सोमोनांथाव। मासे ननि दाउ बिमा या बिदै दैयालासै नो फिसा जोनोम होदों। आसामाव नो जादों, बिटिआर नि उदालगुरि नि जंगलपारा याव जादों बेयो। मा 4 फिसा जोनोम होदोंमोन, बेनिनो मानै आ थैयो होनना खौरां मोनदों। दाउजो नि बिगोमा दिपक सहरिया या बुंनाय बादिब्ला बे गुबुन जाथि नि दाउ खौ दाननैसो सिगां आव गुबुन मानै जों लाबोदोंमोन अन्ध्रप्रदेश निफ्राय। थांनाय साननै आव दाउ फिसा खौ जोनोम होदों होनना बुङो। बिथाङा बुंदों, बिथांनि दाउ फिसिनाय जायगायाव होनाय बेराफोरा मोजां बेखायनो बेयाव गुबुन दाउ जो दाउ फैनाय आ जाथावना नंखाया, बिथाङा बुंदों दाउ आ माब्लाबो बिदै दैयाखै होनना। जाथाय आ बयखौबो सोमोनांहोदों आरो नायनो थाखाय गोबां सुबुंफोरा थांदों बिथांनि न आव। नाथाय बेबायदि जानाय जाथाय आ गिबि नङा हादराव, आगोलावबो केरला याव बेबायदि नो जाथाय जादोंमोन, जेराव दाउ आ बिदै दैया लासै नो फिसा जोनोम होदोंमोन।
बिपिएफ दोलो आ 4 दान नि उनाव जोंनि खामानि मावनायखौ नुनानै बाग्दावखंगोन, बुंदों ईउपिपिएल नि गाहाय आरो बिटिआर नि गाहाय प्रमद बर आ। 17 बोसोर आव जाय बिपिएफ आ जेबो खामानि मावाखै, 8 दान नि सोरखार नि सायाव आसि दिन्थिना बुंनो मोनथाय गैया। 17 बोसोराव मा मावखौ बेखौ हिसाब होग्रो। जों दिनै 8 दान आव मेदिकेल कलेज गायसनबाय, गोदान जिला मोननो हाबाय। आरो सिं सिं गोबां खआमानि मावनाय आ सोलिगासिनो दं। बिटिआर गोरोबथा नि दफा मावफुंनाय, केस बोखांनाय आरो गोबां खामानि सोलिगासिनो दं। बिपिएफ आ ससमा गोसोम गानना थानायनि थाखाय नुवाखै बेफोरखौ। आरो 4 दान नेबाव, जों मा खामानि मावदों बेखौ नुयोब्ल बागदावखांगोन होनना बो बुङो बिथाङा।
मैया मोनसे खौरांमेल नि गेजेरजों एमपि नब कुमार शरनियाआ तामुलपुराव खौरांगिरिफोरनि सिगांआव गोबां बेरफ्रुसार बिबुंथि होयो। जेब्ला गन सुराक्सा पार्तीआ बिटिसि खुंथायनिफ्राय बिबान नागारगोन अब्ला गबिन्द बसुमथारीया देरहानो हाया। मखजाथावदि सानसे सिगाङाव बिटिआर नि लेङाय गाहाय गोबिन्द बसुमतारि आ उफ्रा बिसायखथि आव जिएसपि दोलो आ बिजाथि होमारोब्ला जोंनि सोरखार निफ्राय ओंखारलां होनना बुंदोंमोन। जिएसपि आ बिटिआर आव लोगो जानानै सोरखार दादों, जुदि जोंनि सोरखार आव थानो गोसो अब्ला बिजाथि खौ बोखांना लाफिन, आरो बिजाथि होयोब्ला सोरखार निफ्राय ओंखार होनना बुंदोंमोन। मैया खौरांगिरिफोरनि सिगाङाव जेब्लासिम बिटिसिआव गन सुराक्सा पार्ती आरो नब कुमार शरनिया थाया बै सानखालिनो कक्राझाराव इउपिपिएलआ हाबनो हानाय नङा आरो बै सानखालिनो होसो जागोन । जुदि बिजेपि-इउपिपिएल-गन सुराक्सा पार्ती लोगो दंमोन अब्ला सावरायनो थाखाय मानो गन सुराक्सा पार्तीखौ लेंहरनो हायाखैमोन। बिजेपि-इउपिपिएल जों बिधान सभायाव लोगो गैया बेखायनो इउपिपिएलआ नब कुमार शरनिया आरो तर्स लाइतनि सावगारि बाहायनाङा होननानै इउपिपिएलखौ खावलायो नब कुमार शरनियाआ ।
दुर्गा फुजा समाव जौ लोंनानै एबा गोख्रै गारि-मथर सालायनानै रावबो जाथाय जानो गोनां जाया बेनि थाखाय कामरुप नोगोर जिल्ला हान्था-मेला बिफाना सांग्रांथि हाबाफारि थांखि लादों । मैया मोनाबिलिनिफ्राय नोगोरनि गुबुन गुबुन जायगानि लामाफोराव सांग्रांथि हाबाफारि लायो कामरुप जिल्ला नोगोरनि हान्था मेला बिफाना । हान्था मेला बिफाननि गाहाय गौतम दासा फोरमायनाय बायदियैब्ला सोरबा गारि सालायग्राया जुदि जौ लोंनानै लामायाव गारि सालायो अब्ला गारि-मथर आयेन 185 धारानि गेजेरजों बिसोरबायदि सुबुंनि हेंथायै गोख्रों थांखि लानाय जागोन । जौ फेनानै गारि सालायोब्ला 2000/- रांनि अनगायै दा 10 रोजा रां जरिमाना होनांगोन । मखनो गोनांदि हान्था-मेला आयेन सिफायग्रानि हेंथायै सिगांनिख्रुय बा गुन बांहोदों नोगोर हान्था-मेला बिफाननि मावखआ । कामरुप नोगोर जिल्ला हान्था-मेला बिफाननि गौतम दासा गासैखौबो गोख्रैथिखौ खमायनानै गारि सालायनो खावलायो। लोगोसेनो मा मा गनायनानै गारि सालायनांगोन आरो बेनि थाखाय मा बायदि खहा जानो हागौ बेफोर जाबाय। जौ फेनानै गारि सालायोब्ला -10,000/- रां। हेलमेद गैयाब्ला -1,000/- रां। फोरमान बिलाय गैया लासै गारि सालायोब्ला -5,000/- रां। सिद बेल लायाबाला गारि सालायोब्ला – 1,000/-रां। बैसो जायालासै गारि सालायोब्ला -5,000/- रां। गोख्रै गारि सालायोब्ला -2,000/- रां। सानै गाखोग्रा गारियाव सानैनि बांसिन गाखोयोब्ला -1,000/- रां। खैफोदगोनां गारि सालायोब्ला -5,000/- रां। बांगौनि बांसिन दैखांना लांब्ला -20,000/- रां। इनसुरेनस गैयालासै गारि सालायब्ला – 2,000/- रां। गारि सालायनायाव मबाइफन बाहायोब्ला -5,000/- रां। इमारजिन्सि सिबिथाय गारिनो लामा एंगाराब्ला -10.000 रां
बिजनि आव दुर्गा फुजा नि समाव नो जाथाय। बिजनि नि पानबारि थाना नि सिङाव थानाय लाबदांगुरि आव फिसाज्ला नि आखायाव बिफा नि जिउ गोमायो। फिसाज्ला राजिब राय नि लावथि जों बुनायाव बिफा निमाई राय नि जिउ गोमायो। उनाव रायजोफोरा खानानै पुलिस नो गथायना होयो। नखरनि दावराव नि थाखाय नो बे बुथारनाय जाथाय आ जादों होनना सन्देह। बिफा या सानफ्रोमबो जौ लोंनानै फैनानै नखराव अशान्ति खालामनायावनो बे जाथाय आ जायो होनना बुङो। जाथाय जानाय जायगायाव पानबारि थाना पुलिस आ थांनानै गोथै देहा खौ पस्त मर्तेम नि थाखाय दैथायहरो आरो फिसा राजिब राय खौ हमो।
भेरगाव द’खरा राभा फरायसा आफाद आरो ’आधिगम’ समाजारि सोलोंथाय आफादनि ज’थायै बानजायनायाव खुंनाय जि सान टेत आनजाद फोरोंथाय बादाया दिनै जोबनानै थाङो ৷ भेरगाव द’खरा आरसुनि नब्लांआव रोंगौथि गोनां फोरोंगिरिफोरनि फोरोंनाय फोरोंथाय बादायाव ओनसोलनि सा नेजिस्नि टेत सोलोंसाफोरा बाहागो लायो ৷ मैया बे फोजोबनाय हाबाफारिजों लोब्बा लाखिनानै मोनसे फोजोबनाय हाबाफारिबो खुङो ৷ भेरगाव द’खरा आरसुनि आफादगिरि जिबन राभा आरो ’आधिगम’ एनजिअ’नि गायसनगिबि सामलायगिरि अरुप ज्योति राभाआ बे जि सान टेत आनजाद फोरोंथाय हाबाफारिआ थोजासे नङाब्लाबो सोलोंसाफोरा गोसोबोनो हानाय लामा मोनबाय आरो आनजादाव मा बायदि आयदाखौ फरायनानै बोरै सोलों नांगौ बिनि बागै गिबि आयदानि सायाव बुजिनो हाबाय৷ जों मिजिंथियो फैबाय थानाय टेत आनजादाव सोलोंसाफोरा गाव देरहासार जानानै ओनसोलनि गोजों मुं लाबोनो हागोन होन्ना खौरा’गिरिनि सिगाङाव बुंसारो।
बिरखं दावबायारि फोरनि थाखाय मोजां खौरां। मिरु सोरखार आ फुजा नि बोथोर आव दावबायारिफोरनि थाखाय मोजां खौरां लाबोदों। सिभिल एभियेशन मिनिस्त्रि आ करना नि उनाव दमेस्तिक बिरखं नि गोरा नेमफोरखौ बोखारदों। 18 अक्तोबर निफ्राय 100 जौखोन्दो दावबायारि जों दायो बिरनो हासिगोन। नाथाय कभिद प्रतकल खौ मानिनो नांगोन। मिरु सोरखार आ 2021 मायथायनि सेप्तेम्बर आव दावबायारि नि अनजिमा खौ 72.5 निफ्राय 85 जौखोन्दो सिम बारायदोंमोन। फैगो सप्ता याव 100 जौखोन्दो जागोन।
अनलाइन जुवा नि एदिकशन, 5 लाख रां खोमाना लाबाय, खालामबाय मोनसे गिथावना जाथाय। तामिलनादु आव सासे 31 बोसोर बैसो नि सेंग्रा नि गावखौनो बुथारना लानाय जाथाय आ सोराङाव फैदों।तिरपत्तु जिला नि बनियामबदि थआना नि सिंनि मोनसे ओनसोलाव सासे सुबुङा गावखौनो बुथारना लादों। नखरनि बादिब्ला सेंग्रा या अनलाइन जुवा गेलेयोमोन आरो 5 लाख सो रां खोमाना लादोंमोन, नखरनि सुबुंफोरा बेनि सोमोन्दै सोंदोंमोन आरो बेनि उनाव नो बुथारना लायो। मिथिना मोननाय बादिब्ला थैनाय सेंग्रा नि मुङा आनन्द। खामानि नि थाखाय ननिफ्राय गोजानाव थायोब्लाबो साननैसो गावनि न आव फैदोंमोन। सेंग्रा या ननिफ्राय रां बिदोंमोनब्लाबो होआखैमोन। बेनि उनाव नो न आव नांलायनाय जादोंमोन।
गिथावना बेराम। 16 बोसोर बैसो आव नो आबै बुरै बायदि जालांदों सासे समायना सिख्ला या। सिख्ला फोरा गावखौनो साजायनानै मोजां लाखिनो मोजां मोनो। नाथाय बे साजायनाय मोजां लाखिनाय समाव नो सासे सिख्ला या बुरै आयजो नि बायदि जालांनायनि थाखाय दुखु आव गोग्लैदों। 16 बोसोर बैसो नि सिख्ला या 2 बोसोर सिगां मोनसे बिउटि कन्टेस आव बाहागो लादोंमोन, नाथाय दायो नुनायाव बुरै बायदि। फिलिपिन्स नि थागिबि रायजेल कालाग आ नुनायाव साधारन सिख्लाफोरबायदि नो समायना मोन। नाथाय बिनि जिउ आ हरखाब सोलायो। देहाफाहामगिरि नि खाथि आव थांदोंब्लाबो मोजां फिथाय मोनाखै, बेयो मोनसे गिदिर बेराम नि गोहोम होनना मिथिना मोनदों, नाथाय मा बेराम बेनि सोमोन्दै देहाफाहामगिरि आ जेबो दिहुननो हायाखै।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon