फैगौ 1 मार्च आव जानो गोनां राज्यसभा याव लांदां जाना थानाय गंसे मासि नि बिसायखथि नि थाखाय सानै बिजाथि या गसंदों। बिस्वजित दैमारि बिथाङा बिबान एंगारनायनि उनाव लांदां जाना दंमोन। बिजेपि नि जानानै बिस्वजित दैमारि बिथाङा नमिनेशन खौ होबाय। आरो सासे या बिपिएफ नि बारग एमएलए चन्दि बसुमतारि। बिपिएफ दोलो आ राज्यो सभा नि मासि खौ खोमाना लानो गोसो गैया। बेनि थाखाय नो सुक्रबार खालि नमिनेशन होयो। बिस्वजित दैमारि बिथाङा बिबान एंगारनायनि सिगां बिपिएफ नि जानानै नो एम पि जादोंमोन, नाथाय दोलोनिफ्राय ओंखारनायनि उनाव बिथाङा गावनि मासिखौ बो नागारफादोंमोन गोसो जानानै। बे बिसायखथि याव देरहानोब्ला गासै 60 भट नांगोन, आसामाव गासै 126 बियाब दंब्लाबो दायो 118 एमएलए सो दं(सानैसो आ रुंसारि जाबाय, बिबान एंगारबाय)। भटखौ एमएलए फोरा नो होगोन। बे बिसायखथि याव बिजेपि नि जानानै बिस्वजित बिथाङा नो देरहानो हागौ, मानोना बिजेपि हा गाव हारसिंनो 60 एमएलए दं, बेनि अनगायैबो लोगो दोलो एजिपि नि बो एमएलए दं, आरो गुबुन दोलोनिफ्राय हाबफैनाय दं, गासै 79 सो दं। गुबुनफारसे बिपिएफ नि खौ नायोब्ला बिपिएफ, कंग्रेस, एआईइउदिएफ नि दाजाबजोबोब्ला 44 ल सो जायो। 18 फेब्रुवारिसिम नमिनेशन गथायनाय जोबथा सान, आरो 22 फेब्रुवारिया नमिनेशनखौ बोखारनायनि जोबथा सान, सोरबा गोसोब्ला गावनि नाम खौ लाफिननो हागोन।
चिरां आव हाथियार मोनदों। हर आव पानबारि थाना नि सिङाव थानाय मानास माहारियारि हाग्रामा नि खाथि नि आमलाइगुरि गामि याव पुलिस नि दोलो आ नागिरनायाव हा सिङाव फबना दोननाय अबस्था याव मोनदों हाथियारफोरखौ। हाथियारफोरा गंनै एके 56, गंसे एम 20 पिस्तल आरो गर 52 गुलिफोर मोनदों। जिला नि एस पि सुधाकर सिंह बिथाङा बुंदों बे ओनसोलाव सानसे समाव एनदिएफबि नि दैदेनगिरि बि बिदाई आ थांलाय फैलाय खालामोमोन। बेखायनो एनदिएफबि नि होनना सन्देह खालामदों। दासिम रावखोबो हमनाय जायाखै।
मैया नि बाजेत(भट एन एकाउन्त), हिमन्त बिस्व बिथाङा फोसावबाय एप्रिल निफ्राय जुलाई दान सिम नि बाजेत खौ। गासै 60,784.03 कौटि रां नि। पेत्रल दिजेल, जौ, स्कुति, फरायसाफोर नि आरो गोबां दं। हिमन्त बिस्व बिथाङा बुंदों थांनाय बोसोरसेयाव 17,84,790 नो फ्रि एदमिशन होबाय, 1 कौटि 8 लाख 914 आ फ्रि सोलोंथाय लानो हायो, 33000 गोदान फोरोंगिरि थिसनबाय आरो 29 रोजा सोरखारि खालामबाय।
इउबिपिअ नि सा 4 सोद्रोमा खौ आफादनि बेरेखा खामानि मावनायनि थाखाय एरखबाय, बेखौ इउबिपिअ नि गाहाय नेहाथारि अनिल बसुमतारि बिथाङा गांसे फोसावलाय नि गेजेरजों फोरमायो। साब्रै सोद्रोमाफोरनि मुङा,
1) बिजेन्द्र
बसुमतारि, इउबिपिअ नि लेङाय गाहाय नेहाथारि
2) जादब बसुमतारि,
इउबिपिअ नि अरगेनाइजिं सेक्रेतारि
3) पिनाक्सि
बसुमतारि. दिब्रुगर जिला इउबिपिअ नि आफादगिरि आरो
4) कन्क्सा बर,
कामरुप मेत्र जिला इउबिपिअ नि आफादगिरि।
आसामाव मोब्लिब नि रेल आ सोलिसिगोन, मार्च दाननिफ्राय निउ बङायगांव निफ्राय रङिया सिम सोलिगोन रेल आ, बेखौ एनएफआर नि पाब्लिक रिलेशन अफिसार न्रिपेन भट्टाचार्ज बिथाङा बुंदों। गुबुन ट्रेन आ मे-जुन निफ्राय सोलिनो हागौ, गुवाहातिनिफ्राय लामदिं दिब्रुगर सिम। मोब्लिब नि ट्रेइन आ दावबायारि आरो मुवा बेसाद लांनाय मोननैबो नि थाखाय होनना बो बुंदों। मोब्लिब रेल नि गेजेरजों आबहावा गुबुंले आरो दावबायनाय सम खौ खम खालामनो हायो।
हादरारि
तामिलनादु
नि फटका बानायनाय कारखाना याव अर नांनायाव सा 11 नि जिउ गोमायो, चाट्टुर जिला नि
गंसे फटका बानायनाय उद्दोग। रासायनारि मुवा गलायबाय थानाय समाव नो जायो जाथाय आ।
जाथाय जानाय जायगायाव लोगो लोगो अर खोमोरग्रा गारि या थांदोंमोनब्लाबो रासायनारि
मुवा नि थाखाय अर खोमोरनायाव असुबिदा जादोंमोन। गाहाय मन्थ्रि नरेन्द्र मडि बिथाङा
दुखु मोननाय फोरमानयदों आरो थैनायनि नखरनो 2 लाख आरो जोखोम जानायफोरनो 50 रोजा रां
होगोन होनना बुङो। तामिलनादु नि गिबि मन्थ्रि बिथाङा बो थैनायनि नखरनो 3 लाख आरो
जोखोम जानायफोरनो 1 लाख होगोन होनना बुङो।
भारत आ बुहुमनि गुबुन गुबुन हादरनो 229.7 लाख कभिद नि भेकसिन हरबाय दासिम। बेनिनो 64.7 लाख खौ दान महरै आरो 165 लाख खौ फालांगि महरै होनाय जायो। फैबाय थानाय समाव आफ्रिका, लेतिन आमेरिका, प्रशान्त लैथौमा दिप फोरनोबो हरगोन होनना खौरां मोनदों
बुहुमनां
चिन आरो
ब्रितेइन नि गेजेराव नांलायनाय, ब्रितेइन आ साननैसो सिगां चिन ग्लोबेल टेलिभिशन
नेतवर्क खौ आयेन नि बेरेखा खालामनानै बन्ध खालामदोंमोन। दायो चिन आ बिबिसि वर्ल्ड
निउस खौ चिन आव फोसावनायनिफ्राय बन्ध खालामबाय। बन्ध खालामनायनि जाहोनखौ कन्टेन्ट
भायलेशन होनना बुंदों। 3 फेब्रुवारिखालि चाइनिस केम्प आव उइघु आयजो नि सायाव
आथोनारि गाग्लोबनायनि सायाव खौरां फोसावदोंमोन, लोगोसे करना नि बो गोबां खौरां
फोसावदोंमोन, बेनि थाखायनो रागा जोंनानै चिन नि ब्रदकास्तिं नेमखान्थि बिफान आ
बन्ध खालामनानै होयो।
गेलेनाय
2021
नि आइपिएल नि निलाम नि फारिलाय आव आसामनि सानै गेलेगिरि या जायगा मोननो हादों,
नामफोरा साहिल जैन आरो राजाकुद्दिन आहमेद। आसामनि रियान पराग आ राजस्थान नि जानानै
गेलेगोन आ थि जाबाय, मानोना बिथांखौ दोलो आ लाखिफिनदों। गोदान सानैया बो
बायजायोब्ला गेलेनो मोनगोन।
दिनैनिफ्राय
भारत ईंग्लेन्द नि नैथि टेष्ट गेलेनाय आ जागोन। जायगाया चेन्नाई नि एमए सिदाम्बरम
स्तेदियाम। गिबि टेष्ट आव भारत आ 227 रान आव जेनदोंमोन। भारत आ वर्ल्ड टेष्ट
चेम्पियनशिप नि फाइनेल आव जायगा मोननो थाखाय खमावनो सिरिज नि मोननै गेलेनायखौ
देरहानो हानो नांथारगोन। निउजिलेन्द आ फाइनेलखौ मोनखाबाय।
आईएसएल- हायदाराबाद एफ सि या ईस्त बेगलनि बेरेखा द्र गेलेयो 1-1 गल। इस्त बेंगल आ 59 मिनित आव गल होग्रोदोंमोन, बि एनबाख्रे आ। 90+2 आव आरिदेन आ हायदाराबाद नि जानानै गल होनानै द्र खालामो। 90+7 मिनित आव हायदाराबाद नि एम यासिर आ गोजा कार्ड बो मोनदों। पइन्तस तेबल आव हायदाराबाद आ 24 जों थामथि आरो इस्त बेंगल आ 17 जों 8 थि मासियाव दं।
Please do not enter any spam link in the comment box. ConversionConversion EmoticonEmoticon