सान 3
नि सा सानजा दावबायनाय हाबाफारि जों बरझार बिरखं गाथोन आव भारत नि हादरगिरि
द्रौपदि मुर्मु बिथाङा, एयारफर्स नि स्पेसियेल बिरखं जों आसामनि बरझार बिरखं गाथोन
आव ओंखारख्लायो, बेनि उनाव हेलिकप्तारजों मेघालय थांनायनि खौरां मोनदों, मैया
बिथाङा बरझार आव मोनफैनाय लोगो लोगो नो गिबि मन्थ्रि हिमन्त बिश्व शर्मा, मन्थ्रि
अतुल बरा, चन्द्रमोहन पातवारि जों लोगोसे गोबां सुबुंफोरा बिथांखौ बरायो,
मखजाथावदि मैया 15 जानुवारि निफ्राय मेघालय आव 5थि मेघालय गेम्स जागायबाय, बे
गेम्स खौ नो बेखेवना होयो बिथाङा, गुबुनफारसे 12 जानुवारि निफ्राय 19 जानुवारि सिम नि 50 थि कार्बि युवा महोत्सब नि 17 जानुवारि नि हाबाफारि आव गाहाय आलासि महरैबो
बिथाङा नुजाथिगोन नि खौरां मोनदों।
मागो
दमासि नि रंजानायनि गेजेरावनो रायजो नि गुबुन गुबुन जायगायाव गाज्रि जाथायफोर
जानायनि खौरां मोनदों, सिनायमोनि गारि आ सौख्रांलांनायाव बिफा फिसा जों लोगोसे सा
3 सुबुंफोरनि जिउ गोमादों, जाथाय आ कासार नि बाद्रि नि, जाथायखौ खालामखांनानै
खारखुमायो सिनायमोनि गारि या, गुबुनफारसे देरगांव आरो गहपुर आव बो लामा नि
जाब्रबथाय जादों, देरगांव नि 37 नं माहारियारि राजालामा याव बास आरो सेन्त्र नि
गेजेराव सौग्रावलायनायाव सानै दावबायारि नि जोखोम जादों होनना खौरां मोनदों, गहपुर
नि जुरिया याव 15 नं राजालामा नि सायावनो गोग्लैबाय मिनि त्राक आ, लामा नि गिदिर
गोथौ जायगा थानायनि थाखायनो बेयो जादों होनना मितिना मोनदों, बेबायदिनो खुमताइ आरो
सोनारि याव रेल नि सौग्रावनायाव सानै सुबुंफोरनि जिउ गोमादों होनना बो खौरां
मोनदों।
खुवा
खोबनायनि थाखाय दिल्लि नि गोबां बिरखं आरो रेल खौ गोबाव जानायखौ नुनो मोनदों,
जायनि थाखाय दावबायारि फोरनि गेजेराव गोबां दावराव नि थासारि सोमजिदों, बेबायदि
एखे समावनो गंसे इन्दिगो बिरखं नि सिंनि मोनसे भिदिअ भाइरेल जादों, जेराव सासे
दावबायारि या बिरखं नि पाइलत खौ बुनाय नुनो मोनदों, मिथिना मोननाय बादिब्ला जाथाय
आ रबिबार सानखालि जादोंमोन, बोथोर गाज्रि नि थाखाय दिल्लि बिरखं गाथोन आव बिरखं आ
ओंखारनायाव गोबाव जानायनि सोमोन्दै फोसावबाय थानाय समावनो पाइलत खौ बुदों नि खौरां
मोनदों, पाइलतत नि मुङा अनुप कुमार, बेलासि नि 1 बाजि सो आव फोसावबाय थादोंमोन,
भाइरेल भिदिअ आव दावबायारि या उननि सित निफ्राय खारनानै थांनाय नुदों आरो पाइलत खौ
बुनायखौबो नुदों, जाथायनि भिदिअ आ ससियेल मिदिया याव भाइरेल जानायनि उनावनो बिरखं
रैखाथि आफाद आ बेखौ नायनानै बेनि सायाव नायबिजिरनायनि बिथोन होदों नि खौरां
मोनदों, दावबायारि खौ साहिल कातारिया होनना सिनायनाय जादों, ससियेल मिदिया याव
भाइरेल जानायनि उनावनो गोबां सुबुंफोरा दावबायारि नि बेबायदि खालामनायखौ गनायजाथाव
नङा होनना फोरमायनायखौ नुनो मोनदों, दाय आ सोरनि बेखौ नायबिजिरनायनि उनावसो
मिथिसिगोन।
मुर्ख
सिखाव नि गाज्रि खामानि, गेस कातार जों एतिएम लुथिनो नाजानायाव 21 लाख रां
खामजोबबाय, एतिएम आव अर नांङो, नाथाय बेयो शर्त सार्कित नि थाखाय नङा, महारास्त्र
नि थाने नि बिस्नुनगर आव थानाय गंसे एतिएम आव नो जादों बेयो, खौरां मोननाय लोगो
लोगो नो अर खोमोरग्रा बिफान आ फैदोंमोनब्लाबो नाथाय बेनि सिगां नो खामजोबो बे रां
आ, गेस कातार जों एतिएम खौ लुथिनो नागिरदोंमोन, बेनि उनावनो अर आ नाङो, मिथिना
मोननाय बादिब्ला हर गेजेरनि 1 एबा 2 बाजि सो आव सातार नि ताला खौ सिफायनानै एतिएम
आव हाबो, बेनि उनावनो गेस कातार जों एतिएम नि भेन्दि मेसिन खुलिदोंमोन, बे समावनो
अर आ नाङो, बेनि उनावनो सिखावफोरा खारखुमायो, दायो पुलिसफोरा मोनसे एफआइआर
रेजिस्तार खालामनानै बेनि बेरेखा नायबिजिरनायखौ जागायबाय होनना खौरां मोनदों।
एबसु
नि बेरेखा बुंनायनि थाखाय बर इउतुबार नि बेरेखा खौरांमेल नि गेजेरजों गोख्रों राव
जों सोंखारिदों सा कक्राझार दखरा दुलाराय बर फरायसा आफाद आरो बनरगांव दखरा एबसु,
सालाकाति दखरा एबसु आ। Anything MJ मुंनि युतुबार नि बेरेखा नो। कक्राझार जिल्ला दुलाराय बर फरायसा आफादनि 55 थि थान्दै
जखन्थाय जों लोब्बा लाखिनानै द्राग्स जौ जुवा नि बेरेखा हान्जा सुरनाय हाबाफारि
लानायनि बेरेखा द्राग्स जौ जुवा खौ होबथानोब्ला बेबायदि आयथेंजों हान्जा सुरनानै
हायोनामा होनना बुंनायनि अजद होदों, एबसु आ जोनोम जाजेननायनिफ्रायनो हारि नि थाखाय
खामानि मावबोबाय थादों, दिनैसिम हारि नि सिनायथि थामोनथा रैखाथि खौसेथि नि थाखाय
खामानि मावबोबाय थादों, द्राग्स फेग्रा मुवा जौ जुवा नि बेरेखा गोबां खामानि
मावबोबाय थादों, गोबां सुबुंफोरखौ बासायनो बो हादों बेफोरबायदि नि गेजेरजों,
बेखायनो बे समाव बेबायदि बेरेखा बाथ्रा बुंनायनिफ्राय गोजानाव थानो नांगौ होनना
बुंङो, उननि समाव बेबायदि आफादनि बेरेखा बाथ्रा बुङोब्ला गुबुन बेबस्था लागोन
होनना बो रोखा खालामना होदों बिथांमोना। निमाहा बिनो बो होयो नर्थ कक्राझार
आन्सलिक एबसु आ।
मैया 15 जानुवारि याव 76 थि आरमि सान मोन, बे स्पेसियेल सान आव उदखारि फोरनि सायाव गोनांथार बाथ्रा
बुंदों आरमि चिफ जेनेरेल मनोज पान्दे बिथाङा। बिथांनि बादिब्ला हादर आव दाबनैसो
ओनसोलाव उदखारि नि गाज्रि खामानि फोरा बारा जादों, सोनाब सिमा याव जम्मु काश्मिर नि थासारि या
कनत्रल आव दं, नाथाय थांनाय दाननैसो आव उदखारि नि खामानि या बारा जादों, आरमि
फोरनि थांखि आ गुबुन गुबुन आफादफोरनि मदद आव गुदि एबा बिथाखौ गोरा खालामनाय,
कनत्रल आव दंब्लाबो नाथाय उदखारि फोरा हाबनो नाजानायानो फोरमान दि सिमा नि गुबुनफारसे
उदकारि नि खामानि या सोलिगासिनो थानायनि, बिथाङा बुंदों हादरनि आरमि फोरा आबुङै
थियारि आरो जायखिजाया थासारि जों जुजिनो हायो, दायो हादर आव गोनांथार बायनाय
खान्थि जों गोबां मुवा बेसादफोर बायदों जायनि गेजेराव गोदान गोदान हाथियारफोर बो
दं होनना बो फोरमायो बिथाङा।
बितिआऱ
नि बारग गाहाय हाग्रामा महिलारि बिथाङा लतारि तिकेत नि गेजेरजों बलेरो गारि मोननो
हादों, खौरां मोननाय बादिब्ला सान्तिपुर सोलोंथाय गोनां साख्रि गैजायै त्राइबेल
एससियेसन जों खुंजानाय लतारि गेलेनाय हाबाफारि आव नो बेखौ मोननो हादों नि खौरां
मोनदों, बलेरो गारि यानो गिबि बान्था मोन, आरो बेखौनो बिथाङा मोननो हादों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon