एन दि एफ बि नि गासैबो केडारनो भारत सोरखारा 4 लाख रां यै फिक्स दिपजित आव जमा होगोन, लोगोसे आसाम सोरखार आ 2 लाख रां केस होगोन होनना बि टि आर नि लेङाय गाहाय गोबिन्द बसुमतारि बिथाङा बुंदों। लोगोसे बर नि सोमावसारनायाव मुंख्लं जानाय नखरनो 5 लाख रां होनाय जागोन होनना बुंदों। एन दि एफ बि केडारफोरखौ जेल निफ्राय उदां खालामनायनि सोमोन्दै बो सावरायलायदों होनना बिथाङआ बुंदों। कोर्त जों 7 बोसोरनि खम जेल नि बिथोन होजानायफोरा लोगो लोगो उदां जागोन, जेबो खामानि थानाय नङा, 7 बोसोरनि बारा खौ आयेन बादियै मोनसे थिरांथा लागोन। बि टि आर सोरखारा लिगेल सेल दानानै सुस्रांनो थाखाय रायजो सोरखारा बिथोन होदों होनना बुंदों। भुतान आव बो हमजानाय दं होनना बुंदों, बिथांमोनखौ मिरु नखर बिफान आ थिरांथा लागोन होनना बुंदों।
आसाम सोरखारा गुबुन रायजोनिफ्राय ब्रयलार लाबोनाय आरो फाननायखौ बन्ध खालामथबाय। बे थिरांथा खौ बार्ड फ्लु नि थाखाय लानाय जादों। नाथाय रायजोआवनो बानायनायखौ बन्ध खालामाखै। दासिम भारताव रोजा रोजा दाउ फोर थैबाय थांनाय दिसेम्बर दान निफ्राय, बेफोरखौ नोजोर होनानै नो जुनारसालियाव बो दाउ बेदरखौ बन्ध खालामदोंमोन।
आसाम सोरखार आ ग्रेड 4 आव खामानि मावनाय गासैबो हौवासा आरो हिनजावसा खामानि मावग्राफोरनो Khadi shirt, endi shawl & endi stole होनाय जागोन, बेखौ होनाय नि गिबि खोन्दो आ जानुवारिनिफ्राय जागोन होनना बुंदों। बे थिरांथा खौ भारतनि गाहाय मन्थ्रि नि आत्म निर्भर आरो रायजो सोरखार नि गावनो गसंनायनि खामानिनि खौ लानानै लानाय जादों।
जि एस पि नि आरो सासे दैदेनगिरि या इउ पि पि एल दोलो आव हाबबाय, 24 नं मुसलपुर बियाब नि बिजाथि महरै गेलेनाय खनिन देका। साननैसो सिगाङाव सा 10 जि एस पि नि बिजाथि आरो सासे उदां बिजाथिया हाबदोंमोन।
मैया आई एस एल आव हायदाराबाद एफ सि या नर्थ इस्त खौ 4-2 गल आव फेजेनो। बर फिसा हलिचरन आ हायदाराबाद नि जाना गेलेयो। हायदाराबादनि जानानै आरिदेन सान्ताना(3), जयेलल सियानिस(36) आरो लिस्तन कलाका (85, 90) आव गल होदों। नर्थ ईस्त नि जानानै बेन्जामिन लामबत(45) आरो फेदेरिक गेल्लेग(45+2), हायदाराबाद आ 3 थि मासियाव दं गासै 15 पइन्त्स जों।
Please do not enter any spam link in the comment box. ConversionConversion EmoticonEmoticon