एपिएससि
आनजाद नि जोबथा रिजाल्त खौ फोसावना होबाय मैया, बेयाव गोबां बर फोरा उथ्रिसार जानो
हादों नि खौरां मोनदों, गासै सा 39 आनजाद होगिरिफोरा पास जादों बर फोरा, बेनि गेजेराव
सा 3 आ एसिएस आरो सा 2 या एपिएस आरो गुबुनफोरा गुबुन गुबुन मासि नि थाखाय पास
जादों, खौरां मोननाय बादिब्ला मैया फोसावनाय रिलाल्त आव एसिएस नि गिबिसिन मासि खौ
मोननो हादों गौरिपुर नि रशिका इश्लाम आ, बेबायदिनो एपिएस नि गिबिसिन मासि खौ मोननो
हादों रोहित चौधुरि या, बर' फोरनि एसिएस पास जानाय आनजाद होगिरिफोरनि मुङा गनेश
चन्द्र बर', श्राभनि बर' आरो जेम्स दैमारि, बेबायदिनो एपिएस आव दिमासा ब्रह्म आरो
मितुमा बसुमतारि आ पास जादों, खौरां मोननाय बादिब्ला दानि बितिआर सोरखार नि बड'फा
ईउ एन ब्रह्म सुपार 50 मिसन नि गेजेरजों बो गासै सा 7 आ पास जादों, बेनिनो सा 4 आ
बर' आरो सा 3 आ गुबुन हारि नि। 4थि रेंक मोननो हादों एसिएस आव अनुपम दास आ उदालगुरि
नि, बितिआर सोरखार नि सुपार 50 नि गेजेरजों।
देरगांव
नि सुपार मार्केत आव थानाय संगिता नार्सिं चेन्तार आव मैया दुंहाव थासारि सोमजियो,
बे फसंथान खौ नंखाय होनना बुंनायावनो गोबां सावरायलायनाया जायो, बे फसंथान खौ
सालायनाय अमल बरा आरो बिनि बिसि नि बेरेखा फरायसा फोरा अजद होनायनि उनावनो
पुलिसफोरा थाङो, दायो दायनिगिरिफोरखौ हमबाय, ANM फोरोंथाय
होनायनि मुङाव पेरामेदिकेल नि फोरोंथाय सो होनायनि अजद बे चेन्तार नि बेरेखा,
रेजिसत्रेसन नाम्बार आ बो नंखाय होनना बुङो, दायो देरगांव पुलिस नि सिङाव बेखौ
सालायनाय दायनिगिरिफोरा, फरायसुलिफोरा मोनसे एजाहार होदों होनना खौरां मोनदों।
बितिआर
सोरखार आ 10 रोजा 48 नखर फोरनो हा नि फोरमान बिलाइ राननानै होदों, खौरां मोननाय
बादिब्ल मैया गसाइगांव महकुमा नि सिंनि कसुगांव जलेस्वरि गेलेग्रा फोथार आव FRA 2006 नि
सिङावनो बे हा नि फोरमान बिलाइ फोरखौ राननानै होयो, हा नि मोनथाय मोननाय फोरा
गोबाव सान सिगांनिफ्राय हाग्रा ओनसोलनि सिंनि हा या थाबोदोंमोन, हा गैजायिफोरा
गोबां जेंना याव गोग्लैयो, PRC जों लोगोसे गुबुन गुबुन खामानि नि थाखाय हा नि
फोरमान नांगौ जायो, दायो बेफोरनिफ्राय उदां जागोन होनना बो बुङो। गुबुनफोरनि थाखायबो
उनाव होनाय जागोन होनना बितिआर नि गाहाय प्रमद बर' बिथाङा बुंदों, आरो बेनि थाखाय
सोरबा सोरखारि अफिसार आ रां लायोब्ला बेनि बेरेखा गोरा एक्सन लानाय जागोन होनना बो
रोखा खालामना होदों। मैया नि हाबाफारि आव बितिआर नि गाहाय प्रमद बर, इएम रन्जित
बसुमतारि, रेवरेवा नार्जिहारि बिथांमोनजों लोगोसे गोबां एमएलए एमसिएलए बिथांमोना
बो बाहागो लादोंमोन।
हर आव
न सिङाव अर लागायनानै उन्दुनायाव फिन खनसेबाव सानै सुबुं नि जिउ गोमानायनि खौरां
मोनदों, साननैसो सिगां आव बो बेबायदिनो एखे जाथाय जादोंमोन जेराव सा 3 सुबुंफोरनि
जिउ गोमादोंमोन, गोदान खौरां आ पान्जाब नि लुधियाना नि 3 नं दाबा रोद गुरु गोबिन्द
सिं नगर नि, करन पान्दे आरो कमला पान्दे मुंनि सुबुं नि जिउ गोमादों, बिसि फिसाय आ
हर आव गोजांनायनि थाखाय न सिङावनो अर सावनानै उन्दुदोंमोन, बेनिफ्राय ओंखारनाय
उखुन्दै निफ्रय गेस जानाय आव बिसोरनि हां लानो हायि जानाय नि थाखायनो थैयो होनना
साननाय जादों, मंगलबार नि हर आव बे जाथाय आ जादों होनना खौरां मोनदों, बुधबार नि
फुं सम सिम ननिफ्राय रावबो ओंखारबोयि आव खाथि नि फोरा सन्देह जायो आरो न सिङाव
हाबना नायनायाव बेखौ नुयो, लोगो लोगो पुलिस नो खौरां हरनायाव जाथायसालि आव
पुलिसफोरा थाङो आरो पस्त मर्तेम नि थाखाय दैथायहरो, पुलिसफोरा बुंनाय बादिब्ला
सिङाव गुदुं खैला सावनानै उन्दुदोंमोन आरो बे खैला निफ्राय ओंखारनाय गेस आ नो
बेबायदि बुथारो, जाथायनि सायाव नायबिजिरनाया सोलिगासिनो दं, सानैबो नेपाल नि
थागिबि मोन, नाथाय पान्जाब आव खामानि मावोमोन।
ईजराइल
आरो पेलेस्ताइन नि गेजेराव दावहा य़ा सोलिबाय थानाय समावनो इरान नि आरमि रिभलुसनारि
गार्द्स आ पाकिस्तान नि गिदिरसिन सोहोर बेलुसिस्तान आव हादरनि जिहादि संगथन जैश आल
आदल नि केम्प आव गिथावना गाग्लोबदों होनना खौरां मोनदों, तेहरान नि सोरखारि खौरां
बिजों नि बादिब्ला ईरान आ द्रोन आरो मिसाइल बाहायदों, मिथिना मोननाय बादिब्ला बे
खामानि खौ मंगलबार सान आव मावदोंमोन, गुबुनफारसे ईश्लामाबाद आ बे गाग्लोबनाय नि
फिथाय आ गिथावना जागोन होनना इरान खौ वार्निं होदों, पाकिस्तान आ बुंदों इरान नि
गाग्लोबनायनि फिनसाजा मोनगोन होनना, पाकिस्तान आ दाबि खालामदों दि ईरान नि
गाग्लोबनाय आव सानै गथ नि जिउ गोमादों, मखजाथावदि बे उदखारि संगथन आ इरान खौ
गोबांबार गाग्लोबदोंमोन, बेनि थाखायनो इरान आ बो गाग्लोबो, बेनि गेजेरावनो दायो
भारत नि फरेइन मिनिस्तार एस जयशंकर बिथाङा इरान आव साननैनि हाबाफारि जों थांनानै
दं, हादरगिरि बिथांखौ लोगो हमदोंनि खौरां मोनदों।
मनिपुर
नि भारत म्यानमार सिमा याव थानाय फालांगियारि सोहोर मरे आव मोनसे गाग्लोबनाय जाथाय
आव सानै मनिपुर पुलिस नि कामान्दो नि जिउ गोमानायजों लोगोसे सानै आ जोखोम जादों
होनना खौरां मोनदों, मिथिना मोननाय बादिब्ला इमा कंदं लाइरेम्बि देबि नि मन्दिर नि
खाथि आव बुधबारखालि फुंनि समाव जानाय जाथाय आव सासे जोखोम जादोंमोन, बेबायदिनो
गावलायनायबो जादोंमोन, गोबां गारिफोरनि खहा जानायनि बो खौरां मोनदों।
भारत
आव सुबुं अनजिमा बारायलांगासिनो, गुबुनफारसे चिन आव सुबुं अनजिमा या खम
जालांगासिनो, थादनाय गैयाजासे नैथि बोसोरनि थाखाय चिन आव सुबुं अनजिमा खम जादों,
20 लाख नि बारा खम जादों, खौरां मोननाय बादिबाल बेइजिं नि नेशनेल ब्योरो अफ
स्तेतिस्तिक आ फोसावनाय खौरां नि बादिब्ला 2023 मायथाइ नि जोबनायथिं चिन नि सुबुं
अनजिमा या 140 कौति 96 लाख 70 रोजा मोन, 2022 मायथाइ नि सुबुं अनजिमा खौ
रुजुयोब्ला 20 लाख 80 रोजा खम जादों, 2023 मायथाइ आव मोनफ्रोमबो रोजा सुबुंनि
जोनोमनि हार आ 6.39 मोन, जोनोम नि हार आ खम जानाय आरो करना भाइरास नि थाखाय जिउ
गोमानायखौनो सुबुं अनजिमा खम जानायनि जाहोन होनना मिथिना मोनदों, नाथाय
सुबुंअनजिमा खम जादोंब्लाबो रांखान्थि बिथिं आव जौगानाय जादों चिन आ, थांनाय
बोसोरनि अक्तोबर निफ्राय दिसेम्बर सिम जिदिपि आ नि बारा नि हार आ 5.2 जौखोन्दो
होनना बो खौरां मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon