आसामाव आरो मोनसे गोदान जिला, नाम आ बजालि। बे गोदान जिला जों आसामाव दायो गासै 34 जाबाय जिलाफोरा। थांनाय 10 आगस्त आव नो आसाम केबिनेत आव बेनि गनायथि खौ होदोंमोन। बे जिलायाव बरपेता नि बजालि सिभिल साब दिभिजन नि ओनसोलफोरा हाबगोन, हेदकुवारतार जागोन मदन रावता नगर, पाठसाला या।
बडलेन्द सिंगिं सुपारस्तार(Bodolnd Singing Superstar) Season 1 फैगासिन, 17, 20, 31 जानुवारि आरो 4 फेब्रुवारि खालार खालि अदिशन आ जागोन, गासै आसामनि या नो बाहागो लानो हागोन, अदिशन आ बिटिआर नि मोन 4 जिलाफोराव जागोन। माबाफोर सोंहरनो दंब्ला--- 7002131248, 9957643535
उदालगुरि याव सा 6 तिर नि फांलांगिरि हमदों। हमजानायपोरा गोजाम गरैबारि नि गोपाल दास(45), राम बिलास चौहान(37), महि ब्रह्म(38), कानायलाल चौहान(27) सापखायति नि हेमन्त उपाध्याय(35) आरो पिंकु टपादर(39)। हमनाय गासैबोनिफ्रायनो नोगोद 10700 रां जों लोगोसे मबाइल फन मोनदों। जाथाय नि सायाव उदालगुरि पुलिस थाना याव केस रेजिस्तार खालामनाय जाबाय।
बिटिआर नि गाहाय मावफुंगिरि प्रमद बर बिथाङा नारें खमला फानग्राफोरनो फालांगिरि आयजोफोरनो अनसुंथाय महरै गुबुन गुबुन गाबनि साथा रानना होदों। कक्राझार जिला नि 31 नं राजा लामा सेरनि कारिगांव आव नारें खमला फालांगिरि आयजोपोरनो। बिथाङा बेखौ फेसबुक पेज नि गेजेरजों सेयार खालामदों। साथा याव Welcome to Kokrajhar, City of Peace लिरनाय दं।
आसामसिम सफैबाय करना नि भेकसिन आ, पुने नि सेराम इन्सतितिउत निफ्राय स्पाइसजेत बिरखं जों गुवाहाति सिम लाबोयो गासै 20 बागसु नि भेकसिन खौ, बेनिनो 17 आ आसामनि आरो गंथाम बाकसु आ मेघालया नि। मोनफ्रोमबो बागसु आव 12000 दज दं। फुङाव नो पुने निफ्राय लाबोदोंमोन, मैया बेलासि नि 5 बाजियाव मोनफैयो गुवाहातियाव। गिबियाव बे भेकसिन खौ सावस्रि मावथिफोरनो होग्रोनाय जागोन, 16 जानुवारियाव गासै सा 7400 सुबुंफोरनो होजेनगोन, गासै भारतावनो होनायखौ जागायजेनगोन, गासै भारताव 5 लाख नो होगोन बे सानखालि।
आबादारिफोरनि सोमावसारनाया 48 सान जाबायमोन, 48 सान सोमावसारनाय नि उनाव सो इसेब्लाबो न्याय मोननायबादि जादों, बेबो सोरखार निफ्राय नङा, जौसिन बिजिरसालिनिफ्राय सो। जौसिन बिजिरसालिया आबादारि बिल खौ दोनथनायनि बिथोन होदों, बे आयेनखौ मिरु सोरखारा बाहायनो मोननाय नङा बिजिरसालिया गोदान बिथोन, राय होयैसिम। जौसिन बिजिरसालिया बेनि थाखाय गोदान आफादबो दाना होदों सा 4 सोद्रोमा नि। बे आफाद आ नो आयेननि सायाव नायबिजिरनाय खालामगोन।
जाख्लनाय गैयि समाज दानायनि खामानि मावलांगोन होनना बि टि आर नि ई एम बि आर फेरेंगा बिथाङा बुंदों। सिरां जिला नि बेंतल आव मैया ईउ पि पि एल नि दोलोआव हाबनाय हाबाफारियाव बिथाङा बुंदों, सा 26 बारग एन दि एफ बि नि सोद्रोमाफोरा ईउ पि पि एल आव हाबदों। बिथांमोनखौ आरनाइ आरो गामसा जों बरायो। बिथाङा बुंदों, हाग्रा बिफान आव 142.11 कौटि रां जाख्लनायनि अजद ओंखारदों होनना, जाख्लनायनि सायाव थाबैनो नायबिजिरनानै जाख्लग्राफोरकौ साजा होनाय जागोन होनना बो बुंदों, लोगोसे लायबेलिटि खामानिफोरखौबो मावफुंगोन होना बिथाङा बुंदों। लोगोसे जेरैखिजाया बिटिआर आव हाग्रा बिफाननि जौगाखांनाया सोमखोर महर मोनगोन होनना बुंदों।
थांनाय 8, 9, 10 जानुवारियाव गलाघात आव पेनचाक सिलात चेमपियनशिप जादोंमोन, बेयाव चिरां जिला नि जानानै गासै सा 12 आ बादायहैदोंमोन, बेनि गेजेराव सा 8 आ देरहानो हादों
1) नयनज्योति
ब्रह्म(80 के जि)- सना
2) रनजिता
ब्रह्म(<50 केजि)-
सना
3) मेकेइन्जि
नार्जारिऑ(30)- सना
4) सम्बु
चक्रबर्ति(<30)–
रुफा(सिलभार)
5) भुमिका
नार्जारि(<50)- रुफा
6) क्रिसन
दैमारि(50)- ब्रन्ज
7) खोरोमसार
बसुमतारि(<65)- सिलभार
आरो
Please do not enter any spam link in the comment box. ConversionConversion EmoticonEmoticon