1) चिरांनि निजलगुरिआव दै जगायग्रा बिफाननि स्लुइस गेटआव गं 25 गामिनि सुबुंफोरा खामानि मावनो ओंखारबोदोंमोन। सोरखारनि आसाफोरखौ बाद गारनानै सुबुंफोरा स्लुइस गेटखौ फाहामनो थाखाय आखाय हमलायना खामानि मावो।
मख'नो गोनांदि चिरां जिल्ला दाफुंनायनि सिगां थामहिनबा 1980 माइथायाव बंगाइगांव खोन्दोनि दै जगायग्रा बिफानजों लुजानाय निजलागुरिनि बे स्लुइस गेटनि बिबानखौ बंगाइगाव एबा चिरां मोनसेबो जिल्लाया लाया होनना आबादारिफोरा बुङो। गुबुन फारसेथिं, बेखौ नायनो थाखाय सासे चौकीदार दंमोन नाथाय आजिरा लाखांनायनि उनाव स्लुइस गेटखौ नायनो थाखाय रावखौबो थिसननाय जायाखै। जायनि थाखाय साफ्रोमबो आबादारिया 100-200 रां होनायजों लोगोसे बिघासेआव 60 रां दैखांनानै
आबादारिफोरा गावनो सासे चौकीदार थिसनो।
बेनि अनगायैबो, बे आबादारिफोरा बोसोराव गोबां खेब बे बान्दोखौ फोसाबनो गोनां जायो । नाथाय जायगानि सुबुंफोरा अजद होदों दि बिटिसि सोरखारा बे बिथिङाव जेबो बिबान लायाखै । बेखौ गोसोआव लाखिनो गोनां दि आइ दैमाजों नांजाबनाय बे स्लुइस गेटआ दैया बांनायाव बायदोंमोन । दायो बेखौ आरोबाव रायजो राजाफोरा गावसोरनि जथाय रांजों लोगोसे खस्त खालामनानै मोजां खालामफिननांदों।
बेबायदिनो 25 गामिफोरनि 3,000-4,000 सुबुंफोरा 20 बोसोरसोनिफ्राय सोलिगासिनो दं। बबेखानि, 2016-17 मायथाइयाव, बिपिएफ दैदेननाय बिटिसि खुंथाया स्लुइस गेटखौ फाहामनाय आरो गुवार खालामनो थाखाय रां गनायथि होदोंमोन, नाथाय बेबो थांनाय दाइन बोसोरनिफ्राय खावसे लुजानायलसो जाना दं। आबादारिफोरा बेखौ
मोजां खालामना होनो दाबि दैखांदों।
अरुणाचल प्रदेशनि लेङाइ गिबि मन्थ्रि चौना मेन आरो आसाम आबकारी बिफाननि मन्थ्रि केसब महन्तनि नुजाथिनायाव मैया गुवाहाटीयाव गंनै नसुंसेनि रायजोनि एक्साइस बिफाननि गेजेराव मोनसे गोजौ थाखोनि जथुम खुंफुंनाय जायो। बे जथुमाव मोन्नैबो रायजोआ आयेन बेरेखा जौनि फालांगिखौ होबथानो थाखाय खौसेयै राहा लानो थिरांथा लायो।
आयेन बेरेखा जौनि फालांगि आरो फान्नायनि जाहोनाव मोन्नै रायजो सोरखारा गोबां बिबांनि खाजोना खोमानायनि आयदाखौ मोन्नैबो हानजानि गेजेराव गुवारै सावरायनाय जादों।
3) बंगाइगाव सोहोरनि साखाथिनि सिपानसिला ओनसोलाव पन्चायत नेहाथारिखौ बुथारनायनि जाथाया दासिमबो जोबनानै थाङाखै। पुलिसा जाथायनि सायाव नायबिजिरगासिनो दं। बे समावनो पुलिसा जाथायजों लोब्बा थानाय सासे सुबुंखौ खानो हादों। पुलिसा जाथायजों सोमोन्दो थानाय बारग' पन्चायत आफादगिरिनि फिसायखौ खाबाय।
बंगाइगाव पुलिसा सुक्रबारखालि बंगाइगावनि
सिपानसिला पन्चायतनि बारग' आफादगिरिनि
फिसायखौ खायो। हमजानाय सुबुंनि मुंखौ जसवार नार्जारी होनना सिनायथि होदों।
पन्चायत नेहाथारि चन्द्रकान्त दासखौ
बुधबारखालि बंगाइगाव सिपानशिलानि काशिदबायाव गाग्लोबग्राफोरा गावथारदोंमोन, बे जाथायनि उनाव, पुलिसआ
पन्चायत आफादगिरि सुबनश्री नार्जारी, बिनि
फिसाय जसवार नार्जारी आरो सासे सोमोन्दोआरिखौ सोंनाय फिन्नायनि थाखाय हमनानै लाङो।
गासैबो सोंथि सोंनायनि उनाव बारग' पन्चायत आफादगिरिनि फिसाय जसवार नार्जारीखौ दिनै
बेलासियाव पुलिसआ खायो। जसबर नार्जारीखौ पुलिसा सानबानि थाखाय लांनाय जादों होनना
बुंदों।
मख'नो
गोनांदि बुधबारनि फुङाव बंगाइगाव सोहोरनि बायजोआव थानाय सिपानशिला ओनसोलाव मोनसे
गिख्रंथाव जाथाय जादोंमोन। ओनसोलनि गंसे फिसा साहा हटेलाव साहा लोंनो फैनाय
चिनपानशिला ग्राम पन्चायतनि नेहाथारि चन्द्रकान्त दासखौ सानै मटर साइकेलजों फैनाय
दुथांआ गावथारदोंमोन।
4) धकुआखाना बालि चापरि गामियाव सारअन्थाइ गावनायजों खमैबो मा 17 मोसौनि जिउ खहा जायो। धकुआखाना महकुमानि सुबनसिरि ओनसोलनि बालि चापरिरआव जानाय दुखुनांथाव जाथाया दावराव-दावसि सोमजिहोदों ।
मख'जाथाव दि बे जाथाया हरनि
समाव जादोंमोन। बेबायदि गोबां अनजिमानि मोसौनि थैनायाव बेनि बिगोमाफोरा दुखु मोन्दों।
थैनाय मोसौफोरनि बेसेना गोबां लाख रां जागोन। खहा जाजानाय आबादारिफोरा
5) पुलिसआ मैया उदालगुरि जिल्लानि माजबाटआव नायबिजिरनाय हाबाफारि लादोंमोन आरो बेयावनो गोबां बिबांनि गान्जा जब्द खालामनो हायो। पुलिसआ बुंदोंमोन दि हमजानाय गान्जानि बिबाङा 187 किल'ग्राम। बेनि अनगायैबो, होबथाजानाय हाथाइयाव बे भांगनि अनुमान खालामनाय बेसेना 93 लाख 50 रोजा रां।
पुलिसनि बायदिब्ला, पुलिस जवानफोरनि मोनसे हानजाया खौरां मोननायनि उनाव माजबात पुलिस थानानि बिबानगिरि सन्जय कुमार दुबे आरो लालपानी पुलिस थानानि आइसि प्रनव बरुवाजों लोगोसे आसाम अरुणाचल सिमा ओनसोलाव धनश्री साह बागाननि खाथियाव ठाकुरिया पारा ओनसोलाव सिग्रोमदोंमोन।
अपारेसनाव पुलिस हानजाया ठाकुरिया पारा ओनसोलाव हाग्रा गेजेराव दोनखुमानायखौ नागिरनानै बे भांखौ जब्द खालामनायाव जाफुंसार जायो। उनाव, भांखौ माजबात पुलिस थानायाव लाबोनाय जादोंमोन। माजबात पुलिसा जाथायजों सोमोन्दो थानाय मोनसे केस रेजिस्टार खालामो आरो नायबिजिरनायखौ जागायो।
6) कर्नाटकआव बास जाब्रबथायाव थैनायनि अनजिमाया सा 13 जाबाय। सुक्रुबारनि मोनायाव जानाय जाब्रबथायनि समाव बासआव सा 17 दावबायारिफोर दंमोन। बासआ लामा सेराव दोन्नाय गंसे ट्राकखौ सौग्रावनायनि उनाव जाब्रबथाया जादोंमोन।
बासआव थानाय दावबायारिफोरा गोथार थावनि दावबायारिफोरमोन। जाब्रबथाया बै लामायाव जादोंमोन जेब्ला बिसोरो गोथार थावनि दावबायनानै फैफिनगासिनो दंमोन। जाब्रबथायाव जोखोम जानाय साब्रैआ दासिमबो गोब्राब थासारियाव देहा फाहामसालियाव फाहामथाय लागासिनो दं। बिसोरनि जोखोम जानायनि गोथौथिखौ नायनानै थैनायनि अनजिमाया आरोबाव बांबावनायनि आसा दं।
बेखौ गोसोखांहोनो हायोदि गाज्रि जानाय मिनी बासआ बेलगावीनिफ्राय शिवम'गा फारसे थांबाय थानाय पुणे-बेंगालुरु हायुंआरि राजालामायाव गुन्डेनहल्ली क्रसिंआव मोनसे जाब्रबथायजों मोगा-मोगि जायो। बासनि गासैबो दावबायारिफोरा शिवमगरनिमोन।
जायगानि पुलिसनि बायदिब्ला, फुंनि
3-45 रिंगासोआव, कन्ट्रल खोमानायाव ट्राकआव सौग्रावदोंमोन।
बिटिआरनि गाहायजों लोगोसे,
बिटिआरनि लेङाइ गाहाय मावफुंगिरि गबिन्द बसुमतारी, तामुलपुर कमिसनार बिद्युत विकास भगवती, जायगानि एमएलए जलेन दैमारीजों लोगोसे इएम राकेश ब्रह्म, रिअ'
रेवा नार्जारी, रन्जित बसुमतारी, नेडफिनि मावफुं सामलायगिरि एसके बरुवा, बे गोनांथार सावरायनाया दि टेक्न' इक'नमिक देभेलपमेन्ट फान्डनि जेनेरेल मेनेजार आरो जिल्ला खुंथायनि गोबां गोजौ थाखोनि मावख'गिरिफोरनि नुजाथिनायाव खुंजादोंमोन।
बेखौ नोजोर होनो गोनां दि नर्थ ईस्टार्न डेभलपमेन्ट फाइनेन्स कर्प'रेसन लिमिटेडआ मैखुन, बेसर, स्ट्रबेरी, गोजौ गुन गोनां आबादजों लोगोसे बेरे मौ फिसिनाय आरो अमा फिसिनाय बायदि बिगियानारि आदबफोराव साबसिन गुननि रोखोमफोर आरो आदबफोरनिफ्राय मुलाम्फा जागोनबादियै गासै बिटिआरआव मोनसे स्टडी खालामदोंमोन आरो बिटिआरआव रां थिसननायनि थाखाय मोनगु जाथावना ओनसोलफोरखौ सिनायथिदोंमोन। बे समावनो, नर्थ ईस्टार्न डेभलपमेन्ट फाइनेन्स कर्प'रेसन लिमिटेडनि मोनसे थान्दै हान्जाया गोनांथार मेलाव लोगो हमलादोंमोन आरो मोनसे रिपर्ट गथायदोंमोन।
8) दिनै ति20 वर्ल्द काप कृकेत नि फाइनेल गेलेनाया जागोन। भारत आ खोला आफ्रिका नि बेरेखा गेलेगोन फाइनेलाव, मोनाबिलि नि 8 बाजि निफ्राय बे गेलेनाया जागोन, सोरबाफोर नायनो गोसोब्ला हतस्तार एप आव बेखौ फ्रि आव नो नायनो हागोन। मखजाथावदि बे गेलेनाय बादायलायनाव दासिम मोननैबो दोलो आ मोनसेबो गेलेनायाव जेनाखै। खोला आफ्रिका या आफगानिस्तान खौ आरो भारत आ ईंग्लेन्द खौ फेजेननानै फाइनेल मोननो हादों। गुबुनफारसे भारत आरो खोला आफ्रिका नि आइजोफोरनि तेस्त कृकेत गेलेनाया सोलिगासिनो दं भारत आव, मैया गिबि सान मोन, बे गिबि सानावनो भारत आ गोबां रेकर्द खालामनो हादों। भारत आ गिबि सानावनो 524 रान बानायदों सा 4 विकेत जों, सानसेयाव बुनाय बयनिख्रुय बांसिन रान बेयो इन्तारनेसनेल गेलेनायाव, भारत नि सेफालि वर्मा या 205 रान बुयो, 194 बल आव दाबल सेन्सुरि बुनाया बयनिख्रुय गोख्रैसिन बुनायनि रेकर्द बेयो, लोगोसे मोन 8 सिक्स बुनायाबो बिथांनि बयनिख्रुय बांसिन बुनायनि रेकर्द, भारत आ गिबि विकेत आव 292 रान बुदोंमोन, बेबो बयनिख्रुय बांसिन गिबि विकेत नि पार्तनार्सिप नि रेकर्द, मैया नि सानाव गोबां रेकर्द सिफायजादों।
9) दुलाराय बर' फरायसा आफादा मैया
गवालपारा दुधनैनि जाथायखौ लानानै साननैनि थाखाय क'क्राझार
नोगोराव थानाय बड'फा चिलड्रेन पार्कआव खुद्रिसारदों ।
मख'जायोदि, थांनाय डाननि 3 मे खालाराव
गवालपारानि दुधनैयाव सानै उन्दै उन्दै बर' होनजावसाफोरखौ
हानजायारि जिनाहारि खालामनाय जाथायखौ लानानै 5 मे खालाराव
दुथांनि नखरजों सावरायनो थांनायाव दायनिगिरिफ्रासो उल्थायै सिखा, जं, रुवाजों
गाग्लोबनायाव हिरनमय खाख्लारी(22)या जिउ
खोमानांनो गोनां जादोंमोन ।
थागिबि
सुबुंफोरनि सायाव बेबादि जाथाया गले गले जाबाय थानायखौ दुलाराय बर' फरायसा आफादा
माब्लाबाबो गोरलैयै लायाखै ।
बेखायनो जिनाहारी
खालामग्रा दुथांफोर फारियै धन आलि तालुकदार, बाहार आलि आरो
रहमान आलिखौ फासि होथारनांगौ आरो हिरनमय खाख्लारीखौ बुथारग्रा दायनिगिरि फारियै धन
आलि तालुकदारनि बिदा शेकबर आलि आरो बिब' फारमिना
बेगमखौबो फासि होथारनांगौनि थाखायनो थांनाय 22 मे, 27 मे आरो 24 जुनआवबो एबसुआ
आसामनाङै हानजा सुरनाय आरो बनजार रेलिबो लाखांबाय ।
नाथाय आसाम
सरकारा दासिमबो जेबो दाबिखौनो मोनसेबो मावफुंङैनि थाखाय दिनैनिफ्राइ साननैनि थाखाय
क'क्राझार नोगोराव थानाय बड'फा चिलड्रेन
पार्कआव
1. जिनाहारि
खालामग्रा हानजा धन आलि तालुकदार, बाहार आलि आरो
रहमान आलिजों लोगोसे हिरनमय खाख्लारीखौ बुथारग्रा सेखबर आलि आरो पारमिना बेगमखौ
भारतनि आयेनबायदियै फासिनि साजा होनांगौ।
2. हानजायै
जिनाहारि आरो इनायै बुथारजानानै बोलि जानांनायखौ Fast
Track Court नि गेजेरजों थार बिजिरनाय होनांगौ । आरो
3. बुथारजानाय
हिरनमय खाख्लारीनि न' खरनो 20 लाख रां आरो
जिनाहारि खालामजानाय साफ्रोमनोबो 5 लाख रां
अनसुंथाय होनांगौ ।
दाबिफोरखौ
लानानै खुद्रिसारनाय हाबाफारि लानाया जागासिनो ।
बे
खुद्रिसारनायाव बर' थुनलाइ आफादनि नेहाथारि सहेन्द्र ब्रह्म, सानजा क'क्राझार
समष्टिनि एम.एल.ए. लरेन्च इस्लारी, एबसुनि बारग' बुंथिगिरि जनक
उजिर, क'क्राझार म्युनिचिपाल बर्डनि सेयार वुइमेन प्रतिभा ब्रह्म, क'क्राझार
जिल्ला बर' समाजनि बारग' आफादगिरि आरो CSB नि सोद्रोमा बिबेकानन्द नार्जारी, क'क्राझार
जिल्ला बर' समाजनि आफादगिरि नित्तरन्जन ब्रह्म, क'क्राझार
जिल्ला ट्राइबेल संघनि आफादगिरि अनिल चन्द्र
वारी, बर' गुदि फोरोंगिरि गौथुमनि लोगो आफादगिरि रतिन्द्र बसुमतारीजों लोगोसे क'क्राझार, चिरां, बागसा, तामुलपुर, अदालगुरि आरो गवालपारा
जिल्लानिफ्राइ राइजो राजाफोरा मैखोमै बाहागो लायो ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon