ओनसोलारि
दिनै आसामाव फैगोन मिरु नखर मन्थ्रि
अमित शाह आ। सानसेयाव मोनथआम हाबाफारियाव बाहागो लागोन बिथाङा। खौरां मोननाय
बादिब्ला नगांव नि पुरनिगुदाम आव बानायनाय गिदिर लिंगाकार सिवमन्दिर आव गिबियावनो
नुजाथिहैगोन। बेयाव बिथाङा मृत्योन्जय मन्दिरखौ नायगोन आरो जग्य खालामनायाव बाहागो
लागोन। बेनि उनाव बटद्रवा सिम थांगोन। बेयाव बानायनाय 133 बिघा हा नि 188 कौटि रां
नि श्रिमन्त संकरदेब हारिमुवारि प्रजेक्त खौ बेखेवगोन। लोगोसे मेल आव बाहागो लागोन,
बेनि उनाव हाजोआरि सोहोर दिफु सिम थांगोन, बेयाव बिथाङा संहिजित नि दैदेननाय
उदखारि हानजा नि एनदिकेसि जों सान्ति सुक्तियाव सागान होगोन।
आसामखौ फिन 6 दान नि थाखाय अशान्ति
ओनसोल फोसावना होबाय। रौनियाफोरनि AFSPA
1958{Armed Force(Special
Powers)Act} आयेननि सिङाव बेखौ फोसावनाय जादों, मैया आसामनि राज्यपाल जगदिश मुखि
बिथाङा बुंदों। 27 फेब्रुवारिनिफ्राय 6 दान नि थाखाय जागोन। थांनाय बोसोरनि 28
आगस्त आव बो आसामखौ 6 दाननि थाखाय अशान्ति ओनसोल फोसावना होदोंमोन। दासिमबो बे
समखौ बारायना होनायनि जाहोनखौ मिथिनाय जायाखै। बे आयेन आ आसामजों लोगोसे
नागालेन्द, मनिपुर नि दाबनैसो जायगा आरो अरुनाशल आव दं।
बिजनि नि नर्थ इस्त मिलितारि
फरायसालिखौ मैया नायदिंहैदों बिटिआर नि गाहाय प्रमद बर बिथाङा। बिथाङा फरायसालि नि
सामलाय आफाद आरो फरायसाफोरजों सावरायलायो। ओनसोलनि गोबां सुबुंफोरा नि रैखाथि
हानजा याव खामानि मावनायब्लाबो बे नि गेजेरजों गोबां सेंग्राफोरा रैखाथि हानजा नि
गोजौ थाखो नि अफिसार नि मासि मोननो हागोन। बिजनि बिद्यापिठ गुदि फरायसालि खौ ज
खालामनायनि उनाव लांदां जानानै थानाय सोरखारि गुदि फरायसालियाव पिपिपि मडेलजों बे
जायगायाव गावारि खोन्दो आ बिजनि नर्थइस्त फरायसालिखौ जागायो। सोरखारि हायाव गावारि
खोन्दो नि फरायसालि खुलिनायखौ लानानै गोबां एना एनि जालायदोंमोनब्लाबो आसामनि गिबि
मन्थ्रि या बेखौ बेखेवना होदोंमोन। गुबुनफारसे खौरांगिरि फोरनि एनडिएफबि नि
दैदेनगिरि एम बाथा बिथाङा फिन हाग्रायाव थांफिननाय सोमोन्दै सोंनाय याव बिथाङा एम
बाथा बिथिङा हाग्रायाव थआंनायनि बागै पुलिसफोरा दसिम जेबो फोरमायाखै होनना बुंदों,
लोगोसे बिथआङा थआंफिनदोंब्ला बेयो दुखुनांथाव होनना बो बुंदों।
कक्राझार जिला नि सि आई टि नि सा 5
फरायसाफोरनि देहा याव करना मोनदों। जिला प्रशासन आ क्टेइनमेन्ट जन खालामना होबाय
बेखौ। बिसोर सिआईटि नि जोहोलाव हस्तेल आव थाग्रामोन। सोनाब बंग नि जतिस्मान
राजकुवर, मेधालय सिलं नि आलेसिन्द्र साइमेलि, सिबसागर नि मानस प्रतिम सइकिया,
गुवाहाति नि राहुल साहा आऱो सुरजित बस।
बाक्सा जिला नि सालबारि नि सिमलायाव
मैया एसएसबि नि 27 नं बेटेलियान ई कम्पानि नि लक्ष्मिबाजार केम्प नि बान्जायनाय
आरो ककलाबारि जौसिन फरायसालि नि मदद ईआव बेटि बसाउ बेटि पढाऊ हाबाफारि मावफुंनाय
जायो। भरत सोरखार नि नखर बिफाननि बिथोन बादियै श्रेस्थ भआरत नि बे हाबाफारिखौ
खालामनाय जादोंमोन। बिथांमोना बुंनाय बादिब्ला मोनफ्रोमबो दान आव नो श्रेस्थ भारत
हाबाफआरिखौ खुंफुंगासिनो दं।
कक्राझार जिला नि गसाइगांव नि पद्मबिल
गामि नि रायजोफोरनि मोब्लिब नि बिल आ 25 रोजानिफ्राय 50 रोजासिम फैदों, आगोलाव
गोदान समाव दानसेयाव 150 निफ्राय 500 सिम फैयोमोन, नाथाय थआंनाय दानथामसोनिफ्राय
बेबायदि बिल आ बारा बारा फैदों जायनि थाखआय गिखांनाय सोमजिखांदों। रायजोफोरा
सोरखारा नायबिजिरनांगौ नि दाबि खालामदों।
वफनदयन
हादरारि
रैखाथि हानजा नि गुलियाव सा 4 उदखारिफोरनि जिउ
गोमादों। जम्मु कास्मिर नि अनन्त नाग नि श्रिगुफवारा शालगुल हाग्रा ओनसोलाव भारतनि
रैखाथि हानजा या उदखारिफोरजों गावलायो. बेयावनो सा 4 खौ गावथारनो हादों। जिला नि
इन्टारनेट खौ बन्ध खालामना होनाय जायो, सा 2-3 सो दासिमबो हाबसोना दं होना सन्देह
खालामनाय जादों। सिआरपिएफ आ उदखारिफोर थानायनि खौरांमोननाय लोगो लोगो नो ओनसोलखौ
सोरगिदिं बेंखनना लादोंमोन, पुलिस आरो आरमिफोराबो नागिरगासिनो दं।
गेलेनाय
मैयानिफ्राय
आहमेदाबाद नि मटेरा याव भारत आरो ईंग्लेन्द नि दे-नाइथ टेष्ट मेस आ जागायो। मटेरा
क्रिकेत स्तेदियाम आ बुहुमनि बयनिख्रुय गिदिरसिन क्रिकेत स्तेदियाम, बेनि मुंखौ
सोलायनानै दायो नरेन्द्र मडि स्तेदियाम मुं होनाय जाबाय। बेयाव गासै 11 पित्स दं,
63 एकर हा नि बे स्तेदियाम आव गासै 1 लाख 10 रोजा सो सुबुंफोरा जनो हागोन। गिबि
सान आव ईंग्लेन्द आ गिबि बेटिं खालामनानै 112 रान आव नो अल आउत जायो, भारत नि
अक्सर पेटेल आ सा 6 आरो अश्विन आ सा 3 विकेत लादों। भारत आ गिबि ईनिंस आव सा 3
विकेत जों 99 रान बुदों
आईएसएल
आव मैया मुम्बाई आ उरिस्या खौ 6-1 गलजों फेजेनो। मुम्बाई नि जानानै बि एगबेसे या
13 आरो 43 मिनित आव गल होदों, बि सिंह आ हेत्रिक 38, 47 आरो 86 मिनित आव होदों आरो
सि गददार्द आ 44 मिनित आव होदों। उरिस्या नि जानानै दि मरिसिअ आ 9 मिनित आव गल
होदों।
मुम्बाई
आ 37 पइन्तस जों 2थि आरो उरिस्या सा 9 पइन्तसजों 11 थि मासियाव दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon