1 October bodo news 2022 ~ Bodoinfo.com

बारग एनदिएफबि आरो दानि एमसिएलए बि सावरायग्रा बिथाङा दाखालि बिजिरसालि आ होनाय राय खौ गनायना लानो हायाखै, बेखौ साननानै नो सान्ति सुक्ति खालामनाय आ ओंथिगोनां जायाखै खौ नुदों होनना बुंदों बिथाङा, बर नि जांख्रिथाय खौ गिबि गायसननाय, बिथांखौ नो बेबायदि जेल आव दोनबाय थानायखौ रायजोफोरा मोजां मोनाखै, दाबो लामा या जोबना थाङाखै, जौसिन बिजिरसालि नि गेजेरजों नखर बिफान नि गेजेरजों हानाय नि लामा दं होनना फोरमायो, दायो जायफोरा जेल आव थानांदों बिथांमोना जेल निफ्राय गआगौमानि जोंनि जिउ आव शांति मोननाय नङा होनना बो बुंदों। लोगोसे नो जेब्लासिम हारि आव बिर जोहोलाव खौ मान होनो रोङाब्ला हारि आ जोबस्रांनायनि जारिमिन दं होनना बो फोरमायो, बर हारि नि गेजेराव बिर जोहोलाव जोनोम मोनदों बेखौ मोजां यै लाखिनो रोंनो नांगोन होनना बो बुङो बिथाङा।

मैया ईएम रन्जित बसुमतारि बिथाङा बो खौरांमेल नि गेजेरजों रन्जन दैमारि बिथांनि केस नि सोमोन्दै बुंदों। आगोलाव जा जालांबाय बेफोरखौ बावगारालासै नो, दिनै दायो जा जानो थांगासिनो दं बेफोरखौ लानानै दायो सोंखारिलायबाय थानाय आ दुखुनांथाव, हारि हिसाबै खौसे जानाय नि सम, आसाम सोरखार नि एदभकेत जेनेरेल देबजित सइकिया बिथांखौ लोगो हमनायनि सोमोन्दै बो बुंदों, दायो जौसिन बिजिरसालि सिम थांसिगोन आरो बेयाव आसाम सोरखार आ बो मदद खालामगोन खौ फोरमायदों होनना बुंदों, खम सम नि गेजेराव नो बितिसि सोरखार आ खामानि मावगोन, लोगोसे नो दानि हारि नि खैफोद आव गोग्लैनाय समाव हाग्रामा महिलारि बिथाङा बो जोंखौ मदद खालामनो सुबुरुन होनो नांगौ होनना बो ईएम रन्जित बसुमतारि बिथाङा बुंदों, दिनैनि सम आ राजखान्थि गेलेनायनि सम नङा, खौसे जानायनि सो सम, राजखान्थि गेलेनायनि मोनसे सम थायो, जाय सम आव गेलेनांगौ गेलेगोन, हारि नि जौगानायनि समाव ज जानानै खामानि मावनो नांगोन होनना बो बुंबावो। गुबुनफारसे सा 4 खौ जेल निफ्राय उदां खालामनाय आ रन्जन दैमारि बिथांखौबो उदां खालामनो हानायनि मोनसे ईंगित होनना बुंदों, मानोना बिथांनि सायाव बो जेबो फोरमान गैया होनना बुङो।

मैया बारग एनदिएफि नि सोद्रोमा बिथांमोना कक्राझार आव खौरांमेल नि गेजेरजों रन्जन दैमारि बिथाङा जिउ जोबजासिम जेल नि साजा मोनफिननाय खौ लानानै दुखु मोननाय खौ फोरमायदों, बिथांखौ उदां खालामफिननो मा राहा दं बेनि सायाव खामानि मावनो खावलायदों, सेसन कर्त आ होनाय राय नि सायाव मोजां राय मोनगोन खौ आसा खालामनानै गोजौ बिजिरसालि आव थांदोंमोन, नाथाय सुक्ति नि उनाव बो मोजां राय मोनासै, दायो गोदानै मा राहायै मा मावनो हायो बेखौ लुबैफिनदों, गुबुनफारसे दानि बितिसि सोरखार आ सानसे सिगां आव जौसिन बिजिरसालि आव बेखौ लांनो थाखाय थियारि जानायखौ बरायदों होनना बो बुङो। ससियेल मिदिया याव नांलायनायफोरखौ बन्ध खालामनो बो खावलायदों बारग एनदिएफबि नि हानजा या, बितिसि नि गाहाय प्रमद बर बिथांखौ आसामनि गिबि मन्थ्रि खौ लोगो हमहोनो बो खावलायदों होनना बुंदों।

रासिया नि हादरगिरि भ्लादिमिर पुतिन आ सुक्रबारखालि बुंदों दि सोनाब नि हादरफोरा जाबायदि भारत खौ लुथिबाय, बेबायदि नो जोंखौ बो लुथिनो नाजादों, नाथाय जों बेखौ खालामनो होनाय नङा, भारत जों लोगोसे आफ्रिका, चिन खौ बो लुथिदोंमोन, द्राग्स निसा बायदि नि सिङाव लांदोंमोन, जों गोग्गानाय मोनो दि बिसोरखौ जों लुथिनो होआसै, मैया क्रेमलिन आव मोनसे हाबाफारि आव बाहागो लानानै बुङो, गावनि 37 मिनित नि बिबुंथि आव गोबां सम आमेरिका आरो बेनि लोगो बोवो खौ निन्दा खालामनायखौ नुनो मोनदोंमोन, सोनाब नि हादरफोरा रासिया खौ लोरबां खालामदोंमोन रासिया खौ गावस्राहोदोंमोन होनना बो बुङो।

फैगो 8 अक्तोबर आव आसाम आव जानो गोनां भिजेपि नि गिदिर जइन जानाय हाबाफारि खौ दायो केनसेल खालामनायनि खौरां मोनदों, बेखौ मिथिहोदों आसामनि बिजेपि नि आफादगिरि भबेश कलिता बिथाङा, मखजाथावदि मिरु नखर मन्थ्रि अमित शाह बिथांनि आसाम दावबायनाय समाव 8 अक्तोबर आव खानापारा याव जानो गोनां मोन हाबाफारि आ, बे हाबाफारि आव कंग्रेस नि दैदेनगिरि प्रान्जल घोतोवार, बारग मन्थ्रि अजित सिंह, बिस्म्रिता गगै जों लोगोसे गोबां दैदेनगिरिफोरा जइन जागोन होनना खौरां फोसावनायखौ नुनो मोनदोंमोन, नाथाय दायो 8 अक्तोबरखालि जानाय नंलिया, बेनि सोलाय दिवालि नि सम आव सो जासिगोन होनना बुंदों।

दुलाराय बर' फरायसा आफादनि 55थि बोसोरसालिया जथुम्माखौ फैगौ 2023 इं मायथाइनि जानुवारी दाननि 26,27,28 आरो 29 खालाराव सानब्रैनि हाबाफारि लानानै खुंफुंनो थि खालामनाय जादों।बे हाबाफारिजों लोब्बा लाखिनानै सिगांनि बोसोरफोराव "मुगानि साखि" मुंनि गांसे खुगा लाइसि दिहुनबोबाय थानाय बादिनो देग्लायबो 27थि "मुगानि साखि" खुगा लाइसिखौ दिहुननो थिरांथा लानाय जादों,बेखायनो गोसो गुदुं लिरगिरि बिथांमोनखौ गावनि सोरजिनाय बर' आरो इंराजी रावनि लिरबिदां हरनो थाखाय हांख्राइनाय जाबाय होनना मिथिहोदों।

रायजो आव फिन बिहामजो बुथारनाय जाथाय, जोथोब नि मुङाव प्रेगनेन्त आयजो खौ गाज्रियै बुयै बुयै बुथारनाय नि अजद। 10 दान नि सिगां नामजिना खातुन मुंनि हिनजावसा या बरपेता नि सुखेर भिता गामि आव शानोवार मुंनि सुबुं जों हाबा जादोंमोन, नाथाय बेनि साननैसो उनाव जोथोब बिनानै फिसाय, बिहाव बिखुनजो, फिसा नि बिदा फोरा देहायारि गाग्लोबनायनि अजद, 5 दान नि प्रेगनेन्त मोन, नाथाय बुधबारखालि कयाकुसि पुलिस चक नि सिङाव थानाय फिसाय नि नखर आ गाज्रियै गाग्लोबनाय नि अजद, फिसाय नि नखर आ बेखौ गावखौनो बुथारना लानाय नि महर होनो नाजादोंमोन, दायो बे बिहामजो नि नखर आ प्रसासन खौ बेनि सायाव मोजाङै नायबिजिरनानै साजा होनो दाबि दैखांदों।

गुवाहाति आव मैया बेखेवबाय आरो मोनसे फ्लायअभार, आर्यनगरनि फ्लायअभार खौ मैया बेखेवो, गिबि मन्थ्रि बिथाङा गावनो बेखौ बेखेवो, त्रेफिक नि फारसे नोजोर होनानै दिघलिपुखुरि निफ्राय अनुराधा सिम थांनो थाखाय आरो मोनसे फ्लायअभार बानायगोन होनना बो बुंदों, लोगोसे नो गरसुक, बसिस्थ आरो साइकेल फेक्तरि खौ मोनसे यै फ्लायअभार बानायनाय जागोन होनना बो बुङो आरो बेफोरखौ फैगो बोसोर 1 नि गेजेराव नो जागायगोन होनना बो बुंदों।

2 अक्तोबर आव जागोन भारत आरो खोलाआफ्रिका नि गेजेराव ति 20 गेलेनाय आ, बेनि थाखाय नो गुवाहाति नि थागिबि एबा गुवाहाति आव थांगोन फोरनि थाखाय त्रेफिक पुलिस आ गोदान नेम दिहुनना होदों, लोगोसे नो फुजा नि थाखाय बो फोसावदों होनना खौरां मोनदों, 2 क्तोबर आव फुंनि 9 बाजि निफ्राय 3 अक्तोबर नि हर नि 2 बाजि सिम 27 आरो 17 नं राजा लामा याव साखा खब 4 नि फालांगियारि गारि खौ सालायनो मोना होनना फोसावदों, लोगोसे नो साखा 6 ता थानायखौबो सालायनो मोना, 1 निफ्राय 5 अक्तोबर सिम फुंनि 4 बाजि निफ्राय 9 बाजि सिम सालायनो हागोन, 2 अक्तोबर आव गारि सालायनाय बन्ध, बर्षापारा तिनिआलि धिरेनपारा तिनिआलि सिम पास थानाय गारि फोरा सो थांनो हागोन, गुबुनफारसे क्रिकेत मेस नि थाखाय 8 ता गेत नि सिङाव खुला थागोन 6 ता गेत, मोननै आ साधारन सुबुंफोरनि थाखाय नङा, 1बि गेत आ आलासिफोरनि थाखाय खुला थागोन, 2 नं गेत आव थांनो थाखाय नायगिरिफोरा बर्षापारा तिनिआलि जानानै एके आजाद रोद जों सिङाव थांनो हागोन, बेबायदि नो आरो गोबां गोदान नेम फोर दिहुनदों।

आसाम आव बो तमेत फ्लु बेराम मोननाय नि खौरां, 100 नि बारा केस मोनदों होनना मिथिना मोनदों, दिब्रुगर जिल्ला याव गोबां मोनदों, बेनिनो गोबाङानो गंनै फरायसालि निफ्राय फैदों होनना मिथिना मोनदों, फरायसालि मोननै नि मोनसे निफ्राय 24 आऱो मोनसे निफ्राय 22 ता केस मोनदों, जायफोरखौ लैखोन नि सायाव क्लिनिकेल बादियै थि खालामनाय जादों, गथ फोरखौ 7 सान नि थाखाय आइशलेशन नि थाखाय लाखिनो नांगोन, बैसो गोरा जानाय फोरनि सायाव बे बेराम आ जानायखौ नुनो मोना।

मिरु कंग्रेस दोलो नि आफादगिरि मासि नि थाखाय गान्धि नि नखर नि सुबुं गैया, 20 बोसोर नि उनाव बिसायखथि जागोन आफादगिरि मासि नि थाखाय, 17 अक्तोबर आव जागोन बिसायखथि आ, मिथिना मोननाय बादिब्ला नमिनेशनलाय गथायनायनि जोबथा सान आव ससि थरुर जों लोगोसे मल्लिकाअर्जुन खार्गे बिथाङा गथायदों होनना मिथिना मोनदों, गुबुन सासे दैदेनगिरि दिग्बिजय सिंह बिथाङा बो गेलेगोन होनना बुंदोंमोनब्लाबो नाथाय उनाव गेलेया होनना मिथिना मोनो। दायो झारखान्द सोरखार नि बारग मन्थ्रि के एन त्रिपाथि आ बो बिसायखथि गेलेगोन होनना मिथिना मोनदों।