मैया बर फिसा, फुतबल गेलेगिरि हलिचरन नार्जारि बिथाङा आई एस एल आव गलनै(2) होनो हादों। बिथाङा हायदाराबाद एफ सि नि जानानै गेलोयो। 53 आरो 79 मिनित आव गलनै होदों। मैया हायदाराबाद एफ सि आ चेन्नायान एफ सि खौ 4-1 गल जों फेजेनो। हायदाराबदनि जानानै आरो गलनैखौ जयेल चियानिस(50) आरो जवाव भिकतर(74) आ होदों, चेननाई नि जानानै अनिरुध थापा या 67 मिनित आव गलसे होनो हादों। हलिचरन नार्जारि बिथाङा हिर अफ दा मेतस मोनदों।
बाक्सा जिला नि बरमा नि हिमानि बर मुंनि सासे लाइमोन आ आसामनिफ्राय गिबि बडि बिलदार जानो हादों। गिबिसिन आयजो बडि बिलदार जानो हादों। बर होनना सिनायजानाया हारि नि थाखाय गोग्गानाय लाबोनो हादों
जाख्लनायजों सोमोन्दो थानाय सासेबो अफिसार, खामानि मावग्रा, राजखान्थिगिरि खारगनाय नङा होनना बुंदों बि टि आर नि गाहाय प्रमद बर बिथाङा। मैया एबसु जों लोगोसे 38 दोलो संगथनजों बि टि आर ओनसोलाव गोजोन खौसेथि नि आरो जौगासारनायनि सायाव गुवारै सावरायलायो। बेयाव प्रमद बर बिथांजों लोगोसे लेङाय गाहाय गोबिन्द, एम पि नब सरनिया आरो सानैसो ई एम बिथांमोना दंमोन। बे हाबाफारि या कक्राझार सोहोर नि बडफा नोगोराव थानाय बडलेन्द हायुङारि गौथुम नि सेक्रेतारियेत लांगोनायाव जादोंमोन। प्रमद बर बिथाङा हारि माहारि फोरनो समाज जौगाखांनायनि थाखाय खामानि मावलांगोन होनना बुङो।
आगोलनि सोरखार थानाय समाव बि टि सि नि थागिबिफोरा
मोननाय मोनि, लुबैनायफोरखौ बुंना लानो खाबु मोनाखैमोन, बिसोर गिनाय जों नो सान खौ
बारनो गोनां जादोंमोन। नाथाय दायो गासैनोबो मोन्थायखौ होगोन होनना बुङो, लोगोसे
बिटि आऱ नि गासैबो बिफानखौ दिजितेलाइज खालामगोन होनना बो बिथाङा बुंदों।
साख्रि होनाय नि मुङाव रां लानानै गोमाना दं दुलियाजान नि सन्जय बरफुकन मुंनि सासे मानसिया। साथाम सुबुंनिफ्राय लाख रां लादोंमोन, अइल इन्दिया नि साङआव थानाय प्राइभेत कम्पानियाव साख्रि होनाय नि मुङाव रां लादोंमोन। जाख्लनाय बेरेखा दिब्रुगर जिला युव सक्ति आसासम नि आफादगिरि। बियो लक्षज्ययोति सर्गियारनिफ्राय 40 रोजा रां, महेन्द्र फातोवालिनिफ्राय 80 रोजा आरो गजेन्द्र सइकिया निफ्राय 30 रोजा रां लादोंमोन. साख्रि नीगिरनानै बिखौ फन खालामदोंमोनब्लाबो साख्रि मोनासै, गोबां साननि उनाव सन्जय आ चेक होदोंमोनब्लाबो बेयो बाउन्स जायो। उनाव राहा गैयि जानानै मदद बिदों साथाम आ।
सा सानजा भारत नि गिबिसिन खेल इन्दिया स्पर्तस स्कुल, सिलं नि आसाम रायफल पाब्लिक स्कुल आ जानो हादों। मैया मिरु नि मन्थ्रि किरेन रिजिजु बिथाङआ बेखेवो। दासिम हादराव गासै गं 9 फरायसालि आ सायखजादों, बेनिनो गं 5 खौ दिफेन्स आरो पेरामिलितारि फर्स आ सालायो।
फिसाजोखौ सेल्युत खालामदों बिफा या। दि एस पि फिसाजो आ आरो बिफा या सार्कोल इन्सपेक्तर। सानैबो पुलिस। अन्ध्रप्रदेशनि तिरुपति याव जानाय पुलिस मित दे आव हरखाब फिसाजो खौ लोगो मोननानै सेल्यत होयो बिफा या। ससियेल मिदिया याव भाइरेल जादों। बिफा नि मुङआ वाई स्याम सुन्दर आरो फिसाजो नि या येनलुरि जेसि प्रसान्ति।
Please do not enter any spam link in the comment box. ConversionConversion EmoticonEmoticon