मोनसे गोजोन्थाव खौरां। सा 5 बर बक्सिं गेलेग्राफोरा गेलेनो थाखायस सायखजादों हारियाणा राइज्योनि हिसार आव फैगौ 21 निफ्राय 27 अक्टबर,2021 सिम खुंफुंजानो गोनां 5th Elite Women's National Boxing Championship 2021 आव। आसामनिफ्राय सा 5 बर' बक्सारफोर फारियै- जमुना बर', अंकुशिता बर', फैलाव बसुमतारी, मन्जु बसुमतारी आरो नमिता कछारीमोनहा साइख'जादों। जमुना या 54 केजि नि सिङाव, अंकुसिता या 66, फैलाव आ 60, मन्जु आ 52 आरो नमिता या 63 के जि नि सिंनि आव गेलेगोन। मखजाथावदि आसाम एमेसर बक्सिं एशसियेशन आ गासै सा 10 बक्सारफोरखौ सायखदों, बेनिनो सा 5 या बर। 21 निफ्राय 27 अक्तोबर सिम जागोन गेलेनाय बादायलायनाय आ।
आसामनि गिबि मन्थ्रि नि फोसावनाय—नबेम्बर दान निफ्राय माइक्रफाइनेन्स नि लोन खौ होफिननाय खामानि खौ जागायगोन। रायजो नि लाख लाख आयजोपोरनि थाखाय मोजां खौरां। चेक नि गेजेरजों लोन खौ होगोन होनना फोसावदों। नबेम्बर दान निफअराय नो खालामगोन। बिसायखथि नि सिगां समाय लानाय बादियै नो बे खामानि खौ मावगोन होनना आसामनि गिबि मन्थ्रि आ फोसावो। लोगोसे बिथाङा सानसेयावनो गासैनोबो होजोबनाया जाथावना नङा बेखायनो थाखो बादियै नबेम्बर निफ्राय होलांगोन, गासैबो मोनगोन होनना ऱोखा खालामो। मैया तामुलपुर आव जानाय मोनसे मेल आव बाहागो लानानै बिथाङा फोसावना होयो। बिथाङा मैया बाक्सा जिल्ला नि सिङाव थानाय खैरानि-नयाबस्ति खौ फोनांजाबनाय फाग्लादिया दैसा याव दालां लुफुंनाय जागोन होनना बो बुङो। गासै 1.5 कि मि गोलाव दालां, 600 कौटि रां जों बानायनाय जागोन।
आसामाव गिख्रंथाव गाग्लोबनायनि सिमां आलकायदा आरो आइएसआइनि। सुबुं अनजिमा गोबां थानाय ओनसोल, दावबायारि बास, धोरोम सिबिसालि बायदि जायगाफोराव सारियै बमा बेरफ्रुसार होनायनि सिमां आलकायदा आरो पाकिस्ताननि आइएसआइनि। दासिम बे गिख्रंथाव खौराङा सोराङाव फैदों आसाम पुलिसनि आखायाव। आसाम सोरखारा हादरसा नाङैनो साग्रिदथि फोसावदों। अल कायदा या हरनाय भिदिअ नि गेजेरजों आसाम जों लोगोसे कास्मिर आव जिहाद दानो खावलायदों। बिसोर आसामाव दखल खालामनाय हा सेग्रा खौ होखारनाय जाथायनि भिदिअ आव भारत नि मुस्लिम नि सायाव ईनय अत्यासारर खालामनायनि खेंफोरथिनि महरै बे खौरां खौ हरो।
मैया कंग्रेस आरो बिपिएफ दोलो नि गोबां दैदेनगिरि फोरा बिजेपि दोलो आव हाबदों। बिजनि सबाइझार बिटिसि बियाबनि बिपिएफ दोलोनि एमसिएलए प्रभात बसुमतारी आरो 9 नं बनरगाव बिटिसि बियाबनि बिपिएफ दोलोनि एमसिएलए राजिब कुमार ब्रह्मआ मैया गुवाहाटी नोगोरमानि बिजेपिनि मावखुलियाव खुंफुंनाय मोनसे हाबाफारिनि गेजेरजों बिजेपि दोलोआव हाबो। कंग्रेस दोलो निफ्राय साहा जनगोस्ति नि थानदै महरै सानै लाइमोन दैदेनगिरि गौतम धनोवार आरो प्रदिप माझि आ हाबो। गौतम आ बारग मन्थ्रि रामेस्वर धनोवार नि फिसाज्ला आरो प्रदिप आ कंग्रेस नि बाग आफादगिरि आरो बिधान सभा नि बारग बुंथिगिरि पृथ्वि माझि नि फिसाज्ला। बिथांमोननि अनगायैबो गोबां कंग्रेस नि दैदनगिरिफोराबो हाबदों। बिसोरखौ बिजेपिनि आफादगिरि भबेश कलिताया बरायो।
हिन्दु मुस्लिम नि गेजेराव नांलायहोनायनि थांखि जों सासे हिन्दु सुबुङा नो मन्दिर नि मोखाङाव दोनदोंमोन मोसौ बेदर। नाथाय बे खामानि खौ गामि नि सुबुंफोरा नुयो आरो गिथावना नांलायनाय बुलायनायनिफ्राय बारगयो। बे जाथाय आ आसामाव नो जादों। रायजो नि सिरां जिला नि धालिगांव थाना नि सिङाव थानाय सानजा एंकरबारि नि लक्ष्मि मन्दिर आव मोनदों मोसौ बेदर। जाथाय आ सोराङाव फैनाय लोगो लोगो नो थासारि आ दुंहाव जायो। लोगो लोगो पुलिसफोरा जाथाय जानाय जायगायाव थांनानै थासारि खौ मोजाङाव लाबोयो। बे बेदर खौ दोननाय सुबुंनि मुङा बिस्वजित रय(कासु)। दायो खारखुमाना दं बियो। साननैसो सिगाङाव सिखाव खालामनायनि अजद आव पुलिसफोरा हमदोंमोन बिखौ, नाथाय हेन्दकाफ लानानै नो खारखुमादोंमोन, सप्तासे उनाव पुलिस आ हमफिनो, नाथाय जामिन आव गनायनि उनाव नो बेबायदि गाज्रि खामानि खौ मावदोंमोन।
सिराजुलि नि एटिएम लुथिनायनि मास्तारमाइन्द आ बारग एनदिएफबि नि दैदेनगिरि। आखायाव एके 47 रायफल लानानै लुथिदोंमोन 25 लाख रां थांनाय 9 अक्तोबर आव। खुगायाव मास्क लानानै आखायाव हाथियार लानानै आरो सासे आ हेलमेत लानानै लुथिदोंमोन। आखायाव एके 47 लानाय सुबुं खौ बारग एनदिएफबि नि सोद्रोमा होनना बुंदों पुलिस आ, मुं खौ करन बसुमतारि उर्फे केनाई। सानसे सिगाङाव रदालि ब्रह्म मुंनि आयजो खौ हमदोंमोन, बे रदालि आ करन नि बिसि होनना मिथिना मोनदों। 5 लाख 75 रोजा रां खौ पुलिसफोरा दाबनै जायगा निफ्राय बोखांदों। करन आरो सासे लोगो आ दायो खारखुमाना दं।
रायजो आव उफ्रा बिसायखथि जानो थांगासिनो दं। 30 अक्तोबर आव मोन 5 बियाब आव जागोन। बिसायखथि आयोग आ जायफोरनाव भटार कार्ड गैया बिथांमोननि थाखाय गुबुन मा मा फोरमान बिलायजों ब्लाबो भट खौ होनो हागोन बेखौ फोसावना होदों। गासै मोन 11 फोरमान बिलाय जों होनो हागोन। बेफोर जाबाय- आधार कार्ड, एमएनरेगा जब कार्ड, बेंक, पस्त अफिस नि पासबुक, हेल्थ ईन्सुरेन्स स्मार्त कार्ड(मिनिस्त्रि अफ लेबार नि), द्राईभिं लाइसेन्स, पान कार्ड, आरजिआई नि सारभिस नि स्मार्त कार्ड, भारत नि पासपर्त, पेन्सन नि फोरमना बिलाय, सोरखारि मावथि नि फोरमान बिलाय, एमपि, एमएलए. एमसिएल नि फोरमान बिलाय।
ईन्दास्त्रियेल को अपारेतिभ बेंक नि एमदि सुभ्रज्योति भरालि खौ एरेस्त खालामो। बेंक नि 50 कौटि नि केलेंकारि नि अजद आव खायो। गसर रुजु जानायनि उनाव खारखुमाना दंमोन बियो, लोगोसे बेंक नि बारग मावथि नि सायाव खामानि नि थाखाय बहायनायनि बो अजद। मखजाथावदि भरालि जों लोगोसे बेंक नि सा 8 अफिसार मावथि नि बेरेखा एजाहाक आव मुं होदोंमोन नागरिक सुरक्सा मन्स नि आफादगिरि भद्रेसन बर्मन आ। भरालि नि अनगायै गुबुन सुबुंफोरनि मुङा राजसेवर, गनस, रिंकु, मोहित, नरेन, मुकुल आरो अनिल। थांनाय 15 सेप्तेम्बर आव गसर होदोंमोन। गौहाति गोजौ बिजिरसालि आव बो गसर दं।
राजकन्यानि उनावनो गुवाहाटीनि लामायाव गुबुन सानै सिख्लानि जौ फेनानै उल्थां-फाल्थां नुथाय । सानैबो सिख्लाफोरा डिसपुर हान्था मेला बिफाननि पुलिसनि आखायाव गोग्लैयो । एआर 01 एन 1101 हुवाय आइ 10 गारिआव जौ फेनानै उल्थां-फाल्थां जानायनि अजद सिखांदों । थांनाय सनिबारखालि हराव बे जाथाया जायो । सानै सिख्लाखौ हमनानै लांनायनि उनावबो सिख्ला सानैया गारि सिङाव उल्थां-फाल्थां खालामलांबाय थायो । खौरांगिरिनि केमेरायाव सेन्देल सियार खुबैनानै बुङो “आं जौ लोंदों बेवहाय मा जाखो” । पुलिसा आनजाद नायनाय समाव सिख्लानि निसा नांनाया बिबांआ 102 जौखोन्दो दंमोन । सानै सिख्लानि मुंखौ नमरता बरुवा आरो ममता नर्मा होननानै मिथिनो मोनदों । सानै सिख्लाखौ जिएमसिएइससिम लांनानै देहानि आन्जाद नायहैनाय जादोंमोनब्लाबो देहा फाहामसालियाव थानाय बेरामिनि गारजेननि सिगांआवबो गाज्रि आखु दिन्थियो ।दासिम पानबाजार आइजो पुलिस थानायाव सानै सिख्लाखौ लाखिनाय जादों ।
भारत नि बारग क्रिकेतार युवराज सिंह खौ एरेस्त खालामदों। हारियाना नि हान्सि आव होनाय मोनसे गसर आव हमो। युवराज नि बेरेखा अजद दैखांदोंमोन दि रोहित शर्मा जों लाइभ सेत आव युजभेन्द्र चाहाल नि सोमोन्दै हारि नि गाज्रि बुंनाय नि सायाव गसर होदोंमोन। गिबि आव ससियेल मिदिया याव गोबां सावरायलायनाय जादोंमोन, युवराज खौ निमाहा बो बिनो होदोंमोन आरो युवराज आ निमाहा बो बिदोंमोन। नाथाय बे गसर खौ लानानै गोजौ बिजिरसालि नि बिथोन आव युवराज आ चन्दिगर आव थाङो आरो बिथांखौ हान्सि पुलिस आ हमो। बिथआंखौ उनाव जामिन आव उदां बो खालामो। मखजाथावदि हारियाना नि सासे सुबुंनि होनाय अजद नि सायाव सिदिउल्द कास्त एन्द ट्राईब्स आईन नि सिङाव गसर रेजिस्तार खालामनाय जादोंमोन।
उत्तर प्रदेसाव फ्राइद राइस जानानै नखरसेनिनो साथाम बिब` बिनानावा थैनायनि उनाव सोमोनांथाव थासारि सोमजिदों । उतर प्रदेसनि रायबेरेलि जिल्लायाव बे दुखुगोनां जाथाया जादों । बे दुखुगोनां जाथाया जानायनि उनावनो उत्तर प्रदेसनि पुलिसा गलादारजों लोगोसे बिनि सानै फिसाज्लाखौ हमनाय जायो ।पुलिसा फोरमायनाय बायदिब्ला साथामबो बिब` बिनानावफोरा हमजानाय लादारनिफ्रायनो जाग्रा बेसादखौ बायदोंमोन । गुबुन फारसे जाथाय जानायनि उनावनो जाथायसालियाव सासे महकुमा थाखोनि बिफानारिया जाथायसालियाव नुजाथि फैनानै गलादारनि जाग्रा आदारनि नेर्सोन लायो आरो आनजाद नायनो थाखाय आनजादसालियाव दैथाय हरो । रुंसारि जानाय हिनजावसा साथामनि न`खरनि सुबुंफोरा फोरमायनाय बायदियै मोनाबिलियाव साथामबो गथ`फोरा माबा जानो थाखाय न`निफ्राय ओंखारलांदोंमोन आरो गलायाव फ्रइद राइस लोगोसे माबा संख्रै बायदि बेसाद जादोंमोन ।गालानिफ्राय जाग्रा बेसाद जानानै न`फारसे फैफिननायनि उनाव गथ`साथामबो गोब्राबै जोखोम जायो । साथामखौबो देहा फाहामसालियाव थिसनाय जादोंमोनब्लाबो नाथाय साथामबो रुंसारि जायो ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon