1)
मैया आसामनि सोलोंथाय मन्थ्रि हिमन्त बिथाङा सरभोग आव जानाय मोनसे मेल आव बाइक सालायनो थियारि नंगौ ना नङा, बुलेत सोर सोरनो नांगौ, फिन सोरखार दानो हायोब्ला मा खआलामनो हायो नायनि, दायो लाइसेन्स बानायनाय खामानि मावना ला। बे बोसोराव प्रग्यान भारति स्किम नि गेजेरजों 22 रोजा सो फरायसुलिफोरनो स्कुति रानना होदोंमोन आसाम सोरखारा। मैया बुंनायाबो हायार सेकन्दारि नि फरायसाफोरनि थाखाय मोनसे ईंगित मोन। फरायसुलिफोरनो होनायनि उनाव फरायसाफोरनोबो होनांगौ नि दाबि ओंखारदोंमोन।
2)
आसामजों लोगोसे गासै गं 5 रायजो नि बिसायखथि नि खालारखौ 15 फेब्रुवारि नि उनाव फोसावगोन। बिसायखथि आयोग आ आसाम आरो सोनाब बंग आव दावबायनानै बिसायखथि नि सायाव गुवारै सावरायलानाय आ जाबाय। आसाम आव मोनन2 नङाब्ला मोनथाम खोलोब आव जानो हागौ बिसायखथि या। आगोलाव मोननै जायोमोन। सोनाब बंग आव मोन 6 निफ्राय मोन8 नि गेजेराव जोगोन। बिसायखथि आयोग नि बादिब्ला फैगो मे दान नि 1 खालारनि सिगाङावनो गासैबो गासैबो रायजो नि बिसायखथि या जागोन। गुबुन रायजोफोरनि मुङा, तामिलनादु, केरला आरो इउनिय तेरितरि पुदुचेरि।
3)
आसाम नि राज्य सभा नि एम पि नि लांदां जानाय मासि नि थाखाय 1 मार्च आव बिसायखथि जागोन(बाय-इलेकशन)। बारग एम पि बिस्वजित दैमारि बिथाङा बिबान एंगारनायनि उनाव लांदं जाना दंमोन। बिथाङा बिपिएफ नि जानानै एम पि जादोंमोन, नाथाय उनाव बिथाङा बिजेपि याव हाबनायनि उनाव बे बिबानखौ गारदोंमोन। बे बार आव बिथाङा बिजेपि नि जानानै नमिनेशन बिलाय होदों, 18 फेब्रुवारिसिम गोसो जानायफोरा नमिनेशन होनो हागोन आरो 19 फेब्रुवारियाव आनजाद खालामना नायगोन नमिनेशन होनाय बिजाथिफोरखौ। आरो बिजाथि या गोसोब्ला 22 फेब्रुवारियाव गावनि नामखौ बोखारनो बो हागोन।
4)
मैया बिटिआर नि
गाहाय प्रमद बर बिथाङा मैया सेरफांगुरि नि जनता कलेज आव मोनसे बरायनाय हाबाफारियाव
बाहागो लायो। बे हाबाफारियाव नो बिथाङा आइथुन मेगाजिन खौ बेखेवो। कलेज नि गाहाय
डाँ सुबुं बसुमतारि बिथाङआ कलेज आ मोगा मोगि जाबोनो गोनां जानाय बायदिसिना
जेंनाफोरखौ सुस्रांनायनि दाबिजों गांसे आरजलाइ होयो। प्रमद बर बिथाङा बे
हाबाफारियाव बाहागो लानानै बुङो दि बिटिआर ओनसोल नि फरायसाफोरा जाहाथे जिउ आव
गावनो आवगायलांनो हायो बेनि थाखाय गासैबोआवनो ट्रेइनिं चेन्टार खुलिगोन।
बोसोरफ्रोमबो रोजा रोजा गुन गोनां फरायसाफोर ओंखारो नाथाय, नांगौ जानाय दिथा फोरखौ
मोनिनि नि थाखाय गावखौनो खामानियाव दावगालांहोनो हाया जायो।
5)
दिब्रुगर
बुहुमफरायसालि नि लेङाय गाहाय रन्जित तामुलिखौ साख्रिनिफ्राय होखारबाय, आसामनि
राज्यपाल जगदिस मुखि बिथांनि बिथोन आव। बिखौ रांखान्थियारि बेलेबेजे नि थाखाय नो
सासपेन्द खालामनाय जायो होनना बुंदों। साननै सिगाङाव राज्यपाल आ सा4 सोद्रोमा नि
कमिति दाना होदोंमोन बेले बेजे जानायखौ नायबिजिरनो थाखाय। बिथांमोना नागिरनानै
मोननायाव सासपेन्द खालामो लेङाय गाहाय खौ।
6)
एबसु नि बारग गाहाय नेहाथारि आरो बिटिआर गोरोबथा नि सागानगिरि लरेन्स ईस्लारि बिथाङा दिनै ईउपिपिएल दोलो आव हाब्बाय। बिथाङा हारि नि थाखाय थांनाय 25 बोसोनिफ्रायनो खामानि मावबोगासिनो।
हादरारि
10)
अस्कार नि थाखाय सर्तलिस्त खालामनाय
गुसुं सावथुननि फारिलाय आव भारतनि बित्तु आ जायगा मोनदों, लाइभ एक्सन सर्त फिल्म
सर्तल्स्त नि बि मोन 10 नि फारिलाय आव दं। सानै फरायसालि नि लोगो नि साल जों
बानायनाय सावथुन बेयो। भारत नि गुबुन मोनसे सावथुन जालिकत्तु आ जायगा मोनासै
11)
मिरु नि मन्थ्रि रभि शंकर प्रसाद बिथाङा मैया राज्यसभा याव ससियेल मिदियाखौ नंखाय खौरां फोसावनाय, हिंसायारि गोसारहोनाय खामानियाव बाहायोब्ला गोख्रों एक्शन लानाय जागोन होनना बुङो। बिथाङा बे खोथा खौ सुबुंखान्थि सान खालि जानाय आबादारि सोमावसार्ग्राफोरनि हिंसायारि जाथाय, बेनि उनाव त्वितारनि गेजेरजों फोसावनाय आरो सोरखारा त्वितारकौ गोबां एकाउन्तखौ बेन खालामनो होनाय बादिखौ लानानै बुंदों, 500 नि बारा एकाउन्तखौ दानबाय।
12)
भारत सोरखार आ त्वितारखौ बो वारनिं होदों, त्वितार आ मिरु सोरखारनि बिथोन मानियाब्ला गाहाय अफिसारफोरखौ एरेस्त खालामनाय जागोन होनना बुङो। साननै सिगां 1178 एकाउन्तफोरखौ दाननो बिथोन होदोंमोन, नाथाय त्वितार आ गोसो गैया होनना बुंदोंमोन।
13)
इउपिएससि या सिभिल सार्भिस नि प्रिलिम्स आनजाद 2021 नि आनजाद नि खालारखौ फोसावबाय। जुन नि 27 आव जागोन। बेनि फोसावलायखौ साननैसो उनाव दिहुनना होगोन होनना बिथांमोना बुंदों। बोसोरफ्रोमबो आइएएस, आईपिएस आरो गुबुन सिभिल सार्भिस नि थाखाय प्रिलिमिनारि, मेइन आरो पार्सनेल इन्तारभिउ लानाय जायो।
बुहुमनां
14)
सौदि आरब आ कभिद 19 कौ नायनानै गासै 20 सुबुंफोर हाबनायखौ बन्ध खालामथदों, बे 20 हादरनि गेजेराव भारत आ बो गंसे। जन हपकिनस इउनिभारसति नि रिपर्त नि बादिब्ला सौदि आरबाव 3,71,356 केस मोनदों आरो 6415 आ थैदों। आमेरिका, पाक, ब्राजिल ईतालि फोरनि खौबो बेन खालामदों।
15)
चिन नि बेरेखा गोदान टास्क फर्स फोसावबाय आमेरिका नि हादरगिरि ज बाइदेन आ। सान्ति नि थाखाय नो बेखौ दादों, आमेरिका आरो चिन नि सोमोन्दो आ आगोलनिफ्रायनो बारा मोजां नंखाया, सम बारलांनायजों एना एनि या बो बारा जालांनो हमदों, बेइजिं नि गेजेरजों खालामनाय गाज्रि खामानि नि बेरेखा नांनो हागोन। लोगोसे भारत-प्रशान्त लैथोमा आरो चिन नि गेजेराव एना एनि जों नांनो थाखाय बो बेखौ दानाय जादों होनना बुङो।
गेलेनाय
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon