बिजेपि दोलोआ 15 अक्टबरसिम सम होदों बिजेपि नि दैदेनगिरि ईमानुवेल मुसाहारि नो। आसाम बिधान सभा बियाबनि बारग’ एमएलए इमानुवेल मोसाहारीया बिजेपि दोलोआव थानानैनो 58 नं तामुलपुर बिधान सभा उफ्रा बिसायख’थियाव उदां बिजाथि महरै बिजाथिलाइ गथायदों। बिजेपि दैदेनगिरि इमानुवेल मोसाहारीया तामुलपुर बियाबनिफ्राय उफ्रा बिसायख`थियाव उदां बिजाथि महरै बिजाथिलाय गथायदोंमोन । बिजेपि हानजाया तामुलपुर बियाबखौ इउपिपिएल हानजानो एंगारनानै होदोंमोन ।लोगो हानजानि बिजाथि महरै इउपिपिएल हानजानिफ्राय बिजाथि मोनदों जलेन दैमारिया । बिजाथिलाय गथायनायखौ बोखांना लाफिननायनि जोबथा साननि उनाव हानजाया थांखि लागोन इमानुवेलनि सायाव । उफ्रा बिसायख`थिनि मोनबा बियाबनि मोनथाम मासियाव बिजेपि आरो मोननै मासियाव इउपिपिएल हानजाया बाहागो लादों । गासैबो मासियावनो मोजां फिथाय मोननो हागोन लोगो हानजाया । खौरांगिरिफोरनि सिगांआव बे बायदि बाथ्राखौ बुंथियो आसाम रायजो बिजेपिनि आफादगिरि भबेश कलिताया ।
गोलाघात जिला नि धनसिरि महकुमा नि बरपथार आव गोबां द्राग्स लानायनि थाखाय अबिनाश फुकन मुंनि सासे फरायसा नि जिउ गोमायो। बरपथार नि थागिबि मुकुल फुकन नि फिसाज्ला आरो धनसिरि आईटिआई नि फरायसा मोन। सप्तमि खालि नो जादों जाथाय आ, हरनि 11 बाजि सो आव। सा 5 लोगो फोरजों हर नि 9.30 सो आव द्राग्स लादोंमोन बियो। बेनि उनाव द्राग्स लानाय आ बारा जालांबाय थानायाव 11 बाजि सो आव थैयो। आगोलनिफ्राय नो द्राग्स लाखायोमोन बियो। दायो गोबां दोलो संगठनफोरा द्राग्स जों सोमोन्दो थानाय सुबुंफोरखौ हमनो दाबि खालामदों। खौरां मोननाय बादिब्ला गोबां सुबुंफोरखौ हमबाय पुलिसफोरा।
सोरनिखौ फोथायगोन। बिफाननि अफिसार नि ना बिफाननि मन्थ्रि नि खौ। साननै सिगाङाव एपिदिसिएल आ रायजो आव मोब्लिब नि आंखाल जानो हागौ होनना बुंदोंमोन, मानोना हादराव खैला नि आंखाल आव मोब्लिब दिहुननाय आ खम जादों। दिल्लि आरो पान्जाब आव मोब्लिब नि आंखाल जानाय आ नुजाखाबाय। गोबां जेंना जों मोगा मोगि जानो गोनां जादों। गुबुन रायजो आव जानायखाय आसामावबो आंखाल जानो हागौ होनना सन्दैह खालामदों। मानोना रायजो आ मिरु आरो उदां बाजारनिफ्राय मोब्लिब बायो। नाथाय मैया आसामनि मन्थ्रि बिमल बरा या दुर्गा फुजा याव मोब्लिब नि आंखाल जाया होनना बुंदों। बिथाङा बुंदों मोब्लिब जगायनाय नि 25 जौखोन्दो आ ल सो खैला जों सोनारो। रायजो आव बेनि अनगायैबो निपको निफ्राय उफ्रा 180 मेगावात मोब्लिब, एनटिपिसि बङायगाव नि गोबांसिन सम नि 50 मेगावात बारायनाय, अइल ईन्दिया लिमिटेद निफ्राय एपिजिसिएल नि नामरुप थार्मेल पावार स्तेशन सिम उफ्रा गेस जगायनाय जादों, जायनि थाखाय दायो एपिजिसिएल नि दिहुननाय आ 30 मेगावात बारा जादों होनना बुङो बिथाङा। मखजाथआवदि आसामाव पिक आवार आव 2100 मेगावात नांगौ जायो। आसामाव सानफ्रोमबो 340-370 मेगावात ल दिहुननो हायो। 1700 मेगावात खौ मिरु आरो उदां बाजार निफ्राय बायनो गोनां जायो।
भारतनि बारग’ गाहाइ मन्थ्रि मनमहन सिंहआ हरखाबै मैया मोनाबिलि समाव देहायारि गाज्रि थासारियाव गोग्लैयो।बे समाव बरग’ गाहाइ मन्थ्रि मनमहन सिंहखौ फाहामथाय होनो थाखाय दिल्लीनि एम्सआव थिसननाय जाबाय। मोन्थिनो मोननाय बादिब्ला, एम्सनि डा: नितिश नायक नि टिमा बिथांखौ फाहामथाय होगासिनो आरो नोजोर लाखिगासिनो होनना।बे समाव बिथांनि देहाया हरखाबै मानो गाज्रि थासारियाव गोग्लैदों बेनि सायाव मोन्थिनो मोननाय जायाखै।
बिटिसि बिसायखथि नि सिगां ईमानुवेल मुसाहारि आ बिपिएफ दोलो खौ गारनानै बिजेपि आव थांदोंमोन। बेनि थाखाय नो बिपिएफ नि खहा जादोंमोन, मोननैसो बियाब आव जेननायनि थाखाय सोरखार दानो हायाखैमोन। बियो सासे गाद्दार मानसि, बियो बिजेपि नि टिकेत मोनथावना दैदेनगिरि मोन। नाथाय तामुलपुरखौ लोगो दोलो आ ईउपिपिएल नो हगारना होनायाव टिकेत मोनासै, बेयो बिनि पाप नि साजा होनना बिटिसि नि बारग ईएम गनेस कछारि बिथाङा बुंदों। गनेश कछारि आ तामुलपुर बियाब आव उदां बिजाथि महरै गेलेदों। ईमनुवेल आ बिजेपि आव थांनानै जा सानदोंमोन बियो जाफुङासै। बियो दायो हाग्रामा जों सोमोन्दो लाखिफिननो नागिरदों, नाथाय बेबयदि जेबो खाबु होआखै होनना बो बिथाङा।
बागसा जिल्लानि सिङाव थानाय बरमानि रमान हांखो सोमावसारनानै जेल जानाय, अदालगुरि जिल्लानि सिङाव थानाय नावहेरुवा गेजेर फरायसालिनि आजिरा मोननाय फोरोंगिरि अंगद चौधुरीया दिनै 79 बोसोर बैसोयाव बिथांआ न’आवनो हां हगारो। रुंसारी जानाय समाव बिसि, फिसाजो सानै, बिसाजोला सासे, बिजामादै सासे आरो फिसौजोला सानै बे संसाराव गालाङो।बिथांनि रुंसारी जानायाव बर’ थुनलाइ आफादनि आफादगिरि तरेन बर’, डि बड’नि गाहाइ सुजुगिरि मृदुल बसुमतारी, सुजुगिरि बलेन्द्र बर’, बरमा हिनजावसा गोजौ फरायसालिनि गाहाइ फोरोंगिरि देवबार रामसियारी, बरमा गुदि बर’ थुनलाइ आफादनि आफादगिरि बुद’ राम बर’, लोगो आफादगिरि कुल’ राम ब्रह्म, नेहाथारी ख्रोमसार बसुमतारीमोनजों लोगोसे गोबां दैदेनगिरिफोरा बिथांखौ न’आव थांनानै जोबथा बिदाय हैयो। माख’थावदि बिथांनि जिउ सोलेरखौ मांखरसालियाव गाबोन फुंनि 10 रिंगायाव लांगोन होननानै नखरनि सुबुंफोरा मिथि होदों।
आई पि एल आव मैया कलकाता नाइत रायदार्स आ दिल्लि केपितेल्स खौ फेजेनो, बेयो नैथि कुवालिफार मोन। गाबोन दं फाइनेल आ। दायो कलकाता या चेन्नाई नि बेरेखा गेलेगोन। मैया जानाय गेलेनाय आव गिबि आव दिल्लि आ गिबि बेटिं खालामग्रोनानै 20 अभार आव सा 5 विकेत जों 135 रान बुयो। कलकाता या 19.5 अभार आव सा 7 विकेत जों 136 रान बुनानै देरहायो।
भारत नि क्रिकेट दोलो नि गोदान जार्सि। आईसिसि टि 20 वर्लद काप आ 17 अक्तोबर निफ्राय जागोन। बेनि थाखाय भारत नि क्रिकेत दोलो आ गोदान जार्सि दिहुनदों। भारत आ पाकिस्तान नि बेरेखा गेलेगोन गिबि आव, 24 अक्तोबर आव। बेनि उनाव निउजिलेन्द नि बेरेखा 31 अक्तोबर आव आरो 3 नबेम्बर आव आफगानिस्तान नि बेरेखा। मखजाथावदि बे बादायलायनाय गेलेनाय आ भारत आव नो जानो गोनांमोन, नाथाय कभिद नि थाखाय जायगा खौ सोलायना होनांगौ जायो। दायो अमान आरो ईउ ए ई आव जागोन गेलेनाय आ।
दुर्गा फुजा फालिथायनि थाखाय बे बाराव कलकातायाव फुजा मन्दबफोरखौ जोबोर समायना साजायनाय जादों । बे बाराव कलकातानि मुंदांखा श्रीभुमिनि दुर्गा मन्दबाव दुबायनि मुलुगनि मादावनो जौसिन बुर्ज खालिफानि महर साजायनाय जादों । हरनि समाव बुर्ज खालिफाखौ गोबां नायथाव महर होनो थाखाय गुबुन गुबुन गाबनि लाइटजों लोगोसे लेर्जाट लाइटबो होनाय जादों।नाथाय सम्बारखालि बुर्ज खालिफानि साजायनाय फुजा मन्दबनिफ्राय सोरां जानाय लेर्जाट लाइटनि थाखाय जेंनायाव गोग्लैयो बिरखं सालायग्राफोरा। मखनो गोनांदि, साथाम बिरखं सालायग्राया बुर्ज खालिफा साजायनाय फुजा मन्दबनि लेर्जाट लाइटनि थाखाय जेंना मोनदों होननानै अजद दैखाङो । बिरखं सालायग्राफोरा लेर्जाट लाइटनि थाखाय बिरखं बाहोनाय समाव जेंनानि मोगा मोगि जानो गोनां जादों होननानैबो बुङो । बिरखं सालायग्रा साथामआ अजद होनायनि उनाव फुजा दैदेनग्रा आफादा लेर्जाट लाइटखौ बन्द खालामनायनि थांखि लायो । श्रीभुमि फुजा मन्दबा बिरखं गाथोन सेरावनो दं ।
गुबुनफारसे बांलादेश आव दुर्गा
फुजा नि मुसुखा खौ सिफायदों बे हादर नि मुस्लिम फोरा, मोन 4 मोन 5 सो जाथाय जादों।
बांलादेश नि चित्टागं नि फिरिंगिबाजार आव जादों, जेब्ला मुसुखा खौ सोनाय समाव
जायो, बेमि उनाव कतवालि आ बो जायो। जयपुरहात मुंनि जायगायाव आरो धाका नि
रास्तामपुर आव बो बेबायदि नो एखे जाथाय जादों जेराव मुसुखा खौ सिफायदों, आखाय खौ
दानदों। पुलिसफोरा गोबां सुबुंफोरखौ हमदों होनना खौरां मोनदों।
सा-सानजा रायजोनि मनिपुराव ‘कुकी नेशनेल लिबारेशन आर्मी’ नि उदाङै गुलि गावग्लुंनाय जाथाय। ‘कुकी नेशनेल लिबारेशन आर्मी’ नि उदाङै गुलि गावग्लुंनायाव मंगलबाराव 8 बोसोरनि गथ’साजों लोगोसे सा ब्रै थागिबि सुबुंनि जिउ खहा जानानै थाङो। बे जाथाया मनिपुरनि कांगपकपी जिल्लायाव जानानै थाङो। ‘कुकी नेशनेल लिबारेशन आर्मी’ सुंदयै केएनएलए आरो भारतनि रैखाथि बिफाननि गेजेराव गावलायनाय जुगुमलायनाय जायो। मोन्थिनो मोननाय बादिब्ला, केएनएलए नि सा ब्रै सोद्रोमाफोरखौ रैखाथि बिफाना गावथारनो हायो। मनिपुरनि गिबि मन्थ्रि एन बिरेन सिंह आ बे जाथायनि सायाव सरासनस्रा सुबुंनि जिउ गोमानायखौ लानानै सोंखारिदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon