बिटिआर नि गाहाय प्रमद बर बिथाङा मैय़ा त्वितार नि
गेजेरजों फोसावदों, बारग एन दि एफ बि फोरनि केसफोरखौ गोख्रैयै सुस्रांनो थाखाय
मोन4 स्पेशियेल कोर्त फसंनाय जाबाय। बिथाङा त्वित आव लिरदों, Thank
you AmitShah Ji, Sarbananda Sonowal ji, Hemanta Biswa for setting up 4 special
courts to speedily resolve cases against former NDFBs
बिटिआर नि गाहाय मावफुंगिरि प्रमद बर आरो लेङाय
गाहाय गोबिन्द बसुमतारि बिथांमोना मैया हरखाब दिल्लि याव थांदों। एन दि एफ बि नि
गायसनगिबि आफादगिरि आफादगिरि रन्जन दैमारि आरो बिथआंनि लोगोफोरखौ जोबथेसालिनिफ्राय
उदां खालामनो थाखाय बि टि आर गोरोबथा नि 9.4 दफा बादियै सावरायनो हागौ, साननैसो
सिगाङाव खौरां बिजों नि गेजेरजों प्रमद बर आरो ई एम रन्जित बसुमतारि बिथाङा
जानुवारि नि गिबि सप्तायाव थांगोन होनना बुंदोंमोन। बे सावरायनायाव मिरु नखर
मन्थ्रि अमित साह, आसामनि गिबि मन्थ्रि, सोलोंथाय मन्थ्रि बिथांमोना बो बाहागो
लागोन।
आयजोफोरनि रैखाथि नि थाखाय आसाम पुलिस आ बेखेवगोन
Dial
112, दि जि पि भास्करज्योति महन्त आ फोसावो। आयजो
जेंनायाव गोलैब्ला Dial 112 नि
गेजेरजों जैयगैयैव मोनहैगोन पुलिस। Dial 112
नि थाखाय गिदिर कनट्रल रुम बानायनाय जादों। सा 400 पुलिसनो बिबान होनाय जाबाय Dial 112
नि थाखाय, खामानि नि थाखआय 200 गारि बाहायगोन, गुवाहाति नि थाखाय स्पेशियेल गं 20
गारि। गंफ्रोमबो गारियाव मोनसे मोनसे टेब्लेट थागोन। साननैसो नि गेजेरावनो
बेखेवगोन होनना दि जि पि बिथाङा बुंदों।
आसामनि मेत्रिक आनजाद नि रुतिनखौ दिहुनना होबाय सेबा या। 11 मे निफ्राय जागोन, 1 जुन आव जोबगोन, 11 मे याव ईंराजि आऱो 1 जुन आव इलेकटिभ दं। थिउरि आनजाद आ जानायनि सिगां प्रेकतिकेल आ जाग्रोगोन, 4 आरो 5 मार्च आव जागोन प्रेक्तिकेल आ। आनजाद नि सम आ फुंनि 9 निफ्राय 12 सिम आरो बेलासि नि 1.30 निफ्राय 4.30 सिम. बे बोसोराव 30 जौखोन्दो सिलेबास खौ खम खालामदों। Facebook Page निफ्राय दाउनलद खालामनो हागोन। Page name is Bodo News
बारग एम पि बिस्वजित दैमारि बिथांनि फिसाज्लाखौ मोनफिननाय नि उनाव बिथाङा खौरां बिजों, पुलिस आरो बिथांखौ मोजां मोनग्राफोरखौ साबायखर बावहरदों। मोजां देहाजों फिसाज्लाखौ मोननानै खुसि बिफा या। मैया चिरां जिला नि सापागुरि याव मोनदोंमोन गोमानाय फिसाज्ला अमित राज दैमारि खौ, रियेलिटि पाब्लिक स्कुल आव फरायो। मोननायनि उनाव कक्राझार नि नआव लाबोयो, आसामनि ए दि जि पि जि पि सिंह बिथाङा बो बारग एम पि नि न आव थांनानै खौरां लाहैयो।
बि टि आर नि हाग्रा बिफान नि ई एम रन्जित बसुमतारिनि एस्कोर्त गारिया मैया हरनि 9 बाजि सो आव भबानिपुर आव जाब्रथाय जायो। जाब्रथाय आव ई एम बिथाङा जेबो जायासै(जोखोम जायाखै), नाथाय सासे देहा बेंगिरि जोखोम जादों, बिथांखौ लोगो लोगो बरपेता देहाफाहामसालियाव लांनाय जायो।
जुनारसालि या दाउ नि बेदर बन्ध, बार्ड फ्लु नि थाखाय नो बे थिरांथाखौ लानाय जादों। मिरु सोरखारा गासैबो रायजोखौ बार्ड फ्लु नि थाखाय बेबस्था लानो थाखाय परामर्श होदों, लोगोसे दाउ थैनायनि अनजिमाखौ बो सोरखारनो होनो खावलायदों। गोबां रायजो आव नो दु बेदर बायनाय फाननायखौ बन्द खालामबाय। मानसि नि देहायाव जाहाथे सनदेरा बेनि थाखाय मिरु सोरखारा बेबस्था लानो बिथोन होदों, थासारि नि सायाव नोजोर होनानै दिल्लि याव कनत्रल रुम दानाय जादों।
उरिस्या नि रौरकेला स्तिल प्लान्त नि मोनसे इउनित निफ्राय तक्सिक गेस लिक जानायाव सा 4 नि जिउ गोमायो, आरो सा 6 आ जोखोम जादो(बेराम)। जाथाय आ फुंनि 7.30 आव जादोंमोन। माबोरै लिक जाखो मिथियाखै। पेत्रलियाम आरो नेसारेल गेस आऱो स्तिल मन्थ्रि धरमेन्द्र प्रधान बिथाङा जाथाय नि सायाव दुखु मोननाय फोरमायदों।
सा सानजा भारता 2021 नि मार्च दान आव 3 थि ईन्टारनेशनेल एयारपर्त मोनगोन। आगरतला नि महाराजा बिर बिक्रम एयारपर्त, 438 कौटि रां नि प्रजेक्त मोन, मार्च दान आव जागोन होनना एयारपर्त एथरिति अफ इन्दिया बुंदों। बेयो 1000 दमेस्तिक आरो 200 इन्तारनेशनेल पेसेन्जर खौ सामलायनो हागोन। बेयो 30000 स्कुवेर मितार नि एरिया। बेयाव खनसेयावनो मोन 6 बिरखं पार्क खालामनायनि केपासिति दं, 20 चेक इन काउन्तार, 4 पेसेन्जार बर्दिं ब्रिदज आरो गोबां।
सा 10 गन सुराक्सा पार्ति नि दैदेनगिरिफोरजों लोगोसे उदां बिजाथि या प्रमद बर बिथांनि दैदेननाय इउ पि पि एल दोलो आव हाबदों मैया कक्राझार आव। इउ पि पि एल आव हाबनाय दैदेनगिरि बिथांमोना थांनाय बोसोराव जानाय बिसायखथि याव जि एस पि नि जानानै गेलेदोंमोन। प्रमद बर बिथाङा बुंदों. बिथांमोना इउ पि पि एल आव जाइ जानाया मोजां थिरांथा, बे सम आ बि टि आर नि जौगानाय खामानि मावनाय नि होनना बुङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon