10 February evening news ~ Bodoinfo.com

दिनै बिटिसि गोरोबथा सान, 19 थि, बिपिएफ नि आफादगिरि आरो बिटिसि नि बारग गाहाय हाग्रामा महिलारि बिथाङा दिनै फुङाव बिटिसि सेक्रेतारियेत नि बडफा उपेन्द्र नाथ ब्रह्म बिथआंनि मुसुखायाव मान बावनायनि उनाव बडलेन्द मुंख्लं खाम्फा याव बर नि मुंख्लंफोरनि खाथियाव बिबार बावनानै खुलुमो। दिनैनि दिन आव नो 2003 मायथाय आव बिएलटि आरो मिरु सोरखारनि गेजेराव गोरोबथा जादोंमोन। दिनैनि बे हाबाफारियाव बिहारनि दोलो आरजेदि नि दैदेनगिरि तेजस्वि यादब खौ गाहाय आलासि महरै लिंनानै लाबोदों।

आसामाव फिन खनसेबाव फैगोन मिरु नखर मन्थ्रि अमित साह आ। दिनै हर आव गुवाहाति याव मोनफैनानै चिरां आव थांगोन बिथाङा। नाथाय बिथांनि बे बारनि आसामाव फैनाया बिसायखथि फावदिंनायनि थाखाय नङा। बिथाङा चिरां नि सासे नि न आव आलासि महरै सो थांगोन 11 फेब्रुवारियाव। चिरां नि ग्रेतार केसबिहार एशसियेशननि दैदेनगिरि अनन्त राय खौ लोगो हमनो फैगोन। बिथआंनि लोगो जागोन आसामनि गिबि मन्थ्रि आरो सोलोंथाय मन्थ्रि या। बिथाङा 24 जानुवारियाव सान्थामनि थाखाय फैदोंमोन।

गंथाम फुत ब्रिज खौ 14 फेब्रुवारियाव बेखेवनो हागौ। गुवाहाति नि दिसपुर, खानापार, आरो कामाख्या याव। बेनि बानायनाय आ गासैबो जाजोबनाय बादियानो जाबाय होनना खौरां मोनदों, नाथाय आसाम सोरखारि दासिमबो सोरखारि बादियै फोसावना होआखै बेखेवना होगोनखौ, पिदाब्लिउदि निफ्राय खौरां मोनदों। साननैसो सिगांङाव ख्रिस्तान बस्ति याव आरो एबिसि पइन्ट आव बेखेवदोंमोन।

काजिरङा माहारियारि हाग्रामा नि दाउ नि अनजिमाया 175 जौखन्दो बारा जादों। थआंनाय बोसोराव 34284 मोन, बे बोसोराव 93491 मोनदों साननानै। प्रिन्सिपाल चिफ कन्जारभेतर अफ फरेस्त अमित साहाई बिथाङा बेखौ बुंदों। 22 नखरनि 112 जाथि नि मोननाय जादों होनना बुंदों, बेनिनो 58 आ बुहुमनि गुबुन गुबुन जायगानिफ्राय फैनाय।

हादरारि

उत्तराखन्द नि दैबाना। दासिम सा 32 नि गोथै देहा नागिरना मोनदों। 206 आ दासिमबो गोमाना दं। आईटिबिपि, आरमि, एनदिआरएफ आरो जायगानि प्रशआसन आ नागिरगासिनो, बासायनाय खामानिखौ मावगासिनो। आसामनि बो सा 3 गोमाना दं, नाथाय दासिमबो जेबो खौरां मोनाखै बिसोरनि।