सोलोंथाय बिफान आ गुदि आरो गेजेर एबा एलपि आरो ईउपि नि टेट आनजाद नि खालारखौ सोलायबाय। आसामनि सोलोंथाय मन्थ्रि रनज पेगुआ फोरमायनाय बायदियै गुदि आरो गेजेर फरायसालिनि थाखाय फोरोंगिरि रोंगौथि आनजाद (टेट) खौ 31 अक्टबर 2021 खालारखालि खुंनाय जागोन । बिनि सिगां टेटखौ 24 अक्टबराव खुंनायनि बाथ्रा दंमोन। बिथाङा त्वितार नि गेजेरजों फोरमायना होदों। पाब्लिक नतिस आव लिरदों-- गुदि आरो गेजेर फरायसालिनि थाखाय फोरोंगिरि रोंगौथि आनजाद (टेट) खौ 24 अक्टबर 2021 खालार खालि जानो गोनां गुदि आरो गेजेर फरायसालिनि थाखाय फोरोंगिरि रोंगौथि आनजाद (टेट) खौ 31 अक्टबर 2021 आव फिन थि खालामनाय जायो ।
दिनै एनएलएफबि एबा नेशनेल लिबारेशन फ्रन्ट अफ बदलेन्द नि गिबि गायसननाय सान। एनदिएफबि नि मोन 4 बो हानजाया हाथियार गोजोन नि थाखाय हाथियार गथायनानै थामथि गोजोन गोरोबथाखौ खालामदोंमोन। नाथाय थांथि गोरोबथा नि उनाव बो मोनसे हाथियार दैग्रा आफआद एनएलएफबि आ जोनोम जादोंमोन। उनाव बिथांमोना बो गोजोन सावरायनो फैफिनदोंमोन। दिनै कक्राझार नि देजिगनेटेट केम्प आव हारि नि मुंख्लं बिथांमोनखौ मान बावनानै फालिदों। एनएलएफबि नि सोद्रोमाफोरा दिनै गिबि गायसननाय सान आव थै दान होनाय हाबाफारि खुङो। गासैबो सोद्रोमाफोरा नो थै दान होयो।
मैया हादरनि सा 5 जवान फोरा उदखारि नि गुलि आव मुंख्लं जानो गोनां जादोंमोन। जम्मु कास्मिर आव मोनसे अपारेशन आव जादोंमोन जाथाय आ। बेनि फिन साजा महरै बिसोरनि सा 3 उदखारि खौ गावथारनो हादों भारत नि आरमि फोरा। अपारेशन आ सोलिगासिनो। खौरां मोननाय बादिब्ला उदखारि फोरा लस्कर ई ताइबा नि सोद्रोमा मोन। जम्मु नि दिजिपि दिलबाग सिंह आ बुंनाय बादिब्ला मोनसे ईसिंङारि खौरां मोननायाव सपियान आव अपारेशन खौ खालामदोंमोन। बिथाङा बुंदों 24 घन्टा याव बेयो 3 थि गावलायनाय। थैनाय उदखारिफोरनिफअराय गोबां बिबांनि हाथियार आरो बेरफ्रुग्रा मोनदों। सा 3 नि सासे खौ मुखतार साह होनना सिनायदों।
राजधानि दिल्लि आव सासे पाकिस्ताननि उदखारि
हमदों। दिल्लि पुलिस नि जे आव गोग्लैयो माहम्मद आश्रफ उरफे आलि मुं नि सासे उदखारि।
मैया हर आव दिल्लि नि लक्ष्मिनगर निफ्राय दिल्लि पुलिस नि स्पेसियेल सेल आ हमो।
नायबिजिरनाय अफिसार आ बुंनाय बादिब्ला आई एस आई नि बिथोन आव नो उदखारि आ
गाग्लोबनायनि प्लेन खालामगासिनो मोन। उदखारि निफ्राय गोदान हाथियार, एके47 आरो
ग्रेनेड मोनदों। बे उदखारि आ पाकिस्तान नि पान्जाब निफ्राय फैनाय, नेपाल जानानै
भारत आव फैदोंमोन। साननैसो सिगांनिफ्राय गिदिर जाथाय खालामनायनि प्लेन मोन। नंखाय
फोरमान बिलायजों भारत आव थागासिनोमोन। सास्त्रि नगर नि आलि आहमेद नुरि मुं जों
भारत आव थागासिनोमोन। पुलिसफोरा दिल्लि आव उदखारि नि गाग्लोबनायनि सायाव मोनसे गसर
थिसनदोंमोन। बेनि उनाव नो नायबिजिरो।
उदखारि निफ्राय नंखाय फोरमान बिलाय, गंनै मबाइल फन, गंसे एके47 आरो 60
गुलि, लोगोसे भारत नि पासपर्त बो जब्द खालामो।
रायजोआव जिनाहारिनि मोनसे मुगैथाव जाथाय। जाथायनि 13 साननि उनावसो मुगैथाव खामानिया सोरांआव फैयो । सासे आइजोखौ जिनाहारि खालामनाय समावनो दुखु नांथावै रुंसारि जायो आइजोनि 3 दाननि गोल्लै फिसाया। कामरुप जिल्ला सयगाव पुलिस थानानि सिंआव थानाय दिघलबिल गामियाव बे मुगैथाव जाथाया जादों । पुलिसा गोबां संदाननायनि 13 साननि उनाव हाखर जावनानै दिहुनदों गोरल्लै गथ`नि गोथै देहा । दायनिगिरि आ भुपेन राभा मुंनि सुबुङा। सयगाव पुलिस अपिसार कपिल पाथकनि बियो जाफुंसारनाय, गोबाव 13 सान बारलांनायनि उनाव सोरांआव फैयो बै मुगैथाव जिनाहारिनि जाथाया ।जाथाया बख` पुलिस थानानि सिंआवब्लाबो बै मुगैथाव जिनाहारि जाथायखौ सोरांआव लाबोयो सयगाव पुलिस थानानि अपिसार कपिल पातकआ । अनागारि भुपेन राभाया गामिनिनो सासे आइजोखौ न`खराव रावबो गैयैनि खाबु लानानै देहा-बोलोजों जिनाहारि खालामो ।आइजोआ न`आव गावनि थाम दाननि गोल्लैखौ लाबाय थानाय समावनो भुपेन राभाया देहा-बोलोजों जिनाहारि खालामनाय समावनो बिखायाव लानाय गथ`आ बिखानिफ्राय हायाव गोग्लैनायाव गोब्राब दुखुमोनानै रुंसारि जायो ।बे जाथायखौ खालामनायनि उनाव दायनिगिरिया आइजोखौ जाथायनि बागै रावनिबो सिगांआव फोरमायनांआ होननानै बुथारनायनि हुमखि होयो आरो गोल्लैनि गोथै देहाखौ हायाव फबनानै दोनो ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon