3 January morning news. ~ Bodoinfo.com

20 फेब्रुवारि नि गेजेराव बि टि आर नि आयजोफोरा 1660 रां मोनगोन(830+830)। अरुनुदय स्किम नि गेजेरजों मोनगोन। खनसेयावनो दाननै नि सोना होगोन। बेखौ बुंदों आसामनि मन्थ्रि हिमन्त बिस्व शर्मा बिथाङा। बिसायखथि नि नेमखान्थि नि थाखाय होनो हायाखैमोन रां खौ। दायो दि सि बिथांमोनखौ बेनि सायखनाय खामानिखौ मावनो थाखाय बिथोन होबाय होनना बुङो। मैया बाक्सा याव स्कुति राननाय हाबाफारियाव बुंदों।

फरायसुलिफोरा मोनगोन फ्रि द्राइभिंलाइसेन्स, स्कुति मोननाय फरायसुलिफोरा लाइसेन्स नि मुङाव थायसे बो रां खरसा खालामनाङा। फैगो बोसोरावबो स्कुति होगोन होनना बुंदों(1 लाख आ गिबि दिभिजन आव पास खालामोब्लाबो होगोन होनना बुङो बिथाङा), लोगोसे हौवासाफोरनि थाखायबो माबा मोनसे होनायनि इंगित होदों मन्थ्रि बिथाङा। बिथाङा सानगोन होनना बुंदों(मा होगोन बेखौ बुङाखै)। बिथाङा स्कुतिखौ फाननो नाङा, लाइलेन्स गैयालासै रावबो सालायनो नाङा आरो हेलमेत लायालासै थांनो नाङा।

फरायसाफोरा फरायनायनो थाखाय खरसा खालामनांगौनि गोनांथि गैया, मुं थिसननाय ल नङा, फरायसाफोरनो बिजाब बो होगोन। कलेज आव मुं थिसननाय आ फ्रि जानायनि थाखाय 4 लाख 80 रोजा या मुं थिसनदों। थांनाय बोसोराव हायार सेकन्दारिसिम फ्रि बिजाब होदोंमोन। कलेज नि थाखाय बेंक एकाउन्त लादों, रां सोना होनो थाखाय।दानिया थाखो 1 निफ्राय इउनिभारसिति सिम फ्रि मोनगोन मुं थिसननायजों लोगोसे फ्रि बिजाब।

2021 मायथाइनि मेत्रिक आरो हायार सेकन्दारि आनजाद आ 30 जौखोन्दो खम सिलेबास जो नो जागोन होनना मन्थ्रि हिमन्त बिस्व बिथाङा बुंदों। नाथाय बिगियान बिफाननि फरायसाफोरखौ मोजांयै नायनो होदों, मानो होनोब्ला मेदिकेल, इन्जिनियारिं नि सिलेबासखौ खमायनो हाया होनना बिथाङा बुंदों(सोरबा मेदिकेल, इन्जिनियारिं फरायगोन होनना सानदोंब्ला)। मेत्रिक आ 11 मे आरो हायार सेकन्दारि या 12 मे निफ्राय जागोन, मेत्रिक आरो हायार सेकन्दारि नि फिथायखौ फारियै 7 आरो 30 जुलाई आव होगोन।

कक्राझार जिला नि गसाइगांव नि रानिपुर नि थागिबि सरन नार्जारि बिथाङा 2018 मायथाइ नि ए पि एस सि आनजाद खौ उथ्रिसार जानो हादों, 47 रेंक मोनदों। बिथाङा गावनो बुंना लादों, मेत्रिक आनजाद आव 3 दिभिजन मोनदों, हायार सेकन्दारि याव फेल जादों, बेनि उनाव पास जानानै इकनमिकस आव मेजर लानानै दिग्रिखौ पास खालामो, मास्तार दिग्रि खौ पन्दिसेरियाव खालामो, बिथाङा बुंबावदों सिभिल सारभिस आ मा बेखौ मिथियाखैमोन होननानै, पन्दिसेरि याव थांनायनि उनाव गुबुन गुबुन रायजो नि लोगो मोननायनि उनाव सो बेनि सोमोन्दै मिथियो होनना बुङो। बिथांनि बिफा नि मुङा फुलेश्वर नार्जारि आरो बिमा नि मुङा बिस्वरि नार्जारि।

दानिया कामाख्या याव हाबनो थाखाय कभिद रिपर्त नि गोनांथि गैया, आगोलाव कभिद नि रिपर्त नांगौ जायोमोन। नाथाय कभिद रिपर्त नाङाब्लाबो मास्क लानाय आरो ससियेल दिस्तेन्स खौ मानिनो नांगोन।

एबसु नि बान्जायनायाव मैया रुंसारि कनकेस्वर नार्जारि नि 78थि जोनोम सान फालिनाय जायो, कक्राझार नि रामफलबिल नि सेरफांगुरि गोजौ फरायसालियाव। कनकेस्वर नार्जारि बिथाङा बर फरायसा आफादनि गायसनगिबि गाहाय नेहाथारि आरो मोनसे सम नि बि ए सि नि गाहाय खुंगिरिमोन। बिथांखौ गोसोखांनानै बिथांनि जोनोम सानखौ मोनसे मेहेरगोनां हाबाफारिजों खुङो।

जम्मु कास्मिर आव उदखारिफोरा ग्रेनेड जों गाग्लोबदों। रैखाथि हानजा नि फारसे नायनानै ग्रेनेड खुबैहरदोंमोन। सा 11 सरासनस्रा सुबुङा जोखोम जादों, बेनिनो सा 7 आ ग्रेनेड जों आरो सा 4 आ ग्रेनेड बेरफ्रुनाय नि उनाव गिनानै खारनायाव। रैखाथि हानजा नि जेबो खहा जायाखै। रेखाथि हानजाखौ नायनानै ग्रेनेडखौ गारहरदोंमोनब्लाबो नाङासै रैखाथि हानजा नियाव, खाथि नि बाजाराव गोलैनानै बेरफ्रुयो जायनि थाखाय सरासनस्रा सुबुङा जखम जानो गोनां जायो।

2021मायथाइनि बिसायखथि याव बिजेपि आरो इउ पि पि एल आ लोगो जागोन, मैया कक्राझार नि बडफा नोगोराव बिजेपि दोलो नि मोनसे हाबाफारियाव बिजेपि नि आफादगिरि रन्जित दास बिथाङा बुंदों। बि पि एफ जों लोगो जाया होनना बुंदों बिथाङा, बे हाबाफारियाव बिटिआरनि गाहाय प्रमद बर, लेङाय गाहाय गोबिन्द बसुमतारि, बारग एम पि बिस्वजित दैमारि बिथाङा बो दंमोन। लोगो जानानै बिटिआर नो गासै मोन 12 बियाब आव नो गेलेगोन होनना बुङो।

मन्थ्रि हिमन्त बिस्व शर्मा बिथाङा बोसोरफ्रोमबो बिटिआर नो 600 कौटि होगोन होनना बुङो। लोगोसे फेब्रुवारि दान नि गिबि सप्तायाव 15 रोजा फोरोंगिरिफोरनि साख्रिखौ सोरखारि खालामनायनि सोमोन्दै सानगासिनो होनना बुंदों।

बि सि सि आई नि चेयारमेन सौरभ गांगुलि बिथांनि देहाया मैया हरखाब गाज्रि जायो, हार्त नि बेरामनि थाखाय देहाफाहामसालियाव लांनांगौ जायो,कलकाता नि बुन्दलेन्द देहाफाहामसालि। दायो मोजां अबस्था याव फैफिनबाय होनना खौरां मोनदों