सानै बर नि जिउ गोमाबाय। दाय आ सोरनि मोन ~ Bodoinfo.com

साननैसो सिगाङाव बर नि गोदान हाथियार दैग्रा आफाद ईउएलबि आ जोनोम जादों होनना भिदिअ नि गेजेरजों फोसावदोंमोन। मैया कक्राझार जिल्लानि भारत भुटान सिमना ओन्सोलनि लुंसुं हाग्रायाव पुलिस आरो इउएलबि हान्जानि गेजेराव गावलायनाय जायो। बे गावलायनाय आव सानै इउएलबि नि जीउ खहा । जिउ खहा जानाय इउएलबि नि सोद्रोमाफोरखौ 23 बोसोर बैसो नि जोंसार मोसाहारी आरो जनक कुमार ब्रह्म होन्ना मिथिनो मोन्नाय जादों। खौरां मोननाय बादिब्ला जिउ गोमानाय सुबुंफोरखौ कक्राझार जिल्लानि पातगाव गामिनि जोंसार मोसाहारी आरो मंग्लझरानि जनक कुमार ब्रह्म होन्ना मिथिनो मोन्नाय जादों। मखनो गोनांदि, जिउ गोमानाय सुबुंजों लोगोसे गं नै पिस्तल, गं 8 हेन्द ग्रेनेद आरो गोबां गोनांथि बिलाइफोरखौ बोखांदों कक्राझार पुलिसा ।

कक्राझार जिल्लानि एदिशनेल एसपि सुरजित सिं पानेस्वरा दिनै मोनसे खौरांगिरि मेलनि गेजेरजों फोरमायनाय बायदिब्ला थांनाय माखासे समनिफ्रायनो कक्राझार जिल्लानि बिसमुरि, झारबारी बायदि ओनसोलनि गुबुन गुबुन फालांगियारी फोरनि फ्राइ गोदान हाथियार लाग्रा हान्जाया रां दाबिदोंमोन। बेबायदि दाबिनायनि अजद मोननानै कक्राझार थाना याव केस रेजिस्तार खालामदोंमोन। बे सानै ईउएलबि नि सोद्रोमाखौबो रां दाबिदों होनना खौरां मोननानै पुलिसफोरा हमनो थियारि जाना दंमोन। उनाव पुलिसफोरा दाबसे जायगायाव थानानै बिसोरखौ थादनो होयो, नाथाय बिसोर पुलिसखौ नुनानै गोसासिनसो सालायना थांनो नाजानायावनो जाब्रथाय जायो, बिसोर खारनो नागिरदोंमोन, नाथाय रायजोफोरनि मदद आव पुलिस आ हमो होनना बो बिथाङा बुङो। बिसोरखौ हमनानै सोंनायाव बिसोर गावखौनो गोदान हाथियार दैग्रा आफादनि होनना बुंना लादोंमोन। बिसोरनिफ्राय मोननाय मबाइल खौ नायनायव गुबुन जिला जों सोमोन्दो थानायखौ मिथियो। बिसोरनि सा 7-8 सो सुबुंफोरनि दोलो आ उल्तापानि रिजार्भ फरेस्त आव केम्प बानायनानै थादों होनना बुंना लायो। उनाव पुलिस नि दोलो आ बे जायगायाव बिसोरखौ लाना थांङो बे जायगाखौ मिथिनो, केम्प नि खाथियाव मोनहैनाय समावनो पुलिसनि फारसे गुलि गावहरो। पुलिसफोरा बो गुलि गावहरो। बे सुबिदा खौ नो लानानै बे सानै सुबुङा बिसोर गावहरनाय फारसे खारो। 30 मिनित सो गावलायनाय आ जोबनायनि उनाव नागिरनायाव सानै जोखोम जानाय सुबुं मोनो, बे हमजानाय सुबुंफोरा नो, लोगो लोगो आरएनबि देहाफाहामसालि आव लाना थाङो, नाथाय देहाफाहामगिरि आ थैबाय होनना फोसावो। जोंसार आ 42 बेटस नि एनदिएफबि नि केदार मोन, आरो जनक आ 43 बेटस नि मोन, सानैबो म्यानमार आव ट्रेइनिं लाना फैनाय। बिथाङा बुंबावनाय बादिब्ला बिसोरखौ हमनायनि उनाव सानसे लाखिदोंमोन, मा मा जायगायाव रां दाबिदोंमोन, सोरनाव रां दाबिदोंमोन बे जायगायाव लाना थाङो। कक्राझार आव सा 7-10 सो दं होनना बुङो, गासैबो गोजाम संगथन नि केदारफोर। मैया नि गावलायनाय केम्पआव माइरं, सिखा, गंनै पिस्टल गर 8 हेन्ड ग्रेनेड, गां 5 खमबल, प्लास्टिक नोगोद 18 रोजा रां बोखांनो हायो होन्ना फोरमायो ।

गुबुनफारसे, बे जाथायखौ नखरनि सोद्रोमाफोरा नंखाय होन्ना अजद दैखांदों आरो जोंसार मुसाहारीआ मोनसे समाव एनडिएफबि एस नि सोद्रोमामोन नाथाय आथिखालाव बिथांआ गोरिबनि थाखायनो हाग्रायाव दंफां दान्नानैसो नखर संसार सामलायोमोन होन्ना रोखा बुंथियो। जोंसार नि बिसि आ बुंनाय बादिब्ला पुलिसफोरा नखरनि सुबुंफोरखौ जाब्रबथाय जानायाव हमना लांजादों। बिसि आ फिसायखौ ईउएलबि जों जेबो सोमोन्दो गैया होनना बुङो, न आव नो थाबाय थायोमोन। गथ सासे बो दं, 15 सान ल जादों गथ आ। गुबुन सासे सुबुङा बुंनाय बादिब्ला थाना याव थांनानै रायलायना बो फैदोंमोन, दिनै हगारनायबो खोथा दंमोन, नाथाय सोमोनांथावै दिनै बेबायदिसो खौरां मोनदों।