गोजोन्थाव खौरां उदालगुरि
जिल्ला नं-1 दिमाकुसिनि गामिनि मुस्रि
फिलिप दैमारि आरो मुस्रिमा गलापमनी दैमारिनि फिसाज्ला मुस्रि पिनुयेल दैमारिया JEE
ADVANCED आनजादखौ उथ्रिसारनो हानाय उनाव दासिम सेथि राउण्डनि
काउनसेलिंआव हिमाचलनि मंडी IIT आव जायगा मोननो हादों। रिसार्सार
नि लामा थिं थांनो गोसो दं होनना बिथाङा बुंदों. गोरिब नखरनि फिसा पिनुयेल नो
बिमाय जों लोगोसे गासैबो नखरनिफोरा नो मदद खालामदोंमोन होनना बुङो।
भुटान आव मानो पेट्रल नि बेसेना
खम, बिजेपि नि आफादगिरि भबेस कलिता नि बादिब्ला भुटान आव पेट्रल दिजेल नि बेसेना खम
जानायनि जाहोन आ राजा नि शासन नि थाखाय। भुटान आ भारत बायदि नङा, माबोरै भुटान आ
सोलियो सोरबा मिथियाब्ला आं मिथिहोगोन। बेखायनो भुटान आव बेसेना खम। मुवा बेसाद नि
बेसेन बांनायनि सोमोन्दै सोंनायाव फिननाय होयो- बाजार आव मुवा बेसाद नि बेसेना
बारा जालांगासिनो, बेखौ मानियो। मुवा बेसाद आ गोबां जायोब्ला नो बेसेना खम जागोन,
थाबैनो थासारि आ मोजां जागोन, आसामाव हिमन्त नि दैदननायाव खम जागोन मुवा बेसाद नि
बेसेना होनना बो बुंदों। गुबुनफारसे आसामनि आबाद बिफाननि मन्थ्रि अतुल बरा या मुवा बेसेन बांनायनि थाखाय टास्क फर्स दानाय जाबाय होनना बुंदों। गाज्रि सुबुंफोरा
रायजो नि बाजारखौ कनट्रल खालामनायनि थाखाय नो बेसेना बांदों होनना बो बुङो, थाबैनो
बेनि जेंना या सुस्रांगोन होनना बुंदों।
रायजो आव फिल्म नि बायदि गंसे गारि
खौ हायजेक खालामनो नागिरनानै रायजोफोरजों हमजादों सानै सेंग्रा। सानावनो हमो
बिसोरखौ, जाथाय आ सिलसर नि कुम्भिरग्राम बिरखं गाथोननि खाथि आव जादों। खौरां
मोननाय बादिब्ला रबिबारखालि बिसोर बिरखं गाथोन आव थांनो होनना गंसे एल्टो गारि
भारा लादोंमोन, सेंग्रा सानै नि मुभा बिक्रमजित आरो बिक्रानजित। नाथाय बिरखं गाथोन
मोनहैनायनि उनाव बो गारि निफ्राय ओंखारनो नागिरासै सासे आ, ओंखारनायनि सोलाय गारि
सालायग्रा खौ हाथियार दिन्थिननानै गारि खौ हायजेक खालामनो नागिरो। जाथायखौ नुनानै
खाथि नि रायजोफोरा फैयो आरो बिसोरखौ हमो। उनाव रायजोफोरा नागिरनायाव गं 4 पिस्तल
जों लोगोसे गुलि आरो गुबुन गोबां हाथियार मोनो। दायो पुलिस नो होबाय होनना खौरां
मोनदों।
लामा नि जाब्रबथाय आव आसामनि सासे
युतुबार नि जिउ गोमाबाय। दरं नि दलगांव आव लामा नि जाब्ब्रबथाय आव जिउ गोमादों सा
5 सुबुंफोर। गंसे त्राक आरो स्विफ्त देजायार नि सौग्रावलायनाय आव सा 3 सेंग्रा,
सासे आयजो आरो सासे उन्दै हिन्जावसा गथ नि जिउ गोमादों। गुबुनफारसे सा 3 गाज्रियै
जोखोम जानायफोरखौ मंगलदै चिभिल देहाफाहामसालि आव लाना थाङो. मिथिना मोननाय
बादिब्ला गासैबो मुसलमान सुबुंफोर जिउ गोमानाय आ। बेनिनो सानिया आखतारा मुंनि जिउ
गोमानाय सासे आ ईउतोबार मोन। रौता याव ईउतोब भिदिअ नि शुतिं नि थाखाय थांदोंमोन।
बेयावनो जायो जाथाय आ। सानिया जों लोगोसे दंमोन, बिमा जों लोगोसे गुबुन सा 3 नि बो
जिउ गोमायो। सुतिं नि थाखाय गंसे गारि आव नो सा 8 थांदोंमोन।
बिस्वनाथ सारिआलि आव बोर्खा गानालासै जिन्स गाननायनि थाखाय ननिफ्राय
नारनानै होखारहरदों. बिस्वनाथ सारिआलि नि सानफ्रोमबो नि बाजारनि खाथि नि 12नं
वार्ड नि सासे सिख्ला या बोर्खा गानि नि थाखाय गाज्रि गाज्रि बुंजानायजों लोगोसे
मेलेमारि खस्ट होनायनि अजद। एखे ओनसोल नि नोनुरुल आमिन मुंनि सुबुङा बेखौ
खालामदों। जाथाय आ थांनाय 25 अक्तोबर नि, नाथाय मैया सो सोराङाव फैदों। बे ल नङा
आगोलावबो बेबायदिनो बोर्खा गानि नि जाथाय आ जादोंमोन होनना अजद। मखजाथावदि
ईलेकत्रनिकस नि फालांगि जों नुरुल आमिन नि नखरा सोमोन्दो दं, गावनि न आव नो मबाइल
एक्सेसरिस न आव लाखिनानै नुरुल आमिन नि फिसाज्ला सानै आ फानो। सिख्ला या मबाइल
हेदफन बायनो थांदोंमोन बे सुबुं नि न आव। नगांव निफ्राय फैनानै बिस्वनाथ चारियालि
आव भारा लाना थानानै फालांगि खालामो। जाथायनि उनाव सिख्ला या गाबै गाबै थाङो।
जाथाय खौ मिथिनायनि उनाव सिख्ला नि बिफा या बेनि फिननाय नागिरनायाव दखानि नि
फिसाज्ला सानै या लामा याव सिख्ला नि बिफा खौ हमथानानै बुयो। बेबायदि खालामनायनि
बिस्वनाथ पुलिस थाना याव एजाहार होनायाव सानै फिसाज्ला खौ हमो।
पुलिस नि
जे आव घोस ब्रादार्स नि बिगोमा प्रतुल घोस। 1 कौटि 10 लाख रां लन लानानै खारखुमाना
दंमोन। लानानै खारखुमानायनि दाय आव हमदों। अजद बायदिब्ला आईदिबिआई बेंक नि
गुवाहाति जिएस रोद नि ब्रान्स निफ्राय 1 कौटि 10 लाख रां लोन लानानै जादोंमोन। बियो
रां खौ आबाद जौगाखां बिथांखि आरो दायरि देभेलपमेन्त नि थाखाय लादोंमोन। नाथाय रां
खौ बायाव बाहायालासै गावनि खामानि आव सो बाहायदोंमोन बियो। लोन लानायखौ सम बादियै
होफिनाखै नि अजद। बियो रां ल जानाय नङा, आगोलावबो नन बेंक फाइनेन्सियेल ईन्सतितिउत
जों सोमोन्दो थानाय केस आव बो मोनसे गसर रेजिस्तार जादोंमोन।
टि-20
वर्ल्द काप आव गाज्रियै जेनबाय भारत आ। नैथि जेननाय भारत नि। मैया निउजिलेन्द नि
बेरेखा 8 विकेत जों जेनो। बेनि सिगां पाकिस्तान नि आखायाव जेनदोंमोन। भारत आ गिबि
आव बेटिं खालामनानै रान बुनो हायाखैमोन, 20 अभार आव 110 रान ल सो बुनो हादोंमोन,
निउजिलेन्द आ सानै ल विकेत थांनायाव 14.3 अभार आव नो नांगौ रान खौ बुनानै देरहायो।
सेमिफाइनेल आव जायगा मोननो थाखाय भारत आ बे गेलेनायखौ देरहानाय आ गोनांथारमोन,
नाथाय देरहानो हायासै। दासिमबो बाहेर जाथआखै भारत आ, नाथाय सेमिफाइनेल मोननायनि
लामा या गोरा थार जागोन, मानोना गुबुननि सायाव सोनारगोन भारत आ मोनगोन मोना या।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon