बर सावथुन सिजौ आ कानादा फिल्म फेस्तिभेल आव सायखजादों। भारत भुतान सिमनानि थागिबिफोरनि सलखौ लानानै बानायनाय सावथुन। बेखौ अप प्रकाश खेरखातारि आरो प्रियम खेरखातारि बिथाङआ बानायदों। बेयाव फाव खालामदों जयन्त नार्जारि, पान्सि ब्रह्म, बिजित, कमलेस बसुमतारि, अम प्रकाश आरो गोबां आ। बेनि सुतिं खौ अरुनाशल, मानास माहारियारि हाग्रामा आरो बाक्सा नि सायखुंगुरिता याव खालामनाय जादोंमोन. 30 जानुवारियाव कानादा नि मनत्रियेल इन्दिपेन्देन्तफिल्म फेस्तिभेल आपो 2 फेब्रुवारियाव लश एन्जेलश आव जानाय बादायलायनायाव सायखजादोंमोन।
आसाम पुलिस नि कन्सतेबल एबि इउ बि नि फिजिकेल टेष्ट आ 15 फेब्रुवारिनिफ्राय जागोन। गासै 15 जिला फोरनिया जाग्रोगोन। एदमित कार्ड खौ 10 फेब्रुवारिनिफ्राय दाउनलद खालामनो हागोन। गासैनाबो गोदानै जाफिनगोन।
सालबारि जिल्ला बड सिने आरतिस एशसियेशननि बान्जायनायाव बड आरतिस गेत तुगेदार आ हाबाफारिया मैया जानानै थाङो। बाक्सा जिला नि फठादैलामाव जायो बे हाबाफारिया। बे हाबाफारियाव गोबां महरगिरि बिथांमोना बाहागो लादोंमोन। फावखुंगुर फैला बरगयारि बिथाङा गोजोननाय मोनदों होनना बुङो, आरो लोगोसे दानि सोरखआरनिसिम गांसे मेमरेन्दाम होदों होनना बुङो, जेराव महरगिरिफोरनि गोबां दाबिफोर दं होननना बुङो, लोगोसे सोरखार आ बो उननि समाव गासैखौबो मावफुंलांनो नाजागोन होनना खोथा होदों होनना बिथाङा बुङो। लोगोसे गेमस्रि दैमारियाबो गोजोननाय मोनदों होनना बुङो
दिनै बडलेन्द हायुंआरि ओनसोलनि गोदानै सोरखारि जानाय सोलोंथाय फसंथानफोरनि फोरोंगिरि आरो मावथिफोरनो थिसनलाय गथायनाय हाबाफारि या कक्राझारनि बडफा नोगोरनि बिटिसि सेक्रेतारियेत आव जागोन। बेयाव गाहाय आलासि महरै बिटिआर नि गाहाय मावफुं सोद्रोमा प्रमद बर आरो लेङाय गाहाय गोबिन्द चन्द्र बसुमतारि बिथाङा बोहागो लागोन।
10 फेब्रुवारि खालि बिपिएफ आ बिटिसि गोरोबथआ सान फालिगोन। बे हाबाफारियाव बिथआंमोना आरजेदि(बिहार) नि गाहाय तेजस्वि यादव खौ गाहाय आलासि महरै लिंनाय जादों होनना खौरां मोनदों। आरजेदि या बिहार आव बिजेपि नि बेरेखा बिसायखथि गेलेयो, आसामावबो 25-30 बियाब आव बिजाथि होनो हागौ होनना खौरां मोनदों।
सिरां आव हमदों सिखाव काठ नि ट्राक। पुलिस आरो हाग्रा बिफआननि नागिरनायाव जब्द खालामनो हादों 6 लाख सो रां नि सिखाव काठ। जिला नि सिखआव फआलांगिरिफोरा कक्राझार नि हल्टुगांव नि लाउपानि ओनसोलनिफ्राय भारत भुतान सिमना नि ओनसोल जानानै आमटेका ओनसोलनि गेजेरजों लांबाय थानायावनो हमो।
हादरारि
उत्तराखन्द नि दैबाना। दासिम सा 10 नि जिउ गोमाबाय, गोबाङानो गोमाना दं दासिमबो। सा 10 नि गोथै देहाखौ बोखांनो हाबाय, दासिमबो 170 नि बारा गोमाना दं होनना खौरां मोनदों, सा 16 खौ बासायनो हायो आईटिबिपि फोरा, बिसोर तानेल आव दंमोन, दासिमबो आरो गोबांआनो(30-35 सो) आ तानेल सिङाव नो दं होनना बुंदों आरो बिसोरखौ बासायनो नाजागासिनो। बे जाथाय आव आसामनि सानै खामानि मावग्रा या बो गोमाना दं होनना खौरां मोनदों। नखरसे नि नो सानैबो, नगांव नि कामपुर नि । सानैनि मुं आ अमरज्योति दास आरो कमल दास। सानैबो सेंग्राखौ बासायनानै नखरनो गथायनो होनांगौ होनना खावलायो नखरनि सुबुंफोरा। 2013 मायथायआव बो बेबायदिनो जाथाय जादोंमोन, 17 जुन आव हाबाय थानाय अखानि थाखाय गोजौनिफ्राय गोलैनाय दै या गोबां सुबुंफोरनि जिउ फोजोबदोंमोन। भारत नि गाहाय मन्थ्रि नरेन्द्र मडि बिथाङा थैनायनि नखरनो 2 लाख आरो जोखोम जानायफोरनो 50 रोजा रां होगोन होनना फोसावो, लोगोसे उत्तराखन्द नि गिबि मन्थ्रि त्रिबेन्द्र सिंह रावत आ थैनायनि नखरनो 4 लाख रां होगोन होनना बुङो।
2021 नि बाजेत आव सा सानजा भारत सिमा रेलवे नि थाखाय 8060 कौटि। बेनिनो रेल लामाफोर बानायनो थाखाय 4330 कौटि, रैखाथि नि थाखाय 3470 कौटि, दावबायारि नि सुबिदा नि थाखाय 166 कौटि होयो।
थाबैनो आसामनिफ्राय भुतान सिम सोलिगोन
ट्रेइन। रङियानिफ्राय चामद्रुप झांखार आरो पाठसालानिफ्राय नामलांसिम नि सारभे
रिपर्त होदों रेल बिफाननो। रेल लामा बानायनो थाखाय 960 कौटि रां बो थि खालामदों
होनना बुङो।
2023 नि गेजेराव सा सानजा नि गं 6 लाइन आव सोलिगोन मोब्लिबनि ट्रेइन आ। जेनेरेल मेनाजार अनसुल गुप्ता बिथाङा बुंदों, लोगोसे नेपाल, म्यानमार आरो बांलादेश खौ रेल लामा जों लोगो खालामनायनि बो थिरांथा लादों होनना बुङो।
गेलेनाय
बिजय हाजारे ट्रफि नि थाखाय आसामनि सा 15 नि
क्रिकेत दोलोखौ फोसावना होबाय आसाम क्रिकेत एशसियेशन आ। बे दोलोखौ गकुल सर्मा या
दैदेनगोन। बर सासेबो गैया।
मैया आई एस एल आव गिबि गेलेनाय आव नर्थ इस्त आरो हायदाराबाद नि गेजेराव द्र जायो। मोनसेबो दोलो आ नो गल सोनो हायासै। नैथि गेलेनाय आव इस्त बेंगल आ जामसेदपुरखौ 2-1 गल आव फेजेनो। इस्त बेंगलनि जानानै भि स्तेइनमान आ 6 आरो ए पिलकिंतन आ 68 मिनित आव गल होयो आरो जामसेदपुरनि जानानै पि हार्तले या 83 मिनित आव गल होयो।
पइन्तस टेबल आव
हायदाराबाद- 3 थि(23), नर्थ इस्त आ 4 थि(23), जामसेदपुर आ 7 थि(18) आरो इस्त बेंगल आ 9 थि(16)
भारत इंग्लेन्द नि क्रिकेत आव थामथि सान आव भारत आ 257 रान बुदों, सा 6 विकेत आव। रिषभ पन्त आ 91 रान बुदों आरो पुजारा या 73 रान। इंग्लेन्द आ गिबि इनेंस आव 578 रान बुदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon