Black Magic, काला जादु, गोसोम जादु, खोमसि फोथायनाय,,,, बेफोरखौ फोथायो नामा
नों.........
मालदीवआव मोनसे सोमोनांथाव जाथाय
जादों, मालदिप नि हादोरगिरि मुइजुनि सायाव गोसोम जादु खालामनायनि दायआव मालदीवनि पुलिसा गावसोरनिनो मन्थ्रि फातिमा शामनाज आली सलीमखौ एरेस्त खालामदों। बे सोमोनांथाव दाय होनाय जाथाया राजखान्थियारि बेंखनफोराव गोसोम जादुनि हुदानि फारसे गोसो होनायखौ
लाबोदों, जेराव आबहावा मन्थ्रि शमनाजआ पारस्नेल बिनेफित नि थाखायनो हादोरगिरिनि सायाव बेबायदि खालामनो नाजानायनि
गिदिर अजद होदों।
बेखौ
एक्सुवेलि सोरखारि बादियै गोसोम जादु नि थाखायनो हमनाय जादों होनना फोसावाखै,
गिबियाव बिसोरनि खौरां बिजोंनिफ्रायनो लिक जादों, मिथिना मोननाय बादिब्ला
पुलिसफोरखौ खौरांगिरिफोरा ब्लेक मेजिक नि थाखाय हमदों नामा होनना सोंनायाव जेबो
बुङाखैमोन,,, बेनि उनावनो बेनि सन्देह आ बारा जायो आरो बेफोर खौरां आ ओंखारदों।
सन्देह खालामनाया एरैनो जायाखै, मानोना बेफोरबायदि जाथायजों हमजानायनि रेकर्द दं
मालदिप आव।
शमनाजआ गोसोम जादु दिन्थिफुंनानै हादोरगिरि मुइजुनि मेगनाव गावनि थाखाय मोनसे जुनिया जायगा बानायनो लुबैदोंमोननि गिदिर अजद। बेफोर गासैखौबो खालामनानै, शमनाजआ सोरखाराव मोनसे मोजां आरो गिदिर मासि मोननो थांखि लादोंमोन। लोगोसे फातिमा शमनाजआ हायुंगिरिखौ बिनि खोथाखौ खोनासंनो आरो बिथांनि सुबुरुनफोरनि सायाव खामानि मावहोनो लुगैदोंमोन। 21st Century आव बो बेबायदि जाथाय जानाया आरो बेबो फिसा
जायगायाव नङा, Country मोनसेनि
हादोरगिरि नि सायाव खालामनायनि अजद, मा बुंगोन। Actually बेयो गावबा गावनि जायगानि बाथ्रा, सोरबा फोथायो
सोरबा फोथाया, बिसोरहा गावनि बेफोरबायदि कालसार बो थानो हागौ।
पुलिसा शमनाजनि Ex फिसाय, रिलेतिभ आरो सासे तान्त्रिकखौबो गोसोम जादुनि दायआव खादोंमोन। 23 जुनआव खानाय जादोंमोन। हमजानायनि उनाव, बिजिरसालिया फातिमाखौ 7 साननि थाखाय पुलिस नि सिङाव
दैथाय हरदों।
खौरांफोराव फोसावनाय बादिब्ला गोसोम जादुनि बे गोमोथाव बाथ्रानि गुबुन मोनसे एंगलबो दं। मालदीवआव बेखौबो बुंनाय जायो दि माखासे सम सिगां, शामनाजआ मुइजुनि बिसिनि मोनसे वीडिय'खौ लीक खालामदोंमोन, जेराव बिथांखौ मोनसे पाबाव मोसानाय आरो रोजाबनाय दिन्थिनाय जादोंमोन। बेनि हेंथायै फिन साजा होनो थाखाय, मुइजुनि बिसि आरो गिबि आइजोआ फातिमाखौ फान्दायदोंमोननिबो अजद दं।
मालदीवआव गोसोम जादुखौ 'फन्दिथा' आरो 'शिहिरु' बुंनाय जायो। 2015 मायथाइयाव, मालदीवआव गोसोम जादुनि बांलांनाय केसफोरनि सोमोन्दै मोनसे सांग्रांथि रादाब फोसावनाय जादोंमोन। अब्ला सोरखारा सुबुंफोरखौ बेनिफ्राय गोजानाव थानो बोसोन होदोंमोन, नाथाय बेनि गेजेरावबो, मालदीवआव गोसोम जादुनि केसफोरा बांगासिनो दंमोन।
मालदिप आव बेबायदि
जाथाय जानाया गिबि नङा, आगोलावबो बेबायदि जाथाय जादोंमोन, आगोलनिखौ नायोब्ला------
2018 आव हादोरगिरि बिसायख'थियाव बेरेखा हानजानि देरहानायनि थाखाय काला जादु एबा गोसोम जादु खालामनायनि सन्देहआव कुल्धुफुसि द्वीपआव साब्रै सुबुंफोरखौ खानाय जादोंमो।
सासे दिप काउनसिलरआ बुंदोंमोन दि मेजिस्ट्रेट बिजिरसालिजों वारेन्ट जारि खालामनायजों लोगोसे बिसोरखौ खानाय जादोंमोन।सनदेह' गोनांफोरनि गेजेराव सानैनि सिनायथिखौ गौथुमनि गोजौसिन थाखोनि सुबुं मावख'गिरि इस्माइल इब्राहिम आरो सासे गागि एडमिन मावख'गिरि हुसैन आली होनना सिनायथि होनाय जादों।
वारन्टआव बुंनाय जादोंमोन दि सनदेह' गोनां सुबुंफोरा मालदीवियन डेम'क्रेटिक पार्टीखौ गोहोआव लाबोनो थाखाय गोसोम जादु खालामगासिनो दंमोन, आरो गावसोरनि न'निफ्राय बेबायदि खालामनायनि मुवा बेसादफोरखौ जब्द खालामनो गनायथि होदोंमोन।
बेबायदिनो इं 2013 माइथायनि हादोरगिरि बिसायख'थिनि सिगां सन्देह' गोनां जादु खालामनाया बांदोंमोन, जेराव मोनसे भट मिरुआव नारेंखल आरो गोसोम जादुनि पुथुलाबो मोनदोंमोन।
2014 मायथाइनि संसदारि बिसायख'थिनि उनाव बिजिरसालियाव साव होजानाय नालेंखर बाहायनायनि अजदबो होनाय जादोंमोन। बेयोथ नेशनेल
लेबेल नि खौरां जानायखाय ओंखारबाय, अब्ला सानना नाय बेबायदि जाथाया फिसा फिसा
जायगायाव बेसेबां थानो हागौ बे जायगायाव. I think technology नि जुग आव बेफोरनि
सोमोन्दै बारा साननाया मोजां नङा नामा, जानाय लोंनायाव मोजां थायोब्लानो जायो
नामा,,, आंनि साननायसोदे बेयो। नोंथांमोना मा सानो कमेन्त आव लिरना हरनो
हागोन.......
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon