2023 मायथाइ नि मिरु बाजेत खौ फोसावना होबाय, भारत नि रांखान्थि बिफान नि मन्थि निर्मला सिथारमन बिथाङा फोरावना होयो। गुबुन गुबुन फोसावनायनि गेजेरजों बेखौ मिथिहोनाय जायो।
मोननैसो मुवा बेसाद नि बेसेन आ खम जादों, बेबायदिनो मोननैसो नि बेसेन आ बारा जादों।
फैगो रांखान्थियारि बोसोर निफ्राय दाम खम जानो गोनां मुवा बेसाद फोरा जाबाय गुबुन गुबुन गेलेनायनि नांगौ जानायफोर, साइखेल, अतमबाईल, मबाइल फन, ईलेकत्रनिक गारि, तेलिभिसन, लिथियाम आयन सेल बेतारि, केमेरा लेन्स बायदिफोर नि बेसेन आ खम जागोन होनना मिथिना मोनदों। बेबायदिनो मोननैसो नि बेसेन आ बारा बो जागोन, बारा जागोनफोरनि गेजेराव सिगारेत आ दं, सिगारेत नि सायाव 16 जौखोन्दो तेक्स बारायना होदों, बेफोरनि अनगायैबो सना, रुफा, आरो प्लेतिनाम नि बेसेन आ बो बारा जादों, बेल नङा, ईसिं न नि मुवा बेसाद नि बेसेनफोरा बो बारा जागोन होनना बुंदों।
गुबुनफारसे मन्थ्रि बिथाङा दिनै जुनार फिसिनाय, गायखेर दिहुननाय, ना फिसिनाय बायदि नि फारसे सोरखार आ गोसो होनानै आबाद लोन नि थांखि 20 लाख कौति सिम बारायदों, मन्थ्रि बिथाङा 2014 मायथाइ निफ्राय दासिम गायसननाय 157 गोदान मेदिकेल कलेज नि मदद आव 157 गोदान नार्शिं कलेज गायसनगोन होनना बुंदों।
बुहुम आ भारत खौ मोनसे गोजों हाथरखि महरै गनायथि होगोन होनना बो बुङो, सोलिनाय बोसोर आव भारत नि रांखान्थियारि जौगानाय आ 7 जौखोन्दो सिम मोनहैगोन होननना साननाय जादों।
Please do not enter any spam link in the comment box. ConversionConversion EmoticonEmoticon