दिनै तामुलपुर आरो गसायगांव बियाब जों लोगोसे
रायजो नि मोन 5 बियाब आव उफ्रा बिसायखथि जागोन। 7.96 लाख भाटरफोरा सा 31 बिजाथि नो
भट होगोन। मोन 5 बियाब नि 1176 मिरु आव भोट होनाय जागोन। बेनि थाखाय सा 5410 पुलिं
अफिसार मावथि फोरा खामानि मावगोन। भट मिरु आव टेम्पारेशार सुनाय, मास्क, सेनिताइज
खालामनाय आ गोनांथार। बयनिख्रुय बांसिन तामुलपुर आव 2,17,432 भटार दं, खमसिन थाउरा
बियाब आव 1,15,972 भटार दं। गसायगांव आरो भवानिपुर आव सा 8-8 बिजाथि, तामुलपुर आव
सा 6, थाउरा याव सा 5 आरो मरियनि आव सा 4 बिजाथि दं।
भबानिपुर बिधान सभा बियाबनि बिजेपि
दोलोनि बिजाथि फनिधर तालुकदारा आयेन बेरेखायै भत होगिरि रायजो-राजाफोरनो रां
राननायनि अजद सिखांदों। आसाम प्रदेश कंग्रेश आफादा फनिधर तालुकदारा आयेन बेरेखायै
भतार्सफोरनो रां राननायनि अजद होनानै बिजाथिनिफ्राय बोख्लायनांगौनि दाबि दैखांदों।
आसाम प्रदेश कंग्रेश आफादा शुक्रबाराव आसामनि बिसायख’थि आयगनि गाहाइनिसिम गंसे आरज
लाइ दैथाय हरदों। जेराव आसाम बिधान सभा
उफ्रा बिसायख’थिनि बिजेपिनि बिजाथिया गावनि बियाबनि भत होगिरि रायजो-राजाफोरनो 200/-
रां होनानै भत मोननो हास्थायदों। रायजो-राजाफोरनो रां राननाय भिडिअ
बो फोरमान महरै होनाय जादों। बे जाथाय नि उनाव भबानिपुर बियाबनि बिजेपि दोलोनि बिजाथि फनिधर तालुकदारनि हेंथायै
बिसायख'थि आयगा गसन थिसनदों। आसाम प्रदेश
कंग्रेश आफादा भनिधर तालुकदारा आयेन बेरेखायै भत होगिरि रायजो-राजाफोरनो रां
राननायनि अजद होदोंमोन।
बिजेपि आ होगोन सानफ्रोमबो 26
लिटार गायखेर। कंग्रेश दोलोनि दैदेनगिरि देबब्रत सइकिया आ आसाम बिजेपिनि आफादगिरि
भबेश कलिता आरो बिटिसिनि गाहाइ मावफुंगिरि सोद्रोमा प्रमद बर’नो 4
किलग्रामयै गांसो दैथाय हरदों। आसामनि गिबि मन्थ्रि ड: हिमन्त बिश्व
सर्माया उफ्रा बिसायख’थिनि थाखाय 28 नं गसायगाव बियाब आरो
थावरा बियाबआव रायजोफोरनि सिगाङाव बुंथिना होदोंमोन्दि, बिजेपि
दोलो एबा इउपिपिएल दोलोनो भत होयोब्ला सानसेआव 26 लिटारै
गाइखेर ओंखारगोन होननानै बुंथिदोंमोन। देबब्रत सइकियाआ फोरमायनाय बादिब्ला,
4 किलग्रामयै गांसो दैथायहरनायनि जाहोनानो बेनो। मासे गाइ मोसौआ
सानसेआव 26 लिटार गाइखेर होनो गोनांब्ला गोबां दाना एबा
गांसो जाहोनो गोनां जायो। बेनिखायनो कंग्रेशनि दैदेनगिरि देबब्रत सइकियाआ आसाम
बिजेपिनि आफादगिरि भबेश कलिता आरो इउपिपिएलनि आफादगिरि एबा बिटिसिनि गाहाइ
मावफुंगिरि सोद्रोमा प्रमद बर’नो अनलाइनि गेजेरजों मांगायनानै बिथांमोननो
दैथायहरो।
आसामनि बारग’ चिफ सेक्रेटारी आरो
बिटिआरनि सिमा कमिसननि सियारमेन आइएस पिपि वर्माया थांनाय बावैसो सान सिगां
गोब्राब लोमजाना थांनाय 13 अक्टबराव गुवाहाटी
GMCHआव फाहामथाय लाबाय थानाय समावनो जानायनि उनाव मैया
हर्खाबै रुंसारि जायो । बिथाङा बिटिआर
सुक्ति मावफुंनायाव बाहागो लादोंमोन। बिथाङा 2013 मायथाइ नि 1 जुलाई आव रायजो नि
चिफ सेक्रेतारि जादोंमोन। बिथांनि अबथिरायै रुंसारि जानायाव आसामनि गिबि मन्थ्रि
डः हिमन्त बिस्व सर्माआ गोथौयै दुखु मोन्नाय फोरमायनायजों लोगोसे दुलाराय बर’
फरायसा आफाद सुंदयै एबसुआ गोथौयै दुखु मोन्नाय फोरमायदों। बिथांनि सोर्गोआरि
जीउमाया जाहाथे सोर्गोआव आलो-गोजोन थानो जायगा मोनो बिनि थाखाय ईसोरनाव आरज
गाबदों।
आसाम बिधान सभानि बुंथिगिरि
बिश्वजिद दैमारीया तामुलपुर बिपिएफनि आफादगिरि महेश्वर बसुमतारिनि सायाव मोनसे गसर
होनायनि थाखाय उफ्रा बिसायख’थियाव भत होनायनि सिगांनो मैया महेश्वर बसुमातारीया
तामुलपुर बिपिएफनि मावख’आव मोनसे खौरांगिरि मेल खुङो। खौरांगिरि मेलाव महेश्वरा
बुङोदि बुंथिगिरि बिश्वजिद दैमारिया गाज्रि रोखोमै आंनि सायाव गसर होनायनि थाखाय
आंखौ मैया सानसे पुलिस थानायाव फजनानै दोनो । बे बाथ्रायाव जोंनि मावथिफोरा जेंना
जानो गोनां जादों । जों जेंना जानो गोनां जेबो गैया जों गोसोआव बांसिन बोलो लानानै
गाबोन जोंनि बिजाथि गनेश कचारीनो बिरखंनि सावगारियाव भत होनानै देरहा होनो
ओंखारबोनांगौ । खौरांगिरि जथुमायाव खौरांगिरिफोरनि सोंनायाव ओरैबायदि बुङोदि आं
बुंथिगिरिनि हेंथायै जेबो आयेननि हाबाफारि लाया । दानि सोरखारनि दिनाव आयेन
संबिजिर होननाय जेबो गैया । सोरखारानो गोसो बायदि सालायबाय दं।
फेसबुक आ गावनि मुं खौ सोलायबाय। फेसबुकआ
गावसोरनि फसंथाननि मुंखौ सोलायब्लाबो बिसोरनि एपफोर जेरै फेसबुक,
इनष्टाग्राम, वातसाप एप बायदि मुंफोरा बेनो
थागोन होननानै फसंथाननि फारसेनिफ्राय फोरमायनाय जायो । मेताभारसनि सायाव गोनां
नोजोर लाखिनानै फेसबुकआ बृहस्पुतिबारखालि गावसोरनि फसंथाननि मुंखौ सोलायनानै
(मेता) ‘Meta’ खालामनाय जायो । सुबुंफोरनि गेजेराव थार आरो
धोरोमारि सैथो लाखिनायखौ नोजोर बोनानै फेसबुकआ मोननैसो इयुननि सिमां सुजुना गावनि
फसंथाननि मुंखौ सोलायदों हाननानै मिथिनो मोन्दों ।सिगांनो फेसबुकआ गावसोरनि
फसंथाननि मुंखौ सोलायगोन होननानै फोसावदोंमोनब्लाबो बृहस्पुतिबारखालि मावखआरियै
फसंथाना गावसोरनि मुंखौ सोलायो । फेसबुकआ फैगौ समाव मोनसे समाजारि बिजों महरैल नङा
गुगोल बायदि सिबिथाय होनायनि सायाव नोजोर लाखिदों होननानै सानैसोया बुङो ।
साउथ इण्डिया सावथुननि सुपारस्टार
पुनित राजकुमारा दिनै रुंसारि जालांबाय। सुपारस्टार पुनित राजकुमारा शुक्रबाराव 46
बोसोर बैसो ल आव अबथिरायै रुंसारि जालांबाय। पुनित राजकुमारा हार्ट
एत्तेक जानानै अबथिरायै रुंसारि जायो। जिम खालामनाय समावनो जायो होनना खौरां
मोनदों। लोगो लोगो देहाफाहामसालि आव लांदोंमोन, नाथाय दसे उनाव नो जिउ गोमायो। मखथावनादि,
पुनिता जाथाय जानायनि 9 घन्ता सिगांआवसो
टुइतारनि गेजेरजों टुइत खालामनानै ‘बजरंगी2’ सावथुननि
टिमनिसिम हामलायनाय जासिहरनाय नुनो मोन्दोंमोन। बेराफारसेथिं, थांनाय सेप्तेम्बर दानाव तिभि सिरियेलनि फावखुंगुर सिध्दार्थ शुक्लाया 40
बोसोर बैसोआव हार्ट एत्तेकजोंनो अबथिरायै जिउ गोमादोंमोन।
गुवाहाटी नोगोरमायाव
सानथिं-बाथिंनो सासे आइजोआ जौ फेनानै राजा लामायाव गावनो उन्दुयो। सान्थिं बाथिंनो
आयजोआ जौ लोंनानै गनेशगुरी राजा लामायाव थासारिखौ दुंहाव खालामदों। दुंहाव थासारि खालामनायजों लोगोसे आइजोआ बयजोंबो
नांज्लायनो हमो आरो गुवाहाटी नोगोर पुलिसजोंबो नांज्लायना खमज्लायनो नाजायो।सासे
आयजो पुलिसा थासारिखौ सुग्लायहोनो नाजायो नाथाय जौ फेनाय आयजोआ गले-गले राजा
लामायाव उन्दुनो हमो। उनावहाय आयजो पुलिसा लामा गेजेरनिफ्राय सेराव बोखांना
लानाफैयो।साननि समावनो गुवाहाटी नोगोरमानि गनेशगुरीयाव जौ फेनाय आयजोनि थाखाय
थासारिया गुबुंले जानो हमो।
बयनिबो मोजां मोनजानाय आसामनि
मुंदांखा मोथाइ रोजाबगिरि जुबिन गार्गआ हाइफ्रेसारा हरखा बांनायनि जाहोनाव मैया
आयुरसुन्द्रा देहा फाहामसालियाव थिसननाय जायो । दिनै जुबिन गार्गआ गावनो मोनसे
भिदिअनि गेजेरजों फोरमायनाय बायदिब्ला मैया स्तुदियआव खामानि मावबाय थानाय समावनो
गावनि देहाया हाइफ्रेसारनि थाखाय लोरबां जादोंमोन। लोगोसेनो गावनि देहाखौ दा मोजां
फारसे फैबाय होननानै गाखौ मोजां मोनग्रा गासै रायजो राजाफोरखौनो दुखुखालामनांगौ
गैया होननानै गोजोननाय फोरमायहरो । मिथिनाय बायदिब्ला जुबिन गार्गजों लोगोसे बिसि
गरिमा शयकिया गार्ग, न’खरनि सुबुंफोरजों लोगोसे सानैसो
लोगोफोर आरो हेफाजाब होगिरिफोरा थाफायो ।
नगांव आव ब्लेदमन नि गाग्लोबनाय।
मथर साइखेल आव फैनाय ब्लेद मेन आ सासे आयजो खौ गाज्रियै गाग्लोबो। खोमसि नि सुबिदा
लानानै आयजो नि सायाव गाग्लोबो। हयबरगांव नि सासे आयजो आ थाबायना थांबाय थानाय सम
आव नो बाइक आव फैनाय सानै दुथां आयजो नि गोदना आरो आखायाव ब्लेद जों गाग्लोबो।
उनाव गोदनाय याव गाननाय चेइन आरो आखायनि आसानखौ लाना थाङो। बे जाथायनि उनाव पुलिस
नो एजाहार होदोंब्लाबो दासिम जेबो नागिरना मोनाखै।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon