24 जानुवारियाव आसामाव फैगोन मिरु नि नखर मन्थ्रि अमित साह बिथाङा, साननैसो सिगाङाव बो फैदोंमोन। बे खनसे आव बिटिआर सुक्तिनि बोसोरसे जानायनि हाबाफारियाव बाहागो लानो थाखाय फैगोन। बेयाव बिथाङा बि जे पि आरो इउ पि पि एल नि दैदेनगिरिफोजोंबो सावरायलायगोन। लोगोसे बि टि आर आव फैबाय थानायबिसायखथि नि मासि राननायनि सायाव बो सावरायलायगोन। बिथांनि आसामाव फैनाय खौरांखौ आसामनि मन्थ्रि हिमन्त बिस्व शर्मा बिथाङा होदों। 2020 मायथाइनि 27 जानुवारियाव बिटिआर सुक्ति जादोंमोन।
स्कुति नि उनाव दायो फरायसालिमा आरो मुलुगसोलोंसालि नि फरायसाफोरनि थाखाय रां। बे दाननि जोबनायाव फरायसालिमा नि फरायसाफोरनो 1500 रां होगोन आरो मुलुगसोलोंसालिनि फोरनो 2000 रां सोना होगोन। लोगोसे बिथाङा फैबाय थानाय समाव क्लास थानाय सान आव सानफ्रोमबो 100 रां यै होनो गोसो जादों होनना बुङो, थांनाय बोसोराव करना नि थाखाय होनो हायाखैमोन। बिथाङा साहा बागान नि फरायसा फोरनि जेंनाखौ नुनानै गासैनोबो बेखौ होनो गोसो जादों होनना बुङो।
बगामाति लावखार ओंखाम जानाय जायगायाव जाब्रथाय। गोदान बोसोरनि गिबि रबिबार सान। नाव आव दिखांनो हानायनि बारा दिखोनायनि थाखाय नाव आ दैयाव गोदोलाङो। नाव आव हौवा, हिन्जाव, उन्दै गथफोरबो दंमोन। लोगो लोगो नाउ सालायग्राफोरा उन्दै गथफोर, हौवा हिनजावफोरखौ बासायो। बे जाब्रथाय आव गोबां दावबायारिफोरनि मानि बेग, मबिल आऱो बेसेनगोसा मुवाफोर दैयाव गोजावलाङो होनना बुंदों।
उत्तर प्रदेश नि मुरादनगर आव न बायनानै सा 21 नि जिउ गोमादों, अखा हाबाय थानायनि थाखाय ननि उखुम आ बायो। सा 38 खौ बासायो। खौरां बिजोंनिफ्राय मिथिनाय बादिब्ला बे ननि सिङाव सा 25 या अखा हानायनि थाखाय थादोंमोन। उत्तर प्रदेशनि गिबि मन्थ्रि योगि आदित्यनाथ आ थैनायनि नखरनो 2 लाख यै होगोन होनना बुङो। लोगोसे बिथाङा बे जाथायनि सायाव नायबिजिरनो बिथोन होयो आरो दायनिगिरिखौ थाबैनो साजा होनो बिथोन होयो। भारतनि हादरगिरि रामनाथ कोबिन्द, गाहाय मन्थ्रि नरेन्द्र मदि बिथांमोना दुखु मोननाय फोरमायदों।
चिरां आव प्रग्यान भारति स्किम नि स्कुति खौ मैया रानना होयो, बिटिआर नि गाहाय प्रमद बर बिथाङा बे हाबाफारियाव बाहागो लादोंमोन। जिला नि 289 फरायसुलिफोरनि सा 50 नो होनाय जायो। कक्राझार आ बो स्कुति रानना होयो, गासै 279 फरायसुलिफोरा मोनो स्कुति।
उदालगुरि नि टंला कलेज आव बो स्कुति रानदों, गाहाय
आलासि महरै बाहागो लादोंमोन बि टि आर नि लेङाय गाहाय गोबिन्द चन्द्र बसुमतारि
बिथाङा। गासै 423 फरायसुलिफोरा सेथि थाखो आव उथ्रिसार जानो हादोंमोन। दरं आव सा
909 फरायसुलिफोरा स्कुति मोनगोन, मैया सा 5 नो होयो। नगांव आव सा 1909
फराययसुलिफोरा मोनगोन स्कुति, मैया सानैसो नो होग्रोयो, बेयाव मन्थ्रि पियुस
हाजरिका बिथाङा बाहागो लादोंमोन। हजाई आव 630 फरायसुलिफोर, सिबसागर आव 948
फरायसुलिफोरा मोनगोन, मैया आसामनि सोलोंथाय मन्थ्रि बिथाङा सानैसो नो रानना होयो।
रायजोआव फिन खौरांगिरिखौ गाग्लोबनायनि जाथाय, नारायनपुर आव जादों। मारपित नि जाथायनि खौरां लानो थांनाय सुब्रत काकति मुंनि सासे सेंग्रा खौरांगिरिखौ मन बरुवा मुंनि सेंग्रा या गाग्लोबो। बिथाङा दायो पुलिस थानायाव गसर होबाय, मन बरुवा खौ नागिरगासिनो।
भारत नि गाहाय मन्थ्रि खौ बुथारगोन होनना बुंना लाना हमजाबाय दिल्लि नि सासे मानसि या। सासे जौ फेनाय मानसिया दिल्लि पुलिस खौ फन खालामनानै बुथारगोन होनना बुंदोंमोन। दसे उनाव नो त्रेस खालामनानै हमो, हमनाय समाव मानसिया फेदोंमोन होनना बुंदों, 35 बोसोर बैसो नि पिन्तु सिंह, सासे कार्पेन्तार।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon