गाबोन 6
अक्तोबर, बितिआर आव जायगायारि बन्ध फोसावदों, बितिआर नि सिंनि गासैबो जिल्ला याव
नो बे बन्ध खौ फोसावदों, मिथिना मोननाय बादिब्ला गाबोन नि सान आव गासैबो सोरखारि
मावखुलि आरो सोलोंथाय फसंथान फोरा बन्ध थागोन, थांनाय सम्बारखालि खन 3 एमएलए जानाय
करेन्द्र बसुमतारि बिथाङा रुंसारि जादोंमोन, बर हारि नि सासे दैदेनगिरिमोन, बर
संग्रामि, फरायसा दैदेनगिरि, राजखान्थिगिरि, समाज सिबियारि जों लोगोसे गासैबोमोन,
बिथांनि रुंसारि जानाय आव दुखु मोननाय फोरमायनानै नो बे जायगायारि बन्ध खौ
फोसावदों।
बेनो अननाय आ,
नगांव नि सासे बैसो जानाय सुबुं आ दिन्थिबाय बिसि अननाय खौ, देहा मोजां नङि बिसि
खौ हुविल चेआर आव जिरायहोनानै दुर्गा फुजा दिन्थिबाय, आबै खौ दुर्गा फुजा नि
रंजानाय फोरबो निफ्राय गोजान आव थानो होआसै आबौ आ। नगांव सोहोर नि तेलियापत्ति आव
मैया महा नवमि नि सान आव बेखौ नुनो मोनो, फुजा मन्दप आव थांनानै आय दुर्गा नि बोर
लाबाय, गोबां सुबुंफोरा नो बेखौ नुनानै मोजां मोननाय खौ फोरमायदों।
उदां भारत आव
गिबि खेब मोनसे सोमोनांथाव जाथाय जादों, भारत नि गाहाय मन्थ्रि नि खौरां बुथुमनो
थाखाय थाङोब्ला केरेक्तार एबा आखल नि फोरमान बिलाय होनो नांगौ जानो बो हागौ, हिमाशल
प्रदेश आव गाहाय मन्थ्रि नरेन्द्र मोदि बिथांनि बिसायखथि फोसावदिंनाय नि समाव
मोनसे गोदान नेम दिहुनना होदोंमोन, नाथाय दायो बेखौ बोखांना लाफिननाय नि खौरां
मोनदों, मिथिना मोननाय बादिब्ला गिबि मन्थ्रि नि आफाद आव हाबनायनि बिलाय जादोंमोन
केरेक्तार चार्तिफिकेत आ, केरेक्तार चार्तिफिकेत होआब्ला गाहाय मन्थ्रि नि आफाद आव
हाबनो होआ खौरांगिरिफोरखौ, बिसोर निफ्राय बे फोरमान बिलायखौ बिदोंमोन, मिथिना
मोननाय बादिब्ला दिनै गिबि मन्थ्रि आ मोनसे हाबाफारि आव बाहागो लागोन, बेयावनो
खौरां बुथुमग्रा फोरनिफ्राय बे फोरमान बिलाय खौ बिदोंमोन होनना मिथिना मोनदों,
नाथाय उनाव बे खौरां आ फोसावजानाय आव, गोबां सुंबुंफोरा नो गाज्रि मोननाय खौ
फोरमायो जायनि थाखाय निमाहा बिनानै बेखौ बोखांना लाफिनो।
मुलि बायनाय
लोगो लोगो नोंथाङा बे मुलि आ थार ना नंखाय बेखौ आनजाद नायनो हागोन, QR Code आ मिथि
होगोन गासैखौबो, बेराम खौ फाहामनो जानाय मुलि आ थार ना नंखाय बेखौ मिथिसिगोन,
गोबाङानो सानो मुंदांखा मेदिकेल स्तोर निफ्राय बायोब्ला नो मोजां होनना, नाथाय
बेबायदि नङा, भारत आव 2017 मायथाइ नि ASSOCHAM नि
रिपर्त नि बादिब्ला 25 जौखोन्दो नि बारा नंखाय
मुलि फाननाय जायो, बेयो बारा सो जालांनो हमदों आरो बारा जालाङोब्ला फाहामथाय
बेबस्था याव गोहोम गोग्लैगोन, बेनि नि समाधान नागिरदों सोरखार आ, मोनसे एप
दिहुननाय नि सायाव साननाय नि खौरां मोनदों, जेराव QR कद
स्केन खालामब्ला नो बे मुलि नि सोमोन्दै मिथिगोन, सोर बानायदों आरो माब्ला
बाहानायनि जोबथा सान आ जोबगोन बेफोरखौ, बे एप आ दासिमबो फैयाखैब्लाबो ताइम्स अफ
ईन्दिया याव फोसावजानाय रिपर्त नि बादिब्ला थाबैनो फैगोन, बेयाव बांसिन बाहायजानाय
मुलि फोरखौ सोनाय जागोन, जेरै एन्तिबायतिक,सानाय गैया खालामनाय, हार्त नि, एन्ति
एलार्जिक बायदि बायदि जायखौ बांसिन बाहायो, थगायनाय एबा नंखाय मुलि फोरा बो बांसिन
बाहायजानायनि सो ओंखारो। बेखौ थाबैनो खालामगोन होनना खौरां मोनदों।
उत्तराखन्द आव
हाजो गाखोनाय सा 10 सुबुंफोरनि जिउ गोमानायनि खौरां मोनदों, हाजो नि बरफ दामोल
गोग्लैनाय आव नो जिउ गोमायो, सा 10 नि सानै आ आसाम नि, मुङा भार्गब बरा आरो
दिपशिखा बरा, सानैनिबो जिउ गोमानायनि सन्देह खालामनाय जादों, भार्गब नि न आ जोरहात
आव आरो दिपशिखा नि आ गुवाहाति आव, हाजो गाखोनायनि सोलोंथाय लागासिनोमोन, मिथिना
मोननाय बादिब्ला सा 34 फरायसा आरो सा 7 फोरोंगिरि दंमोन, फैफिननाय समाव नो जायो
जाथाय आ, दायो जाथायसालि आव नायबिजिरनाय आ सोलिगासिनो दं।
फुजा नि
रंजानाय नि गेजेराव नो नवमि नि सान आव मंगलदै आव जादों मोनसे जाथाय। मंगलदै नि
समुवापारा याव फिसा खोथा खौ लानानै नो सासे सुबुं आ गमसे गारि खौ सिफायजोबो, सासे
सुबुं नि न नि मोखां आव गारि खौ लाखिदोंमोन सासे सुबुं आ, बेनि थाखाय नो रागा
जोंनानै गारि नि खहा खालामो, बेल नङा ग्लास फोरखौ सिफायनानै गंसे बेग निफ्राय
मोननै सना नि सेइन बो लाना थांनाय नि अजद, दायनिगिरि नि मुङा नित्यानन्द देका, बे
जाथाय आ जानायनि उनाव नो नित्यानन्द आ दायो खारखुमाना दं, जाथायसालि आव दायो
पुलिसफोरा थांबाय, नायबिजिरनाय आ सोलिगासिनो दं।
JEE आनजाद
आव रिगिं नि मोनसे गिथावना खौरां फोसावजादों, सिबिआइ आ हमनाय सासे रासिया नि नोगोरारि
निफ्राय बे खौरां खौ मोनदों, मिखाइल सारगिन मुंनि सुबुं खौ हमनो हादोंमोन आनजाद आव
बेलेबेजे खालामनायनि दाय आव। रासिया नि हेकार खौ दिल्लि नि मोनसे बिजिरसालि आ
आइआइति नि बादि भारत नि गोजौ थाखो नि ईन्जिनियारिं कलेज फोराव मुं थिसननाय नि
थाखाय हाबनाय आनजाद जेइइ मेइन आव रिगिं खालामनाय नि दाय आव साननै नि थाखाय सिबिआइ
नो हरदोंमोन, मखजाथावदि दासिम सा 24 खौ हमबाय रिगिं खालामनायनि दाय आव, रासिया नि
नोगोरारि आ बुंना लानाय बादिब्ला दासिम गासै सा 820 आनजाद होगिरिफोरखौ रिगिं
खालामनाय आव मदद खालामदोंमोन।
ससियेल मिदिया याव सिनायमोनि सुबुं जों
रायलायनाय समाव सांग्रां जा, हानि त्रेप आव गोग्लैनो हागौ नोंथाङा बो, रुरकि हानि
त्रेप नि बोलि जानो गोनां जानानै सासे पाकिस्तानि आयजो नो भारत नि आरमि नि सिंनि
खौरां हरनायनि गिदिर अजद सासे एकाउन्तेन्त नि बेरेखा, पुलिस आ बुंनाय बादिब्ला
सिकान्द्रा जिल्ला नि थागिबि एमामि खान आ उत्तर प्रदेश नि थागिबि। बियो मे दान
निफ्राय 20 जुन सिम सासे आयजो जों रायलायदोंमोन, गिबि आव लोगो महरै रायलायनाय आ
उनाव मोजां मोननाय सिम सोलायो, बिखौ फोथायनानै नो सिंनि खोथा फोरखौ सेयार खालामना
लायो होनना मिथिना मोनो, बेनि खौरां मोननानै मिरात नि आरमि अफिसार नि मोनसे दोलो आ
रुरकि आव थाङो आरो एकाउन्तेन्त नि मबाइल खौ आनजाद नायो, दायो नायबिजिरनाय आ
सोलिगासिनो दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon