि बिफान नि मन्थ्रि खौ नो सासे पुलिस आ गुलि गावनानै बुथारबाय, सोमोनांथाव जाथाय, मन्थ्रि नव दास खौ उरिश्या नि गान्धि सक आव गुलि गावो, मोनसे हाबाफारि आव बाहागो लानो थाखाय थांदोंमोन, गारि निफ्राय ओंखारनाय समावनो जायो जाथाय आ, लोगो लोगो देहाफाहामसालि आव लांनाय जादोंमोनब्लाबो जिउ गोमायो होनना मिथिना मोनदों, गुबुनफारसे गुलि गावनाय सुबुं खौ एएसआई गोलाप दास होनना सिनायनाय जादों, नाथाय मा जाहोन नि थाखाय बेखौ खालामखो मिथिनाय जायाखै दासिमबो।
भारत नि आयजो कृकेत नि दोलो आ Under 19 नि गिबि ति20 वर्ल्द काप खौ देरहानो हादों, खोला आफ्रिका याव जानाय गेलेनाय बादायलायनाय आव ईंलेन्द खौ फेजेननानै जारिमिन सोरजिनो हादों, गिबि गेलेनाय बादायलायनाय बेयो, गिबि आव बेतिं खालामग्रोनानै ईंलेन्द आ 68 रान ल बुनो हादोंमोन, बेखौ भारत आ 3 विकेत जों नो बुजोबो आरो चेम्पियन जानो हायो। मखजाथावदि 16 बोसोर सिगां बो भारत नि सिनिय दोलो आ 2007 मायथाइ आव जानाय गिबिसिन ति20 वर्ल्द काप खौ देरहानो हादोंमोन। दायो बेबायदिनो एखे जादों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon