Jio Airtel VI गासैनिबो रिसार्ज नि बेसेनखौ बारायबाय। ~ Bodoinfo.com

मबाइल फन बाहायग्राफोरनि थाखाय मोनसे गिदिर खौरां ओंखारदों। टेलिकम रेगुलेटरि अथ'रिटि अफ इन्डियाया सिम कार्डनि सोमोन्दै गोनांथार नेमफोर फोसावदों। ट्राईनि गोदान नेमआ स्मार्टफन बाहायगिरिफोरनि रैखाथिजों सोमोन्दो गोनां। त्राई आ मबाइल नम्बर पर्टेबिलिटि (एमएनपी) नेमखौ सोलायनो थिरांथा लादों।

सिम कार्डनि गोदान नेमफोरनि सोमोन्दै सम-सम गोदान आपदेटफोर फैबाय थानायखौ नुनो मोनो। गोदान नेमखौ ट्राइआ सिम कार्द सोलाय-सोल'नि थगायनाय जानायनिफ्राय बारग'नो थाखाय बाहायगोन। बे नेमफोरा 1 जुलाइनिफ्राय गोहोम गोग्लैगोन।

टेलिकम रेगुलेटरि अथ'रिटि अफ इन्डिया (ट्राई)आ 15 मार्च 2024 मायथाइयाव गोदान नेम खान्थि फोसावदोंमोन। बे गोदान नेमफोरा हादोर नाङैनो 1 जुलाइ 2024 मायथाइनिफ्राय गोहोम गोग्लैगोन। बे नेमफोरनि सायाव, ट्राइआ बुङो दि बेयो थगायनायनि जाथायफोरखौ दबथायनायाव मदद होगोन।

मा सोलायदों होनना बुङोब्लाः जुदि नोंथांनि सिम कार्डआ गोमादों एबा गाज्रि जाबायब्ला, दा नोंथाङा गोदान सिम मोननो थाखाय एसे गोबाव नेनांसिगोन। आगोलनि समाव, जुदि नोंथांनि सिम कार्डआ गोमादोंमोन एबा गाज्रि जादोंमोन, अब्ला नोंथाङा स्ट'रनिफ्राय लोगो लोगो सिम कार्द खौ मोनोमोन। नाथाय दानिया बेबायदि जानाय नंलिया। बेनि लकिं पिरियडखौ बारायनाय जाबाय। दायो बाहायगिरिफोरा सप्तासे एबा 7 सान नेनांगोन। बेनि उनावसो बाहायगिरिफोरा गोदान सिम कार्ड मोनगोन। गोदान नेम खान्थिनि बायदिब्ला, जाय सुबुंफोरा बावैसो गावनि सिम कार्डखौ सोलायबाय, बिसोर गावसोरनि मबाइल नम्बरखौ लोगो लोगो पर्ट खालामनोबो हानाय नङा। बायगिरिफोरा बेखौ 7 साननि उनाव खालामनो हागोन। थामहिनबा, बेयावबो एमएनपी नेम सोलायनायनि उनाव, फैगौ स्नि साननि उनावसो नोंथाङा गोदान सिम कार्ड मोनगोन।

बे थिरांथाखौ मानो लानाय जादोंमोन?

गोबां जाथायफोराव बेखौ मिथिनो मोनदोंमोन दि जेब्ला सिम कार्डआ खावजायो, अब्ला गुबुन सिम कार्डआव नम्बरखौ एक्टिभेट खालामनाय जायो। बेनि उनाव, माबा मोनसे गुबुन जाथाय खालामनाय जायो। दायो बे थिरांथाया बेबादि अनलाइन स्केम जाथायफोरखौ होबथानायनि थांखिजों लानाय जादोंमोन। बेनि सोमोन्दै ट्राइआ मार्चआव मोनसे फोसावथाय फोसावदोंमोन। दायो एयारटेल, भडाफन आइडिया, रिलायेन्स जिअ' बायदि बाहायगिरिफोरा सांग्रां जानांगोन।

गुबुनफारसे 26 जुन निफ्राय आरो मोनसे गोदान नेम आ बो बाहायजानायनि खौरां मोनदों, बेबो सिम कार्द नि नो। टेलीकमिउनिकेसन एक्ट 2023

मिरु सोरखारजों फोसावजानाय फोसावथायनि बायदिब्ला, सासे सुबुंनि मुङाव गोबांसिन मोनगु सिम कार्ड थानो हागोन। बेनि बारा थानो मोननाय नङा, बे समावनो, जम्मु काश्मीर आरो सा-सानजा रायजोनि थागिरिफोरनि थाखाय बे अनजिमाया द' सिम सिमा गोनां। 26 जुननिफ्राय थिखानाय अनजिमानि सिम कार्ड बाहायग्रा जायखिजाया सुबुङा 50,000 निफ्राय 2 लाख रांसिम जरिमाना होनो गोनां जानो हागौ। जेराव गिबि खेब आयेनखौ सिफायनायनि थाखाय जरिमाना 50,000 रां जागोन, नाथाय खनले-खनले आयेनखौ सिफायोब्ला बे बिबाङा बांनानै 2 लाख रां जागोन। जुदि सिम कार्डखौ सोरखौबा थगायनानै आरो बिनि सिनायथि फोरमानलाइफोरखौ बाहायनानै लानाय जायो, मानो नों गुबुननि मुङाव सिम कार्द खौ दिहुनना लादों, अब्ला थाम बोसोर जोबथेसालि, नङाब्ला 50 लाख रांसिम जरिमाना एबा मोननैबो जानो हागौ। बेजों लोगोसे, जुदि बाहायगिरिनि गनायथि गैयाजासे फालांगियारि खौरां दैथायहरनाय जायो, अब्ला टेलिकम कम्पानिया 2 लाख रांसिम जरिमाना होनांगोन आरो सिबिथाय होनायनिफ्रायबो होबथाजानो हागौ।

मोननैसो नेमफोरखौ सोलायनायनि गेजेरावनो मबाइल रिसार्ज नि बेसेनाबो बारा जानायनि खौरां मोनदों, फैगो 3 जुलाई 2024 निफ्राय मबाइल रिसार्ज नि बेसेना बारा जासिगोन, बेसेबां बारा जागोन नाय।

AIRTEL नि रिसार्ज नि बेसेन बांनाय