25 October morning news ~ Bodoinfo.com

आसामाव लकदाउन जाया, बुंदों आसामनि गिबि मन्थ्रि हिमन्त बिस्व शर्मा बिथाङा, गासैखौबो भेकसिन लानो खावलायदों। सनिबारखालि आसामाव गोबाव सम नि उनाव कभिद केस आ 324 सिम मोनहैदोंमोन, बेखायनो गोबाङानो बेखौ सानदोंमोन लकदाउन जागोन नामा होनना, नाथाय आसामनि गिबि मन्थ्रि आ जाया होनना रोखा खालामना होदों।

बारग एनदिएफबि नि दैदेनगिरिफोरनि गेजेराव नांलायनाय जागासिनो थानायखौ नुनो मोनदों। बिटिआर नि ईएम बि आर फेरेंगा (रन्जित बसुमतारी) बिथाङा बिफां खौ गायनाय लोगो लोगो नो फिथाय मोननो लुबैबा जाया, जोंनि मानसि आ धैर्ज्य गैया, एनदिएफबि आ थांना थानायनि राहा खालामनाय खौ मोनखागोन। सोनिबा मुं थालांदोंब्ला बिटिआर सोरखार आ बेनि राहा लागोन होनना बुंदों। बारग एन.डि.एफ.बि फोरनि रिहेबिलितेसननि बाथ्राखौ लानानै जिंगा जानांगौनि बाथ्रा गैया। जेसेबां लिस्थाव दं गासैबो मोनजोबगोन होननानै फोरमायदों EM रनजिद बसुमातारी बिथाङाl लोगोसे बिथाङा सान्जाथिंनिफ्राय हाथाय गैयै मासे सैमा फाग्ला फैनानै दंफैयो गसाइगावन आव, बे हाथाय गैयै सैमाया जायखौनो मोनो बेखौनो अरनो खां खां खां जागासिनो दं होनना बो बुंदों। मैया 28 नं गसाइगावन बियाबनि सिंआव थानाय पकिहागा आदिबासि(सान्थालि) गामियाव इउ पि पि एल नि फोसावदिं मेल खुंनाय जायो। बे मेलआव पकिहागा गामिनिनो सा 41 भत होग्रा सुबुंफोरा बि पि एफ दोलोखौ नेवसिनानै गोदानै इउ पि पि एल हान्जायाव हाबफैयो।

बिटिआर नि लेङाय गाहाय आरो एमएलए गोबिन्द बसुमतारि बिथाङा बुंदों बानस', हारिमु बिथांमोना 2014 मायथाइ आव सो जइन जानायमोन, एनदिफबि आ मा, माब्ला गायसनजादो, मा मावदों, थांखि आ मा, बेसेबां दुखु खस्त जादों जेबो मिथिया, जेब्ला दावहा या गैला, बे समाव सुबिदा मोननो थाखाय सो हाबदों, दावहा खौ नो मोनाखै बिसोर, सानैसो आ दावहा नि समाव गिनानै खारनायनि उनाव हाथियार दोनथनाय समाव फैफिननायानो दायो लिदारगिरि दिन्थिगासिनो। बिसोरहा जबो मोनथाय गैया बे समाव बेबायदि बुंनायनि। जायफोरा दायो दावराव खालामगासिनो दं बिसोर 4 लाख खौ लाखांनायनि उनाव 4 लाख नि थाखाय नाङाखै होनना बुङोब्ला मा जागो, बेफोरखौ बारे बारे बुंबाय थानायनि बाथ्रा फैनाङा, जाय बारग' एनदिएफबिफोरा हारि नि थाखाय नांदोंमोन बिथांमोना जेब बुङाखै, मानोना बिथांमोना 4 लाख नि थाखाय नाङाखैमोन, सानैसो आ सो 4 लाख खौ दिहुनगासिनो, बिसोर नि साननाया हारि नि थाखाय नङा, रां नि थाखाय सो, बेफोर जेंना या सावरायनांगौ नङा, सावरायनांगौ आ ईउनिभारसिति मानो गायसनजायाखै, सिमा मानो थिक जायाखै बेफोरनि सोमोन्दै सो सावरायनांगौ, नाथाय बिसोर रिहेबिलितेशन नि ल' सो बाथ्रा बुङो।

गुबुन फारसे दि हारिमु बिथाङा BTR सुक्तिआ NDFB फोरनि नाजानाय, जुजिनाय आरो मावबोनाय बादि जायाखिसै BTR नि लेङाइ गाहाइ मावफुं सोद्रोमा गबिन्द चन्द्र बसुमतारीआ दाखालि बुंना लानायनि उनाव उदालगुरीआव लाजिनानै थानो उन्दुनो हायैनि थाखाय बिथांङा गसाइगाआव खारनानै थाफैदों बुंदों। गसायगांव आव थांनानै हिन्दु ख्रिस्तियान नि राजखान्थि गेलेदों होनना बुंदों। साननैसो सिगाङाव मानसि थिनहरनानै थिका जासिदोंमोन, थाखा फैसा जासिदों, आंनो नाङा होनना हरफिनदों, बेखौ लाजायिनि थाखायनो थाखा नि लुबिया बुंगासिनो होनना बो बुङो। नाथाय फारसेथिं बारग' एन डि एफ बि नि सोद्रोमाफोरा रिहेबिलितेसन थाखाय सोरखारा जेबो मावाखै होननानै खुद्रिदों। रिहेबिलितेसनखौ लानानै सरजनत्र' गेलेदों आरो बार्ग एन डि एफ बि फोरा बि जे फि आरो इउ पि पि एल नि जाब्लासो मोनगोन । नाथाय बार्ग एन डि एफ बि आ बि जे फि आरो इउ पि पि एल नि थाखाय दावहा नांबोआखै होननानै हारिमु दैमारी बिथाङा खुद्रिदों। एनदिएफबि नि गायसनगिबि आफादगिरि नि केस खौ सिबिआई कोर्त आ सो दायनिगिरि खालामदोंमोन, बेखौ हाय कोर्त आव बिजिरनो नागिरदों, दान 4 सो नि उनाव मोनसे फिथाय मोनगोन। नाथाय बिटिआर सोरखार आ मोनसेबो खामानि मावाखै होनना बुंदों बिथाङा।

दिवालि फैगासिनो, मा समाव फटका, बम फोरखौ गावगोन। आसाम पलुशन कन्ट्रल बोर्ड आ फटका बम बेरहोनायनि सम खौ होदो, मा समाव सावनो हागोन बेनि सम खौ थि खाना होदों। हरनि 8 बाजि निफ्राय 10 बाजि सिम 2 घन्टा समनि थाखाय ल फटका सावनो हागोन। आबहावा गुबुंले नि फारसे नोजोर होनानै नो बे थिरांथा खौ लादों। लोगोसे आबहावा जों गोरोबनाय फटका सो सावनो होदों। थांनाय समफोराव 2 घन्टा नि थाखाय ल सावनो होनाय आव बो आबहावा गाज्रि जानाय आ 10-12 जौखोन्दो बारा जादोंमोन। बेखायनो खावलायदों बिथांमोना, बम फटका गावोब्ला गोबां धुवा ओंखारो, बेखायनो बारा जायो।

सुपारस्तार रजनिकान्त नो दादा साहेब फाल्के बान्था खौ होनाय जागोन। दिनै बिथांनो बे बान्था खौ होनागोन होनना बिथांनि त्वित नि गेजेरजों मिथिना मोनदों। गोदान दिल्लि नि नेशनेल फिल्म एवार्ड आव होगोन। लोगोसे बिथाङा बेयावनो गावनि फिसाजो नि मोनसे एप खौ बो रायजोफोरनि सिगाङाव बुंना होगोन, मुङा hoote, बेयाव भारत नि सुबुंफोरा गावनि साननाय हनायफोरखौ बुंनो हागोन। मिरु नि मन्थ्रि प्रकास जाभरेकर बिथाङा थांनाय एप्रिल दान आव नो फोसावना होदोंमोन बिथांनो बे बान्था खौ होनाय जागोन होनना। बे बान्था या 2019 मायथाइनि।

हादोराव पेट्रल दिजेल नि बेसना बांबोगासिनो दं। बेसना बांनायनि थाखाय गोबां दोलो संगथनफोरा धर्ना बो होदों। बेनि गेजेरावनो कंग्रेस दोलो आ पेट्रल दिजेलनि बेसेन बांनायनि आन्दोलन खालामगोन, दोलो आ 14 नबेम्बर निफ्राय 29 सिम खालामगोन। जेनेरेल सेक्रतारि केसि बेनुगोपाल आ बुंदों पेट्रल दिजेलनि बेरेखा आन्दोलन खालामगोन, 14 निफ्राय 29 नबेम्बर सिम सोलिगोन, बे 15 सान नि गेजेराव सप्ता से हादर नि गुबुन गुबुन जायगायाव लामा याव थाबायगोन। पेट्रल नि बेसेना 100 नि बारा जाबाय। दिजेल आ बो 100 नि नआव थांगासिनो।

मोनसे सोमोनांथाव जाथाय। बिमा या ईउटिउब आव नागिरबाय फिसा खौ बुथारनायनि लामा। बेनि उनाव नो टेंकि आव मोनो फिसा नि गोथै देहा। मध्यप्रदश नि उज्जेइन आ जादों बे जाथाय आ। सास बिमा या गावनि फिसा खौ नो बुथारनायनि अजद। 12 अक्तोबर आव नो जादों जाथाय आ। पुलिसफोरा दान 3 नि जिउ गैयि देहा खौ बोखांनो हादों। बेनि दाय आव बिमा स्वाति भातबेरा खौ हमबाय। जाथायनि बादिब्ला 12 अक्तोबर आव फिसा या गोमाना दंमोन, बेनि उनाव नो नखर नि सुबुंफोरनि सायाव नोजोर होगासिनोमोन पुलिस फोरा, जेब्ला बिमा नि मबाइल खौ मोनो बेयाव नो मिथियो फिसा बुथारनो नागिरनायनि लामा खौ। मा जाहोननि थाखाय बेबायदि खालामदों मिथिनाय जायाखै

मिरु इउ पि पि एल आयजो गांखं आफादनि आफादगिरि बिना गयारीया बुंदों। अननाय होब्लासो अननाय मोनगोन। जोंजों एबा सोरखारजों थाफायाब्ला किन्थु जोंबो गोरिबब्लाबो नायफिननो हानाय नङा। सोरखारखौ अनाब्ला स्कुल कलेज,लामा खालामनांगौखौ माब्रै खालामगोन। हाग्रामाया बि जे फि सोरखारजों गैया बिनिखायनो बि फि एफ-नो भत होनानै लस दाखालाम। कंग्रेस नो भत होयोब्लाबो एरैनो दैयाव थांगारगोन- बिसायख'थिया आरो साननैसोल' थाबावनाय समावनो फोसावदिंनाय मेलाव मित्रज'थनि बिजाथि जिरन बसुमतारीया 28 नं गसाईगाव बियाबाव देरहानाया रोखा जाबाय होननानै फोरमायदों बिना गयारीया

बागसा जिल्लानि सिङाव थानाय गरेश्वराव बागसा जिल्ला आबखारि बिफाना मैया आयेन बेरेखा जौनि हेंथायै संदानदों । गरेश्वरनि मोननैसो ष्टेसनारि गलाफोराव सानफ्रोमबो आयेन बेरेखा रोजा रोजा रांनि जौ फानगासिनो दं । गरेश्वर पुलिसनि सिगांआवनो बे बायदि आयेन बेरेखायै जौ फान्दों । मैया गरेश्वर सोहोराव सान्थिं बाथिंनो केबि स्तर मुंनि ष्टेसनानि गलानिफ्राय आबखारि बिफाना गोबां रांनि जौ बोखांनो होयो । गोबाव समनिफ्रायनो गलायाव आयेन बेरेखा जौनि फालांगिया सोलिबोदों ।

मखनो गोनांदि गलानि सेरावनो पुलिसफोरा नेनानै थायो । नाथाय मानि थाखाय पुलिसफोरा एसेबां समनिफ्रायनो गलायाव जौ फानबोबाय थानायखौ नुनो मोनाखैमोन बे मोनसे साननो गोनां । दिनै बागसा जिल्ला आबखारि बिफाननि देबजित नाथा गरेश्वर ओनसोलनिफ्राय गोबां रांनि आयेन बेरेखा जौ हमनो हायो । फैगौ समाव गाख्रैनो आयेन बेरेखा जौनि हेथायै संदाननाय खालामगोन होननानै बिफानारिया फोरमायो । लोगोसेनो फोरमाय बावोदि जिल्लानि आबखारि बिफानाव मावथिफोरा एसे जानायनि थाखाय जोंना जादों।

रायजोआव उफ्रा बिसायख`थिनि गुदुं बार बारदों । बे समावनो मैया बागसा जिल्ला सालबारिनि सावदुरभितायाव गिबि मन्थ्रि हिमन्त बिश्व सर्मानि बिबुंथि फामे बिबाराव भत होयोब्ला 26 लिटार गायखेर होनो हानाय मोसौ गाय मोनगोन । सोरखारा दानानि खाबुखौ खालामगोन आरो गायखेरनि खरसाखौ फरिधर तालुकदारा रायजोनो होगोन । कंग्रेस-एआइइउदिएफनो भत होयोब्ला गावनि पकेटनिफ्राय दानाखौ होनो नांगोन । थांनाय बिसायख`थियाव गासै आसामावनो 75 मासि मोननो हादोंमोनब्लाबो भबानिपुर बियाबआव हेंथा हानजाया देरहानायनि थाखाय गोजोननाय गैयै जानानै दं । आसाम जातिय परिसदनि लुरिनज्योथि गगैया कंग्रेसनि जानानै बिसायख`थि फोसावजदिंनाय हाबाफारियाव गिबि मन्थ्रिनि फोरमायथि जाय गोहोया गरुकुतिनि थागिबि सुबुंफोरनि हेंथा खालामो, जायफोर सुबुंफोरा आसामनि गोजोननि हेंथायै खामानि मावो बिसोरनि जानानै बिसायख`थि फोसावदिंनो फैनानै जातिय परिसदा फोरमान खालामबायदि बिसोर गोहोनि थाखाय आखाय हमनो हायो ।

बदरुदिन आजमला फामे बिबारनि मोनामनाय मोनो आरो गोजानावबो मोनामनाय मोनो । मुंख्लं खर्गेश्वरा सोलोंथाय लानाय दखिन बिजनी आदर्स बिदापित गोजौ फरायसालिखौ जौगाहोनायनि थाखाय 3 कौटि रांनि दान होगोन होननानै फोसावो गिबि मन्थ्रिआ । बिजेपिनि दैदेनगिरि ध्रुबज्योति दासा दैदेननाय जथुमायाव बाहागो लायो बिजाथि फनिधर तालुकदार, गिबि मन्थ्रिनि राजखान्थि बोसोनगिरि जयन्त मल्ल बरुवा, बिजेपिनि लेङाय आफादगिरि जयन्त दासजों लोगोसे गोबां गोजौ थाखोनि दैदेनगिरिफोरा जथुमायाव बाहागो लायो ।