22
जानुवारि याव मिरु सोरखार नि मावखुलिफोर, फसंथान फोरजों लोगोसे सोरखारि इन्दासत्रि
फोरखौ खावसे सान सुति फोसावदो, फैगो 22 जानुवारि आव आयोध्या याव राम मन्दिर
बेखेवनायनि थाखायनो मिरु सोरखार नि सिंनि सोरखारि मावथि फोरनि थाखाय बे बन्ध खौ
फोसावदों होनना खौरां मोनदों, मिरु नि मन्थ्रि जितेन्द्र सिंह बिथाङा बेखौ
मिथिहोदों, बेलासि नि 2 बाजि 30 सिम बन्ध थागोन होनना मिथिहोदोंनि खौरां मोनदों,
मखजाथावदि मिरु सोरखार आ बेबायदि फोसावनायनि
सिगांनो गोबां रायजोफोरा सोरखारि बन्ध खौ साननैसो सिगां आव नो फोसावना
होखादोंमोन। उत्तरप्रदेस, गोवा, मध्यप्रदेस, शत्तिसगर, हारियाना बायदि रायजोफोरा
फोसावना होदोंमोन।
दानि
कक्राझार लोकसभा बियाब नि एमपि नब शरनिया नि एमपि नि मासि या दानजागोन नामा,
लोकसभा बिसायखथि नि सिगां बेयो गोबां सावरायजागासिनो दायो, बेनि गेजेरावनो मैया
कक्राझार आव बदलेन्द जनजाति सुरक्सा मन्स आ खौरांमेल खुंनानै नब शरनिया नि एमपि नि
मासि खौ दानना होनो दाबि दैखाङो, खौरां मोननाय बादिब्ला नब शरनिया नि एसति नि
फोरमान बिलाइ आ नंखाय एबा बर' कशारि नि सिंनि सुबुं नङा होनना मिथिहोदों सोरखार आ
दाना होनाय कमिति आ। मखजाथावदि कक्राझार आव एसति सुबुं आ ल सो लोकसभा बिसायखथि
गेलेनो मोनो, एसति नि फोरमान बिलाइ होनानै गेलेना नो खन 2 एमपि जाबाय नब' शरनिया
या, गोबाव सान सिगां आव जनकलाल बसुमतारि बिथाङा नो गोजौ बिजिरसालि नि खाथि आव
थांदोंमोन बेनि थाखाय, 2022 मायथाइ नि दिसेम्बर दान आव नो बेनि रिपर्त खौ होनो
बिजिरसालि आ बिथोन होदोंमोन। मैया खौरांमेल नि गेजेरजों एमपि नि मासि खौ दानना
होनायजों लोगोसे 10 बोसोर आव मोननाय गासै दरमाहा आरो गुबुन सुबिदा फोरखौ होफिननो
दाबि दैखांदों, नङाब्ला एमपि आ जेल आव थांनांगोन होनना बो बुङो बिथांमोना, लोगोसे
नो जायफोरा त्राइबेल नङा बेफोरबायदि सुबुं नो राजखान्थि फावफान्दायनायनि बोलि
जानानै फोरमान बिलाइ होनो नाङा होनना बो त्राइबेल संघ नि सिम खावलायहरदों होनना बो
खौरां मोनदों, बारग एमपि सानसुमा खुंगुर बैसुमुथियारि बिथाङा बुंदों दि सोरखार नि
गोदान बिथोन बादियै जायफोर सुबुं नि बिमा बिफा त्राइबेल फोरमान बिलाइ आगोलावनो
मोनखादों बेखौ नायनानैसो गोदानफोरा फोरमान बिलाइखौ मोननाय नि बेबस्था खालामनो
नांगौ होनना बो बुङो बिथाङा। गुबुनफारसे एमपि नब शरनिया या बो मैया बेनि सायाव
बुंनायखौ नुनो मोनदोंमोन, बेखौ राजखान्थियारि फावफान्दायनाय होनना बुङो बिथाङा,
शरनिया कशारि नि हारि नि फोरमान बिलाइ नि सायाव थानाय बेलेबेजे खौ फोजोबस्रांनो थाखाय आगोलनिफ्रायनो नायबिजिरनाय कमिति खौ खावलायबोदोंमोन होनना फोरमायो, थांनाय
बिसायखथि नि समावबो बेबायदिनो रजखान्थि बादियै फोजोबस्रांनो नाजादोंमोन होनना
बुंनानै बेबायदि सान फैनो हागौ होनना आगोलावनो मिथिखादोंमोन होनना बो बुङो, लोगोसे
नो दायो बिजिरसालि नि खाथि याव थांगोन, आयेन नि मदद लागोन होनना बो बुङो, जोंनि
आखाय आव दाबो सम दं होनना बो बुंबावो, दायो मोनसे गिदिर सोंलु आ जाबाय नब शरनिया
या एमपि बिसायखथि खौ गेलेनो मोनगोन ना मोना, मानोना बे बोसोर नि नो एप्रिल नङाब्ला
मे दान आव जागोन बिसायखथि आ। सम आ सो खोन्थासिगोन।
रायजो
आव घुस लानानै हमजाबाय आरो सासे सोरखारि साख्रि मावनाय सुबुं, बे बार आव फरायसालि
नि प्रिन्सिपाल आ नो हमजादों, रुपहिहात नि कावैमारि जौसिन गेजेरारि फरायसालि नि
गाहाय आ नो हमजायो, बुबुल चौधुरि मुंनि सुबुं खौ नो हमो भिजिलेन्स नि दोलो आ।
फोरोंगिरिफोरनि एरियार बिल खौ पास खालामनायनि मुङाव साफ्रोमबो फोरोंगिरिफोरनिफ्राय
2 रोजा रां यै बिदोंमोन बियो, दायो बिखौ हमनानै सोंगासिनो होनना मिथिना मोनदों।
कक्राझार
आव गावनि बिसि खौ नो गाज्रियै बुथारनाय जाथाय, कक्राझार नि खाथि नि सतो मिलनदोबि
आव देबलाइ राय मुंनि आयजो खौ बुथारना बिनि फिसाय आ खारखुमाना दंमोन, दायो
पुलिसफोरा बिखौ हमबाय, कक्राझार पुलिस आ फिसाय कनेश राय खौ गुवाहाति पल्तनबाजार
निफ्राय हमदों, थांनाय 11 जानुवारि आव गोबौ हाथियार जों बुथारदोंमोन बिसि खौ नो,
बेनि उनाव दरदरिया दैसा याव गारदोंमोन गोथै देहा खौ, 12 जानुवारि याव बेखौ
मोनदोंमोन आरो बेनि उनावनो फिसाय आ गोमाना दंमोन, मखजाथावदि आगोलावबो बियो जेल
जादोंमोन बुथारनायनि दाय आव नो, गसायगांव आव सम सम थानाय कनेस राय आ गावखौनो
निरन्जय राय होनना सिनायथि होदोंमोन आरो गाव गुवाहाति आव थायोमोन नि थाखाय बिसि खौ
बो लांनो नागिरदोंमोन, नाथाय बिसि या थाङाखैमोन आरो बेनि सायावनो नांलायनायबो
जादोंमोन होनना मिथिना मोनदों।
आरो
मोनसे दावहा जालायसिगोन नामा, पाकिस्ताननि उदखारिफोरनि केम्प आव ईरान आ
गाग्लोबनायनि उनाव नो दायो पाकिस्तान आ बो दायो इरान नि उदखारि नि केम्प आव
गाग्लोबदों, लोगोसे नो ईश्लामाबाद आ तेहरान निफ्राय गावनि राजथान्दै खौ बो लिंहरो
होनना मिथिना मोनदों, बे हिसाबै थासारि या गाज्रिसिन जागोन नामा होनना साननाय
जादों, रासिया आरो ईक्रेइन नि दावहा नि उनाव इज्राइल आरो पेलेस्ताइन नि गेजेरनि
दावहा नुनायनि उनाव दायो बेबायदि ईरान आरो पाकिस्तान नि गेजेराव गोरोबलायि खौ नुनो
मोनदों। पाकिस्तान आ गाव गाग्लोबनायनि सोमोन्दै फुङाव बुंदोंमोन मैया आरो ब याव
गोबां उदखारिफोर थैदों होनना बो बुङो, बिसोरबो मिसाइल जों नो गाग्लोबदोंमोन।
दानि
दिन आव सोर सोरखौ फोथायनो हाबावनो, लोगो आ नो लोगो खौ बुथारनो हायो ना, 7 रोजा रां
नि थाखायनो बुथारनायनि खौरां मोनदों,
जाथाय आ तेजपुर नि, तेजपुर नि भोजखुवा सापरि नि खाइरुल ईश्लाम मुंनि सासे सुबुं नि
सोमोनांथाव जिउ गोमानाय, खौरां मोननाय बादिब्ला ईस्लाम आलि आरो रेजेक मुंनि सानै
लोगो जों अरुनाशल आव थांनायनि बाथ्रा दंमोन खाइरुल आ, नाथायय मैया फुङाव खाइरुल नि
गोथै देहा मोनो फोथार आव, लोगो आ बुथारनायनि अजद खौ नखरनि सुबुंफोरा सो होदों,
बेसेबां सैथो बेखौ नायबिजिरनायनि उनावसो मिथिगोन, 7 रोजा रां नि थाखायनो बुथारदों
होनना अजद, रायजोफोरा सानै खौ हमनानै पुलिसनो गथायो, नायबिजिरनाया सोलिगासिनो दं।
गुजरात
नि बदोदरा याव जादों नाउ नि जाब्रबथाय,
बदोदरा नि हरनि फख्रि आव नाउ गोग्लैनायाव सा 16 सुबुंफोरनि जिउ गोमानायनि खौरां
मोनदों, बे नाउ आव गासै सा 23 फरायसाफोर आरो सा 4 फोरोंगिरिफोर दंमोन, दासिम सा 8
खौ बासायनो हायो, सानैसो आ गोमाना दं दासिमबो, मिथिना मोननाय बादिब्ला नाउ आव सा 14
सुबुं ल दैखांनो हायोमोन, नाथाय सा 27 सुबुंफोरखौ दैखाङो, बे जाथायनि उनाव गिबि
मन्थ्रि भुपेन्द्र पातिल बिथाङा थैनायनि नखरनो 4 लाख रां आरो जोखोम जानायनो 50 रोजा
रां नि मदद फोसावो, गासैबो फरायसाफोरा बदोदरा नि गंसे फरायसालि नि नो मोन,
दावबायनाय महरै थांदोंमोन बिसोर, नाउ आव गाखोनायाव सासेबो सुबुंनियाव लाइफ जेकेत
गैयामोन।
उदालगुरि
याव 16 रोजा नखर नो रेशन कार्द रानना होदों, रायजो सोरखार आ लानाय 42 लाख नि बारा
सुबुंफोरनो रेशन कार्द रानना होनाय नि बाहागो महरै नो मैया उदालगुरि नि भेरगांव
आरो तंला याव हाबाफारि खुंनानै बेखौ राननानै होयो, मैया नि हाबाफारि आव एमपि दिलिप
शइकिया, मन्थ्रि उर्खावगोरा ब्रह्म, बिधानसभा नि बुंथिगिरि बिस्वजित दैमारि, ईएम
दावबायसा बर जों लोगोसे गोबां सुबुंफोरा बाहागो लादोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon