ओनसोलारि खौरां
दिनै 19 थि बिटिसि सुक्टि सान। बे सानखौ बाक्सा जिला नि बरमा याव बिपिएफ आ फालिगोन। 2003 मायथाय नि 10 फेब्रुवारियाव बिएलटि जों मिरु सोरखार जों नैथि बर शान्ति सुक्ति जादोंमोन। बेनि उनाव नो 10 फेब्रुवारिखौ बिटिसि सुक्ति नि सान महरै फालिबोगासिनो। बे हाबाफारियाव गाहाय आलासि महरै आरजेदि नि दैदेनगिरि तेजस्वि यादव आ फैगोन होनना खौरां मोनदों। बिटिआर नि गाहाय प्रमद बर बिथाङा गासैबो गोरोबथआ य नो गोनां होनना बुंदों, 1993 नि 20 फेब नि बिएसि, 2003 नि 10 फेब नि बिटिसि नि गरोबथा याबो गोनां सान, बेयावबो जों माबा मोनसे मोननो हादोंमोन।
फरायसालियाव थाङोब्लानो फरायसाफोरा 100 रां यै मोनगोन। लक्षिमपुर नि मोनसे हाबाफारियाव बाहागो लानानै आसामनि सोलोंथाय मन्थ्रि बिथाङा बुंदों। बिथाङा बुंदों, 12 लाख फरायसाफोरा फ्रि मुं थिसननाय, बिजाब, फरायसुलिफोरा स्कुति आरो दायो फरायसालियाव थाङोब्लानो फरायसाफोरा मोनगोन रां होनना बुंदों, लोगोसे बिथाङा फरायसुलिफोरनि बादिनो फरायसाफोरा बो बान्था मोनगोन होनना बुंदों। लोगोसे अरुनुदय नि रां खौ 830 निफ्राय लासै लासै 3000 सिम लांगोन होनना बुंदों आरो 11 फेब्रुवारिनिफ्राय 2 लाख सेल्फ हेल्प ग्रुप आ 50रोजा रां यै मोनगोन होनना बुंदों।
बाक्सा नि लाबदांगुरि याव हाथियारफोर मोनदों। गंसे पिस्तल, बन्दुक आव बाहायनाय पाउदार, ग्लास नि थुख्रा, 8 मितार टुवाइन आरो लाइतार। मानास माहारियारि हाग्रामानिफ्राय मोनदों बेफोरखौ पुलिस आरो एसएसबि फोरा लोगो नांनानै नागिरनायाव।
बिटिआर नि गाहाय प्रमद बर बिथाङा मैया सोनाब बंग नि सिलिगुरियाव बडफा नि मुसुखा खाम्फा बेखेवनानै होदों। बे मुसुखा खाम्फाया सोनाब बंग नि सिलिगुरि नि बडलेन्द गेस्त हाउस आव दं। बिथाङा बिबार माला, धुप धुना, आलारि बाथि सावनानै बेखेवो।
आजिरा मोननाय आईएएस अफिसार राजिब कुमार बरा या एपिएससि नि मासिगिरि नि समायखिराखौ लाबाय। आसामनि राज्यपाल जगदिश मुखि बिथाङा समायखिराखौ गुवाहाति नि राजभवन आव लाहोयो।
बुरलुंबुथुरनि सायाव दालां,मिरु सोरखारा बेनि थाखाय 925 कौटि रां गनायथि होबाय। बे दालां आ बहुमनि गिदिरसिन दैमा दिप माजुलि जों फोनांजाबगोन। दालां नि लावथाय आ 8 कि मि जागो होनना बुंदों आरो बेखौ 4 बोसोरनि गेजेरावनो बानायजोबगोन होनना बो बुंदों। साननैसो सिगाङाव आसामनि गिबि मन्थ्रि बिथाङा 20 फेब्रुवारिनिफ्राय बेनि खामानिखौ जागायगोन होनना बुंदोंमोन।
आसाम मिजराव सिमना याव दुंहाव थासारि। हायलाकान्दि नि काटलिसेरा बियाब आव आसामनि थागिबि नि गं 20 नफोरखौ सावना होदों। प्रधानमन्त्रि ग्राम सरक योजना नि लामाखौ लानानै नो नांलायनाय जायो। ओनसोलनि लामा बानायनायखौ मिजो संगथन आरो पुलिसफोरा होबथाबोबाय थादोंमोन आगोलनिफ्राय नो। मैया मोनाबिलि नि 6 बाजि याव जायो बे जाथाय आ। गं 20 सो न खौ सावना होयो। बे जाथाय आव सा 3 सुबुं जखम जादों, जखम जानायफोरखौ देहाफाहामसालियाव लाना थाङो।
बिटिआर आव थालांनाय फरायसालिफोर आरो बिटिआर नि बाहेरनि बर फरायसालिफोरखौ गोरोबथा नि 6.3 दफा बादियै सोरखारि खालामनाय जागोन होनना दुलाराय बर फरायसा आफाद आ बुंदों। बेनि थाखाय 12 खालार आव फरायसालि सोरखारि खालामनायनि कमिति नि आसाम सोरखारजों मोनसे सावराय मेल दं होनना बुङो।
फैबाय थानाय बिधानसभा बिसायखथि याव इउपिपिएल दोलो आ बिसायखथि गेलेगोन। दोलो नि दैदेनगिरि प्रमद बर बिथाङा बुंदों। बिटिआर नि सिंनि गासैबो समिस्ति नि थाखाय बिजाथि दं होनना बुङो, लोगोसे बिटिआरनि बाहेरावबो गेलेनायनि सोमोन्दै बुंदों, गासै 26 सो आव गेलेनो हागौ।
हादरारि
62 बोसोराव
गुदुंसिन जानुवारि भारत आव। बेखौ भारतनि बोथोर बिगियान मिरु आ बुंदों। 1958 नि
उनाव बेनो गिबि। खोला भआरत आव बे बार नि जानुवारि या 121 बोसोरनि गेजेराव
गुदुंसिन, बे बोसोराव दुंथाय 22.33 दिग्रि सेलसियास, 1919 आव 22.14 मोन।
अनलाइन आव 34 रोजा रां थगायजाबाय दिल्लि नि गिबि मन्थ्रि नि फिसाजो आ। अरबिन्द केजरिवाल नि फिसाजो हर्षिता केजरिवाल। अएलएक्स आव गोजाम सोफा खौ फाननो थाखाय एदभारताइज होदोंमोन। बेनि उनाव सासे बायग्राया बेनि सोमोन्दै सोङो। बायग्रा जों दाम खालामनायनि उनाव गिबि मन्थ्रि नि फिसाजो नि बार कद खौ बियो। बार कद होनायनि उनाव गिबियाव खाम रां हरग्रोयो, बेनि उनाव बेनो नंमारगौ जानायाव मोननै किस्ति याव रां खौ लाङो, गिबियाव 20000, बेनि उनाव 14 रोजा रां। दायो हर्षिता या पुलिस नि खाथियाव थांदों। दिल्लि नि गिबि मन्थ्रि हा सानै फिसा दं। हर्षिता या 2014 मायथआय आव सिबिएसई थाखो 12 आव 96 जौखोन्दो मोनदोंमोन, उव दिल्लि नि आईआईटि निफ्राय केमिकेल इन्जिनियारिंनिफ्राय दिग्रि लादोंमोन।
आबादारि सोमावसारनायाव हिंसा गोसारहोनाय फआवखुंगुरखौ हमबाय। पान्जाबि फावखुंगुर दिपु सिन्धु। सुबुंखान्थि सानखालि आबादारिफोरखौ हिंसायारि जाथआय खालामनो बोलो होदोंमोन बियो। उनाव खआरखुमाना दंमोन। दिल्लि पुलिस आ बिखौ सोरबा दिन्थिना होनो हायोब्ला 1 लाख रां नि बान्था होगोन होनना बो फोसावदोंमोन।
गेलेनाय
नेशनेल
युथ एथेलेटिक्स आव आसामनि मोननाय मेडेल आ मोन 5 जाबाय। 4 थि सान आव आसामनि सासे
ब्रन्ज मेडेल मोननो हायो। 4 थि सानसिम हारियाना या 17 सना, 15 रुफा आरो 1 ब्रन्ज
मोननानै गिबि मासियाव दं। नैथियाव तामिलनादु, थामथियाव उत्तर प्रदेश आ दं।
आईएसएल नि खौरां, मैया एटिके मोहन आ बांगालुरु खौ 2-0 गल आव फेजेनो, 37 मिनित आव आर क्रिस्न आरो 44 आव मारसेलिन्ह आ एटिके नि जानानै गल होदों। एटिके आ 33 पइन्तस जों 2 थि आरो बांगालुरु आ 19 जों 6 थि याव दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon