27 जानुवारि 2021 खालि बिटिआर गोरोबथा या बोसोर से जागोन, बे सानखालि बिटिआर नि गासैबो जिला नि सोरखारि, सोरखारि नङि अफिस, फरायसालिफोर गासैबो बन्ध थागोन होनना बुंदों। बेखौ बिटिआर नि प्रिन्सिपाल सेक्रेतारि बिथाङा लाइजाम नि गेजेरजों बुंदों।
1 फेब्रुवारिनिफ्राय आसाम पुलिस नि एस आई नि फिजिकेल टेष्ट आ जागोन। गासै 597 मासि दं। काहिलिपारा नि आसाम पुलिस पेरेड ग्राउन्द आव जागोन। बेबायदिनो कन्सतेबल ए बि आरो ईउ बि नि या बो फेब्रुवारिनिफ्राय नो जागोन(गेजेर) होनना बुंदों। गासैनाबो जाफिनगोन ना जाफिना बेनि सोमोन्दै जेबो मिथिया
भारतनि बयनिख्रुय गिदिरसिन मथर साइखेल बानायनाय कम्पानि हिर मतकर्प आ मैया गासै 100 मिलियन(10 कौटि) बानायबाय होनना बुंदों थांनाय 1984 मायथाइनिफ्राय। लोगोसे बिथांमोना फैबाय थानाय समाव 5 बोसोरनि थाखाय बोसोराव गं 10 गोदान प्रदाक्त दिहुनगोन होनना बुंदों। 19 जानुवारि 1984 मायथायनिफ्राय जागायदोंमोन, 1 मिलियनखौ 1994 आव खालामनो हादोंमोन, 50 मिलियन खौ 2013 आव, 75 मिलियनखौ 2017 आव खालामनो हादोंमोन। 7 बोसोरावनो 50 निफ्राय 100 सिम मोनहैदों।
बिटिआर आव गामि सोनाय आरो दाननायनि थाखाय 25 जानुवारिनि गेजेरावनो एप्लाई खालामनो नांगोन, बरमा आन्सलिक बर फरायसा आफादनि 36 थि बोसोरारि जथुम आव मिरु एबसु नि लेङाय आफादगिरि जयन्ट बसुमतारि बिथाङा बुंदों, बिथाङा दाना होनाय कमिटि नि बो मेम्बार। बिथाङा बुंदों, ट्राइबेल बेल्ट नि सिंनि गामिपोरखौ दाननो हाया होनना।
आई पि एल नायो ना, बे बोसोरनि आई पि एल आव श्रिलंका नि क्रिकेतार लासिथ मालिंगाखौ गेलेनाय नुनो मोननाय नङा, बिथाङा फ्रेन्साइज क्रिकेत निफ्राय बो आजिरा लाबाय, बिथाङा मुम्बाई इन्दियानस नि जानानै गेलेयोमोन। मुम्बाई नि सा 18 लाखिफिननाय नि फारिलाय आ गावखौ लाखिफिननो नाङा होनना लाइजाम हरो। बिथाङा 12 बोसोर मुम्बाई नि जानानै गेलेदोंमोन।
नेपाल नो भारत आ 1 मिलियन कोभिद भेक्सिन हरदं, बेनि थाखाय नेपालनि गाहाय मन्थ्रि या भारत नि गाहाय मन्थ्रि जों लगोसे भारत सोरखार आरो भारतनि सुबुंफोर खौ साबायखर बावहरदों। 2020 आव चिन जों लोगो नांनानै भारतनि बेरेखा जादोंमोन नेपाल आ। नेपाल नि बादिनो बांलादेशनो बो भेक्सिनखौ हरदों, गासै 2 मिलियन हरदों बांलादेश नो, दासिम बांलादेश आव 5,29,687 केस मोनदों। मालद्विप नो बो भारत आ 1 लाख दस हरदों
आमेरिका नि हादरगिरि महरै समायखिरा लाबाय ज बाइदेन आ, 46 थि आमेरिका नि हादरगिरि, बेबायदिनो लेङाय हादरगिरि नि समायखिरा लाबाय कमला हेरिस बिथाङा, 49 थि लेङाय। ज बाइदेन बिथाङा समायखिरा लानायनि सानसे उनाव नो मुस्लिम दावबायनाय बेन खालामनायखौ बोखारो, त्राम्प बिथाङा गावनि हादराव बेन खालामदोंमोन मुस्लिम हाबनायखौ, लोगोसे पेरिस क्लाइमेत एकर्ड आव बो जइन जायो। ह्वाइत हाउस खौ गारनांगौ जाबाय दनाल्द त्राम्प आ, बिसायखथियाव जेननाय नि उनाव बो गावनि जेननाय खौ मानियाखैमोन बिथाङा, नाथाय 6 जानुवारियाव हिंसायारि जाथायनि उनाव मानिना लायो। बिथाङा हादरगिरि महरै बिदाय नि सानखालि 140 नि बारा जेल आव थानायखौ निमाहा होनानै हगारना होयो।
बिधान सभा याव जुजिनो थाखाय थियारि ईउ पि पि एल आ, बुंदो बिटिआर नि गाहाय प्रमद बर बिथाङा। आसामनि 20 नि बारा बियाब आव गेलेगोन होनना बुंदों, बिथाङा बेखौ गेलेनाय महरै लायाखै, बिबान महरै लागोन होनना बुंदों, जाख्लनायफोरनिफ्राय उदां खालामनो।
थांनाय बोसोर आव गालवान आव मुंख्लं जानाय सा 20 जवानफोरनि मुं खौ नेशनेल वार मेमरियेल आव लिरनाय जाबाय। इन्दियान आरमि आ बुंनाय बादिब्ला मुंख्लं जानायनि मुंखौ खनसे लिरोमोन, नाथाय दायो गोदान नाम सोनाय खौ बारायसिगोन होनना बुङो। गालवान नि जाथाय आ 15 जुन आव जादोंमोन। कलनेल बाबु नि दैदेननाय भारतनि आरमिफोरा चिन नि आरमि जों नांदोंमोन।
चिन आ भारतनि हा याव गामि बानायबाय, 101 सो न थानाय, बेखौ चिन नि मन्थ्रि या गावनि हा याव बानायनाया साधारन होनना बुंदों।
कभिसिल्द बानायनाय सेराम इन्सतितिउत आव अर नांदों, सा 5 नि जु गोमायो, सा 9 खौ बासायनो हायो। महारास्ट्र नि पुने नि सेराम इन्सतितिउत नि टार्मिनेल 1 नं गेत नि सिंनि सेइज 3 न नि 4 थि आरो 5 थि महल आव अर नाङो। बेयावनो भेक्सिन बानायो, नाथाय अर आ भेक्सिन नि बाहागो आव खामाखै। लोगो लोगो गं 10 अर खोमोरग्रा गारि या जाथाय जानाय जायगायाव थाङो। अर नांनायनि जाहोनखौ सर्त सार्कित नि थाखाय नो जानो हागौ होनना बुंदों।
23 जानुवारियाव जेरेङा फोथार आव भारतनि गाहाय मन्थ्रि बिथाङा फैगोन, 1.06 लाख नखरनो हा नि पत्ता होगोन, बेनि थाखाय दायो सान हर खामानि मावगासिनो दं। बेनि सिगां 2016-18 मायथाइ आव 1 लाख 28 रोजा नो होदोंमोन, 2020 आव 1 लाख नो होदोंमोन, सोनोवाल सोरखार नि दिन आव 3 लाख 35 रोजा नखर आ मोननाय जागोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon