मिरु नखर मन्थ्रि निर्मला सितारमान आ मैया 1 फेब्रुवारि, 2024 अक्तआव लोकसभा याव साननैसो नि सम नि बाजेत खौ फोसावबाय, फुंनि 11 बाजिनाय लोगो लोगो नो संसद आव 6 थि खेब नि थाखाय बाजेत नि सोमोन्दै मिथिहोयो, मोदि सोरखार नि जोबथा बाजेत महरै हादर आव गं 3 रेल करिदर बानायनाय जागोन, 11.8 कौति आबादारिफोरनि थाखाय सोरखारि मदद फोसावदों, बेबायदिनो गं 7 आइआइति आरो गं 7 आइएम आरो 3 रोजा गोदान आइतिआइ गायसननायनि बाथ्रा बो बुंदों, बेफोरनि अनगायैबो आइजो फोरनि थाखाय लाखपति बाइदेउ बानायनायनि थांखि।
3 कौति आइजोफोरखौ लाखपति बानायनो थि खालामदों, बेफोरनि अनगायैबो दानसेयाव 300 इउनित मोब्लिब फ्रि खालामनायनि बो बाथ्रा बुंदों, बेयो सलार सिस्तेमनि गेजेरजों जागोन। हादरनि मोनफ्रोमबो नखर नि सुबुंफोरनि थाखाय मोब्लिब आरो गेस नि बिथांखि लानाय जादों, स्किल इन्दिया मिशन नि गेजेरजों 1.4 कौति सेंग्रा फोरखौ फोरोंनाय जागोन।
हादराव 390 बुहुमफरायसालि गायसननायनि बाथ्रा बो बुङो। गोदान तेक्स नि नेम बादियै बोसोर नि आय आ 7 लाख रां सिम सोरखार नो तेक्स होनो नाङा। 9 निफ्राय 14 बोसोर बैसो नि उन्दै हिनजावसा गथ नि भेकसिन होनाय नि सायाव गोसो होनाय जादों, केन्सार जानायनिफ्राय बारगहोनो थाखायनो बे थिरांथा खौ लादों।
पिएम आवाज योजना नि गेजेरजों फैगो 5 बोसोर आव 2 कौति नखर नो सोरखारि न होनायनि थिरांथा, हादरनि आशा नि मावथि आरो अंगनबारि नि मावथि फोरा बो आयुश्मान भारत नि सुबिदा खौ मोनगोन। गायखेर दिहुननाय आरो ना फिसिनाय नि थाखायबो थिरांथा लादों सोरखार आ। मखजाथावदि बेयो सोरखार नि जोबथा सम नि बाजेत, एप्रिल दान आव बिसायखथि आ जानो हागौ, बेयाव जायनो सोरखार दागोन बिसोर जुलाइ दान आव आबुं बाजेत खौ फोसावगोन होनना मिथिना मोनदों, मन्थ्रि बिथाङा एनदिए खौ नो सोरखार दागोन होनना बुंनानै जुलाइ दान आव बिथांमोना नो आबुं बाजेत खौ फोसावगोन होनना बुङो।
Please do not enter any spam link in the comment box. ConversionConversion EmoticonEmoticon