राज्यसभा नि बारग एम पि बिस्वजित दैमारि बिथां नि 16 बोसोर बैसो नि फिसाज्ला अमित राज दैमारि या गोमाना दं। कक्राझार नि रियेलिति पाब्लिक स्कुल नि थाखो 10 आव फरायो, बे फरायसालि नि नो हस्तेल आव थानानै फरायो। दासिमबो मिथियाखै गाव हारसिंनो बाहाबा थांदों ना सोरबा सिखाव खालामदों। मैया बेलासि नि 1-3 बाजि सो निफ्राय गोमाना दं होनना सन्देह खालामदों, जोबथा क्लास खौ लायाखैमोन। पुलिस फोरा नायबिजिरगासिनो। बिस्वजित दैमारि बिथाङा बि जे पि नि दैदेनगिरि, बि पि एफ निफ्राय थांदोंमोन।
आसामनि गिबि मन्थ्रि सर्बानन्द सोनोवाल बिथाङा मैया माजुलि याव स्कुति राननाय हाबाफारियाव फरायसुलिफोरनि बायदि नो फरायसुलाफोरनो बो फैबाय थानाय समाव होगोन होनना बुंदों, हौवासा फोरनि थाखाय एखे स्किम खौ लाबोगोन। फरायसाफोरा जाहाथे सोलोंथाय लानायाव जाहाथे जेबो जेंना नुजाथिया बेनि थाखाय बि जे पि सोरखारा 2016 मायथाइनिफ्राय खामानि मावबोगासिने, फ्रि मुं थिसननाय, बिजाब, इउनिफर्म लोगोसे हस्तेल नि फिस बायदिखौ बो होदों। बिथाङा बुंबावदों रायजोफोरनि जारिमान आव, रावनिबो सोरखारा नो बेबायदि खालामनो हायाखैमोन। मैया बिथाङा सा 121 फरायसुलिफोरनो होयो।
बाक्सा नि सालबारियाव हरखाब नुजाथिहैदों बि टि आर नि हाग्रा बिफाननि ई एम रन्जित बसुमतारि बिथाङा। बाक्सा जिला नि कालपानि, गोबर्धनायाव हाग्रा बिफाननि नायबिजिरना दैमानिफ्राय अन्थाय, बाला लांनाय गारिफोरखौ हमदों। लोगोसे हाग्रा दानस्रांनाय, क्रेसार मिल बायदि आयेन नि बेरेखा खामानिखौ बन्ध खालामनो बिथोन होयो। बिथाङा आयेन बेरेखा खामानि जों सोमोन्दो थानाय रावबो बारगनाय नङा होनना बुङो, लोगोसे हाग्रा रैखाथि नि थाखाय खामानि मावलांगोन होनना बो बुङो।
बे बोसोराव मेत्रिक आनजाद खौ 4,39,303 फरायसाफोरा होगोन, थांनाय बोसोराव 3,59,444 फरायसाफोरा होदोंमोन। सेबा नि कनत्रलार अफ एग्जामनिशन नयन ज्येति शर्मा बिथाङा गिबि खेब 4 लाख फरायसाफोरा आनजाद आव जगोन होनना बुंदों। बोर्द आ 874 सिम चेन्तर बानायगोन होनना बुंदों आरो फरायसा नि हाजिर जानायखौ अनलाइन रेकर्ड खालामगोन होनना बो बुंदों। लोगोसे सेबा या गासै 39 इभालुयेशन चेन्टार बो बानायगोन होनना बुंदों, मोनसे चेन्टार आव सा 4 कम्पिउतार एक्सपार्त थागोन। मेत्रिक आनजाद आ 11 मे आरो हायार सेकन्दारि आनजाद आ 12 मे निफ्राय जागोन होनना आसामनि सोलोंथाय मन्थ्रि हिमन्त बिस्व बिथाङा बुंदोंमोन।
सुबुंखान्थि साननि हाबाफारियाव फैनाय नङा ब्रितेइन नि गाहाय मन्थ्रि बरिस जनसन आ, ब्रितेइन आव करना बारा जानायनि थाखाय लकदाउन फोसावबाय, फेब्रुवारि नि गेजेर सम सिम थागोन होनना बुंदों, बेनि थाखायनो मोनसे सोंनाय, भारत आ फैनो हागोन ना। बेनि फिननायखौ बिथाङा मैया फुङाव भारत नि गाहाय मन्थ्रि जों रायलायनानै होयो।
कक्राझार नि गसाइगांव नि कसगांव आव अर नांनानै सानै उन्दै गथ नि जिउ गोमायो। 4 बोसोर नि आर्चिना किस्कु आरो 5 बोसोर बैसो नि मनिराम हेम्ब्रम। गेलेबाय थानाय समाव नो जमा खालामना दोननाय फाथो नि बजा याव अर नांनायाव जिउ गोमायो। माबोरै अर नांखो मिथियाखै, पुलिस आ जायगायाव थांनानै नायबिजिरगासिनो। आसामनि गिबि मन्थ्रि बे जाथाय नि सायाव दुखु मोननाय फोरमायदों।
2021 यथाइनि 29 जानुवारिनिफ्राय बाजेत सेशन जागायगोन, 1 फेब्रुवारियाव जेनेरेल बाजेट खौ होनाय जागोन। बे बोसोराव मोननै बाहागो आव खालामनाय जागोन, गिबि या 29 जानुवारिनिफ्राय 15 फेब्रुवारिसिम आरो नैथि या 8 मार्च निफ्राय 8 एप्रिल सिम। गासैबो कभिद नि नेमखौ मानिनानागोन, 4 घन्ता ल जागोन हाउस आ।
मिरु नि साख्रि आवला आरो पेन्सनार फोरनि थाखाय मोजां खौरां। DA(Dearness Allowance) जानुवारि दान निफ्राय 4 जौखोन्दो सिम बारायगोन। 21 जौखोन्दो जासिगोन(17 मोन आगोलाव)। मिरु नि गासै 48.34 लाख साख्रि आवला आरो 65.26 लाख पेन्सनारफोरनि मुलाम्फा जागोन। बेनि थाखाय सोरखार आ 14,595 कौटि बाहायगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon