चिरां जिल्ला बनसु आरो सान्तिपुर आन्सलिक बनसु नि मोनसे मोजां खामानि, चिरां जिल्ला नि रुनिखाता हाग्रा रेन्ज नि सिङाव आव थानाय गोबां बर फोरा न फोर सिफायजानायनि थाखाय गाज्रि थासारि आव थानो गोनां जादों, बेफोरखौ नुनानैनो बनसु आ मैया थांनानै अनसुंथाय हैदों, सोरखार आ ईभिकसन खालामनोब्ला मानो आगोलावनो थानायनि बेबस्था खालामना होआमोन होनना सोंदों, जुनार फोरनिख्रुय गाज्रिसिन खालामदों होनना फोरमायदों बेयाव बेबायदि खालामजानायफोरा, जुनारफोरहा बो थानायनि सुबिदा थाबावोसो होनना बुंनानै जोंनो थानो होला नामा होनना बुंदों, बनसु आ हा गैजायिफोरनो सोरखार आ थाबैनो बेबस्था खालामना होनो नांगौ होनना दाबि खालामदों। खम सम नि गेजेरावनो बेखौ खालामना होनो खावलायो, मैया बनसु आ मायरं दालि जों लोगोसे गुबुन गुबुन जाग्रा मुवा रानना हैदोंमोन। मैया आप दोलो आ बो थांनानै खौरां लाहैदोंमोन होनना मिथिना मोनदों, हाग्रा सिफायखानाय आव सो थांना जाहैदों होनना आप नि जानानै बुबु रन्जन ब्रह्म बिथां आ बुंदों। चिरां जिल्ला एबसु आ खौरांमेल खुंनानै बेनि सायाव बुंदों- सोरखार आ हा मोनथावना फोरनो हा होनो नांगौ होनना बुंनायजों लोगोसे मिथिंगायारि खैफोद जों सुबुंमाहारि आ मोगा मोगि जानो गोनां जादों दायो आरो ईयुन आव बेबायदि आ बारासिन जागोन, बेयाव जायफोरहा गोजाम गामि गैलिया एबा आगोलनि जेबो सिन गैलिया बिथांमोननो सोरखार आ बेबस्था खालामना होनो नांगौ आरो जायफोरहा गावनि गामि दंखायो, रायजो जाबोगासिनो बिसोरखौ बेबायदि एरैनो हाग्रा ओनसोल खौ फोजोबस्रांनो नाङा होनना बुंदों, गोबां सुबुंफोरा नो चिरां, कक्राझार, उदालगुरि जिल्ला नि गोबाङानो थांदों होनना फोरमायो एबसु आ। न थाखानायफोरा गुबुन साननायजों हा दखल खालामनो नाजानायफोरखौ हाग्रा ओनसोल खौ जोथोनै लाखिनो खावलायो आरो लोगोसे सोरबाफोर दालालि खालामदोंब्ला थाबैनो बेबायदि दालालि खालामदोंब्ला सोरखार आ हमनो नांगौ होनना बो बुङो
आसामनि गोदान दिजिपि जाबाय जिपि सिंह बिथाङा, आजिरा मोननाय दिजिपि भास्करज्योति महन्त बिथाङा जिपि सिंह बिथांनो बिबान खौ मैया गथायना होयो, उलुबारि आव आसाम पुलिस नि गाहाय मावखुलि आव जानाय मोनसे हाबाफारि आव नो बेखौ खालामो, बिबान खौ लानायनि उनाव गोदान दिजिपि बिथाङा खौरांमेल खुंदोंमोन, खौरांमेल आव बिथाङा आसामनि थाखाय खामानि मावलांगोन होनना फोरमायो, रायजो सोरखार आ होनाय बिबान खौ मोजाङै मावलांगोन, आसाम पुलिस नि साफ्रोमबो सुबुंफोरा जाहाथे सन्मानजों खामानि मावो बेनि बेबस्था खालामगोन। लोगोसे आजिरा मोननाय दिजिपि नि थालांनाय एबा आबुं जायि खामानि फोरखौ मावफुंजोबनो नाजागोन होनना बो बुङो, साधारन सुबुंफोरखौ बो पुलिसफोरजों जगाजग आव थानो नांगौ होनना फोरमायनानै सानफ्रोमबो फुंनि 11 बाजि निफ्राय 1, 2 बाजि सिम मावखुलि आव गोजौ थाखो नि अफिसार थागोन होनना बो फोरमायनानै आयजो पुलिसफोरनि थाखाय बेबस्था खालामगोन होनना बो बुङो। गोबां देहायारि जेंना नुजाथियो आयजो पुलिसफोरनियाव,, दै खम लोंनायनि थाखाय बेराम जानाय निफ्राय लानानै थि आरो थि नङि जायगा पोराव रैखाथि गोनां बथरुम, तयलेत नि बेबस्था गैयिखौ 1 बा 2 बोसोर नि गेजेरावनो फोजोबनो नाजागोन होनना फोरमायो।
अन्ध्रप्रदेश नि राजथावनि खौ सोलायनाय जाबाय, दायो राजथावनि आ अमरावति नंलिया, बेखौ रायजो नि गिबि मन्थ्रि वाइ एस जगन मोहन रेददि बिथाङा बुंदों, राजथावनि आ बिसाखापत्तनम आ जाबाय। लिरनाय महरै बेयो जाथआखैब्लाबो गिबि मन्थ्रि आ दिल्लि आव मोनसे हाबाफारि आव बाहागो लानानै सोलायगोन खौ रोखा खालामना होखाबाय।
सम्बारखालि हर आव कलकाता नि स्कुवेर निफ्राय कलकाता पुलिस, एसतिएफ आ आ 10 लाख रां नि नंखाय नोत मोनदों, लोगोसे बेखौ लांनाय सानै सुबुंफोरखौ बो हमदों, बिसोरनि मुं खौ सेखर आलि आरो आब्दुल राज्जाक होनना मिथिना मोनदों, बिसोर आसामनि सो थागिबिमोन। सोनाब बंग नि गुबुन गुबुन जायगा फोराव बेखौ रानना होनो लांदों होनना खौरां मोननायनि उनाव नायबिजिरनानै हमो बिसोरखौ, बिसोरखौ हमनानै सोंगासिनो दं। बेनि सायाव गिदिर ग्रुप थानो हागौ होनना सन्देह खालामनाय जादों, नायबिजिरनाय आ सोलिगासिनो दं।
Please do not enter any spam link in the comment box. ConversionConversion EmoticonEmoticon